CHAPITRE XXVI
De plusieurs choses qui advindrent en deux années tant en France ^ Ytalie^ que Espaigne.
Après toutes ces choses passées, y eut quelque abstinence de guerre entre France et Espaigne , qui n'estoit guères bien à propos , car les ungs avoient ce quHz demandoient , et les autres non.
En Tan 1505, mourut Jehanne de France, duchesse de Berry, qui avoit esté mariée au roy Loys douziesme, lequel en ceste mesme année , en sa ville de Bloys , fut si griefvement malade qu*on ne luy espéroit vie , habandonné de tous ses médecins et de tout remède humain : mais Je croy que , à la requeste de son peuple et par leurs prières (car il estoit bien aymé, au moyen que jamais ne les avoit oppressez ne fouliez de tailles) , Nostre-Seigneur luy prolongea ses jours.
Oudit an , mourut domp Fédéric d'Arragon , au Plessis-lez-Tours , jadis roy de Naples , qui fut le dernier de la lignée de Pierre d*Arragon, lequel sans raison ny moyen usurpa ledit royaulme de Naples; et ne l'ont ceulx qui l'ont tenu depuis et tiennent encores à autre tiltre.
L'an 1506, une des plus triumphantes et glorieuses dames qui puis raille ans ait esté sur terre alla de vie à trespas : ce fut la roy ne Ysabel de Castille, qui ayda , le bras armé , à conquester le royaulme de Grenade sur les Mores, et print prisonniers les enfans du roy Chico qui occupoit ledit royaulme, lesquelz elle Ait baptiser. Je veulx bien asseurer aux lecteurs de ceste présente histoire, que sa vie a esté telle^ qu'elle a bien mérité couronne de laurier après sa mort.
L'année mesmes trespassa son gendre , qui par le décès d'elle avoit esté son héritier, Philippes, roy des Espaignes à cause de sa femme, archeduc d'Austriche et conte de Flandres. France ne perdit guères à sa mort , car il y avoit semé ung grain qui peu y eust proufflté.
Le pape Julles, par le secours du roy de France et l'ayde de son lieutenant-général ou duché de Milan, le seigneur de Ghaumont, messfre Charles d'Amboise, homme diligent et vertueux, conquesta Boulongne sur messire Jehan de Bénètevoille (i) , oudit an ; où, pour récompense et pour payement , bailla en France de beaulx pardons. Je ne sçay qui donna ce
(1j Bentivoglio.
conseil , mais oncques puis les François ne furent fort asseurez en Ytalie ; car avecques ce que ledit Pape n'estoit pas trop bon François , il se fortifia deçà les Alpes, à rencontre des terres du roy de France qu'il tenoit en Lombardie : je m'en rapporte à ce qui s'en est ensuy vy depuis. Plusieurs pour l'heure se trouvèrent bons marchands; car aucuns cappitaines qui gouvernoient ce seigneur de Ghaumont en eur^it deniers de présent, et aucuns de la plume bénéfices. Bref, c'est une diablerie quand avarice précède l'honneur ; et cela a tousjours beaucoup plus régné en France qu'en autre lieu : si est-ce le plus excellent pays de l'Europe , mais toutes bonnes terres n'apportent pas bon fruict en quelque sorte que ce soit. Je me tiendray avecques celuy qui a fait le rommant de la Eoze , qu'on nomme maistre Jehan de Meung , lequel dit que beaulx dons donnent loz aux donneurs, mais ilz empirent les preneurs.
Le roy d'Arragon, veuf par le tre^^ d'Ysabel sa femme, print, l'année mesmes , la niepce du roy de France , Germaine de Foix , qui fut emmenée en grant triumphe en Espaigiie ; et la vint quérir le conte de Siffoyntes et ung évesque jacobin. Depuis qu'elle fut en Ëspaigne elle a bien rendu aux François les honneurs qu'elle avoit receuz du pays ; car jamais ne fut veu de tous ceulx qui depuis l'on eougneue, une plus mauvaise Françoise.
OOO
