LIVRE TRÛISIESME

[1591.] C'est honneur que d'entreprendre, mais, quand il en succède quelque chose de sinistre, on en est blasmé , ainsi qu'il advint de l'entreprise que ceux de l'union firent sur Sainct Denis. Le sieur de Belin , gouverneur de Paris, voulant s'ayder de la commodité du temps , entreprint avec le chevalier d'Aumale de faire surprendre Sainct Denis durant la grande froidure qu'il faisoit en ce temps-là. U sembloit que tout rioit à leur dessein, car ils avoient faictrecognoistre que l'on pouvoit passer les fossez par dessus la glace et entrer aysément dans Sainct Denis; aussi que deux jours auparavant M. de Laverdin avoit quitté le gouvernement de ceste ville au sieur de Vie. Ils trouvèrent tant de facilité à leur entreprise , que le chevalier voulut luy-mesme l'exécuter avec la garnison quiestoit dans Paris. Pour ce faire ils s'acheminèrent la nuict du troisiesme janvier, et arrivèrent prez de Sainct Denis sans que les royaux en eussent esté advertis : tout d'un temps trois à quatre cents hommes descendirent dans le fossé , passèrent par dessus la glace, et entrèrent aysément dans la ville, car les murailles en d'aucuns endroicts n'y sont pas de la hauteur d'une toise : en mesme temps ledit chevalier avec plusieurs hommes garnis de pinces , tenailles et autres ustancilles, ouvrirent la porte de la ville du costé de Paris, et entrèrent tous dedans , cheminans droict vers l'abbaye. Au premier bruit la guette qui estoit au clocher sonna si fort l'alarme, que les royaux furent incontinent sur pieds. Le sieur de Vie, estant à cheval devant l'abbaye , et ayant sceu que la porte de Paris estoit ouverte et que ceux de l'union la tenoient, commanda aux lansquenets de se couler le long des murailles et tascher à la regaigner cependant que luy avec les siens iroit le long de la rue droict à ceste mesme porte; mais il n'eut pas cheminé cinquante pas, qu'il trouva le chevelier d'Aumale en teste suivy des siens crians Tué , tué! Or la rue est fort estroitte en cest endroict là, où la valeur y estoit plus requise que le nombre d'hommes. De Vie vient aux mains, aucuns habitans sortirent aussi avec des espées à deux m^ins et autres armes pour le secourir; mais, cependant que le com-

bat s'opiniastroit en cest endroict là, les lansquenets qui estoient allez le long de la muraille regaignerent la porte , et repoulserent la cavalerie des Parisiens ainsi qu'elle y entrait la trompette sonnante. Aussi tost ce bruit courut parmy ceux de l'union que la porte estoit regaignée par les royaux, dont ils prirent telle espou vante, que chacun d'eux ne songea plus qu'à se sauver par dessus les murailles par où ils estoient entrez. Le chevalier d'Aumale, ne se voyant suivy, commença aussi à se vouloir retirer en combattant, mais il fut poursuivy de si près , qu'il Ait renversé mort en la chaleur du combat avec quelque vingtaine des siens sans pouvoir estre recognu. Le sieur de Vie ayant ainsi repoulsé ceux de l'union, en fit rendre grâces à Dieu, et, se voulant enquester de quelques prisonniers comment ceste entreprise avoit esté faicte, ils l'asseurerent que ledit sieur chevalier d'Aumale estoit entré dans la ville, et avoit long temps combattu à pied , et ne sçavoient qu'il estoit devenu. Aussi-tost il fit aller recognoistre les morts, lesquels avoient esté desjà despouillez : les blessures du chevalier furent cause du commencement que l'on ne le recognoissoit point; mais, estant apporté à YEspée royale , il fut recogneu. A la pointe du jour son trompette vint, à Sainct Denis pour le recommander s'il estoit prisonnier : son corps luy estant monstre , il alla reporter les tristes nouvelles de sa mort aux Parisiens. Depuis le sieur de Vie le fit porter dans l'abbaye Sainct Denis, et fut mis dans la chapelle Sainct Martin , où , faute de cercueil , un rat luy rongea le bout du nez, dont le sieur de Vie, fasché du peu de soin des Parisiens, leur manda que s'ils n'envoyoient un cercueil qu'il le ferait enterrer ainsi qu'il estoit. Le cercueil apporté, il fut mis dedans , et fut assez long temps dans ceste chappelle, couvert d'un poyle de damas blanc aux armes d'Anjou que les moynes mirent sur luy.

Le Roy fut incontinent adverty de cela , car il arriva en ce temps-là à Senlis du retour de la retraictedu duc de Parme , où l'on luy communiqua aussi un dessein de surprendre Paris. Ny luy ny quelques-uns de son conseil nestoie n

CHB0&OL0G1R NOVENAiitB

point d'opinion de r entreprendre , mais on fit les choses si faciles, que l'on en tenta l'exécution , laquelle ne se put faire sans que les Parisiens en fussent advertis. Sa Majesté donc ayant mandé au duc de Nevers qui estoit en Brie, au duc dEspernon qui estoit en Picardie , et à toutes les garnisons voisines , de le venir trouver, tous se rendirent en la France entre Senlis et Sainct Denis la nuict du vingtiesme janvier, et s'acheminèrent droict à Paris du costé de la porte Sainct Honoré. Le dessein des royaux estoit de se saisir de la porte Sainct Honoré par intelligence ou facilité , et de donner en mesme temps en bas le long de la rivière, laquelle estoit lors petite et ne donnoit jusques à la muraille de la Porte Pieufve , estant facile d'y passer dix ou douze de front sans mouiller le genouil ; plus de donner aussi l'escalade en divers lieux. Tout ce qui estoit nécessaire pour une telle entreprise ne fut oublié à la maison, car ils avoient eschelles, pouceaux, mantelets, clayes , maillets et autres instruments, avec deux pièces de canon pour rompre les barricades que les Parisiens voudroient faire.

Pour l'exécution il y avoit soixante capitaines couverts d'habits de paysans conduisans des chevaux et charettes, Après eux marehoit la première troupe conduite par M. de Lavardiu avec cinq cents cuirasses et deux cents barquebusiers. La seconde troupe estoit de quatre cents hommes armez de cuirasses et huict cents harquebusiers conduits par le baron de Biron. Celle là estoit suivie d'autres grandes troupes conduites par le sieur de La Noue, et après luy marchoient les Suisses et le canon. Le Roy estoit au bout du faux-bourg avec M, de Looguevillc, le duc d'Espernon et autres, tous à pied, et n'y avoit que M. de ÎNevers à cheval, accompagné de cinquante ou soixante.

Toutes ces troupes estans ainsi disposées, et ayans faict un silence admirable, arrivèrent sur les trois heures du matin dans te faux-bourg Sainct Honoré. Douze capitaines des soixante desguisez , conduisans chacun un cheval chargé de farines, s'advancerent jusqu'à la porte de la ville, les autres estans demeurez vis à vis des Capucins , où arrivez , demandèrent qu'on eust à les faire entrer; mais les Parisiens, ayans esté advertis qu'il y avoit une entreprise sur leur ville, estoient en continuelle alarme. Le sieur de Tremblecourt, qui estoit à la porte Sainct Honoré, laquelle on avoit terrassée dez le soir avec de la terre et du fumier, enquesta ces aporteurs de farines s'ils avoient point veu les ennemis; mais ils luy respondirent si nayfvemeut en langage ordinaire de paysans qu'ils avoient veu