COMME NT MUES DE BLAI
qu'une grand partie du camp de monsieur l'Admirai estoit arrivé en Medoe à pied et à cheval, et que deux compagnies de gens de pied qu'il y tenoitavoient esté contrainctes d'abandonner le passage et se sauver la nuict. Monsieur ne se hasta pas trop de le croire , car nous discourusmes sur le passage. Je luy representay ta grand largeur que la rivière a en cet endroit, qu'il falloit toute une marée pour la passer , et un monde de vaisseaux, car une armée meine un grand attirail, d'ailleurs qu'il n'y avoit point d'apparence que monsieur l'Admirai , qui estoit guerrier, s'allast enfourner parmy les landes, en un pays sterille et au delà des rivières qu'il n'eust jamais repassé. La nuict ensuyvant arriva un autre courrier qui portoit pareil advertissement de la cour de parlement et dudit sieur de Monferrand , encore plus eschauffé que le premier , et faisoit le nombre plus grand : il est vray qu'il escrivoit à mondit seigneur qu'il montoit à cheval pour aller luy-mesme recognoistre. A ce que j'ay entendu, il y alla, mais il n'avoit point de gens de cheval avec luy, sinon quelques arquebusiers à cheval. Et comme il fut à demy lieuë près du passage, ceux qu'il avoit envoyé devant recognoistre rapportèrent quedesja estoit passé un grand nombre de gens de cheval , et que les gens de pied commençoient à passer; et estant si mal accompagné, ledict sieur de Monferrand fut contrainct se retirer : d'autre part, le peuple s'enfuyoit tout devers Bordeaux. Ledict sieur de Monferrand depescha encore un autre courrier devers Monsieur , luy donnant les choses pour certaines; qui fut cause que Monsieur m'en renvoya à mon grand malheur, car depuis je n'eus que fascherie et ennuy ; et si je n'eusse bougé d'auprès de Monsieur, tout ce qui m'est advenu ne me fust arrivé, car ou bien je serois mort en luy faisant quelque bon service, ou bien je ne serois pas blessé comme je suis , pour n'en guérir jamais et vivre en extrême langueur. Tout ce mal-heur m'advint pour le deffaut de vingt cinq bons chevaux : que si monsieur de Monferrand les eust eu avec luy, luy-mesme les eust recogneus, n'ayant pas faute de hardiesse , et eust trouvé que ce n'estoit que soixante ou quatre vingts Bearnois et quelques autres des terres de la royne de Navarre , qui alloient en Bearn pour aller ayder à deffendre le pays , dont la moitié furent deffaicts par les chemins vers le Mont de Marsan. Monsieur se ressouviendra, s'il luy plaist, qu'estant à son chevet de lict je luy dis que sur ma vie et mon honneur il estoit impossible que cest advertissement fust du tout véritable . car je sçavois le pays, et que ce pouvoit
SE DE lyioxTLrc. |ir>G8j soi
estre quelque petite trouppe de gens pour Bearn ou Chalosse , car une grand trouppe ne sçauroit passer ny ne s'oseroit hasarder, car il faut qu'ils passent à la file. Mondict sieur me dict lors ces mesmes mots : « Je voy bien, mon bon homme, que l'envie que vous avez d'estre près de moy vous faict dire cela ; croyez que , quelque part où vous serez , je vous aymeray : peut estre le droit de la guerre me tirera en Guyenne; je voudrois faire mon apprentissage en une si bonne escolle que la vostre. » Je prins congé de son excellence. Yoy.là comment il importe fort de recognoistre l'ennemy avant que prendre l'alarme.
