LES CHRONIQUES DE J

ils firent plusieurs explolcts , corame de ardre et brusier tous les papiers qu'ils trouvèrent sur le fait des aydes, et ordonnèrent en ladite ville que t^t y seroLt franc ; et si ordonnèrent que le sel qui estoit au grenier dudlt lieu pour le Boy, fust baillé et distribué à tous ceux qui en voudroieut avoir, en payant le droit âtx marchand seulement.

Et le dimanche , dernier jour dudit mois de juin audit an 1465, Jouachin Rouault , maréchal de France , à tout cent et dix lances, vindrent et arrivèrent en la ville de Paris pour la garde d'icelle, combien qu'il n'en estoit guères de mestier ; car les habitans d'icelle , qui tous estoient bien unis et loyaulx au Roy, estoient assez souffisans pour la garde d'icelle ville.

Audit temps le Roy, qui estoit audit pays de Bourbonnois , mist le siège devant Riom en Auvergne , dedans laquelle y estoient monseigneur le duc de Bourbon , le duc de Nemours, le comte d'Armignac , le seigneur d'Albret et autres. Et avoit le Boy devant ladicte ville la plus belle et noble armée que oncques fut guère veué, car il avoit de bonnes gens de guerre et de grand façon , vingt quatre mille hommes et mieulx.

Et après que ledit siège eut esté ainsi mis devant ladicte ville de Biom, et voyant à Paris que lesdits Bourguignons approucboient de ladicte ville , fût ordonné et estably en icelle ville de Paris un grand guet à cheval ^ qui aloit toutes les nuits sur les murs et en ladicte ville, depuis l'heure de minuit jusques au jour apparant ; pour la conduiete duquel guet y avoit capitaines ordonnez par icelle ville par chacune nuit, de gens de façon d'icelle. Auquel guet estoient ordinairement de huict vingts à deux cens chevaux, aucunesfois plus et à l'autre fois moins.

Et le lundy, second jour de juillet audit an , maistre Jehan Balue, évesque d'Ëvreux,fit le guet de nuit parmy ladicte ville, et mena avecques luy la compagnie dudit Jouachin Rouault, avec clairons , trompettes et autres intrumens sonans par les rues et sur les murs , qui n'estoit pas accoustumé de faire à gens faisans guet.

Et le mercredy, quatriesme jour dudit mois de juillet audit an 1465, le Roy estant devant ledit lieu de Riom , escripvit à messire Charles de Meleun son lieutenant audit lieu de Paris, audit Jouachin et ausdits habitans de Paris , par sire Jehan de Harlay, son chevalier du guet audit lieu de Paris , par lesquelles lettres le Roy mercioit moult fort lesdits habitans de Paris de leurs bonnes loyaultez , en les priant et exhortant de tousjours y continuer et persévérer, et que dedans quinze jours ensuivans luy et toute son armée seroit à Paris ; et si leur mandoit de

EAN DE TfiOVES. [l465]

bouche par ledict de Harlay certain accord qu'il avoit fait avec lesdiets ducs de Bourbon et Nemours, et les sires d*Armignacet d'Albret; et comment en faisant ledictaccordchascund'eulx avoit promis au Boy de bien et loyaulment le servir, et de vivre et mourir pour luy.

Et par lesdits appointemens fceulx seigneurs de Bourbon et aultres dessus nommez , promec^ toientde faire faire la paix au Boy par les aultres seigneurs avecques eulx allez contre luy. Et que pour ce faire seroient envoyez de par ledits quatre seigneurs certains ambassadeurs devers le Boy à Paris , dedans le jour et feste de myaoust ensuivant , pour traicter ladicte paix. Et que où lesdits aultres seigneurs avec eulx aliez contre luy ne vouidroient entendre à icelle paix, iisprosmirent et jurèrent qued'oresnavant à jamais ils ne s'armeroient contre le Boy, et qu'ils vivroient et mourroientpour luy et son royaume. Et fut tout ce que dit est ainsi promis par lesdits quatre seigneui-s au lieu de Moissiat près dudict Biom. Et pour plus ample promesse ils s'en obligèrent es mains de deux notaires apostoliques, voulans et accordans estre incontinent excommuniez se par eulx, ou l'ung d'eulx, estoit fait le contraire; et pour les nouvelles dessusdictes fut ordonné et délibéré que le vendredy ensuivant en seroient faictes processions générales en l'église de Saincte-Katherine du Val-des-Escoliers à Paris, laquelle y fut faicte bien honneste et so^ lempnelle, et jfcprescha ledit jour maistre Jehan Pain et Chair, docteur en théologie.

