CHAPITRE XXXVI
Comment r Empereur veint en France^ et comment le mareschal y arriva devant.
L'empereur et le maiTschal tant errèrent par mer depuis que ils furent partis de Constantinople, comme dict est ci-dessus, que ils arrivèrent à Venise. Et là voulut un peu séjourner TEmpereur, pour certaines choses qu'il avoit à faire avec les Vénitiens. Si se partit de luy le mareschal pour venir devant en France pour annoncer sa venue, et dire la cause qui luy amenoit.
Si ne flna de cheminer tant qu'il fût devers le Roy qui à moult grant joye et honneur le récent, et moult le desiroit veoir, et aussi luy feirent moult grand feste tous nos seigneurs et chevaliers et escuyers, et toute gent. Car moult bien l'avoient desservy. Si fut après ses bien viengnans une bonne pièce à séjour : car bien estoit temps qu'il preint un peu de repos, et qu'il eust aucune joye et esbatement : car de long temps peu en avoit eu. Combien que ja estoit si rassis et tant saige que gueres ne luy chailloit fors que des plaisirs que les vertueux prennent en bien faisant. Si estoit tous les joiu^ entre les seigneurs qui luy demandoient et enquerroient des advantures et faicts qui estoyent advenus là où il avoit esté. Et il leur en racomptoit non mie à sa louange, mais à celle de ses compaignons, à qui il donnoit l'honneur de tout ce qui avoit esté faict : mais en ce croissoit encore plus son los. Car renonmiée ne se taisoit pas de ses bons faicts, dont bien estoyent informez.
Et ainsi alla passant le temps tant que l'Empereur arriva à Paris, auquel le Roy et tous nos seigneurs les ducs allèrent alencontre jusques dehors Paris à tout grand route de nobles gens, et à grand honneur le receurent et moult l'honnora le Roy comme raison estoit. Car sans faillir moult est l'empereur Carmanoli prince de grand révérence, bon, prudent et saige, et est pitié dont il est en telle adversité. Et se reposa et aisa à Paris, et le Roy luy entreteint tout son estât et le deffroya de toute despence, tant comme il feut au royaume de France. Et quand il eut assez reposé il dict bien et saigement au Roy, presens nos seigneurs en plain conseil, la cause qui le menoit en France. Si luy feut donnée responce bonne et gracieuse, et de bonne espérance. Et sur ce eut le Roy ad vis avec son conseil, et par plusieurs fois en fut parlé avant que la chose feust conclue. Toutesfois au dernier pour le bien de chrestienté, et que tout prince doibt ayder à soustenir l'un l'autre, et par especial contre les mcscreans, luy octroya le Roy que il luy feroit ayde et secours de douze cent combatans payez pour un an. De laquelle compaignée le mareschal seroit chef et capitaine. Car ce avoit requis de grâce spéciale l'Empereur, qui moult en fut joyeulx, et qui avoit maints grands biens dicta et rapportez de luy au Roy et au conseil, et comment vaillamment il s'estoit porté au pays. Si remercia le Roy de l'aide que il luy avoit octroyée.
Et partit de Paris : car ja y avoit bonne pieco demeuré. Et voulut aller par les aultres princes chrestiens semblablement requérir leur ayde et
LB LIfBI D» FÂIGTS
secoars, tant de finanee dont il avoit pea, opmme de gens pour luy ayder à garder et à reconquérir son pays qui lors tout estoit es mains des ennemis de la foy, dont grant pitié estoit. Si ftit devers le Sainct Père qui donna grand pardon à quiconque luy feroit bien, et alla en Angleterre et vers plusieurs autres roys chrcstiens qui tous luy ayderent, et en ceste queste feut l'espace de près de trois ans.
ooo