Capitaines mes amis, il faut plustost vous hasarder d'estre pris et sçavoir le vray , que non pas vous fonder sur le rapport des vilains. Ils ont la peur si avant dans le ventre , qu'il leur semble que tous les buissons sont des esquadrons , et l'asseurent , et cependant fiez vous là : c'est comme quand ils voyent cent escus , il leur semble advis qu'il en y a mille. Envoyez tousjours quelques soldats sans peur , et que plustost ils se hasardent; et si vous voulez faire mieux , allez y vous mesmes. Ainsi ay-je tousjours faict, et m'en suis bien trouvé. Or, comme je fus à Saincte Foy , je fus adverti de la vérité, et en donnay advis à mondict sieur , bien marry contre ledit sieur de Monferrand : et pource que rien ne se presentoit pour lors , je me tenois tousjours à Saincte Foy pour estre près de mondict sieur , afin que quand il me manderoit je fusse en deux ou trois journées à luy. A ce que j'ay sceu depuis, un des principaux qui estoit près de son excellence luy dict qu'il avoit bien faict de se depestrer de moy ; que j'estois faseheux, et que je voulois tousjours commander en quelque part que je fusse : Monsieur mesme m'en fit le conte au siège de La Rochelle. Je n'ay jamais esté si opiniastre que je ne me sois payé de raison; et faut dire pour la vérité que je me suis tousjours mieux trouvé de mon conseil que des autres. 11 est raisonnable que ces messieurs qui n'ont bonne mine qu'à courir la bague , apprennent de ceux qui ont estudié sous les plus grands docteurs de l'Europe ; mais c'est leur coustume , ils ne veulent que personne les contreroolle , et veulent tout gouverner.
Or, ne faisant rien à Saincte Foy, je vins jusques à Agen , où monsieur de Monferrand me manda que le sieur de La Roche Chalais et le capitaine Chanteyrac estoient dans La Roche avec cent ou six vingts soldats huguenots , qui couroient tout le pays faisant mille maux, de sorte qu'il ne pouvoit venir personne de Sainctonge à Bordeaux : et que si je voulois aller à La
COMMENTAIRES DE l'.LAISE DE MONTLUC. [15GS]
Roche , nous serions prou de gens pour faire l'entreprise, et que monsieur deLaVauguyou estoit aux environs deMonpont etMucidan avec le régiment de monsieur de Sarlabous et trois compagnies de gensdarmcs ; que si je luy mandois, qu'il seroit volontiers de la partie. Et tout incontinent je ra'achemiuay à Bordeaux, et secrettement j'advertis monsieur de La Vauguyon par un gentil-homme. Tout incontinent il me respondit qu'il seroit volontiers de la partie, et que je luy maodasse le jour qu'il voudroit que je marchasse, et le rendez-vous. Je l'envoyay prier de se rendre à Libourne trois jours après, qu'estoit un samedy matin , et que monsieur de Monferrand et moy nous nous y rendrions pour arrester ce que nous avions à faire : ce qu'il fit , et moy aussi. Ledict sieur de Monferrand demeura pour ayder à l'artillerie , car il la falloit amener par eauëjusques à Coutras. INous estions en dispute , car monsieur de La Noue (i) estoit auprès de SainctAulere, appartenant à monsieur de Jarnac, et estoit entre les deux rivières avec douze enseignes de gens de pied et quatre ou cinq cens chevaux ; et estant soldat et vaillant homme comme il est sage s'il y a capitaine en France , ne laisseroit jamais perdre La Roche sans la secourir, et qu'il n'avoit à passer que la rivière de Sainct Aulere , laquelle en plusieurs lieux se passoit à gué par les gens de cheval, et que les gens de pied auroient passé en quatre heures : et quant à la rivière qui passe dessous La Roche , ils tenoient le pont de Parcou , la ville et tout , où ils avoient garnison ; et qu'il nous falloit résoudre de l'un et de l'autre, ou n'y aller poinct. A la fin nous conclusmes d'attaquer La Roche , et combattre monsieur de La Noue s'il veuoit pour la secourir, et jurasmes, tous ceux qui estions au conseil , de ne descouvrir nostre délibération. Monsieur de Monferrand s'attendit avec Fredeville le commissaire pour faire embarquer deux canons , et moy je partis le samedy de grand matin , et me rendis à Libourne, où je trouvay monsieur de La Vauguyon arrivé desja le vendredy. Et comme nous estions à ces entrefaictes à Bordeaux sur l'entreprise de La Roche , j'en faisois une autre d'aussi grand importance que celle de La Roche, qu'estoit qu'un capitaine huguenot s'estoit saisi du chasteau de Levignac, qui est à monsieur le marquis de Trans, et y avoit soixante ou quatre vingts soldats dedans , et avdît fermé les rues du bourg, qui est grand, avec remparts, et la nuict se retiroient tous dans le chasteau; etc'es-
(f) François de La rs'oue, l'un des chefs protestants. Ses mémoires feront partie do cette collection.