Et le mercredy fut publié et fait à sçavoir par les carrefours de Paris, que en chascun hostel d'icelle ville y eût une lanterne et une chandelle ardente dedans durant la nuit , et que chascun mesnaige qui auroit chien l'enfermast en sa maison* et sur peine de la hart.

Et le vendredy ensuivant la compaignie, ou la pluspart desdits Bourguignons vindrent et arrivèrent à Sainct -Denis en France eulx loger illec. Et ce jour venoient à Paris trente chevaux de marée ^ dont lesdits Bourguignons en prindreiit les vingt-deux, les aultres huit chevaux se sauvèrent et vindrent à Paris. Et bientost après que lesdits Bourguignons eurent esté ainsi arrivez audit lieu de Sainct - Denis , partie d'eulx s'en alèrent devant le pont de Sainct-Cloud pour le cuider avoir, ce qu'ils ne peurent pour cette fois, et à tant s'en retournèrent.

Et le dimenche septiesme jour de juillet audit an 1 465 , lesdits Bourguignons vindrent voulster ( I ) devant Paris et n'y gaîgnèrent riens, sinon qu'il y en eut aucuns d'eux tuez de l'artillerie,

(I) Voltiger.

LES CHBONIQUES DB JEAN DE TfiOYES. [l465]

estant dessus les murs d'ieelle ville, et puis s'en retournèrent audit lieu de Sainct-Denis.

Et le lundy ensuivant huietiesme jour dudit mois de juillet, lesdits Bourguignons vindrent de rechief devant Paris , et deslogèrent tous dudit Saluct-Denis, et en amenèrent avec eulx toute leur artillerie. Et par gi*ande cautelle et subtilité envoyèrent avant qu'ils se montrassent quatre de leurs héraulx aux portiei*s de la porte Sainçt-Denis, de laquelle estoient commissaires et capitaines pour le jour ,* maistre Pierre TOrfèvre, seigneur Dermenonvllle, et maistre Jehan de Poupaineourt (l) seigneur de Cercelles, et vindrent lesdits quatre héraulx demander des vivres pour leur ost , et aussi que on leur donnast passaige parmy ladicte viile^ et dirent que se on ne leur bailloit ledit passaige et lesdits vivres qu*ils entrerdient dans ladicte ville au déshonneur et grande confusion d'icelle ville et de ceux de dedans.

Et ainsi que on escoutoit lesdits quatre héraulx sur les choses dessusdictes, et avant que on eust peu avoir loisir de leur rendre aucune responce , lesdits Bourguignons cuidans prendre à despourveu les habitans de ladicte ville, et mesmement ceulx qui gardoient ladicte porte de Sainct-Denis, vindrent à grant fureur grosse compagnie et armée passer jusques à Sainct- Ladre et plus avant , cuidans gaigner les barrières qui aux faulx bourgs de ladicte ville devant ladicte porte Sainct-Denis avoient esté falctes , et venir jusques à ladicte porte et dedans ladicte ville , en jettant par eulx canons , serpentines et aultres traicts ; à quoy leur fut moult asprement et vaillamment résisté par les bourgois de Paris , et autres estans illec de par ladicte ville , et aussi par les gens dudit Jouachin et de luy-mesme qui s'y vindrent trouver. Et y eut lors desdits Bourguignons tuez et navrez : et puis s'en retournèrent aux champs sans aultre chose faire, et se mirent en bataille devant ladicte ville , et lors y eut beau hurtibilis de canons, vulglaires , serpentines , coulevrines et aultre trait qui leur fut envoyé de ladicte ville, et dont y eut aucuns de tuez et navrez. Et durant ladite escarmouche y eut ung paillart sergent à verge du Chastellet de Paris, nommé Casin Ghollet, qui en courant fort eschauffé par plusieurs des rues de Paris crioit à haulte voix ces mots : Boutez-vous tous en vos maisons et fermez vos huis, car tes Bourguignons sont entrez dedans Paris. Et à cause de Teffroy qu'il fist, y eut plusieurs femmes grosses qui en

