CHAPITRE XVIIL

Comment le roy de France envoya grosse armée à Naples, où iljistson lieutenant-général le seigneur d*Aubigny.

Vous avez entendu pur cy-devant comment , après la mort de monseigneur de Monpensier, les Neapolltalns se révoltèrent , et s'en vindrent tous les François en France , dont le roy Charles huytiesme fût fort desplaisant, et s'en feust vengé s'il eust vescu; mais mort le prévint. Incontinent que le roy Loys douziesme vint au règne, il voulut entendre à la conqueste de sa duché de Milan ; parquoy les affaires dudit royaulme de Naples demourèrent long-temps en suspens ; et estoit desjà mort Ferrand, filz d'Alphonce, et régnoit oudit royaulme son oncle Fédéric. Entendre devez une chose : c'est que quant le feu roy Charles conquesta le royaulme , il maria son cousin le seigneur de Ligny à une grant, dame du pays, appellée la princessse d'Altemore ; mais guères ne vesquit, car quant ledit roy voulut retourner en France, amena avecques luy ledit

LB BO.N GHEVALIEA

seigneur deLigny, dontbientost après, ainsi que le bruit fut, ladicte dame mourut de dueil.

Par le trespas d'elle , et aussi par don que icelluy roy Cliarles en avoit fait, estoient demourées oudit royaulme plusieurs terres audit seigneur de Ligny , mesraement en la Fouille, comme Venoze , Canoze, Monervyne, Bezeille et plusieurs autres. Si print voulenté au roy Loys douziesme d'envoyer reeonquester sondit royaulme de Naples, et y cuydoit bien aller ledit seigneur de Ligny: mais par deux fois luy fut le voyage rompu, dont aucuns voulurent dire que de dueil il en mourut. Si y fut envoyé pour lieutenant-général le seigneur d'Aubigny , un trèsgentil et vertueux cappitaine, très-bien acompaigné de gens de cheval et de pied, entre lesquels estoit la compaignie du seigneur de Ligny, que mena et conduyt son bon lieutenant le cappitaine Loys d'Ars. Or n'avoit garde de demourer le bon Chevalier derrière, ains demanda congé à son bon seigneur de maistre, qui à grant regret le luy donna, car desjàTavoit pris en grant amour; et depuis ne se veirent l'ung l'autre.

Ainsi marcha ce vaillant cappitaine le seigneur d'Aubigny (1) droit audit royaulme, où il fist si bonne diligence, et trouva domp Fédéric si peu de secours et d'amitié parmy ses hommes, qu'il fut contraiact habandonner le royaulme , et fist quelque composition avecques icelluy seigneur d'Aubigny , qui l'envoya avecques sa femme et enfans en France , où il fut receu très-bien du Roy; et luy fut baillé la duché d'Anjou et d'autres terres, suy vaut la composition faicte, et dont il a jouy jusques à sa mort. Depuis, sa femme (2) ne fut j[)as trop bien traictée ; dont il me semble que ce fut mal fait, et pour une femme de roy a esté depuis veue en grande nécessité. Le royaulme de Naples pris par ce seigneur d'Aubignj', assist ses garnisons par compaignies ; et fut celle du seigneur de Ligny mise sur ses terres , dont le cappitaine Loys d'Ars bailla le gouvernement d'aucunes au bon Chevalier, qui en fist très-bien son devoir. Et furent quelque temps en paix le roy d'Arragon, qui*y prétendoit quelque droit, et le roy de France, qui luy en avoit laissé quelque porcion. Et fut icelle paix criée, l'année mesmes , à Lyon , entre France , Espaigne et le roy des Rommaius , par le moyen de Tarcheduc d'Autriche qui avoit à femme l'aisnée fille d'Espaigne ; et avecques elle eu retournoit, passa par Lyon, etallàveoir sa seur, alors duchesse de Savoye. Mais ce fut une paix fourrée; car en ce mesme instant le roy d'Arragon envoya grosse

(I) Béraait Stuart . de la maison royale d* Ecosse. Il i-ommandaU la garde écoss .Ise do Louis XII.

puissance à Gonssalle-Ferrande , estant audit royaulme par Pintelligence du pape Alexandre, qui reprist la ville de Naples, et la pluspart dudit royaulme fut révolté. Ledit seigneur d'Aubigny y fist ce qu'il peut, mais enfin fut oontrainct de se retirer en la Fouille.

Je ne suis pas délibéré de traicter autrement de ce qui advint oudit royaulme de Naples durant deux ou trois ans, ne des batailles de la Sézignolle , de Joye , du Garillan , et plusieurs autres, dont en aucunes gaiguèrent les François, et en autres perdirent ; car il est assez escript ailleurs. Combien que au derrenier ne sçay si ce fut par faulte d'ordre ou de bien combatre, les François eu furent chassez de tous poûoitz l'an 1524, et depuis n'y retournèrent. Je ne sçay si tel estoit le vouloir de Dieu ; mais sans difficulté celluy qui les en chassa ne celluy qui le tient à présent n'y ont aucun droit , sinon par la force , qui est le poinct où tous princes taschent enfin de venir. Je veulxseullement parler des fortunes qui adyindrent au bon Chevalier sans paour et sans reprouche durant la guerre guerroyable que eurent ensemble François et Espaignolz; et premier vous diray fortune qui luy advint.

c>co