toit le lieu où Pilles estoit allé surprendre La Mothe-Mongauzy le vieux, et là !e tua, et deffit presque toute sa compagnie. Monsieur de Maclaillan estoit allé avec moy à Bordeaux, et ma compagnie estoit à Cleyrac et Thouens, et se trouva à la ddiberation que nous fismes de l'exécution de La Roche ; et l'en fis retourner en toute diligence , et escrivis à monsieur de Leberon de se joindre ensemble avec quatre compagnies de gens de pied, et qu'ils fissent une grande traicte , et qu'en une nuict qu'ils les enfermassent dedans ; à quelque prix que ce fust qu'ils prinsent le chasteau, et les taillassent en pièces , et que de là ils se rendissent en une nuict devant le chasteau de Bridoyre, qui est à monsieur de La Mothe-Gondrin , où il y avoit quatre vingts ou cent autres Huguenots , conduits par un nommé Labaune. G'estoit le lieu où G coffre , cest insigne voleur qui a fait tant de maux , se retiroit. Aux choses que ce vilain a faictes il a monstre qu'il avoit du cœur et du courage, et qu'il estoit homme d'exécution. Je leurmanday qu'ils les enfermassent, et assiégeassent le chasteau de si près qu'il n'en eschappast rien , car dés que j'aurois faict à La Roche, je tournerois tout court avec les canons à eux. Et si monsieur de La Noué nous venoit combattre , qu'il falloit qu'ils abandonnassent tout , et qu'ils vinssent jour et nuict pour se trouver au combat.
Voy-là la charge de messieurs de Leberon et de Madaillan, lesquels enlevèrent le chasteau. Il est prou fort pour batterie de main , et n'en pouvoient venir à bout , car les ennemis se deffendoient fort et coguoissoient bien que l'on leur feroit une mauvaise guerre, à cause des grandes cruautez et meschancetez qu'ils avoient faict autour de Levignac. Monsieur de Lauzun leur presta une coulevrine et firent un trou par lequel pouvoit passer deux hommes , et les uns avec les escbelles par le costé de la basse cour, et les autres par le trou donnoient, et les emportèrent. Il ne se sauva que trois prisonniers, et tout le reste fut mis en pièces; et la nuict après s'en allèrent ceux qui s'estoient saisis du chasteau de Taillecabat, qui est à monsieur de Merville, grand seneschal de Guyenne , ayant entendu comme l'on avoit traité ceux de Levignac. Et nos gens marchèrent devant le chasteau de Bridoyre, et trouvèrent qu'ils estoient sur leur partement de se sauver, et les assiégèrent , et par malheur, à cause de la haste l'on n'avoit peu faire marcher vivres pour les soldats. La nuict les gens de pied se commencèrent à escarter pour aller chercher des vivres , et les gens de cheval se retirèrent en quelque village pour re-
paistre jusques à la minuict; et ainsi, n'y estant demeuré guère de gens , ceux de dedans , ayant espié leur commodité, la nuict ils sortirent en furie et se sauvèrent. Nos gens montèrent à cheval pour les suyvre, mais incontinent qu'ils furent dehors , ils se séparèrent comme perdriaux, chacun se retirant à sa maison et par les sentiers. La nuict estoit obscure, qui favorisoit leur fuitte; et ainsi de ceste trouppe n'en fut tué que trois ou quatre. Dieu sçait , quand je le sceus , si j'en fus en colère , et si je leur escrivis qu'ils monstroient bien qu'ils n'avoient pas retenu ce que je leur avois appris.
