CHAPITRE XX
Des meurs , vertuz , gouvernement ef forme de vivre de madame Gabrielle de Bourbon, première espouse du seigneur de La Trimoilley et monseigneur Charles leur filz ; où est incidemment parlé d'aucunes dames gui ont esté excellentes en bonnes lettres.
Nous avons veu comme, incontinant après la première année que le seigneur de La Trimoille eut espousé madame Gabrielle de Bourbon, fille du feu comte de Mompensier , elle eut ung filz nommé Charles, et à la raison de ce que la forme de vivre de celle noble dame vault bien estre réduicte à mémoyre, pour la doctrine des dames qui pourront lire cy-dedaus, je escripray en briefves parolles ce que je y ay peu veoyr et cognoistre ; c'est que ceste dame estoit dévote et pleine de grant religion, sobre, chaste, grave sans fierté , peu parlant , magnanime sans orgueil , et non ignorant le lettres vulgaires. Tous les jours ordinairement assistoit aux heures canonlalles , oyoit la messe et disoit ses heures dévotement sans ypocrisie ; elle se délectoit sur toutes choses à ouyr parler de la
Sainete-Ëseripture , sans trop avant aenquérir des secretz de théologie; plus amoit le moral et les choses contemplatives que les argumens et subtilitez escorchées de la lettre , pai* lesquelles le vray sens est souvent perverty; elle se contentoit de peu de viandes aux heures acoustumées ; en public monstroit bien elle estre du royal sang , descendue par ung poi*t assez grant et révéraneial, mais au privé , entre ses gentilzhommes^ damoyselles , serviteurs et gens qu'elle avoit accoustumé veoyr, estoit la plus bénigne , gracieuse et familière qu'on eust peu trouver ; consolative, confortative et tousjours habondante en bonnes parolles , sans vouloir ouyr mal parler d'aultruy, ne de chose lascivieuse, voluptueuse ne scandaleuse; et hayoit les gens notez de telz vices.
Elle estoit si magnanime que bien se contantoit estre la plus part du temps privée des plaisirs et doulceurs de mariage, et dormir seule en ennuy et regret, à ce que son espoux, en servant le Roy et s'emploiant aux affaires du royaume et du bien public , acquist honneur et louange. Elle amoit trop mieulx le rapport luy avoir fait louables armes que tout l'or du monde ; elle estoit libéralle et magnifique en conviz, tapisseries , vaisselle d'or et d'argent, comme à sa maison appartenoit , sans superfluité : jamais n'estoit oyseuse , mais s'emploioit une partie de la journée en broderie et aultres menuz ouvrages appartenans à telles dames , et y occupoit ses damoiselles, dont avoit bonne quantité, et de grosses , riches et illustres maisons. Et quant aucunesfoiz estoit ennuyée de telz ouvrages , se retiroit en son cabinet fort bien gamy de livres, lisoit quelque histoire ou chose moral le ou doctrinalle ; et si estoit son esprit ennobly et enrichy de tant bonnes sciences , qu'elle emploioit une partie des jours à composer petitz traictez à l'honneur de Dieu , de la vierge Marie , et à l'instruction de ses damoiselles; elle composa en son vivant une contemplation sur la nativité et passion de Nostre- Seigneur -Jhésuscrist, ung aultre traicté intitullé le Chasteau de Sainct- Esprit^ ung aultre traicté intitullé ï Instruction des jeunes filles y et ung aultre traicté intitullé le Viateur^ qui sont toutes choses si bien composées qu'on les extimeroit estre plus ouvrage de gens de grans lectrés que composicion de femme; voire et si n'estoit aucunement présump* tueuse, car elle faisoit tousjours veoir et visiter ses compositions à gens de hault et bon savoir, comnae je sçay, parce que de sa grâce me bailloit la charge de les faire amander.
Toutes ces bonnes meurs et condicions aydèrent fort aux perfections que monseigneur
PÀNBOYBIC
Charles wm fils aequist en J^nesse , voire autant que Jeune prince qu'on eost sceu lors ^eof r. Aucons troovoyent extrange que ceste dame empioiast son esprit à composer livres , disant que ce n'estoit l'estat d'une femme ; mais ce iégier jugement procède d'ignorance ; car en parlant de telles matières on doit distinguer des femmes, et sçavoir de quelles maisons sont venues , si elles sont riches ou pauvres. Je suis bien d'opinion que les femmes de bas estât, et qui sont chargées et contrainctes vacquer aux choses familières et domesticques, pour l'entretiennement de leur famiile, ne doyvent vacquer aux lectres , parce que c'est chose répugnant à rusticité; mais les roynes, princesses et aultres dames qui ne se doyvent, pour la révérence de leurs estatz , appiicquer à mesnager comme les mécaniques, et qui ont serviteurs et servantes pour le faire, doyvent trop mieulx appiicquer leurs esprictz et emploier le temps à vacquer aux bonnes et honnestes lectres concemans choses moralles ou historialles , qui* induisent à vertuz et bonnes meurs , que à oysiveté, mère de tous vices , ou à dances, conviz, banquetz et aultres passe-temps scandaleux et lascivieux ; mais se doivent garder d'applicquer leurs espritz aux curieuses questions de théologie , concemans les choses secrètes de la Divinité , dont le savoir appartient seulement aux prélatz , recteurs et docteurs.
