DE COMINES

Dieu ; car 11 donne les plus sages à la part qu'il veut soustenir, ou le sens de les choisir à celuy qui en a l'authorité; et a bien monstre, et fait voir jusques icy , qu'eu toutes choses il a voulu soustenir nos roys, tant celuy trespassé nostre bon maistre , comme cestuy-cy , combien que quelquefois il leur ait donné des adversitez. Ceux qui reperdirent ees places , estoient gens assez , combien que promptement ne se vindrent mettre dedans lesdites places, qui s'estoient ainsi rebellées et révoltées pour eux , mais donnèrent temps audit gouverneur, de faire son amas , ce que faire ne dévoient , car ils sçavoient assez de son estât, veu l'amour que le pays leur portoit; et pour ce ils se dévoient mettre dedans Beaune, qui estoit forte ville, et si ia pouvoient bien garder, et les autres non.

Le jour que ledit gouverneur se mit aux champs, pour aller devant une meschante petite ville appellée Verdun , y alloit bien informé de leur estât, eux y entrèrent, cuidans aller à Beaune pour se mettre dedans, et estoient, tant de cheval que de pied , six cens hommes éleus Allemans, et de la comté de Ferette, conduits par aucuns sages gentils-hommes de Bourgogne, dont Simon de Quingey en estoit un» Ils s'arrestèrent, à l'heure qu'ils pouvoient bien passer et se mettre audit Beaune, qui n'eust point esté reprenable sur eux , si une fois ils y eussent entré. Faute de bon conseil les fit séjourner une nuict trop, où ils furent assiégez et pris d'assaut , et après fut assiégé Beaune , et le tout recouvré. Oncques-puis n'eurent vigueur les ennemis en Bourgogne. Pour lors j'estois audit pays, avec les pensionnaires du Roy, comme j'ay dit , et ledit seigneur m'en fist partir , pour quelque lettre qu'on luy escrivit que j'escrivois à aucuns bourgeois de Dijon, touchant le logis des gens-d'armes, cela, avec quelqu'autre petite suspicion , fût cause de m'envoyer trèssoudainement à Florence; j'obéis comme raison estoit , et partis dès que j'eus les lettres.

ooo