CHAPITRE PREMIER

Im généalogie de la riche et illustre maison de la Trémoille.

Après avoir tyré de mon désolé cueur , iunumérables souspirs pour l'infortune advenue en la très-noble et illustre maison de La Trimoille , à présent florissant en honneur , non seullement pour le décès de monsieur Charles , mais aussi de monsieur Loys son père, qui sont au lict d'honneur, couverts de fidélité, chevaleureusement passez de ceste misérable demeure au temple de bonne renommée et lieu de immortel loz sans reproche , vérité procédant de honneste amour et gratitude despiesça (l), née de plusieurs bienffaitz , et grans bénéfices que j'ay de ceste très-noble maison receuz, plus remplissans mon honneste plaisir que particulier proffit, m'ont contraint prandre une des servantes de l'œil du monde et une autre de ta radiante Lucine , pour rédiger par escript , non en vers et mectres, mais en prose, les mémorables gestes du loyal père après ceulx de l'obéissant filz. Combien que nécessité et aage me vouleussent de la main dextre ouster ma plume , et m'empescher de plus escripre tragédies, histoires et choses moralles , où au gré d'aucuns j'ay trop de jours emploiez, plaignans plus que moy l'occupacion de telles œuvres, qu'ilz n'extiment estre tant acceptées des prudens hommes que les négoces familières qui eslièvent par richesses ceulx qui, nuyct et Jour, y vacquent et travaillent , comme si , par inopiné conseil , vouloient maintenir que richesse mondaine fùst souveraine félicité , dont tous les raisonnables hommes congnoissent par vraye expériance le contraire; or donc , sans avoir regard au parler d'aucuns, à la difficulté de mon entreprise, à la

(1) Depuis long-temps.

rudesse de mon esprit, ne à la différance et variabilité du vulgaire languaige du temps présent, J'ay quis l'entrée de mon petit labeur par la généalogie de ce preux Loys nommé, par ses glorieux foictz, chevalier sans reproche; la première tige duquel végéta premièrement ou fertile et fameux pays de Rourgoigne , les vers et florissans rameaulx qui ont produyt tant de nobles fruictz en toutes les parties des Gaules . que nous appelions à présent France occidentalle.

Et pour l'entendre, les antiques et modernes historiens portent tesmoignaige que , durant te règne de Loys huyctiesme de ce nom , fils de Phelippes-Auguste, dix-septiesme roy de France, florissoyt et avoyt bruyt et renom en Rourgoigne, ung preux et hardy chevalier, nommémessire Ymbault de la Trimoille, qui fût marié avec une des filles de l'illustre maison de Castres^ duquel mariage vindrent plusieurs enfans masles , qui vesquirent avec leur père longuement ; en sorte que le père et les enfans estoient, pour leurs nobles armes, crains et redoublez y car ils estoient riches , vaillans, hardis et prudens en guerre. Et fut messire Ymbault au service dudit roy Loys VIIÏ , à guerroier les Angloys , et après son décès , au service du roy sainct' Loys , qui commença régner l'an 1227 ; et l'an 1247 les princes de France se assemblèrent en la ville de Lyon , avec le roy sainct Loys, où estoit le pape Innocent quart de ce nom, qui leur récita comment la cité de Jhérusalem avoit esté prinse par les Infidelles, et les Crestiens chassés, et partie d'iceulx occis, ce qui esmeut à pitié le Roy, les princes et plusieura chevaliers de France; en sorte que pour aller donner secours aux Crestiens , le roy sainct Loys , les arcevesques de Reims et Rourges, t'évesque de Reauvaiz, les troys frères du Roy , le comte de Sainct-Paul , Jehan comte de Richement, filz du duc Jehan de Rretaigne,lc

PAWEOYRIC

comte de La Marche , le comte de Mootfort , Archambaolt , seigneur de Bourbon , Hue de Ghastillon, le seigneur de Coucy, messire Ym*bault de La Trimoille , et troys de ses enfans, l'aisné desquels estoit marié et avoit ung filz , aussi se croisèrent plusieurs aultres princes, barons , chevaliers , prélatz et aultres gens.

