CHAPITRE V

Comment le duc de Bourgogne se tint quelques semaines comme solitaire , ei comment cependant le duc de Lorraine recouvra sa ville de Nancy.

Pour continuer mon propos, faut parler du duc de Bourgogne , lequel après la suite de cette bataille de Morat (qui fut en l'an t476) s'estoit retiré à l'entrée de Bourgogne , en un lieu appelle la rivière : auquel lieu il séjourna plus de six semaines, ayant encores cœur de rassembler gens. Toatesfois il y besoigaoit peu , et se te-

noit comme un solitaire, et semblolt plus qu'il faisoit par obstination ce qu'il faisoit, qu'autrement, comme vous entendrez, car la douleur qu'il eut de la perte de la première bataille de Granson fut si grande, et luy troubla tant les esprits qu'il en tomba en grande maladie , et fut telle , que sa colère et chaleur naturelle estoit si grande qu'il ne beuvoit point de vin , mais le matin beuvoit ordinairement de la tisane, et mangeoit de la conserve de roses pour se rafraîchir. Ladite tristesse mua tant sa complexion , qu'il luy faloit boire le vin bien fort sans eau : et pour luy faire retirer le sang au cceur, mettoient des estoupes ardentes dedans des ventouses , et les luy passoient en cette chaleur à l'endroit du coeur. Et de ce propos vous, monseigneur de Vienne, en sçavez plus que moy , comme celuy qui l'aidast à panser cette maladie , et luy fistes faire la barbe , qu'il laissoit croistre : et à mon advis , oncques puis ladite maladie ne fut si sage qu'auparavant, mais beaucoup diminué de son sens.

Et telles sont les passions de ceux qui Jamais n'eurent adversité « et qui après semblables infortunes ne cherchent les vrais remèdes, et par espécial les princes, qui sont orgueilleux : car en ce cas et en semblables, le premier refuge est retourner à Dieu, et penser si en rien on l'a offensé , et s'humilier devant luy, et connoistre ses mesfaits : car c'est luy qui détermine de tels procès , sans ce qu'on luy puisse proposer nulle erreur. Après cela, fait grand bien de parler à quelque amy de ses privez, et hardiment devant luy plaindre ses douleurs, et n'avoir point de honte de monstrer sa douleur devant l'espécial amy , car cela allège le cœur et le réconforte , et les esprits reviennent en leur vertu , parlant ainsi à quelqu'un en conseil , ou bien faut prendre autre remède, par quelque exer^^ cice et labeur (car il est force, puisque nous sommes hommes, que telles douleurs passent avec passion grande , ou en public ou en particulier ), et non point prendre le chemin que prit le duc de se cacher , ou se tenir solitaire : mais faire le contraire , et chasser toute austérité. Car pour ce qu'il estoit terrible à ses gens , nul ne s'osoit avancer de lui donner nul confort ou conseil , mais le laissoit faire à son plaisir , craignans que si aucune chose luy eussent remonstré, qu'il ne leur en fut mal pris.

Pendant ces six semaines, ou environ, qu'il séjourna avec bien peu de gens (qui n'estoient point de merveilles, après avoir perdu de si grosses batailles, comme vous avez ouy ), et que plusieurs nouveaux ennemis se furent déclarez, et les amis refroidis, et lessubjects rompus et

MBMOinfiS I)B PHILIPPE DB COHINES. [M7Gj

desfaits, qui commençoicnt à entrer en morroure, et avoir leur maistre en mespris, ainsi qu'il est bien de coustume, comme j*ay dit, après telles adversitez , plusieurs petites places furent prises sur iuy en cette Lorraine , comme Vaudemont; et puis Espinal , et autres après : et de tous costez se commencèrent à esveiller gens pour Iuy courre sus : et les plus mescbans estoient les plus hardis. Et sur ce bruit , le duc de Lorraine assembla quelque peu de gens et de peuple , se yint loger devant Nancy. Des petites villes prochaines il en tenoit la pluspart : toutesfois le duc de Bourgogne tenoit encores le Pont-à-Mousson y à quatre lieues dudit Nancy , ou environ. Entre ceux qui estoient dedans assiégez, estoit un de la maison de Groy , appelle monseigneur de Bièvres (1), bon chevalier et honneste , il avoit gens' de pièces ; et entre les autres aussi estoit dedans un Anglois appelle Cohin^ très-vaillant homme, de petite lignée; et l'amenay avec autres de la garnison de Guynes au service dudit duc. Ledit Qohin avoit environ trois cens Anglois soubs Iuy en ladite place : et combien qu'ils ne fussent point pressez de siège ni d'approches , si leur ennuyoit-il de ce que ledit duc de Bourgogne mettoit tant à les secourir , et à la vérité il avoit grand tort qu'il ne s'approchoit, car là où il estoit c'estoit loin du pays de Lorraine , et n'y pouvoit plus de rien servir : car il avoit mieux besoin de deffendre ce qu'il possédoit que de courir sus aux Suisses, pour se cuider vanger de son dommage. Mais son obstination Iuy porta grande perte, de ce qu'il ne prenoit conseil que de Iuy : car quelque diligence qu'on fist pour le solliciter de secourir cette place, il séjourna sans nul besoin audit lieu de la Rivière six semaines , ou environ : et s'il eust fait autrement , il eust aisément secouru ladite place, car ledit duc de Lorraine n'avoit comme point de gens devant ; et en gardant le pays de Lorraine, il avoit tousjours son passage pour venir de ses autres seigneuries passer par Luxembourg et par Lorraine pour aller en Bourgogne. Parquoy si la raison eust esté en Iuy telle qu'elle y avoit esté autrefois, il y de voit faire autre diligence.