Or, quant à nostre entreprise de La Roche Chalais, le dimanche au soir monsieur de Monferrand se rendit avec l'artillerie à Coutras, comme aussi je fis. Monsieur de La Vauguyon devoit prendre son chemin droict à Parcou , là où est le pont , et regarder s'il pourroit prendre la ville à son arrivée, et se faire maistre du pont, et mettre les gens de cheval de l'autre costé , qui iroient courir vers Sainct Aulere , pour entendre nouvelles de monsieur de La ^'ouë, et pour sçavoir s'il feroit semblant de venir à nous. Or de La Roche jusques audict Parcou n'y a que deux lieues ; nous faisions estât d'estre eu deux heures ensemble , car il y a beau chemin. Et comme nous nous despartismes le samedy mesmes , monsieur de La Vauguyon s'en va pour faire avancer ses gens, cheminant jour et nuict. Et moy je fus le dimanche de grand matin à Coutras, où je trouvay monsieur de Gironde, gouverneur de Fronsac , qui estoit de nostre entreprinse et du conseil que j'avois tenu à Rordeaux. Ayant prest tout le charroy qu'il nous falloit, et monsieur de Monferrand estant arrivé le dimanche au soir, je ne le laissay séjourner que trois heures, etl'envoyay toute la nuict pour estre devant le jour à La Roche, pour les enfermer dedans, ce qu'il fit; et monsieur de Gironde et moy nous attendismes à faire atteler l'artillerie, et après l'avoir faicte acheminer, j'y laissay ledict sieur de Gironde avec Fredeville et quelques cent pionniers que ledict sieur de Gironde m'avoit appresté. Cependant je partis environ la minuict, et fus au poinct du jour à un quart de lieuë de La Roche , où je trouvay monsieur de La Vauguyon , qui y estoit arrivé à la minuict, et avoit envoyé quinze ou seize chevaux des siens devant le chasteau , lesquels incontinent furent de retour où nous estions, et nous dirent qu'ils avoient trouvé les gens de cheval des ennemis dehors qui les avoient chargez. Chanteyrac ne se voulut point enfermer dans l.e chasteau, ains alla au long de la muraille de la basse cour, et gaigna le passage du moulin , et se mit dans
un batteau, et, à la faveur de dix ou douze soldats qui tenoient bon dans le moulin, il passa la rivière faisant marcher les chevaux , les tenant par la bride. Monsieur de La Roche ne print pas ce chemin , ains s'en retourna dans le chasteau avec six ou sept chevaux ; et comme il veit que ces coureurs de monsieur de La Vauguyon s'enfuyoyent, et que Chanteyrac l'avoit abandonné, il cuida sortir dehors pour se sauver, et desja estoient la pluspart dans la bisse cour; mais monsieur de Montferrand arriva et le chargea le contraignant de se retirer dans le chasteau : il gaigna la basse cour, et y mit force gens dedans, puis alla combattre les moulins qui se deffendoicnt fort ; mais à la fin ils les prindrent et mirent eu pièces ceux de dedans. Il me donna advis de tout. Monsieur de La Vauguyon et moy desjeunions, et incontinent ledict sieur de La Vauguyon s'en alla au devant de ses gens pour aller droict à la ville ; et arrestasmes qu'il m'envoyeroit trois compagnies du régiment de monsieur de Sarlabous, pour m'ayder à donner l'assaut. Et ainsi s'en alla à son entreprise de Parcou, et