CHAPITRE XXV

Comment monsieur Françoys , duc d'Angoulémeyfut roy de France y le premier de ce nom; et de la victoyre qu'il ohtinst contre les Souysses , à Saincte-Brigide (2).

Le roy Loys laissa deux filles seullement de madame Anne , duchesse de Bretaigue , Claude et Aune; etpar de^ault de hoyr masle en droicte ligne , la couronne et ceptre de France vindrent à monsieur Françoys, duc d'Angoulesme , le plus proche en ligne collatéralle, lequel avoit auparavant espousé ladicte madame Claude, fille aisnée de France. A l'entrée de son règne confirma ledict seigneur de La Trémoille en tous ses estatz et offices ; l'année prochaine après il entreprinst le recouvrement de sa duché de Milan , occupée par Maximilian , iilz de Ludovic Sforce , par le support des Souysses ; et , pour ce faire , droissa grosse armée , qui ne fut sans ledict seigneur de La Trémoille et monsieur Charlc, prince de Thalemont, son iilz, qui acompaignèrent avec aultre le Roy en ceste expédieion: ilz prindrent leur chemin à Grenoble, à Nostre-Damed'Ambrun Agnellestre et à Saiuct-

(1) Il mourut le premier janvier 1515.

(2) La bataille de Marlgnan.

Paul , puis passa le Roy ,* avec son armée et artillerie , par ung chemin qu^on dfsoit estre inacessible pour chevaulx et chariotz , dont les ennemys ne se doubtolent. Par le moien de quoy , Prospère Columpne (3), avec quinze cens hommes de cheval de l'armée dudict Maximilian , furent surprins par les seigneurs de Yrobercourt et de La Palice , à Yillefranche , qui est une petite ville du pays de Pymont , et ledict Prospère Columpne emmené prisonnier au Roy, qui renvoya en France soubz bonne et seure garde.

Les Souysses estoient à Suze , à Villanne et Immole , pour garder les passages , qui , cour^ toussez et esbahys de la prinse de Prospère Columpne, commencèrent à marcher vers Millan , et , à grant diligence , passèrent la rivière du Pau , avec leur artillerie , par ponths de cordes^ et entrèrent en INovarre , où le Roy les suyvoit ; et luy estant à Versel , furent portées parolles de paix , pour laquelle faire furent cofhmis et députez le bastard de Savoye , le seigneur de Lautrect et aultres gens de sorte; et néantmoin» l'armée du Roy marchât tousjours , qui assiégea Novarre , laquelle , vuyde des Souysses , se rendit ; de Novarre allèrent à Bufférolle , et cependant le Roy eut nouvelle que la paix estoit accordée entre luy et les Souysses, moyennant certaine somme de deniers qu'il leur donnoit , pour le deffray de leur armée; et , comme on leur portoit l'argent, se mirent à chemin pour aller au-devant du Roy et le surprendre, en venant, contre leur accord, à l'exhortaclon du cardinal de Syon (4).

0 grant malice et lascheté de gens , Inventée et soustenue par personne en dignité ecclésiastitique constituée, et dont le maleur tumba sur les lasches ! car le Roy , de ceste trahyson adverty , non estonné de si prestement combattre, comme hardy et plain de cueur , délibéra le» actandre, et se mettre premier au labeur et dangier, et ce mesme jour , qui fut le quatorziesme jour de septembre l'an 1515, environ trois ou quatre heures après-midy , les Souysses , acompaignez des Italiais , vindrent frapper sur l'armée des Françoys , dont les Alemans du Roy de la bande noyre, esbaiz, reculèrent, doubtans que le Roy eust intelligence avec les Souysses pour les deffaire, au moien dudit traicté de paix qui avoit esté tenu pour faict le jour précédent ; mais deux mille avanturiers françoys soustindrent la première poincte des Souysses et se monstrèrent gens de bien , car ilz deffirent d'entrée quatre mille Souysses; les autres bandes des Souysses

(3) Prospcr Colonne.

(4) Mathieu Scheiner, cardinal de Sion.

DU CHEVALLIF.fi SANS IlEPUOCIIE.

(cctidans mettre en désordre les Françoys, comme ilz avoyent faict la bataille à Novarre , en laquelle estoyent les Italiens deux ans davant) donnèrent sur la bataille françoyse: mais ilz furent rebbutez par l'artillerie , qui besongna si bien avec les hommes d'armes, que les Souysses ne furent les plus fors. Le Roy , qui estoit en la bataille, accompaigné dudiet seigneur de La Trémoille et d'aultres vaillans capitaines, ne perdit de veue l'artillerie, et si allait de lieu en aultre, croissant tousjours par doulx langaige les hardiz cueurs de ses gens-d'armes.