L'an après, allèrent tous oultre mer prindrent la ville Damyète , environnée du grant fleuve du Nyl , puis allèrent assiéger la ville de Malsaure (1) où ils eurent grosse perte ; car une partie des Grestiens furent occis , et plusieurs desdltz prélatz et gros seigneurs de France, et entre aultres Robert, comte d'Artoys, frère dudict roy sainct Loys , messire Ymbault de La Trimoille et ses enfans, de Faisné desquelz enfans sont venuz d'aultres enfans , desquelz est descendu messire Guy de La Trimoille , dont nous parlerons par après.

Ung peu davant ce , et durant le règne dudict roy Phelippes Auguste , vivoit messire Aymery, vicomte de Thouars , qui estoit ung grant et redoutable prince en Aquitaine , et aussi monsieur Amorry de Graon , chevalier , qui fut fort aymé du pape Innocent troysiesme de ce nom, au moyen de ce que, à sa requeste, il estoit allé, contre les Infidèles, en Asie , avec Boniface, marquis de Montferrant, Bauldouyn , comte de Flandres, Henry, comte de Sainct-Paul, Loys, duc de Savoy e, et aultres princes de France , environ Tan 1200; dont par après ledict pape Innocent donna quelques privilléges spéciaulx audict seigneur de Graon , et par la bulle d'iceulx , dattée de Tan 1 222 , l'appelle le fort des forts , chief des chevaliers , ayde et secours du Sainct'Siege apostolicque : ce que je n'escriptz sans cause, car monsieur Loys de La Trimoille (duquel je veulx parler) estaussi descendu de ces dcMX maisons de Thouars et de Craon , comme nous verrons cy-après.

Du filz aisné dudict Ymbault de la Trémoille vinst ung aultre de la Trimoille qui fut père de messire Guy de La Trimoille, lequel messire Guy de la Trimoille espousa dame Marie de Sully,qui avoitesté fiancée avec monsieur Jehan, comte de Mompensier , filz de Jehan , duc de Berry, qui estoit filz du roy Jehan, et frère du roy Gharles V, au moyen de ce que durans lesdictes fiansailles ledict comte de Mompensier estoit décédé.

Ladicte Marie avoit quarante mille livres de rente, et estoit fille de messire Loys de Sully et d'une dame de la maison de Cran ; et ledict messire Loys estoit venu d'ung duc d'Athènes , à

(1) Massourc,

cause de sa mère qui estoit fille dudict duc cl seur de Gaultier, duc d'Athènes, qui espousa dame Jehanne de Mélo, dont vinst dame Jehanne d'Eu , comtesse et duchesse d*Athèues^ laquelle donna , en Tan 1388, la seigneurie de Saincte-Hermyne en Poictou ausdicts Guy de Vax Trémoille et dame Marie de Sully sa femme. Ce Gaultier, duc d'Athènes, comme récite maistre Jehan Boeasse en la fin de son livre des nobles malheureux , après la mort de son père qui avoit perdu ladicte duché que ses prédécesseurs avoyent acquise à la glorieuse conqueste que les Françoys firent contre les Infidèles, lorsque Geoffroy de Boulion, Geoffroy de Luzignen, dict la grant dent, et aultres, conquirent la Terre-Saincte, se retira à Florence dont il fut chief et gouverneur, puis s'en vinst en France, dont ses prédécesseurs estoient yssuz , et fut receu honnorablement par le roy Jehan, qui le fist son connestable, et le maria avec ladicte Jehanne de Mélo, fille de messire Raoul de Mélo, comte d'Eu et de Guynes. Depuis ledict Gaultier fut occis en la journée davant Poictiers , où le roy Jehan fut prins par les Angloys, en l'an 1356.

Messire Guy de La Trimoille estoit ung des beaulx et vaillant chevalier qu'on eust peu veoy r ; et à ceste cause, en Texpédicion que le roy Gharles VI fist contre les Angloys et Flamans , le Roy fist bailler l'auriflame audict messire Guy , qui la retourna à son honneur , la victoyre par les François obtenue. Certain longtemps après , il f^t en Hongrie , en la compaignée de monsieur Jehan , comte de Nevcrs , filz de Phelippes, duc de Bourgongne, et aultres princes de France que ledict roy Gharles VJ envoya contre les Infidèles, pour secourir Si{;îmond , roy de Hongrie et Bohème , qui depuis fut empereur , où les Françoys furent deffaitz par la malice des Hongres. Lesquetz, envieux des mémorables faictz de^ Françoys, les faisoyent marcher davant , leur donnant entendre que incontinent après marcheroit leur armée ,. ce qu'elle ne fist , par le moyen de quoy les ennemys obtindrent victoyre; et fut prins ledict Jehan , comte de Nevers, avec aultres seigneurs de France, ledict messire Guy de La Trimoille blécé en plusieurs lieux , et son filz aisné, aussi nommé Guy, qui estoit encores fort jeune, occis. Ledict messire Guy , comme il vouloit retourner en France , mourut des playes qu'il avoit eues, et fut enterré en la ville de Rhodes; il laissa ladicte de Sully sa veufve , et deux filz , Georges et Jehan, en la garde de leurdicte mère, l'aisné desquelz n'avoit encores cinq ans; et tost après ladicte dame se maria en secondes