moy je m'achemxinay devant La Roche , estant desja adverty que l'artillerie estoit à demy lieuë près de nous, qui ne peust arriver à La Roche qu'il ne fust midy, à cause du mauvais chemin qu'il y avoit. Monsieur de La Vauguyon entra dans la ville , car les ennemis s'estoient retirez aux moulins qui sont sur le pont : ses gens les forcèrent et gaignerent le pont, et par ainsi tout fut gaigné, et la nuict je fis mes approches et rais mon artillerie en batterie. Le sieur de La Roche, à la pointe du jour, voulut parlementer avec monsieur de ]\îonferrand , et pource qu'il est son parent et jeune gentil-homme, ne le voulut laisser retirer dedans, ains le retint Et comme les autres veirent l'artillerie preste à tirer, ils commencèrent à crier qu'ils se vouloient rendre : voyant qu'on ne les vouloit poinct escouter, ils dirent qu'ils se rendroient à nostre discrétion. Le gouverneur de Fronsac et les Huguenots mesmes , qui estoient de Coutras , et qui estoient venus avec nous, criolent qu'on ne les prinst poinct à mercy, car c'estoient libertins et gens sans religion, et sur tout qu'il y en avoit un, nommé Brusquin, qui avoit tué plus de quatre vingts hommes , la pluspart laboureurs et gens des champs. Il fut question de sortir : ledict sieur de La Roche me demanda un sien laquay, son valet de chambre et son cui>iuitr , ce que luy fut accordé, et les tirasmes hors de la trouppe. ?>Ionsieur de jMonferrand se mit dans le chasteau , avec dix ou douze hommes , afin qu'il ne fust pillé. Je recommandav ces gens-là aux soldats : ils furent
CÛMMF.NTAIRRS DK BI.MSK DE MONTLUC
at'cousti'cz selon la Nie qu'ils avoiont menée, car il n'en eschappa un seul que ceux que J'ay nommez. Ce Brusquin mesme , que les Huguenots crioient tant qu'il fust tué, s'empoigna à ma jambe , car j'estois à cheval , ayant cinq ou six sur luy ; j'eus prou affaire à m'en demesler, et bien peu s'en fallut que je ne fusse blessé. Et luy fut trouvé un roolle dans ses chausses de cent dix sept hommes qu'il avoit tué, y ayant en escrit un tel , prestre; un tel , laboureur ; un tel, moyne ; un tel, marchant, et les consignoit tous de quel art ils cstoient. Comme cela fut leu, les soldats tournèrent à luy et luy donnèrent deux cens coups d'espée . cncores qu'il fust desja mort. Monsieur de La Vauguyou arriva sur l'exécution : un s'enfuyant le chocqua luy et son cheval , si roide , que presque le destourna hors du chemin ; mais il estoit suivy de si prcs qu'il n'alla pas guère loing. L'on me dit que ces gens estoient revenus devers Sainct Aulaye , et qu'ils avoient parlé avec monsieur de Jarnac, qui leur avoit dict que monsieur de La Noué se retiroit vers La Roche Chalais ; qui fut cause que nous arrestasmes qu'il se retireroit de là où il estoit party, et que monsieur de Monferrand et moy nous en irions amener l'artillerie droict à Rridoyre. J'arrestay avec eux qu'er.cores que monsieur de La Roche m'appartinst et fust mon prisonnier, pour estre chef de l'entreprinse , je voulois que tous trois partissions sa rançon, comme nous avons faiot, et fut mis à la lin à six mil escus , dequoy chacun de nous trois en a tiré deux mil.
