DU PLAIT RENART DE DAMMARTIN

Qui puisse desor vous amender ne froucbier :

C'est tout par vostre crolle et par vostre hochier.

— Onques por mon croller n'éustes greignor paine ; Encore avez bon dos, eschine entière et saine,

Et si vous faz sainier en chascune quinsaine, Mes c'est droite foiblèce qui ainsi vous démaine.

— Sire, c'est par voz coupes certes que foibles sui, Quar je ne goust d'avaine se n'estes à autrui ,

N' onques mon escient en vostre ostel ne gui , Qu'eusse jor et nuit de vèce c'un seul glui.

— Sui- je en vo dangier, orguillex plains de boce? Ce est redoterie qui ainsi vous déhoche,

Et les jambes devant vous ploient comme croche, Ne gart l'eure que chiens facent de vous lor noce.

— Sire, vous n'amez pas, ce m'est avis, mon vivre, Qui à chiens par parole si fetement me livre;

Mes ainz que mi costé soient de char délivre, Serez-vous mainte foiz, je croi, tenuz por yvre.

— Vairon, ce croi-je bien. Que vous a-il cousté?

— Sire, tant que g'i ai durement escoté.

Tel foiz avez béu que je n'en ai gousté :

Après si s'en se n toi en t durement mi costé.

— Vairon , vous ne vivez fors por moi domagîer, Quar onques ne vous poi ne vendre n'engagier; 11 n'est nus qui vous voit ces jambes souglacfer, Qui puis vous achatast, s'en dévoie enragier.