DU CHEVAtLIEB SANS BEPAOCHE.

4ir

nopces avec messire Charles , seigneur CAllebret , lors connestable de France.

Ainsi appert que lesdictz Jehan et Georges de La Trimoille sont descenduz de la maison de Athènes et de Sully d'une part , et de l'autre part de Tancienne maison de Cran, ung puisné de laquelle espousa dame Mahault, comtesse de Flandres et de Breban , enterrée au cueur du couvent des Frères-Prescheurs de Paris, et ung messire Jehan de Craon , qui fût évesque d'Angiers, arcevesque de Reims , patriarche de Constantinople , et grand gouverneur du roy Charles V, père dudict Charles VI ; lequel messire Jehan de Cran estoit oncle de messire Pierre de Craon, chevalier , qui ftit tant aymé du roy Charles VI , et monsieur Loys duc d'Orléans, son Arère, que ledict duc voulloit qu'il fust tousjours vestu de ses couleurs : toutesfois ftist esloygné de court, pour une parolle qu'il dist à madame Valentine , espouse dudict duc d'Orléans, par le moyen de messire Olivier de Clisson , dievallier, lors connestable de France; lequel de Clisson ledict de Cran s'efforça occire en la ville de Paris , avant que l'an fust passé , dont vindrent de grosses follies , comme il est contenu es AnnaUes d'Aquitaine et Croniques de France.

Messire Jehan de La Trémoille , fliz pufené dudict messire Guy, ftit comte de Jonvelles et premier chevallier de l'ordre de Jehan duc de Bourgongne, auparavant comte de Nevers , duquel a esté parlé au précédent article ; aussi le ftit du duc Phelippes son flk , et espousa la seur de messire Loys d'Ambayse, vicomte de Thouars, et seigneur d'Ambayse Montrichard et Bière , lesquelz décédèrent sans hoirs; pourquoy hiy succéda ledict messire Georges de La TremoilIe, chevallier, son frère, quequessoit ses enfans.

Ledict messire Georges M en son vivant ung des plusbeaulx hommes que on eust sceu veoyr, et si estoit hardy chevallier et droict homme ; il fist de grans services au roy Charles VII, filz dudict Charles VI, au recouvrement de son royaulme contre les Angloys, et espousa madame Catherine de Lisle, dame de Lisle-Bouchart, de Rochefort et de plusieurs aultres terres et seigneuries : duquel mariage descendirent deux enfans, Loys et Georges. Ledict messire Loys fut marié avec dame Margarite d'Ambayse, fille dudict feu messire Loys d'Ambayse , vicomte de Thouars et seigneur d'Ambayse, Montrichard et Bière. Et au regard dudict messire Georges, ce fut ung hardy chevallier, qui fist de grans services au roy Loys unziesme , filz dudict roy Charles Vil , à la conqueste de la

duché de Bourgongne , duquel pays fût gouverneur. Il estoit seigneur de Cran , laquelle seigneurie luy estoit venue à cause de ceulx de Cran , dont J'ay parlé cy-dessus. Aussi fut seigneur de Lisle-Bouchart , et mourut sans hoyrs procréez de sa chair.

cco CHAPITRE IL

La nativité de messire Loys de La Trémoille; de ses meurs puérillesy et comment il y fut nourry.

