T. IV

MÉMOIBES DE PHILIPPE DE COUINES. [147 1]

le marquis deMontagu, lequel estoit très- vaillant chevalier , de descendre à pied et d'envoyer les chevaux. Tellement se porta cette journée, que ledit comte mourut, et son frère le marquis de Montagu, et grand nombre de gens de bien , et fut la déconfiture très-grande : car la délibération du roy Edoiiard estoit, quand il partit de Flandres, qu'il n'useroit plus de cette façon de crier qu'on sauvast le peuple, et qu'on tuast les gens de bien, comme autrefois il avmt fait en ces batatailles précédentes : car II avoit conceu une très-grande haine contre le peuple d'Angleterre, pour la grande favear qu'il voyoit que ledit peuple portoitau comte de Warvic, et aussi pour les autres raisoua, pour quoy à cette fois ils ne furent point espargnez. Du costé du roy Edouard moururent quinze cens hommes , et ftit cette bataille fort combatuë.

Au jour de ladite bataille estoit le duc de Bourgogne devant Amiens, et eut lettres de U duchesse sa femme, que le roy Edouard n'estoit pas content de luy, et que l'ayde qui lui avoit esté faite, avoit esté faite en mauvaise sorte, et à grand regret, et qu'à peu tint qu'il ne Feusl abandonné. Et pour dire la vérité, 4'amitié ne fut jamais grande depuis : toutesfois il en ftt son profit, et fit fort publier cette nouvelle. J'ay oublié À dire comment le roy Henry fut mené en cette l)ataille : car le roy Edouard le trouva à Londres. Ledit roy Henry estoit homme fort ignorant et presque insensé : et si je n'en ay ouy mentir, incontinent «près cette bataille , le duc de Cloeestre, frère dudit roy Edouard, lequel depuis a esté roy nommé Richard^ tua de de sa main, ou fit tuer en sa présence, en quelque lieu à part, ce l)on homme nommé le roy Henry. Le prince de Galles, dont j'ay parlé, à l'heure de cette bataille estoit jà descendu en Angleterre : et estoient joints avec luy les ducs de Cloeestre et Somerset, et plusieurs autres de sa lignée, et des anciens partisans : et y avoit plus de quarante mille personnes, comme m'ont dit ceux qui y estoient : et quand le comte de Warvic l'eust voulu attendre, il y a grande apparence qu'ils fussent demeurez les seigneurs et maistres : mais la crainte qu'il avoit dudit de Somerset, dont il a fait mourir père et Arère, et aussi de la reyne Marguerite (l), mère dudit prince ,

(1) Marguerite, veuve de Henri YI»roi d'Angleterre, privée de tous ses enfonts, vint en A^jou finir ses Jours, et mourut h Dampierre, prés de Saumui*. chez un gentilborame nommé François de la Ylgnolle, seigneur de Moralns, qui autrefois avait été serviteur du roi René de Sicile, père de cette princesse. On lit dans VHisto^e d'Anjou, de Jean de Bourdigné. première partie, chapitre 3, p. 7 : « Après beaucoup de malheurs, traverses et

qu'il craignoit, M cause de le faire combattre tout à part soy , sans les attendre. Regardez donc combien durent ces anciennes pQrtialite£,et combien elles sont à craindre , et les grands dommages qui en advieunent.

Dès que le roy Edouard eut gagné la bataille^ il tira au devant dudit prince de Galles : et là y eut une très-grosse bataille : car ledit prince de Galles avoit plus de gens que le Roy : toutesfois ledit roy Edouard en eut la victoire , et fot le prince de Galles tué sur le champ , et plusieurs autres grands seigneurs , et très-grand nombre de peuple : et le duc de Somerset pris^ lequel eut dès le lendemain la tète tranchée. En onze jours gagna le comte de Warvic, tout le isoyaume d'Angleterre, au moins le mit en son obéissance. Le roy Edoiiard le conquisten vingt et un jour ; mais il y eut deux grosses batailles^ et aspres. Ainsi voyez quelles sont les mutations d'Angleterre, Ledit roy Edouard fit mourir beaucoup de peuple en plusieurs lieux, par espédal de ceux qui avoient fait les assemblées contre luy. De tous les peuples du monde, cehiy d'Angleterre est le plus enclin en ses batailles. Après cette journée est demeuré le roy Edouard, pacifique en Angleterre, jusques à sa mort : mais non pas sans grand travail d^esprit, et grandes pensées. Je me veux taire de plus vous advertlr de ces fhits d'Angleterre, jusques à ce qu'ils servent à propos en quelque autre lieu.