IG

LE BO>l CHEVALIEB

» comme la raison veult , le bon et honneste « traictement que je vous ai faict; et ce faisant, « ferez vostre honneur et rabillerez le mien, le- «quel contre raison avez foullé;et où seriez » reffusant de le faire, je vous déclaire que je » suis délibéré le vous faire desdire par combat « mortel de vostre personne à la mienne, soit à » pied ou à cheval , ainsi que mieulx vous plai- >• ront les armes ; et à Dieu, De Monervyne , ce » dixiesme juillet. » Par une trompette qui estoit au vaillant et noble seigneur de La Palisse, qu'on appelloit La Lune, fut envoyée ceste lettre à ce seigneur doinp Alonce, dedans la ville d'André; laquelle, quant il l'eut leue, sans en demander conseil à personne, iuy fit responce par la mesme trompette, et escripvit unes lettres contenant ces motz : « Seigneur de Bayart, j'ay ■** veu vostre lettre que ce porteur m'a baillée, et » etitre autres choses dictes dedans icelle avoir » esté par moy semé parollcs devant ceulx de » ma nation que ne m'avez pas traicté en gentil- »» homme, moy estant vostre prisonnier, et que, » se ne m'en desdiz, estes délibéré de me comn batre. Je vous déclaire qu'ouequesne me des- » diz de chose que j'aye dicte , et n'estes pas » homme pour m'en faire desdire. Parquoy du » combat que me présentez de vous à moy, je » l'accepte entre cy et douze ou quinze jours , à » deux milles de ceste ville d* André , ou ailleurs » que bon vous semblera. » La Lune donna ceste responce au bon Chevalier, qui n'en eust pas voulu tenir dix mille escus , quelque maladie qu'il eust. Si lui remanda incontinent qu'il acceptoit le combat , sans se trouver en faulte au jour de l'assignation. La chose ainsi promise et accordée , le bon Chevalier en advertit incontinent le seigneur de La Palisse, qui estoit homme fort expérimenté en telles choses , et ie prist après Dieu pour son guydon,et son ancien compaignon Bellabre. Si commença à approcher le jour du combat, qui fut tel que vous orrez.

ooo