Quelque temps après le mariage de monsieur Loys de La Trimoille et de madame Margarite d'Ambayse , son espouse , elle fût enceincte du premier de ses enfans masles; et lorsque le souleil , qui est le cueur 4u ciel et l'œil du monde , repousoit en son trosne et siège de Lihra , qui fût le vingtiesme jour de septembre de l'an 1 460, ouquel an toute la monarche des Gaules estoit eureuse de paix , et habondoit en toutes bonnes fortunes, par les disposicions fatalles qui , soubs les bannières du roy Charles septiesme de ce nom, surnommé le Bien Fortuné^ avoyent diassé et mis hors son royaulme de France , les anciens ennemys de l'honneur françoys, usurpateurs de leurs seigneuries et envieux de leurs redoutables ceptres et couronnes , celle illustre dame Margarite d'Ambayse enfanta d'ung beau filz ; ce fût nostre chevallier sans reproche ^ duquel j'entends prindpallement escripre, et fût nommé Loys , sur les fons de baptesme. Son naistre engendra toutes manières de joys, lyesses et consolacions en la maison de monsieur son père et de tout son très-noble parentaige, parce que, par son excellente beaulté, doulceur et bénignité enfantine , donnoit jà ung espoyr aux cle^voyans qu'il seroit chevallier d'excellente vertuz , et que ce seroit la précieuse pierre Trin moillaise et Ambasieone , en laquelle reluyroit le cler et immaculé nom de ces deux anciennes maisons : d'une aultre part les astronomes expérimentez disoyent que , veu le jour de sa nativité, il seroit appelle, par la disposition des corps célestes, au service des Roys, en leurs af^ faires civilz et pugniques , où il acquerroit hon^ neur de inextimable louange, et prandroitaK liance par mariage avec le sang royal.

Toutes ces choses donnèrent, oultre l'instinct de nature, une merveilleuse affectionde le faire^ songneusement alaicter et nourrir , jusques à c& qu'il eust passé son enfance , combien que du^ rant ce temps madame Margarite d'Ambaise ^ sa mère, eût de monsieur de La Trimoille , soa

PÀNEGYBIC

espoQx, trois aultr^ fllz, savoir est : Georges , Jaques et Jehan , tous approchans eu beaulté et lionnestetédeleur frère aisuéLoys. Et dès ce qu'il sentit ung commancement de force et astuce puérille^ quisuyt sans moyen l'imbécillité d'enfance , nature luy administra agillité et force correspondente à sa beaulté, avec ung arresté vouloyr de faire toutes choses appartenantes à gens qui veullent suyvir les armes et les cours des princes illustres , comme courir, saulter , luycter , gecter la pierre , tyrer de l'arc, et controuver quelques nouveaulx jeux et passetemps consonnans à l'estude militaire. Luy , ses frères et aultres nobles enfans de leurs aages, que leur pèreavoient prins en sa maison , et les entretenoit pour leur tenir compaignie, faisoyent assemblées et bandes en forme de bataille , et par les champs assailloyent petiz tigurions (1) , comme s'ilz eussent baillé assault à une ville , prenoyent bastons en forme de lances, et faisoyent tous aultres passetemps approchans des armes , monstrant que plus y avoyent leurs cueurs que aux grans lettres , fors le plus jeune nommé Jehan qui, dès son jeune aage, se desdia à l'Eglise, dont bien luy prinst, comme nous verrous cy-après. .

Tous les semy-dieux et semy-déesses du pays de Berry, voysins du Ghasteau Bommiers,où estoit la demourance de ces très-nobles enfans , laissoyent leurs maisons et chasteaulx pour vpnir veoyr leurs passetemps tant honijestes, et entre aultres Loys l'aisné, lequel ibs monstroyent Tung à l'aultre par admiration , car il €«toit beau comme ung semi-dieu, son corps estoit de moienne stature , ne trop grant ne trop petit , bien organisé de tous ses membres , la teste levée , le front hault et cler , les yeulx vers , le nez moyen et un peu aquillée, petite bouche, menton fourchu, son tainct cler et brun, plus tirant sur vermeille blancheur que sur le noir , et les cheveux cre^pellez , reluysans comme fin or. Aussi avoit de si bonnes grâces qu'il emportoit le prix dessus ses frères et compaignons, tant pour mieux faire que par ruzes , cautelle et cler engin, dont il ne prenoit aucune gloire ; mais en se humiliant, donnoit tousjours l'honneur (qu'il avoit jà aquis par l'oppinion et jugement deceulx qui les regardoient) à Ses compaignons: laquelle humilité empeschoit que envie ne s'engendrast de ses louables jeunesses en i^estomacdeceulxlesquelz il précédoit en bonne extime.

