CHAPITRE XVL

Comment ies Gandois qui avaient usurpé authoriié par-dessus leur princesse ^ quand son père fui mort , vinrent en ambassade vers le Roy, comme de par les trois Estats de leur pays.

Pour l'heure de ce siège d'Arras, madamoisdle de Bourgogne estoit à Gand , entre les

(I) Peaux.

mains de ces très-déraisonnables gens, dont perte luy en survint , et profit au Roy : car nul ne perd au monde que quelqu'autre n'y gagne» Aussitost que ils sceurent la mort du duc Char* ies, il leur sembla qu'ils estoient eschappez , et prirent tous ceux de leur loy (qui sont vingt et six) et la piuspart , ou tous firent mourir, et prirent leur couleur, disant qu'ils avoient fait le jour de devant décapiter un homme ; et nonobstant qu'il l'eût bien desservy , si n'en avoient* ils aucun pouvoir, comme ils disoient : car leur pouvoir estoit expiré par le trespas dudit duc , qui les avoit créez audit gouvernement. Us firent mourir aussi plusieurs grands et bons personnages de la ville, qui avoient esté amis favorables dudit duc ; dont il y en *a voit aucuns qui de mon temps, et moy présent, avoient aidé à desmouvoir ledit duc Charles, lequel vouloit destruire grande partie de ladite ville de Gand. Ils contraignirent ladite damoiselle à confirmer leurs anciens privilèges , qui leur avoient esté ostez par la paix de Gand (qui fut faicte avec le duc Philippe) et autres, par le duc Charles. Lesdits privilèges ne leur servoient que de noise avec leur prince, et aussi leur principale inclinati<m est de désirer leur prince foible , et n'en aiment nuls depuis qu'ils sont seigneurs; mais très-naturellement les aiment quand ils sont eu enfance, et avant qu'ils viennent à la seigneurie : comme, ils avoient fait cette damoiselle, qu'ils avoient soigneusement gardée et aimée jusques lorsqu'elle fust dame.

Aussi est bon à entendre que si à l'heure que ledit duc mourut, ies gens de Gand n'eussent fait aucun trouble, et eussent voulu tascher à garder le pays, que soudainement ils eussent pourveu à mettre gens dedans Arras , et par adventure à Péronne; mais ils ne penîisèrent lors qu'à ce trouble. Toutesfois le Roy estant devant ladite ville d'Arras , vinrent devers luy aucuns ambassadeurs de par les trois Estats des pays de ladite damoiselle : car ils tenoient à Gand certains députés desdits trois Estats; mais ceux de Gand faisoient le tout à leur plaisir , pource qu'ils tenoient ladite damoiselle entre leurs mains. Le Roy les ouït, et entre autres choses dirent que les choses qulls avoient proposées^ qui estoient tendans à fin de paix, procédoient du vouloir de ladite damoiselle, laquelle en toutes choses estoit délibérée de se conduire par le voulmr et conseil des trois Estats de son pays , et requéroient que le Roy se vousist déporter de la guerre qu'il faisoit, tant en Bourgo* gne qu'en Artois , et que l'on prit journée pour pouvoir amiablement pacifier , et que cependant fût donnée surséance de guerre.

Le Roy se trou voit Jà comme an-dessus, et encore cuidoit-tl que les choses vinssent mieux à son plaisir qu'elles ne firent; car il estoit bien informé que plusieurs gens-de-guerre estoient morts et deffalts partout, et beaucoup d'autres tournez de son costé , et par espécial monseigneur des Cordes ( dont il faisoit grande estime, et non sans cause : car de long-tempsii n'eust fait par force ce que par intelligence il avoH eu par son moyen, peu de jours avant, comme avez ouy ), et pour ce il estima peu leurs requestes et demandes : et aussi estoit-il bien informé, et sentoit bien que ces gens de Gand estoient en tel estât, qu'ils troubloient tant leur compagnie , qu'ils ne sça voient donner aucun ordre ou conseil à conduire la guerre contre luy ; car nul homme de sens , ne qui eût eu authorité avec leurs princes passez^ n'cstoit appelé en rien touchant leurs affaires , mais estoit persécuté et en danger de mort : et par espécial ils avoieut en grande haine les Bourguignons, pour la grande authorité qu'ils avoient eue au temps passé. £t davantage le Roy connoissoit bien tout cela (lequel en telles choses voyoit aussi clair que nul homme de son royaume) que lesdits Gandois faisoient à leur seigneur de tout temps, et qu'ils désiroient le voir appetissé^ pourveu qu'ils n'en sentissent rien en leur pays ; et pour ce il advisa.que s'ils estoient encommencez à se diviser, qu'il les y mettroit encores plus avant: car ceux à qui il avoit affaire n'estoient que bestes et gens de ville la pluspart, et par espécial ne se connoissoient en ces choses subtiles, dont ledit seigneur se sçavoit bien aider , et faisoit ce qu'il devoit , pour convaincre et mener à fin son entreprise.

Le Roy s*arresta sur la parole que ses ambassadeurs avoient dite (qui estoit que leur princesse ne feroit rien sans la délibération et conseil des trois Estats de son pays), en leur disant qu'ils estoient mal informez du vouloir d'elle et d'aucuns particuliers, car il estoit seur qu'elle entendoit conduire ses affaires par gens particuliers , qui ne désiroient point la paix , et qu'eux se trouveroient désavouez : dont lesdits ambassadeurs se trouvèrent fort troublez, et comme gens mal accoustumez de besogner en si grandes affaires et matières, respondirent promptement qu'ils estoient bien seurs'de ce qu'ils disoient, et qu'ils monstreroient leurs instructions quand besoin seroit. On leur respondit qu'on leur monstreroit lettres quand il

(i) Marguerite d*York.

