CHAPITRE Xm

Comment la ville de Rouen Jut mise entre les mains du duc de Bourbon y pour le duc de Berryy par quelques menées^ et comment le traitté de Conflans fut de tous poincis conclu.

Pour ce qu'id-dessus j'ay lieattcoup parlé des dangers qui sont en ces traittez, et que les princes y doivent estre bien sages , et bien connoistre quelles gens les meinent , et par espécial celuy qui n'a pas le plus apparent du jeu ; maintenant s'entendra qui m'a meu de tenir si long conte de cette matière. Cependant que ces traittez se menoient par voies d'assemblées , et que l'on pouvoit communiquer les uns avec les autres, en lieu de traitter paix, se traitta par aucuns que la duché de Normandie se mettrait entre les mains du duc de Berry , seul frère du Roy , et que là il prendroit son partage , et laisseroit Berry au Roy : et tellement fut conduite cette marchandise, que madame la grand'séneschalle de Normandie et aucuns à son adveu , comme serviteurs et parens, mirent le duc Jehan de Bourbon au chasteau de Rouen , et par là entra en la ville , laquelle tost se consentît à cette mutation, comme trop désirant d'avoir prince qui demeurast au paîs de Normandie : et le semblable firent toutes les villes et places de Normandie, ou peu s'en fallut. Et atousjours bien semblé aux Normands, et fait encores, que si grand'duché, comme la leur, requiert bien un duc : et à dire la vérité , elle est de grande estime , et s'y lève de grands deniers. J'en ay veu lever neuf cens cinquante mille francs. Aucuns disent plus.

Après que cette ville Ait tournée , tous les habitans firent le serment audit duc de Bourl>on , pour ledit duc de Berry , sauf le baillif , appelle Ouaste qui avoit esté nourry du Roy, son valet de chambre , luy estant en Flandres, et bien privé de luy ^^ et un appelle maistre Guillaume Piquart, depuis général de Normandie, et aussi le grand-séneschal de Normandie (qui est aujourd'hui) ne voulut flaire le serment: mais retourna vers le Roy , contre le vouloir de sa mère, laquelle avoit conduit cette réduction, comme dit est.

Quand cette mutation fut venue à la connoissance du Roy, il se délibéra d'avoir paix, voyant ne pouvoir donner remède à ce qui jù estoit advenu. Incontinent donc fit sçavoir ù mondit seigneur de Charolois , qui estoit à sou ost , qu'il vouloit parler à luy , et iuy pomma

ICiMOIIIfiliS DE PHILIPPE DE COMINES. [l466]

l'heure qu'il se rendroit aux champs, auprès dudit 06t, estant près Gonflans : et saillit à l'heure dite, avec par aventure cent chevaux , dont la pluspart estoit desEscossois de sa garde, d'autres gens peu. Ledit comte de Cbarolois ne mena guères de gens , et il alla sans nulle céré« monie : toutes-fois il en survint beaucoup , et tant qu'il y en avoit beaucoup plus qu'il n'en estoit sailly avec le Roy. Il les fit demeurer un petit loin , et se pourmenèrent eux deux une esj^ace de temps, et luy dit le Roy comme la paix estoit faite , et luy conta ce cas, qui estoit advenu à Rouen , dont ledit comte ne sçavoit encores rien , disant le Roy que de son consentement n'eust jamais baillé tel partage à son frère : mais puisque d'eux-mesmes les Normands en avoient <^tte nouvelleté , il en estoit content , et passerolt le traité en toutes telles formes comme avoit esté advisé par plusieurs journées précédentes : et peu d'autres choses y avoit à accorder. Ledit seigneur de Cbarolois en fût fort joyeux : car son ost estoient en très-grande nécessité de vivres, et principalement d'argent : et quand cecy ne fust advenu , tout autant qu'il y avoit là de seigneurs s'en fussent tous allez honteusement. Toutes-fois audit comte arriva ce jour , ou bien peu de jours après , un renfort que son père le duc Philippe de Rourgogne luy envqyoit, qu'amenoit monseigneur de Saveuses où il y avoit six vingt hommes-d'armes et bien quinze cens archers , et six vingt mille escus eomptans sur dix sommiers , et grand'quanlité d'arcs et de traits : et cecy pourveut assez bien l'ost des Rourguignons , estant en defûance que le demeurant ne s'accordast sans eux.

Ces paroles d'appointement plaisolent tant au Roy et audit comte de Cbarolois, que je luy ay ouy conter depuis , qui si affectueusement parloient d'achever le demeurant, qu'ils ne regardoient point où ils alloient : et tirèrent droit devers Paris , et tant allèrent qu'ils entrèrent dedans un grand boulevart de terre et de bois, que le Roy avoit fait faire assez loin hors de la ville , au bout d'une tranchée , et entroit l'on dedans la ville par icelle. Avec ledit comte estoient quatre ou cinq personnes seulement : et quand ils furent dedans, ils se trouvèrent trèsesbahis : toutes-fois ledit comte tenoit la meilleure contenance qu'il pouvoit. ( Il est à croire que nul de ces deux seigneurs ne furent errans de foy depuis ce temps là , veu qu'à l'un ni à l'autre ne prit mal.) Comme les nouvelles vinrent à Tost que ledit seigneur de Cbarolois estoit entré dans ledit boulevart , il y eut très grand murmure : et se mirent ensemble le comte de Sainct-Panl , le mareschal de Rourgogne , le

seigneur de Contay , le seigneur de HauHbourdin y et plusieurs autres , donnant grande charge audit seigneur de Cbarolois de cette folie, et aux autres qui estoient de sa compagnie; et alléguoient l'inconvébient advenu à son grand père, à Montereau-Fau^Yonne, présent le roy Charles sixiesme. Incontinent firent retirer dedans l'ost ce qui estoit dehors pourmenant aux champs : et usa le mareschal de Rourgogne ( appelle Neuf- Chaste! par son surnom ) de cette parole : « Si >• ce jeune prince , fol et enragé , s'est allé per- » dre^ ne perdons pas sa maison , ni le falct de » son père , ny le nostre : et pour ce , que cha- » cun se retire en son logis et se tienne prest, » sans soy esbahir de fortune qui advienne : car » nous sommes suffisans, nous tenans ensemble, » de nous retirer jusques es marches de Hé- » nault, ou de Picardie , ou en Rourgogne. »

Après ces paroles monta à cheval avec le comte de Saint-Paul , se pourmenant hors de l'ost , et regardant s'il venolt rien devers Paris. Après y avoir esté un espace de temps , virent venir quarante ou cinquante chevaux , et y estoit le comte de Cbarolois, et autres gens 4u Roy, qui le ramenoient, tant ai*chers qu'autres. Et comme il les vit approcher , il fit retourner ceux qui l'accorapagnoient , et adressa la parole audit mareschal de Neuf-Chastel , qu'il craignoit : car il usoit de très-aspres paroles, et estoit bon et loyal chevalier pour son party , et luy osoit bien dire : « Je ne suis à vous que par emprunt , tant » que vostre père vivra. » Les paroles dudit comte furent telles : « Ne me tensez point ; car » je connoy bien ma grande folie : mais je m'en » suis apperceu si tard , que j'estoye près du » l)oulevart. »» Puis luy dit le mareschal qu'il avoit fait cela en son absence. Ledit seigneur baissa la teste , sans rien dire ni respondre , et s'en revint dedans son ost, où tous estoient joyeux de le revoir : et louoit chacun la foy du Roy : toutes-fois ne retourna oncques ledit comte en sa puissance.

<xx>