Estant arrivé à Libourne, je fis passer l'artillerie conlremont la rivière, qui alloit jour et uuict,car nous avions force gens pour tirer la corde du batteau. Et comme l'artillerie fut auprès de Castillon, qui est à monsieur le marquis de Mllars, arriva un homme que monsieur de Madaillan m'envoyoit pour m'advertir que les ennemis de Bridoyre s'cstoient sauvez; dequoy je fus aussi marry que de nouvelles qu'on eut sceu apporter, car ma délibération estoit de ne leur faire pas mieux qu'aux autres. Et fit-on tourner l'artillerie contre-bas la rivière, tirant droict à Bordeaux : et !à laissasmes le capitaine Mabrun avec trois ou quatre compagnies , pour l'en ramener à Bordeaux ; et monsieur de Monferrand et moy nous en allasmes devant audit Bordeaux. Le jour après cstre arrivé , j'allay au palais pour prendre congé de la cour, pour ce que je m'en voulois retourner en ces quartiers , pour estre plus près de Monsieur s'il me mandoit. Monsieur le président de Roffignac me fit les remerciemens de la part de toute la cour, parce que nostre petite guerre avoit asseuré les che-
[l.SfJSJ
mins devers Sainctonge, de sorte que tout \e monde pourroit aller et venir de Bordeaux en France seurement; d'autre part, je les avois mis en seureté du costé de la Dordoigne ayant le chasteau de Bridoyre , et du costé do la Garonne ayant pris Lcvignac, Taillecabat et Pardaillan, parce que de ces costez ne pouvoient venir vivres ne hommes à Bordeaux , sinon du costé de Gascogne. Yoylà le succès des entreprises que nous fismes en cinq ou six jours, qui ne cousterent pas un teston au Roy , et à messieurs de la cour encore moins. Que si messieurs de la ville de Bordeaux m'eussent tenu ce qu'ils m'avoient promis , j'eusse gagé ma teste que j'eusse fait donner à Blaye de cul à terre ; et n'y voulois que huit jours, pourveu que monsieur le baron de La Garde me fust demeuré pour assaillir par mer; et me voulus obliger à leur rendre les trente mille francs que je leur demandois pour payer les gens de pied, les frais de l'artillerie et les pionniers, si je ne l'emportois. Et comme je vis qu'ils ne vouloient entrer là , je leur presentay douze mil francs en prest, pour un an, sans en vouloir aucun interest ; monsieur de Valance mon frère leur en prestoit deux mille : bref, la cour de parlement estoit fort eschauffée en ceste entreprinse; mais depuis qu'il se parloit qu'il falloit que tous y aydassent il ne s'en parloit plus. Ces gens de robbe longue sont de fascheuse desserre , et nous battent tousjours de leurs privilèges. Je veux maintenant , au tesmoignage des plus grands et gens de bien de Bordeaux, qu'ils furent cause que cette entreprinse ne s'exécuta ; car, comme les gens de la ville virent qu'ils ne vouloient fournir deniers , ils ne le voulurent aussi faire, disansque la cour de parlement tenoit autant ou plus de richesses que la moitié de la ville; et par deux fois me firent aller là, m'asseurant que dés qu'ils me verroient que tout seroit prest. Et quand j'y eslois , je les trouvois si longs de me tenir ce qu'ils me promettoient , qu'il m'en falloit retourner ; et croy qu'ils eussent voulu que j'eusse faict l'exécution à mes despens , et que le profit et utilité leur en fust revenu : et neantraoius , aux offres que je leur faisois , chacun peut bien cognoistre que je m'y voulois tenir du mien propre. Je faisois toute la despence pour tous les gentils-hommes qui me faisoient cest honneur de me suivre, sans que je voulusse que la ville m'en deffrayast d'un poulet. Et voylà l'occasion à la vérité pourquoy l'entreprinse de Blaye ne se fit. Je m'asseure qu'il n'y avoit rien en Guyenne qui me peust cmpescher d'en venir à bout. Lorsque Des Rois la trahit , je l'avois recognue : ce n'est pas une si mauvaise beste qu'on la faict. D'avantage en ce
temps les Huguenots ne levoient gueres la teste , et la Guyenne estoit assez paisible; tous ceux qui estoient capables de porter les armes s'en allèrent au gros , près de monsieur l'Admirai , qui après la mort de monsieur le Prince se tit déclarer chef, ne luy servant monsieur le prince de Navarre (l) que d'ombre seulement. C'est
ZOi
pourtant cela qui a tant soustenu ledict sieur l'Admirai et son party , car un prince du sang peut beaucoup , encor qu'il fust bien jeune , et le fils de feu monsieur le prince de Condé aussi : ce fut une bonne fortune pour luy ; sans eux il ne l'eust pas faicte si longue.
(1) Depuis, Henri IV.