(2) Adolphe, second fils d'Adolphe, duc de Glèves, et de Marie de Bourgogne.

MBMOIBES DE PHILIPPE DE COIIINES. [1477]

plairoit au Roy , escrites de telle main qu'ils le croiroient, qui disoient que ladite damolselle ne vouloit conduire ses affaires que par quatre personnes. Ils répliquèrent encore qu'ils estoient bien seurs du contraire ; ^ lors le Roy leur fit monstrer les lettres que le chancelier de Rourgogne et le seigneur d'Hymbercourt avoieut apportées à l'autre fois qu'ils avoient esté à Péronne, lesquelles estoient escrites, partie de la main de ladite damoiselle , partie de la main de la duchesse de Rourgogne, douairière (1), femme du duc Charles et sœur du roy Edouard d'Angleterre , et partie de la main du seigneur de Ravestain (2) , frère du duc de Glèves , et prochain parent de ladite damoiselle. Ainsi estoit cette lettre escrite de trois noains : toutesfois elle ne parloit qu'au nom de ladite damoiselle ; mais il estoit ainsi fait pour y adjouster plus grande foy. Le contenu de ladite lettre estoit créance sur lesdits chancelier et Hymbercourt ; et davantage ladite damoiselle déelaroit que son intention estoit que tous ses affaires seroient conduites par quatre personnes, qui estoieut ladite douairière, sa belle-mère, ledit seigneur de Ravestain , et les dessusdits chancelier et Hymbercourt ; et supplioit au Roy que ce qu'il lui plairoit faire conduire envers eiie, passast par leurs mains, et qu'il luy plust 's'en adressser à eux, et à nuls autres n'en avoir comnuinication.

Quand ces Gandois et autres députez eurent veu cette lettre, ils en ftirent fort marris, et ceux qui communiquoient avec eux les y aidoient bien. Finalement ladite lettre leur fût baillée, et ils n'eurent autre dépesche qui fùst de grande substance : et il ne leur en chaloit guères , car ils ne pensoient qu'à leurs divisions, et à faire un monde neuf , et ne regardoient point à plus loin , combien que la perte d'Arras leur devoit bien plus toucher au coeur; mais c'estoient gens qui n'avoient point esté nourris en grandes matières, et gens de ville la plus* part, comme J'ay dit. Ils se mirent à chemin droit à Gand , où ils trouvèrent ladite damoiselle avec laquelle estoit le duc de Glèves (8), son prochain parent , et de sa maison de par sa mère, lequel estoit fort ancien. Il avoit esté nourry dans cette maison de Rourgogne , et de tout temps en avoit eu six mille florins du Rhin de pension ; parquoy^ outre le parentage, il y venoit aucunesfois comme serviteur. L'évesque du Liège et plusieurs autres grands person-

(3) Jean, premier du nom , fils d'Adolphe . duc de C lèves, et de Marie, fille de Jean, duc de Bourgogne, et de Marguerite de Bavière.

IIÉMOIESS DE PHHJPPB DB COHINSS. [l477]

nages y estoient pour accomptfgDer ladite damolselle et poar lears affaires particulières , car révesqae dessosdit estott venu pour faire quitter à son pals trente mille florins ou environ, qu'ils payoient au duc Gliarles , par appoiutement fait entre luy et eux, après les guerres qu'ils avoient eues ensemble, dont J'ay parlé cy-devant^ toutes lesquelles guerres avoient esté pour la querelle et affaire dudlt évesque; pource il n'avûit point grand besoin de faire cette poursuite, et les devoit désirer estre pauvres; car il ne prenoit rien en son pays qu'un petit domaine, eu regard à la grandeur et richesse dudlt pays et de son spirituel.

Ledit évesque estoit frère de ces deux ducs de Bourbon , Jean II et Pierre II qui de présent règne , homme de bpnne chère et de plaisir, peu connoissant ce qui luy estoit bon ou contraire , retira à luy messire Guillaume de la Marck, un beau chevalier et vaillant , très-cruel et mal conditionné, qui tousjours avoit esté son ennemy , et de la maison de Bourgogne aussi , en faveur des Liégois. Ladite damoiselle de Bourgogne luy donna quinze mille florins du Rhin, en fiiveur dudit évesque du Li^e et de luy , pour le réduire : mais trop tost après il se tourna eontr'elle et contre son maistre ledit évesque , à qui il estoit , ayant entreprise de faire son fils évesque par force et par la faveur du Roy ; et depuis il déconfit ledit évesque en bataille, et le tua de sa main , et le fit jeter en la rivière , lequel y demeura trois Jours. Ledit duc de Glèves y estoit, espérant faire le mariage de son fils aisné (I) avec ladite damoiselle, et qui luy sembloit chose sortable pour beaucoup de raisons : et croy qu'il se fust fait, si le personnage eût esté conditionné au gré d'elle et de ses serviteurs ; car il estoit de cette propre maison , et en tenolt sa duché , et avoit esté nourry léans , et par aventure que la veuë et connoissance qu'on avoit de luy , luy fit ce donmiage.

<xx>