Ge Loys avoit une industrie contre la migesté

(1) Petites tours qoi servaient a l'amusement des gentilshommes.

de natire et l'imprudence de i*aage puérilie , par laquelle ehascun non seuUement se contentoit de luy, mais l'auctorisoit en tous les faictz de jeunesse , en sorte que ceulx de son aage eu faisoyent leur chief et seigneur , et n'avoient bien ne joye hors sa compaignée. Ghascun estîmoit ses père et mère eureux de telle génération ; et ne apportèrent moins d'espoir au pays de France les meurs de sa prudente jeunesse , que celle de plusieurs jeunes Rommains, tant en petites ruses, que noblesse decueur , et entre aultres de Prétextatus qui, pour eontanter sa mère l'infestant déclairer le secret du sénat qu'il avoit ouy en la compaignée de son père , auquel le celler avoit esté adjoint, luy donna, contre vérité entendre, que le sénat avoit ordonné que les hommes auroyent doresnavant plusieurs femmes pour multiplier et augmenter la généracion rommaine ; dont il fut tant bien louhé du sénat* que le lendemain le sénat , assaillypar les femmes rommaines pour rompre ceste supposée loy , extimèrent très-fort l'obédience du filz, tant envers sa mère que le sénat ; autant en feit ce noble Loys envers madame sa mère qui vouloit tirer de luy ce qu'il avoit sceu de monsieur son père en secret, et dont il avoit défense.

£n ce temps y avoit de grans discors civiiz entre le roy Loys unziesme de ce nom et les princes de son sang , qui tendoient à le priver de ceptre et couronne ; et quant ce jeune Loys en oioy t parler , disoit , à l'exemple de Marc Gaton Utisence contre Syla, aux temps des prescriptions rommaines : Si f estais avec le Roy je me essaieroys de le secourir^ et que autrefoiz bailla ung soufflet à un de ses compaignons qui soustenoit la querelle des princes mutinez contre le Roy , ainsi que feitGayus Gassius à Fauste, fllz de Syla , qui collaudoit les cruelles prescriptions de son père ; lesquelles choses estoient présage qu'il seroit de la couronne lylialle défenseur , et des injures royalles propulseur.

Pour avoir passetemps avoit oyseaulx de proye et chiens pour chasser à bestes rousses et noyres , où souvent prenoit labeur intempère , et jusques à passer les jours sans boyre et manger, (lepuis le plus matin jusques à la nuyt , combien qu'il n'eust lors que l'aage de douze ans ou environ.

<xx>

GHAPITRE IIL

Le roy Loys XI veult avoir le jeune seigneur de La Trémoille pour le servir. Comment ce jeune seigneur pria et pressa sou

DU CHBVALUBft SANS BBPROCHE.

père de Cenvoyer au service du Roy ; et avec un jeune paige , pnnst chemin pour y aller.

Le roy de FraDce Loys XI, qui estoit prudent et prenoit gens à son seervice selon son'^imaginacion , fut advertgr des meurs de Loys de La Trimoille et de sa prudente jeunesse , qui donnoyent une actende de bon cappitaiue en l*advenir; et ccmsidérant que la première origine de ceuJx de LaTrémoille estoit de Bourgongne,et que Charles, lors duc de Bourgongne, estoit ennemy de France, et pourroit retirer ce Jeune seigneur Loys de La Trimoille , manda à monsieur son père , par quelque gentilhomme de sa maison , quMI voulloit avoir son ûlz aisné pour le servir, et qu'il luy envoyast. Le père fut fort troublé de telle nouvelle, et, congnoissant la complexion dli Roy , ne sçavoit quelle responce faire , pour deux raisons : Tune qu'il ne vouloit que son filz se esloignast de luy, parce que c'estoit toute sa consolacion ; l'autre que le Roy , quelque temps auparavant , avoit mis en sa main la vicomte de Thouars, et aussi aultres seigneuries qui appartenoyent à messire Loys d'Ambayse , père de sou espouse , dont il avoit donné partie à la dame de Momsoreau (1) et à messire Jaques de Beaumout , chevalier seigneur de Bressuyre , pour quelque imaginaeion qu'il eut contre ledict d'Ambayse , à la raison de ce que on luy raporta qu'il avoit parlé seullement au duc de Bretaigne. Et pour ces causes fist responce au messagier que son filz estoit encores bien jeune pour porter les labeurs de la court, et que dedans ung an pour le plus loing , luy envoyeroit , en le merciant de l'honneur qu'il luy falsoit, dont le filz fut adverty, lequel y vouloit bien aller.