(1) Fils de Jean de Popaincourt. premier président au parlement de Parist , mort président à mortier en

accouchèrent avant terme, et d'aultres en moururent et perdirent leur entendement.

Le mardy ensuivant ne fut riens fait devant Paris, sinon que le comte Sainet-Paul, qui estoit audit lieu de Sainct-Denis avecques ledit seigneur de Charrolois , se partit dudit lieu de Sainct-Denis , avecques aucuns Picards et Bourguignons estant audit lieu de Sainct-Denis, pour s'en aller au pont Sainct-Cloud , et pour le prendre et avoir , ce qu'il ne peust avoir ce jour : et le mercredy ensuivant dit menée audit de Sainct- Taul certaine quantité d'artilleiie dudit seigneur de Charrolois, comme de cinquante à soixante chariots. Et ce mesme jour aucuns de la compagnie de messire Pierre de Brézé yssirent dehors Paris pour aller à leur aventure dessus lesdits Bourguignons, qui ainsi alloient audit Sainct- Cloud : desquels Bourguignos en fut par eux ti;é deux et en fut prins cinq , dont l'ung d'iceulx fut fort navré ^ et tellement que tout le devant de son visaige luy fut abatu d'un coup d'espée , et luy pendoit le visaige à sa peau sur sa poitrine : et par Iceulx Bourguignons fut prins unç archler serviteur de messire Jehan Mohier chevalier de la compagnie dudit Brézé. Et ledit jour de mercredy environ six heures de nuit lesdits Bourguignons baillèrent une escarmouche terrible et merveilleuse au boulevart dudit Sainct-Cloud , qui fort espouvanta ceulx de dedans qui le tendent pour le Roy ; tellement quils prindrent composition de rendre ledit pont à rheure présente , ce qu'ils firent et s'en revindrent à Paris eulx et leurs biens saufs ; et si promisrent de livrer et bailler lesdits cinq Bourguignons prins ledit jour. Et pour ce faire demourèrent pour ostages Jacques-Le- Maire bourgois de Paris , qui estoit capitaine dudit Saiuct-CLoud, et ung homme-d'armes de la compagnie dudit de Brézé , estant audit pont de Sainct-Cloud.

Et le veudredy ensuivant fut tenu en l'ostel de ladite ville de Paris un grand conseil , pour délibérer et sçavoir quelle response seroit rendue ausdits Bourguignons sur ce qu'ils avoient requis que de ladicte ville feussent envoyez aucuns déléguez par icelle ville, par devers ledit seiseigneur de Charrolois et ceux de sadicte eompalgnle , pour leur estre dit par eulx de bouche et en secret, les causes pour lesquelles ils estoient ainsi venus en armes audit pays de France. A quoy fut conclud que on feroit sçavoir audit de Charrolois qu'il envoyast bon sauf conduit ù Paris , pour ceux qui seroient ordonnez estre

1480. Ce Tut lui qui, en décembre 1475. prononça Parrét de mort contre le connétable de Saiiit-Pul.

envoyez par devers luy ; et ce fait que on y envoyeroit gens pour les ouyr et eseouter tout ce qnlls voudroient dire , pour au surplus le l'aire assavoir au Roy qui estoit près de Orléans, ou à son conseil estant audit lieu de Paris, pour leur faire telle response qu'il seroit advisé de faire : et ce mesme jour vindrent à la porte Sainct-Honoré environ cinq heures du soir deux liéraulx de par ledit seigneur de Gharrolois , pour avoir la responce de ce que dit est ; ausquels fut dit comme devant est dit , et que ledit de Gharrolois approehast en aucun lieu près Paris et envoyast ledit sauf conduit , et que on yroit à luy pour Tescouter, et aultre chose n'eurent. Et après ces choses ils requirent avoir pour argent du papier et perchemin avec de Tencre , dont il leur fut baillé : et si demandèrent à avoir du succre et aultres drogueries pour aucuns gentils-hommes qui estoient malades en leur ost, dont on leur fit reffus, qui s'en tindrent à bien mal contens de ceulx de ladicte ville. Et à tant s'en retournèrent iceux deux héraulx.

