CHAPITRE IV

Comment le Roy retint en ses mains la ville de PisCj et quelques autres places des Florentins , pendant que monsieur d'Orléans d'un autre costé entra dedans Novare en la duché de Milan,

Comme J'ay dit , le Roy estoit entré à Pise , et alors les Pisans , hommes et femmes , prièrent à leurs hostes que pour Dieu ils tinssent la main envers le Roy , qu'ils ne fussent remis soubs la tyrannie des Florentins, qui à la vérité les traitoient fort mal ; mais ainsi sont maintes citez en Italie, qui sont subjectes à autres ; et puis Pise et Florence avoient esté trois cens ans ennemies , avant que les Florentins la conquissent. Ces paroles en larmes , faisoient pitié à nos gens , et oublièrent les promesses et sermeus que le Roy avoit faicts sur l'autel Sainct- Jehan à Florence ; et toutes sortes de gens s'en mesloicnt, Jusques aux archers et aux

UÉMOIBBS DE PHILIPPE DE COHINfiS. [J495]

Suisses ; et menaçoient ceux qu'ils pensoient que le Roy tinst sa promesse , eomme le cardinal Sainet-Malo , lequel ailleurs J'ay appelle géuéral de Languedoc. J'ouys un archer qui le menaça. Aussi en y «ut-il qui dirent de grosses paroles au mareschal de Gié. Le président Gannay fût plus de trois Jours qu'il n'osoit coucher à son logis ; et sur tous teuoit la main à cecy le comte de Ligny ; et venoient lesdits Pisans à grandes pleurs devers le Roy , et faisoient pitié à chacun , qui par raison les eût peu aider.

Un jour après disner s'assemblèrent quarante ou cinquante gentils-hommes de sa maison, portans leurs haches au col ; et vinrent trouver le Roy en une chambre , jouant aux tables avec monseigneur de Piennes, et un valet-de-chambre ou deux, et plus n'estoient ; et porta la parole un des enfans de Sallezard l'aisné , en faveur des Pisans, chargeant aucuns de ceux que je nommois n'aguères, et tous disoient qu'ils te trahiroient ; mais bien vertueusement les renvoya le Roy, et autre chose n'en fut onques depuis.

Bien six ou sept jours perdit le Roy son temps à la ville de Pise , et puis mua la garnison , et mit en la citadelle un appelle Eutragues (1), homme bien mal conditionné, serviteur du duc d'Orléans; et le luy adressa monseigneur de Ligny, et y fut laissé des gens-de-pied de Berry. Ledit seigneur d'Entragues fit tant qu'il eut encores entre ses mains Piètresancte (et croy qu'il en bailla argent) et une autre place auprès appellée Mortron. Il en eut une autre aussi, appellée Librefacto , près de la ville de Luques. Le ehasteau de la ville de Serzane , qui est trèsfort, fut mis par le moyen dudit comte monseigneur de Ligny, entre les mains d'un bastardde Roussi, serviteur dudit comte. Une autre appellée Serzanelle, entre les propres mains d'un de ses autres serviteurs ; et laissa le roy de France beaucoup de gens ausdites places ; et si n'en aura Jamais tant à faire; et refusa l'aide des Florentins, et l'ofAre dont j'ay parlé; et demeurèrent ces Florentins comme gens désespérez; et si avoit sceu, dès devant qu'il partist de Siènes, comme le duc d'Orléans avoit pris la cité de Novarre sur le duc de Milan; parquoy le Roy voyoitestre certain que les Vénitiens se déclaroient ; veu que de par eux luy avoit esté dit, que s'il faisoit guerre audit duc de Milan , ils luy donneroient toute aide, à cause de la ligue nouvellement faite; et avoient leurs gens prests, et en grand nombre. Et faut entendre que quand la

(i) RofitT liv Balsac, seigneur d'EDlragoes et do Dune».

ligue fut conclue, que le duc de Milan cuidoit prendre Ast, et n'y pensolt trouver personne ; mais mes lettres, dont J'ay parlé, avoient bien aidé à avancer des gens, que le dac de Bourbon y envoya ; et les premiers qui y vindrent, furent environ quarante lances de la compagnie du mareschal de Gié, qui estoient demeurez en France (et ceux-là y vindrent bien à point), et cinq cen» hommes-de-pied, qu'y envoya le marquis de Saluées.

Cecy arresta les gens du duc de Milan, que menoit messire Galéas de Sainct-Severin ; et se logèrent à Nom, qui est un ehasteau que le duc de Milan a à deux milles d'Ast. Peu après arrivèrent trois cens cinquante hommes-d'armes, et des gentils-hommes du Dauphiné, et quelques deux mille Suisses, et des francs- archers dudit Dauphiné ; et estoient en tout bien sept mille cinq cens hommes payez, qui mirent beaucoup avenir, et ne servirent de rien à fintention pourquoi ils avoient esté mandés (qui estoit pour venir secourir le Roy ), car en lieu de secourir le Roy, il les fallut aller secourir. Et avoit esté escrità Monseigneur d'Orléans, et aux capitaines, qu'ils n'entreprissent rien contre le duc de Milan , mais sefUlement entendissent à garder Ast, et à venir au-devant du Roy , jusques sur la rivière du Thésin, pour luy aider à passer ; car il n'avoit nulle autre rivière qui Tempeschast. Et faut entendre que ledit duc d'Orléans n'estoit point passé Ast, et l'y avoit le Roy laissé. Toutesfois, nonobstant ce que le Roy luy avoit escrit, luy vint cette pratique si friande , que de luy bailler cette cité de Novarre (qui est à dix lieues de Milan) et y fut receu à grande joye , tant desGuelphes que des Gibelins : et luy aida bien à conduire ceste œuvre la marquise de Montferrat: Le ehasteau tint deux jours ou trois; mais si cependant il fût allé , ou envoyé devant Milan, où il avoit pratiqué assez, y eût esté bien receu à plus grande joye, qu'il ne fût onques en son ehasteau de Blois, comme le m'ont conté des plus grande de la duché; et le pouvoit faire sans danger, les trois jours premiers; parce que les gens du duc de Milan estoient encores^à Nom, près Ast, quand Novarre fut pris, qui ne vinrent de quatre jours après; mais peut-être qu'il ne croyoit point les nouvelles qu'il en avoit.