Ung jour advinst bien tost après que luy , Georges et Jaques, ses frères, en la compaignée des veneurs de leur père et d'aulcuns gentilshommes, à l'heure que aurore avoit tendu ses blanches courtines pour recepvoir le cler jour , partirent du chasteau de Bommiers pour aller chasser aux bestes rousses. Si trouvèrent ung grant cerf qu'ilz entreprindrent prandre à course de chiens et chevaulx, se mirent après par boys et fourestz , et se séparèrent pour mieulx le trouver. Le désir de prandre le cerf leur fist perdi*e le souvenir de boyre et manger^ et l'appétit de toutes viandes, en sorte que le souleil approchant de rOccident, doubloit et croissoit leurs umbres. Et tost après Tombre de la nuyt commença à chasser la reluy sauce du jour, en

(1) Nicole de Cbambcs, daoïe de Montsorcau.

sorte qu'ilz se perdirent l'ung l'autre à la course; et demoura Loys , seul en une grande fourest , courant après le cerf qu'il perdit pour l'obscurité de la nuyt. Ses deux frères prindrent le vray chemin avec les veneurs , lesquelz, conjecturans que Loys se fût retiré des premiers au chasteau, se retirèrent , et y arrivèrent environ dix heures de nuyt , tous affamez et marriz d'avoir perdu leur proye ; mais plus furent courroussez de ce qu'ilz ne trouvèrent Loys^ voyans au nombre des gens de leur compaignée , que seul estoit demouré par les boys, en dangier de sa personne. Parquoy les veneurs et autres serviteurs du chasteau , s'en allèrent à diverses pars , pour le trouver , ce qu'ilz ne feirent jusques à la poincte du jour. Comme' on le serchoit , environ lamynuit qne^Sounnus avec ses pesantes belles descend ou cerveau de l'homme et embrasse toutes les créatures en leur repos , leur deffendant de parler y le Jeune Loys , se voyant sans compaignée, fors des oy seaux nocturnes qui bruyoient par la forest , l'issue de laquelle ne povoit trouver, descendit de dessus son cheval qu'il atacha à ung arbrisseau près ung fort buisson, où il trouva une grosse souche , de laquelle après se estre estendu sur la froide et humide terre , toutesfoys couverte de fueilles , fist ung chevet où il s'endormit.

Le jeune seigneur de La Trémoille s'estant réveillé, monta sur son cheval, et fist tant ^ue, environ le poinct du jour, arriva seul au chasteau de Bommiers. Les père et mère , qui encores repousoyent en leurs lictz , sceurent la venue de leur filz et , non monstrans aucun semblant de son labeur , dont ilz furent joyeulx , commandèrent le traicter comme appartenoit, ce qu'on fist à diligence. Et après avoir beu et mangé , avant le lever de son père , prinst ung jeune gentilhomme, nommé Odet^de Chazerac, que fort il aymoit, et luy dist : « Chazerac, » mon amy , tu es le secret de mon cueur , et » la teneur deslettres clouses de ma secrète pen- » sée : parquoy Je te veulx dire un proJect que » j'ay fait cette nuyt , te priant de ne le révé- » ier. » Lors luy déclaira au long ce qu'il avoit délibéré^ par opinion arrestée, de demander copgiéàson père pour aller au service du Roy, et en son refKis s'en aller, interrogeant Odet de Chazerac s'il vouidroit aller avec luy : ce qu'il luy accorda.

PANEGVB1C

CfflAPITRE IV.

Persuasion du jeune seigneur de La Trimoille à son père.

Troys ou quatre jours après , sceu par le fil3s son père estre seul en sa chambre de retraicte , alla vers luy armé de hardiesse, pour lui déclairer l'affection de son entreprinse; mais quant il fut en sa présence , craincte paternelle et honte révérencialle le désarmèrent de hardiesse, et le laissèrent en la nudité de puérille vergongne et au fleuve de dubitacion, comme la navire sur la mer agitée de tous vents, en sorte qu'il ne povoyt trouver le moyen de descouvrir son vacillant couraige. L'exorde de ses prières et requestes par honte luy languissoyent en la bouche , qui ne vouloit obéyr au commandement du cueur. Toutesfoys , à l'exhortacion de son père qui le hardya de parier, commença rompre sa honte et à descouvrir son couraige , en disant : « J'ay » tousjjours congneu , monsieur , le plus grant de » voz désirs estre, que mes frères et moy , qui » sommes voz enfans, dont je indigne suis Taisné, » nous appliquons à choses vertueuses , et soions » nourriz en bonnes meurs , et que par maulvaix M exemples n'ayons l'occasion de prester l'oreille » aux voluptez et choses pernicieuses , à ce que » en nous soit conservé l'honneur que vous et voz » progéniteurs portans le nom de La Trémoille » avez par voz louables faictz acquis : à quoy est » trop contraire la vie privée que menons avec » vous en oysiveté, de tous vices nourisse , qui

