CHAPITRE XIV

Comment monsieur Loys ^ chic d'Orléans^ par civille discorde y se retira au duc de Bretaigne pour faire guerre au roy de France.

Toutes ces choses furent faictcs, quant audict mariage , depuis le trespas du roy Loys jusques vers la fin de Tan 1484 , duquel an , et ou moys de juillet (l) les trois Estatz du royaume furent appeliez à Tours , pour donner provision au gouvernement du Roy et du royaulme, où chescun desdictz Estatz feit ses plainctes, et après y avoir pourveu, et aussi à la régence?; fut ordonné qu'il n'y auroit aucun régent en France , mais que madame Anne de France , seur aisnée du Roy, et espouse du seigneur de Beaiyeu , qui cstoit saige , prudente et vertueuse , auroit le gouvernement de son corps, tant qu'il seroît jeune, en ensuyvant la volunté du roy Loys, leur père, dont ledict duc d'Orléans ne fut contant ; et s'efforcea par tous moiens avoir la supérintendencesur les affaires du royaume, enquoy ceulx de Paris le favorisolent. Et de ce advertie, ladicte dame de Beaujeu envoya gens à Paris pour prendre au corps ledict duc d'Orléans, qui évada et s'en alla à Alençon , où il fut quelque temps, pendant lequel le duc de Longueville (2), son proche parent, praticqua pour sa faction les comte d'Angoulesme , duc de Bourbon et seigneur d'Albert (3) , qui se déclaîrèrent ses

(1) Les étuis de Tonrs se tinrent aa ntois de janvier

amys ; pour laquelle cause furent tous désappoinctez de leurs estatz et pensions , qui Icur donna occasion de tirer à eulx le duc de Lorraine, le comte de Foix et le prince d'Orenge. Toutesfoizceste entreprinse fut soudain rompue, et accord faict avec ladicte dame de Beaujeu^ qui conduisoit caultement et prudemment son affaire en Tan 1485.

L'année ensuyvant, adverty ledict due d'Orléans que la dame de Beaujeu, soubzl'auctorité du Roy, le vouloi#tenir au destroict, et qu'elle avoit esté advertie de ses entreprises secrètes , se retira subtillement et secrètement vers monseigneur François, duc de Bretaigne, anciea ennemy du feu roy Loys, père dudit roy Charles ; lesquelz, avec aultres princes lesrs adhérens, demandèrent ayde aux Angloys, et prin* drent aliance avec eulx contre les Françoys. Le i*oy Charles et son conseil y pourveurent : car à diligence droissèrent grosse armée qu'ilz envoyèrent en Bretaigne, par troys divers lieux ; et , après plusieurs villes dudict pays prinses y allèrent assiéger la ville de Nantes, eal'an 1487, en laquelle estoyent ledict duc Françoys et ses deux filles, Anne et Ysabeau, le prince d'Orenges, la dame de Laval, l'évesque de Nantes, homme de saincte vie, et le comte de Commynges.

Les François levèrent le siège de Nantes y pour la véhémence du chault, et marcha l'armée françoise vers la ville de Dol , qu'ilz prindrent sans résistance, la pillèrent, et y prindrent prisonniers plusieurs Bretons. Le seigneur de Rieux qui tenoit Encenix pour le Roy , le livra aux Bretons , et , en allant à Nantes vers le duc de Bretaigne, prinst Chasteaubriand qui tenoit pour le Roy, puis alla mectre le siège davant la ville de Vannes, qui luy fut rendue et livrée par les François , moiennant certaine composition faicte entre eulx. D'une aultre part, l'armée du Roy reprinst le chasteau et place d'Encenix, et en chassèrent les Bretons, lesquelz y avoient esté mis par le seigneur de Rieux ; et, parce que le lieu luy appartenoit, et qu'il avoit faulsé sa foy, le Roy feit abatre la place jusques à fleur de terre ; puis s'en alla l'armée françoise assiéger Chasteaubriand, qu'elle prinst et mist à sac au commancement de l'an 1488.

OOO

(2) Comte de Dunois. fils (la fameux Punol5.

(3) Albret.

DU CHEVALLIEB ftlKS BEPBOCHB.