La meslée fut cruelle et longue, car elle dura jusques après jour couché, à la raison de ce que la lune luysoit; et si estoyent les Françoys et Souysses si acharnez à se occire l'ung l'autre , qu'il n'y eut chose qui les peust séparer , que l'obscurité de la nuyt, en laquelle le Roy n'eut aultre llct , fors le timon d'une charette, et pour fins linceux le harnoys sur le dos; car, d'une part et d'autre, les gens d'armes furent tousjours en doubte. A peine on trouva de l'eaue clère pour le Roy , parce que les ruisseaux courons autour du lieu de la bataille, estoient plains du sang des occis; les autres princes et seigneurs n'eurent moindre peine, comme la raison le vouloit ; et entre aultres le seigneur de La Trémoille fut toute la nuyt armé, sans clore lesyeulx, près du Roy : son filz , le prince de Thalemont, estoit en la compaignée du duc de Rourbon , qui conduysoit l'avant-garde. Le landemain matin le Roy fut adverty que les Italiens et Souysses retournoient en groz nombre et bon ordre pour leur donner bataille , et , considérant la peine prise par ses gens-d'armes le jour précédent , affln qu'ilz ne reculassent, les principaulx d'iceulx assemblez, leur dist ces paroi les ou semblables en substance :

Oraison et persuasion militaire du roy de France à ses gens-d^armes contre les Souysses,

« Toute persuasion, mes fidèles amys, n'est à » mon jugement superflue en aultres entreprin- •» ses, l'entrée desquelles est dangereuse, et l'ys- » sue à doubter, comme celle laquelle, soubz * l'asseurance de voz nobles vouloyrs , force et » hardiesse, j'ay faicte. Vous congnoissez au- 1* quel dangier de noz vies , honneur et biens » avons, à la desloyalle lascheté de noz enne- » mys , résisté, dont la première gloire à celluy » duquel les victoires procèdent rendue , vous u en donne le loz et bienveillance ; et puisque , » par secours divin et voz labeurs, avons le dan- » gierde l'entrée passé et surmonté, mectons

» pelue que à nostre honneur et avantaige en » soit l'issue. Et pour aisément le faire, vostre » nature qui est hardie et belliqueuse soit conto sidérée ; vostre coustume qui est de n'estre » vaincuz , observée ; les meurs de noz ennemis, « congneues, qui plus sont convoiteuxde pécune » que avaricieux d'honneur; la forme de leur M combatre , considérée , qui a plus de mine que » d'effect, plus d'aparence que existence ; et que » au premier rompre sont vaincuz, et n'ont, » seuls, forte résistance; et leur ouitrecuidance » mise davant voz yeulx , par laquelle se dient » connecteurs des princes, au rabaissement de » toute noblesse: nostre juste querelle nous doit » donner force ; leur injustice , seureté ; leurs «mauvaises meurs, mespris de leurs armes; » et nostre nécessité, accroissement de cueur et » de couraige. Considérez nostre honneur et » gloire si l'orgueil de ces rusticz est humilié, et » nostre reproche s'ilz sont noz vainqueurs. Plus u devons souhaiter la fin de noz petites vies en « l'honneur , que la longueur en misère et re- » proche : et plus devons désirer mourir en per- » sécutant noz adversaires et quérant le mérite » de justice, que laisser vivre, en vivant, les w violateurs d'équité. Je vous prie , Messieurs , » que mourez avec moy, et moy avec vous, pour « acquérir honneur à nos parens, salut à nostre M pays, et faire ce à quoy nous sommes tenuz; et » je vous asseure que si la victoyre nous de- » moure , que par effect recongnoistray sans in- » gratitude les biensfaisans. »

La nécessité de combatre mist fin à ces parolles, pour entendre à I'cuvtc ; car les Italiens et Souysses, qui estoyent jusgues au nombre de trente mil combatans, assaillirent les Françoys en leur camp ; messire Jaques Gallot, chevalier hardy, de grant sens et bonne conduycte ( qui estoit màistre de l'artillerie), les receut à leur grosse perte et dommaige, car à grans coups de canons en deffist une partie; néantmoins les aultres qui tousjours tindrent leur ordre, entrèrent sur les Françoys et Alemans qui les recullèrent hardyment. La meslée fut grande et cruelle ; mais les Françoys furent les plus fors et deffirent les Souysses, fors ceulx qui tournèrent le doz, et ausquelz les jambes feirent plus de service que les braz et mains ; et n'eust esté la poussière, peu se fussent saulvez : il en demeura sur le camp quinze ou seize mille; le reste prinst son chemin vers Milan.

ooo

PANEGTBIG