Et le dimenche ensuivant quatorziesme jour dudit mois de juillet audit an 1465, arrivèrent à Paris bien matin monseigneur de La Borde et messire Guillaume Gousinot, qui apportèrent lettres de par le Roy aux bourgois^ manans et habitans de ladicte viUe, par la teneur desquelles le Roy les mercioit comme devant de leurs bons vouloirs qu'ils avoient envers luy, et de la bonne et grande résistence qu'ils avoient faicte à rencontre desdits Bourguignons, et qu'ils voulsissent adjouster foy ausdits de La Borde et Gousinot de tout ce qu'ils leur diroient de par luy. Laquelle crédence estoit en effet que le Roy les mer«ioit moult de fois de leurs grandes loyaultez , et si leur prioit oultre de tousjours de bien en mieulx continuer. Et que dedans le mardy ensuivant il seroit à Paris , comme au lieu du monde que plus il désiroit estre , pour donner remède et provision par tout, et qu'il almeroit mieulx avoir perdu la moitié de son royaume que mal ne inconvénient aucun venist en ladicte ville, où^ possible luy seroit de y pourvoir. Aussi dit et pria ledit Gousinot de par le Roy, que ceulx de Paris pourveussent au logis des gens-d'armes et de traict que le Roy avoit et menoit avecques luy , et aussi de mettre pris raisonnable sur les vivres. A quoy luy fut respondu par maistre Henry de Livre prévost des marchans que aussi feroit-on.

Et le lundy ensuivant lesdits Bourguignons qui estoient deslogez dudit Sainct-Gloud , s'en alèrent loger à Montlehéry, eulx et toute leur artillerie, cuidans aler eulx joindre avec les

LES aiAOMQUES DE JEAN OE TfiOYES. [l465]

compaignies des ducs de Berry et de Bretaigne, le comte de Dunois et aultres qui s'en venoient audit de Gharrolois. Et de ce en furent portées les nouvelles au Roy qui estoit par deçà Orléans pour s'en venir à Paris ; lequel et à loute diligence vint et arriva le mardy matin seiziesme jour dudit mois de juillet à Gbastres soubs ledit Montlehéry. Et d'illec sans soy raffraischir ou que bien peu , et sans attendre toute sa compaignie qui estoit pour gens à cheval la plus belle et mieulx en point que oncques avoit esté veuë paravant, pour autant de gens qu'il y avoit. Se vint frapper et bouter dedans Tarmée desdits Bourguignons, et illec à l'aborder y eust fait des plus beaulx faits d'armes que jamais furent veus pour ung peu de gens, car aussi c'estoient tous nobles hommes, vaillans et de grant eslite , qui tellement besongnèrent que le Roy gaigna et mist en fuite toute l'avangarde desdits Bourguignons , et y eust d'iceux Bourguignons à ladicte rencontre grant quantité de morts et de pris. Et d'icelle desconfiture en vint incontinent le bruit à Paris, de laquelle ville en yssit aux champs plus de trente mille personnes, partie desquels s'en alèrent à cheval à Tescart , et trouvèrent moult desdits Bourguignons qui furent prins et desconfis par eulx et aussi de ceulx des villaiges d'autour d'icelle ville , comme de Vanves, Yssi, Sèvre , Sainct-Gloud, Suresnes et autres lieux : et en ce faisant fut gaigné bien grant butin sur lesdits Bourguignons , tant en chariots, babus, malles, l)oistes, que aultrement; et tant y perdirent lesdits Bourguignons que on disoit lors que leur perte en toutes choses montoit plus de deux cens mille escus d'or. Et après que ladicte avangarde eust esté ainsi desconfite, le Roy non content de ce , mais cuidant tousjours persévérer et avoir le bout d'iceulx Bourguignons, et sans soy rafreschir ne prendre aucun repos , ne luy, ne ses gens , se rebouta luy, sa garde et environ quatre cens lances de sacompaignie dedans lesdits Bourguignons, qui s'estoient fort ralliez par le moyen dudit comte de Sainct-Paul , qui moult bien servist ledit de Gharrolois celle journée : lesquels Bourguignons recueillirent vigoureusement le Roy et sadicte compaignie ; car ils s'estoient serrez en bataille et par ordre , et leur artillerie apprestée , de laquelle ils grevèrent fort les gens du Roy, et en ^ tuèrent plusieurs gens de bien, et aussi de ceulx de la garde du Roy qui moult vaillamment se portèrent et servirent bien le Roy, qui eust illec beaucoup affaire , et en grand dangier par diverses fois de sa personne , car il n'avoit que ung peu de gens et sans artillerie : et tellement y fut oppressé le Roy qui tousjours estoit des

