I. C. D. M., T. IV

jeune gentil-homme de France, Iiardy et entreprenant cappitaine, filz dung vertueux et sage chevalier, le seigneur d'Alègie , avecques bien mille ou douze cens avauturiers françois, tous gens d'eslite et d'escarmouche. En ce camp raesmes fut conclud d'aller mettre le siège devant la ville de Padoue , et pour cesle cause fut assemblé le conseil, où il y eut de diverses oppinions; car l'Empereur avoit ung lieutenant-général de nation grecque, qu'on appel loi t le seigneur Constantin, qui vouloit faire toutes choses à sa teste, dont enfin très-mal en print à son maistre , comme vous orrez. Il fut ung peu souspeçonné de trahison , et l'en voulut le seigneur de La Palisse comhatre; mais il ne fut possible le faire venir au point. Or laissons ce propos jusques à ce qu'il sera hesoing d'en parler. Conclusion fut prise à ce conseil d'aller mettre le siège audit Padoue, et que pour les approuches les gens-d'armes françois feroient la pointe avecques le prince de Hanno et ses lansquenetz, qui estoit la plus triumphaute bcnde de tous les Almans ; mais que premier il estoit très-nécessaire prendre une petite ville appellée Montselles, où il y avoit ung chasteau très- fort, à six ou sept milles de Padoue , parce que la garnison qui estoit dedans pour la spigneurie eust peu merveilleusement fascher le camp et les vivres qui y venoient.

Le lendemain matin se partit l'armée, et \ int loger à demy-mille de ceste petite ville, qui ne tint point , car guères ne valloit ; mais le chasteau estoit deffensable pour ung long temps , si les coquins qui estoient dedans eussent riens valu : mais le cueur leur faillit incontinent ; car les approuches faictes , et que l'artillerie eut fait bien peu de berche et malaisée, fut sonné l'alarme pour aller à l'assault. Il falloit bien monter ung grant gect d'arc ; mais ces aventuriers françois du cappitaine Meillault y furent soubdainement , et semhloit qu'ilz n'eussent mangé de huyt jours , tant légiers estoient. Ceulx de dedans firent quelque résistance ; mais guères ne continuèrent , car en moins d'ung quart d'heure ilz furent emportez , et tous mis en pièces. Ces aventuriers y firent assez bon butin , et entre autres choses y avoit sept ou huyt vingtz fort beaulx chev^lx. La ville et chasteau furent renduz es mains du duc de Ferrare , qui les querelloit; mais il presta trente mille ducalz. Deux jours après ceste prinse de Montselles, de^jlogea l'armée , qui s'en alla droit devant Padoue , où fut assis le siège.

LE BON CUEVALIEB