Et si à ceste considéracion est convenable aux femmes estre lettrées en lettres vulgaires , est encores plus requis pour un aultre bien, qui en peult procéder , c'est que les enfans nourriz avec telles mères sont voluntiers plus éloquens, mieulx parlans , plus saiges et mieulx disans que les nourriz avec les rusticques, parce qu'ilz retiennent tousjours des condicions de leurs mères ou nourrices. Coruélie, mère de Grachus, ayda fort, par son continuel usaigede bien parler , à l'éloquence de ses enfans : Gicero a escript qu'il avoit leu ses épistres , et les extime fort pour ouvrage féminin. La fille de Lélius , qui avoit retenu la paternelle éloquence, rendit ses enfans et nepveux disers. La fille de Hortense feit une très-éloquente oraison en la présence des Trivires de Romme. Les anciens habundoyent en femmes très-doctes en toutes disciplines, mesmement les Grecz, entre lesquelz , comme nous lisons, y eut plusieurs femmes trèsbien instruictes en philosophie. Platon eut entre ses aultres disciples , deux femmes, l'une nommée Lasthéma Manthinéa et l'autre Apiothéa Phliasia , lesquelles , comme a escript Dicearchus , usoyent de vestement virille pour plus commodément apprendre. Arétha, fille d'Aris-
tlpus, qui avoit esté disciple de Socrates, sceut tant de philosophie qu'elle en monstra et ensei* gna à son filz AHstIpus le Jeune. Pitagoms n'a eu honte d'avoir escript qu'il avoit moult aprins de philosophie de sa scur Théoela ; aussi endoctrina en philosophie sa fille , à laquelle lalssi par son testament ses Commentaires. L'amont qu'elle avoit aux lettres fut cause dont elle garda perpétuelle virginité , et soubz elle eut plnsieurs pucelles ausquelles premièrement aprinst la philosophie de pudicité et chasteté.
Alexandre le Grant ne voulut espouser la fille du roy Daire, Jaçoit ce qu'elle fbst trèsbelle et très-riche , et ayma mieulx prandre à femme , sans dot , Barsyne, fille de roy, tontesfoiz pauvre, parce qu'elle savoitles jettres grecques. Licurgus fut bien de ceste opinion, qnant, par ses loix , ordonna qu'on prendroit les femmes sans dot , Cest-à-dire sans qu'elles eussent aulcune chose en mariage , à ce que les hommes quissent les vertueuses femmes et non leurs richesses , et que pour ceste raison les filles se appliquassent à science et vertu. Nicostrata , mère de Evander , ftit surnommée Carmente , parce que richement composoit carmes et mettres par lesquelz prédisoit les choses futures. Nous lisons que Mistis Lirica et Coryna sa disciple furent très-bien instruictes en l'art poéticque, semblablement Anagora Milésia et Comificia, seur du poète Cornificius , laquelle composa plusieurs excellensépigrames, dont depuis a eu grant louange. Et si nous voulons parler des dames crestienncs, pensons au savoir de Pau le et Probe , dames rommaines ausquelles satnct Hiérosme a escript tant de belles épistres latines, et à la science argumentative de saincte Catherine , qui , par argumentacions , surmonta cinquante docteurs ; et ne oublions le livre composé en latin par saincte Brigide, ne les prophécies de toutes les sibilies.
Or estott donc madame Gahrielle de Bourbon pleine de bon sçavoir et élégante en composicion prosaïque, qui selon le jugement de Chrisipus, en son livre de VInstitucion des enfans^ donna ung naturel instruict à monsieur Charles son filz, prince de Thalemont,de aymer les livres et les bonnes lettres; et sçay que ouitre les con^ dicions de vraye noblesse et de discipline mili^ taire où monsieur son père l'avoit songueusement fait instruyre , estoit grant historien , et composoit très-élégamment en épistres et rondeaux. Il excédoit en grandeur corporelle , père et mère, et si estoit gros à l'advenant ; et parce que aulcuns de cenlx du nom de La Trémoille avoyent esté graz , monsieur sou père , pour y obvier, le mist entre mains de gens fort éveilleZi
DU CHEVALLIER SANS BBPBOCHB
lesquels FexeitoyeDt à tous Jeux pénibles et honnestes, commeà saulter, gecter la barre, Jouer à la paulme et à jouxter, et , combien qu*il aymast le passetemps des dames quant il estoit en Court, je sçay qu'il a esté ung des chastes princes qui fût onc et qui plus avoit en horreur femmes meschantes. A son port et contenance , sembloit estre grave et fier , mais c'estoit une honneste gravité sans orgueil, plaine de magnanimité et vuyde de adulation et flatterie ; et n*y avoit prince dont la familiarité de chambre entre ses domesticques fust plus actractive à Tamer e révérer. Il parloit peu, et ne vouloit dire parolle perdue et qui ne portast fruict. Il fut marié jeune avec madame Loyse , fille de monseigneur Charles de Coictivy, comte de Taillebourg, et de madame Jehanne d'Orléans son espouse , fille du bon duc Jehan d'Angoulesme, à présent réclamé comme saluct , et seur de monseigneur Charles, père du Roy françoys qui à présent est, qui fût une grant et grosse aliance.