IbS CâaONIQUES DE JEAN DE TBOYBS. [1465]

Ipremiers dedans, qu'il ne sçavoit que faire. Et posé ores qa'il n'avoit que ung peu de gens , si raaintenoient plusieurs, que s'il eust eu davantage cinq cens francs-archiers à pié pour illec expédier les Bourguignons, qui illec furent jettez par terre qui après se relevoient , qu'il eust rois en telle subjection iceulx Bourguignons , que jamais n'eust esté mémoire d'eulx en armes. Ledit seigneur de Charrolois y perdit toute sa garde. Et aussi fist le Roy beaucoup de la sienne. Et fut tellement suivy ledit de Charrolois, que par deux fois fut piins par Gueffroy de Saint- Belin et Gilbert de Grassay , et puis fut rescoux. Et durant ladite journée y eust grant occision de hommes et de chevaulx , dont plusieurs en furent tuez par les ribaulx piétons du costé dudit de BourgongnC) qui de picques et aultres fer* remens les tuoient , et y mourut de gens de nobles maisons de costé et d'aultre.

Et après que tout fut fait on trouva que audit champ y estoient morts trois mille six cens hommes. Dieu en ait les âmes. Et vers la nuict les Escossois de la garde du Roy, voyans et considérans le grant danger où le Roy estoit et la grant perte de leurs gens, aus^ que lesdits Bour* guignons poursuivoient fort et asprement, prindrent le Roy qui moult estoit las et afflict , et qui n'a voit cessé de combattre et faire grans armes toute la journée, sans boire et sans manger, et le menèrent dedans le chasteau dudit Montlehéry. Et pource que plusieurs gens de l'armée du Roy n'avoient point veu qu'il eust ainsi esté mené audit Montlehéry et ne le sçavoient où trouver, cuidoient qu'il feust mort ou pris, et à ceste cause la pluspart d'iceulx se mirent en fuite ^ et lors monseigneur du Maine , monsieur l'admirai de Montaulban , le seigneur de La Barde et aultres capitaines qui bien avoient de sept à buict cens lances se retrahirent , et s'en alèrentet abandonnèrent ainsi le Roy. Et ladicte journée nul des dessusdits n'y frappa ung seul coup, et à ces moyens le champ domoura ausdits Bourguignons; en icelle rencontre au nombre des mors y furent trouvez des gens de façon et de bonnes maisons : c'est assavoir messire Pierre de Brézé chevalier sénéchal de Normendie, Geuffroy de Sainct-Belin dit la Hyre, bailly de Ghaumont,Floquet bailly d'Evreux, et plusieurs autres chevaliers et escuyers de nom delacorapaignie du Roy : et aussi de la compagnie desdits Bourguignons y en eut beaucoup de morts, et de pris plus que de ceulx du Roy. Et après que le Roy eust esté ung peu raffreschy audit chasteau de Montlehéry , fust mené et conduit d'illec jusques en la ville de Corbueil , où il y séjourna jusques an jeudy ensuivant dix