Pendant que ceux qui estoient dedans Nancy attendoient leur secours, ledit G)hin, dont j'ay parlé, qui estoit chef de cette bande d'Anglois qui estoient dedans, fut tué d'un canon, qui fut

(1) Jean de Rubcmpré, seigneur de Biévres. chevalier de la Toison-d^Or» (Ils d'Antoine, seigneur de Rubcmpré, et de Jaqnellne de Croy, ce qui a pu faire croire k l'auteur qu'il était de la maison de Croy, quoiqu'il n*en descendit que par $a mère.

grand dommage audit duc de Bourgogne : car la personne d'un seul homme est aucunesfois cause de préserver son maistre d'un grand inconvénient, encores qu'il ne soit ni de sa maison , ni de lignée grande , mais que seulement le sens et la vertu y soient. Et en cet article ay connu au Roy , nostre maistre , un grand sens : car Jamais prince n'eut plus grande crainte de perdre ses gens que Iuy. Dès que ledit Gohtii fut mort, les Anglois qui estoient soubs Iuy commencèrent à murmurer et à se désespérer du secours; et ne connoissoient point bien la petite force du duc de Lorraine, et les grands moyens qu'avoit le duc de Bourgogne de recouvrer gens : mais par le long-temps qu'il y avoit que les Anglois n'avoient eu guerres hors de leur royaume , ils n'entendoient pc^nt blea ie fait des sièges ; et en effet se mirent à vouloir parlementer, et dirent audit seigneur de Bièvr^, qui estoit chef en la ville, que s'il n'appointoit , ils appointeroient sans Iuy; combien qu'il fat bon chevalier, si avoit-il peu de vertu, et usa de grandes prières et de grandes remonstrances, et croy que s'il eust plus audacieusement parlé, il Iuy en fut mieux pris , sinon que Dieu en eut ainsi ordonné , et cela croirois-je mieux , car II ne faloit que tenir encores trois Jours, qu'il n'eussent eu du secours. Mais pour abréger, il compleut et se consentit aux dessusdits Anglois, et rendit la place (2) au duc dé Lorraine , saufs leurs personnes et biens;

Le lendemain, ou pour le plus tard, deux Jours après ladite place rendue, le duc de Bourgogne arriva auprès bien accompagné, selon le icas ; car ils Iuy estoient venus quelques gens du quartier de Luxembourg , qui venoient de ses autres seigneuries, et se trouvèrent le duc de Lorraine et Iuy ; toutesfois il n'y eut rien d'importance, parce que ledit duc de Lorraine n'estoit assez fort. Ledit duc de Bourgogne se mit encores après son esteuf à remettre le siège devant Nancy : il Iuy eust mieux valu n'avoir esté si obstiné en sa demeure , mais Dieu prépare tels vouloirs extraordinaires aux princes, quand il iuy plaist muer leur fortune. Si ledit seigneur eust voulu user de conseil , et bien garnir les petites places d'entour , il eust en peu de temps recouvré la place, car elle estoit très-mal pourveue de vivres , et il y avoit assez et trop de gens pour la retenir trop à destroict , et eust peu

(2) Elle fut rendue, faute de vivres, au commeneement d'octobre 1476. Bièvres envoya au duc René un pâle fait avec de la cliair de cheval . afin de montrer l'eilrémilé où il éult réduit. Le duc René lui fil porter du gibier et le meilleur vin de 5on échansonnertc.

rafraîchir son armée et la refaire ; mais il le prit par autre bout.