CHAPITRE VII

Comment Vàbbé cPEsnay bailla cent escus au bon Chevalier pour avoir deux chevaulx, et escripvit unes lettres à ung marchant de Lyon pour luy délivrer ce qui luy seroit nécessaire.

Il y eut plusieurs propos entre l'abbé et les deux gentilz-hommes ; mais à la fin il les mena à son logis , et fist ouvrir une petite fenestre , où d'une bourse qui dedans estoit tira cent escuz, lesquelz il bailla à Bellabre , et luy dist : « Mon » gentil-homme, vêla cent escus que Je vous ^ baille pour achapter deux chevaulx à ce vail- » lanl gendarme , car il a encores la barbe trop » Jeune pour manyer deniers; Je m'en vois es- » cripre ung mot à Laurencin pour luy bailler » les habillemens qui luy seront nécessaires. » — Cest très-bien foit, Monseigneur, dist Bel- » labre , et Je vous asseure que quant chascun » le sçaura , vous n'y aurez sinon honneur. » Si lut demandé incontinent ancre et papier pour escripre à Laurencin , auquel il manda bailler à son nepveu ce qui luy seroit nécessaire pour s'acoustrer à ce tournoy, ymaginant en soy-mesmes qu'il ne sçauroit avoir à besongner pour cent francs de marchandise ; mais il alla bien autrement, comme vous orrez cy-après. Incontinent que les gentilz-hommes eurent leur lettre, après avoir pris congé de l'abbé, et par le bon Chevalier l'avoir très-humblement remercié de la courtoysie qu'il luy falsoit, s'en retournèrent dedans leur petit bateau pour revenir à Lyon , fort Joyeulx de ce qu'ilz avoient si bien besongné.

Si commencea à parler Bellabre, et à dire: « Sçavez-vous qu'il y a, compaignon, quant » Dieu envoyé des bonnes fortunes aux gens, » il les fault bien et sagement conduyre : ce » qu'on desrobe à moynes est pain bénelst. » Nous avons une lettre à Laurencin pour pren- » dre ce qu'il vous fauldra ; allons vistement à » son logis avant que vostre abbé ait pensé à ce » qu'il a fait , car il n'a point limité en sadicte » lettre jusques à combien d'argent il vous V baille d'acoustremens. Par la foy de mon » corps , vous serez acoustré pour le tournoy, et » pour d'icy à ung an y car aussi bien n'en aurez- » vous Jamais autre chose. » Le bon Chevalier, qui ne demandoit pas mieulx , se print à rire , et luy dist : « Par ma foy, mon compaignon , la » chose va bien ainsi ; mais , je vous prie , has- » tons-nous^ car J'ay grant paour que s'il s'ap- » perçoit de ce qu'il a fait, que incontinent » n'envoyé ung de scfs gens déclairer pour com- » bien d'argent il entend qu'on me baille d'ha- » billemens. » Très-bonne Ait leur conception , comme vous entendrez. Si firent dillgenter la pontonnière, qui les rendit Jusques auprès des changes, où ilz se misrent à bort ; et incontinent marchèrent droit au logis de Laurencin , qui estoit en sa bouticque , lequel saluèrent ; et il , qui estoit fort honneste et bon marchant, leur rendit le semblable. Bellabre commencea la parolle, et dist: « Par mon ame, sire Laurencin, mon » compaignon et moy venons de veoir ung hon- » neste abbé ; c'est monseigneur d'Esnay. — » Je vous prometz , c'est mon , dist Lauren- » cin; c'est ung grant homme de bien, et me » tiens du nombre de ses bons serviteurs. J'ay » eu en ma vie à faire à luy de vingt mille » francs , mais Jamais ne trouvay ung plus rond » homme. — Mais ne sçavez-vous l'honnesteté » qu'il a faicte à son nepveu mon compaignon , >» que vècy ? dist Bellabre. Il a sceu qu'il avoit » touché aux escuz de Messire Claude de Yaul- » dray, et qu'il se vouloit esprouver pour hon- » neur acquérir^ comme ont fait ses ancestres ; » et sachant que nous couchions ensemble , tous » deux nous a envoyez quérir à ce matin ; et » estre arrivez , après nous avoir fait très-bien » desjeuner, a donné trois cens beaulx escuz à » son nepveu pour avoir des chevaulx , et da- » vantage pour s'acoustrer, de sorte qu'il n'y » ait homme en la compaignie mieulx en ordre » que luy, nous a baillé une lettre à vous adres* » sant, pour luy bailler ce qu'il luy sera néees- » saire. » Si luy monstra la lettre ; il congneut incontinent le seing de monseigneur l'abbé. « Je » vous asseure, Messeigneurs , dist Laurencin , » qu'il n'y a rien céans qui ne soit à vostre

Qoogle

LB BON CilEVALIEn

» commandement , et de monseigneur qui m'es- » cript: regardez' seulement qu'il vous fault. « Si firent incontinent desployer draps d'or^ d'argent , satins brochez , yeloux et autres soyes , dont ils prindrent pour le bon Chevalier jusques à la valieur de sept ou huyt cens francs ; et puis prindrent congié de luy pour s'en aller à leur logis , et incontinent envoyèrent quérir tailleurs pour faire leur cas.