V nous suyt et délicatement nourrist noz tendres «Jeunesses, facillesàcorrumpre, eu lesdécep- » vaut par les doulceurs de long repos , viandes

V délicates , et passetemps plus voluptueux que » excitatifz à vertuz ; desquelles choses m'est » venue une peine nouvelle en mon esprit, qui u me donne hardiesse de me présenter à vostre » paternelle mi^jesté , et très-humblement vous » prier que vostre plaisir soy t me envoyer en la » court du Roy , où est l'escoUe de toute hon- » nesteté, et où se tiennent les gens de bien soubz » lesquelz on aprend à civil lement vivre , et la » forme d'acquérir non seulement les mondaines «richesses, mais les incorruptibles trésors «de « honneur. N'aiez peur de l'imbécillité de mon » facil et petit engin, et moins de mes jeunes ans ; » car l'insupérable couraige que j'ay de servir en >*radvenir la triumphante couronne de France, » me fera surmonter tous labeurs , et oublier les » mignardises de pusillanimité et les privées » ayses de vostre opullente maison. »

Le père ouyt constamment la prière de son

cher fiiz , et à peine se peut contenir de manifester sa pensée, agitée de pitié, meslée en douleur par larmes apparentes qui jà commançoient sortir de ses yeulx. Parquoy voulant demeurer seul pour myeulx donner repos à son cueur , par la consolation de madame son espouse , dist à son fiiz : « Allez , mon amy , je penseray à ce » que vous m'avez dit, et en parlerons plus au » long une autresfois. » Le fiiz se retira en sa chambre, acompaigné d'une trop petite errance, disant à luy*mesme que, voulsist ou non son père, feroit ce qu'il avoit entrepris. Le père demeura seul jusques à ce que madame son espouse fust à son mandement venue , à laquelle il déclaira la harangue ou oraison de teur cher fiiz Loys, non sans jecter larmes et se désoler , mais encores plus la mère, quant elle eut le tout ouy ; en sorte que son espoux ne la povoit consoler ne pacifûer son cueur tout inundé de pleurs ; les causes de leurs douleurs estoient trop grand amour sensuelle qu'ilz avoient à Loys leur fiiz , non seulement pour sa forraosité , mais pour les bonnes grâces qui jà estoient en luy; ^ eussent bien voulu que tousjours eust demooré avec eulx ; daventaige doubtoient que s'il alioit au service du Roy , fust maltraicté de sa personne , et que sa tendre jeunesse ne peust supporter ce faix ; oultre cognoissoient la sévérité du Roy , et qui pour peu de chose prenoit mauvaise fantaisie contre les princes et seigneurs vieilz et jeunes , et en pourroit prandre contre leur fiiz , tant parce qu'il avait eu en hayne son ayeul paternel , les seigneuries duquel il avoit, sans cause et raison, saisies et mises en sa main, et aussi qu'ilz estoient extraictz de Bourgongne, lequel pays n'estoit aymé du Roy, pour les grans guerres et mofestes que luy faisoit Charles, duc de Bourgongne. La mère parla depuis au fils, pour le desmouvoir, luy donnant entendre toutes ces choses, et qu'il actendist encores «ing peu , jusques àce que les guerres fussent modérées: mais le fiiz ne voulut croire ne père ne mère^ et après avoir faict presser son père d'avoir congié , voyant qu'il ne luy vouloit bailler, luy-mesme le prinst, et, en la compaignée de Odet de Chazerac , jeune enfant ung peu plus aagé que luy , prinst son chemin pour aller en Court se présenter au service du Roy ; mais il ne fut long , car incontinent son père , adverty de l'entreprinse, envoya deux gentilzhommes après eulx^ et les ramenèrent à Bommiers , fort tristes.

oo<>

Dli CHEVALLIER SANS RBPBOCHF.