Or retournons ung petit à l'abbé qui fut bien aise quant il se veit despesché de son nepveu. Si commanda qu'on apportast à disner, où il eut de la compaignie ; et entre autres propos commencea à dire tout hault : « J'ay en une ter- » rible estrayne à ce matin ; ce garson , mon » nepveu de Bayart, a esté si fol que d'aller tou- » cher aux escuz de messire Claude , et pour » s'acoustrer est venu à ce matin demander de » l'argent : j'en ay esté pour cent escus, et en- » cores n'esse pas tout, car j'ay escript à Lau- » rencin luy bailler ce qu'il luy demandera pour » s'acoustrer sur le harnois. » A quoy respondit le secrétain de iéans : « Sur ma foy, Monsei- »> gncur, vous avez bien fait ; il veult suy vre » les prouesses de monseigneur vostre grant- » père , qui fut si vaillant homme, et tous ses » parens. Je ne voy mal en cecy que ung ; il » est jeune et voluntaire : vous avez escript à » Laurencin qu'il luy baille ce qu'il luy de- » mandera ; je suis seur qu'il le fera, quant il » seroit question de deux mille escus ; j'ay peur » qu'il n'en preigne plus que vous n'entendez. » L'abbé va incontinent penser là dessus, et respondit : « Par sainct Jacques, secrétain, vous >» dictes vray, car je n'ay point escript jusques » à combien. » Si dist : « Qu'on m'appelle le >• maistre d'hostel , » qui vint sur l'heure. « A » coup , Nicolas , dist l'abbé, ung autre servira » bien pour vous ; allez à la ville chez Lauren- » cin , et luy dictes que je luy ay escript à ce u matin bailler quelques habillemens à mon » nepveu de Bayart pour le toumoy de messire » Claude ; qu'il luy en baille pour cent on six » vingtz francz , et non pour plus ; et ne faictes » que aller et venir. » Ledit maistre d*hostel alla bien tost , mais il partit bien tard. Quant il fut chez Laurencin , il estoit à table ; mais pource qu'il estoit assez privé de Iéans , monta en hault, et salua la compaignie , qui luy rendit le semblable. « Monseigneur le maistre, dist » Laurencin , vous venez à bonne heure ; lavez » la main , et venez faire comme nous. — Je » vous mercye , respondit-il , ce n'est pas ce qui ** me mehie : monseigneur m'envoye icy, parce » qu'il vous a escript aujourd'huy bailler à son M nepveu de Bayart quelques acoustremens. »

Laurencin n'attendit pas qu'il eust achevé , et dist : « Monseigneur le maistre, j'ay desjà fait » tout cela. Je vous asseure que je l'ay bien mis » en ordre : c'est ung très-honneste jeune gen- «> til-homme ; monseigneur fait bien de luy » ayder. — Et pour combien lui en avez-vous » baillé ? dist le maistre d'hostel. — Je ne » sçay, sur ma foy, dist-il, si je ne veoye » mon papier, et son récépissé au dos de la » lettre de monseigneur ; mais il m'est advis » qu'il en y a pour environ huyt cens francz. » — Ha I par Nostre-Dame , vous avez tout » gasté. — Pourquoy ? dist Laurencin. — > Pource , respondit le maistre d'hostel , que » monseigneur vous mandoit par moy ne luy » en bailler que pour cent ou six vingtz francz. » — Sa lettre ne dit pas cela , dist Laurencin : » et quant il en eust demandé plus largement , » plus en eust eu, car ainsi me le mandoit mon- » seigneur. — Or il n'y a remède , fist le mais- » tre d'hostel : à Dieu vous command. » Si s'en retourna à.Esnay, et trouva encores la compaignie où il l'avoit laissée. Quant l'abbé veit son maistre d'hostel , luy dist : « Et puis, Nicolas , ^ avez-vous dit cela à Laurencin ? — Ouy bien, » Monseigneur, mais je suis allé trop tard ; » vostre nepveu avoit desjà fait sa foyre, et en » a seulement pris pour huyt cens francz. — » Pour huyt cens francz I Saincte Marie , dist » l'abbé, vèlà ung mauvais paillardeau. A coup, » vous sçavez bien son logis; allez le trouver, » et luy dictes que s'il ne va vistement rendre » sur Laurencin ce qu'il a pris , que jamais de » moy n'amendera d'ung denier. »

Le maistre d'hostel fist le commandement de monseigneur, et s'en vint à Lyon , cuydant trouver son homme, qui paravant s'estoit bien doubté de l'encloueure , et avoit dit à ses serviteurs : « Si personne des gens de monseigneur » d'Ësnay me viennent demander, qu*on face » force excuses , en sorte que je ne parle point » à eulx; » et pareillement en fit advertir tous ceux du logis. Quant le maistre d'hostel le vint demander, on luy fist response qu'il estoit chez monseigneur de Ligny. Il y va , et ne le trouva pas. Si retourna au logis. On luy dist qu'il estoit allé essayer des chevaulx delà le Bosne. Bref, il y fut plus de dix fois, mais jamais ne le peut trouver. Si s'en retourna , car il veit bien que c'estoit une mocquerie. Quant il fut à Esnay, il dist à monseigneur que c'estoit temps perdu de chercher son nepveu, car plus de dix fois avoit esté à son logis ; mais possible n'estoit de le trouver, car il se faisoit célcr. « Si , dist » l'abbé ; par mon serment c'est ung mauvais » garson , mais il s'en repentira. » Son courroux

SANS PAOUR ET SANS MfiPlIOUCHE.

se passa quand il voulut , mais il n'en eut autre chose. Si laisserons à parler de luy, et retournerons an bon Chevalier et à son compaignon , et commeut ilz exploictèrent en leurs affaires.

ooo