CHAPITRE VI

Du retour de monsieur d* Argentan d* Italie en France^ et de la journée de Guinegate.

Je trouvay un peu que le Roy nostre maistre envieilly, et commençoit à se disposer à maladie, toutesfois il n'y parut pas si tost^ et conduisoit toutes ses choses par grand sens, et encores luy duroit la guerre en Picardie, laquelle il avoit très-fort à cœur; et aussi avoient ses adversaires audit pays, s'ils en eussent eu le gouvernement. Le duc d'Âustriche (3), de présent roy des Romains, ayant pour cette année-là les Flamans à son commandement, vint assiéger Therouenne, et monseigneur des Cordes, lieutenant pour le Roy en Picardie, amassa toute l'armée que le Roy avoit audit pays, et en toutes frontières, et huict mille francs-archers, et Talla se-

Cl) La ville de Gènes avait voulu se donner à Louis XI. qui avait répondu : Les Génois se donnent à moi, et moi je les donne au diable.

(2) Bonne de Savoye.

HÉHOIBES DB PHILIPPB DB COHINES. [1479]

courir. Dès que ledit duc d'Austriche le sentit approcher , il leva son siège et luy alla au devant, et se rencontrèrent en un lieu appelé Gruinegate. Ledit duc avoit grand nombre de peuple dudit pays de Flandres, jusques à vingt mille et plus, et aussi quelque peu d'AUemans , et quelques trois cens Anglois, que menoit messire Thomas Abrigan, chevalier d'Angleterre, qui avoit servy le duc Charles de Rourgogne. Les gens-decheval du Roy, qui estoient en plus grand nombre de beaucoup que les autres , rompirent les gens-de-cheval du duc, et les chassèrent jusques à Aire, et Philippe monsieur de Ravestain, qui les menoit : le duc se joignit auprès de ses gensde-pied.

Le Roy avoit en cette armée bien onze ou douze cens hommes-d'armes d'ordonnance. Tous ne chass^ent point; mais monseigneur des Cordes, qui estoit chef, chassa, et monseigneur de Torcy avec luy ; et combien que ce fût fait vaillament, si n'appartient-il point aux chefs de l'avant-garde et arrière-garde de chasser. Aucuns se retirèrent, sous couleur d'aller garder leurs places, et les autres fuirent à bon escient. Les gens-de-pied dudit duc ne fuirent point , si en furent-ils en quelque bransle : mais ils avoient avec eux bien deux cens gentils-hommes de bonne estoffe à pied, qui les conduisoient ; et estoient de ce nombre monseigneur de Romont (4), fils de la maison de Savoye, et le comte de Nassau (5), et plusieurs autres qui encores vivent. La vertu de ceux-là fit tenir bon à ce peuple, qui fut merveille ; veu qu'ils voyoient fuir les gens-de-cheval. Les francs-archers, qui estoient pour le Roy, se mirent à piller le charroy dudit duc, et ceux qui le sui voient, comme vivandiers et autres. Sur eux saillirent quelque peu de gensde-pied dudit duc , et en tuèrent quelque nombre. De la part dudit duc il y eut plus de perte que de la nostre, et de gens pris et morts ; mais le camp luy demeura, et crois bien que s'il eût eu conseil de retourner devant Theroûenne, n'eût trouvé ame dedans, et autant en Arras. Il ne l'osa entreprendre, qui fut à sou dommage ; mais en tel cas on n'est pas toujours adverty du plus nécessaire, etaussi il avoit des craintes de son costé. Je ne parle de ce propos que par oûir dire, car je n'y estois pas. Mais pour continuer ma matière, m'en a falu dire quelque chose.

J'estois avec le Roy quand les nouvelles luy en vindrent, et en fut très-dolent ; car il n'avoit

(3) L'Autriche avait été érigée en arcbiduché en 1451.

(4) Jacques de Savoye, comte de Romont, baron de Vaux, fils de Louis, duc de Savoye, et d'Anne de Chypre .

(5) Engelbcrt de Nassau.

MÉMOIBES DB PHILIPPE DB COUINES. [1479]

point accoustumé de perdre, mal^ estoit si heareux eu tous ses affaires, qu'il sembloit que toutes choses allassent à son plaisir ; mais aussi son sens aidoit bien à luy faire venir eet heur , car il ne mettoit rien en hazard, et ne vouloit pour rien chercher les batailles; aussi cette-cy n'estoit point advenue de son commandement. Il faisoit ses armées si grosses , qu'il se trouvoit peu de gens pour les combattre , et estoit bien garny d'artillerie mieux que jamais jroy de France : et aussi essayoit de soudainement prendre les plaees, et par espécial celles qu'il sentolt mal fournies : et quand 11 les avoit, il y mettoit tant de gens et d*artillerie, que c'estoit chose impossible de les reprendre sur luy : et s'il y avoit dedans quelque forte place un capitaine ou autre , qui eût pouvoir de la bailler pour argent , et qu'il Yousist pratiquer avec luy, il pouvoit estre seur qu'il avoit trouvé marchand : et ne l'eust-on sceu espouventer à luy demander grande somme, car libéralement l'accordoit. Il eut effroy de primeface de cette bataille, cuidaot qu'on ne luy eût dit la vérité, et qu'elle fût de tous poincts perdue, car il sça voit bien que si elle eût esté perdue, qu'il avoit perdu tout ce qu'il avoit conquis sur cette maison de Bourgogne, et en ces marehes-là, et le demeurant en grand hazard; toutesfois, quand il sceut la vérité , il eut patience, et délibéra d'y donner ordre , en façon qu'on n'entreprendroitplus telles choses sans son sceu^ et fut très-content de monseigneur des Cordes. Dès cette heurcrlà, le Roy délibéra de traiter paix avec le duc d'Austriche, mais qu'il la pût faire de tous points à son advantage, et qu'en la faisant il bridast si bien ledit duc, par le moyen de ses sujets propres, qu'il connoissoit enclins à cequH cherchoit, qu'il n'eut jamais pouvoir de luy mal faire. Ce temps durant eut un désir fort singulier^ luy procédant de tout son cœur , de pouvoir mettre une grande police au royaume, et principalement sur la longueur des procès, et eo ce passage bien brider cette cour de parlement, non point diminuer leur nombre, ne leur authorité : mais 11 avoit à contre-cœur plusieurs choses, dont il la hayssoit. Aussi désiroit fort qu'en ce royaume ou usast d'une coustume, d'un poids, d'une mesure, et que toutes ces coustumes fbssent mises en françois en un beau livre, pour éviter la cautèleet lapilleriedes advocats; qui est si grande en ce royaume, qu'il n'en est nulle autre semblable , et les nobles d'iceluy la doivent bien connoistre; et si Dieu luy eût donné la grâce de vivre encores cinq ou six ans, sans estre trop pressé de maladie, il eût fait beaucoup de bien à sondit royaume. Aussi l'avoit-il fort oppressé^ et plus que ne fit jamais roy : mais

par authorité, connoissance, ny remonstrances, l'on ne luy a sceu faire le soulager ; et falloit qu'il procédast de luy, comme lors eût fait , si Dieu l'eût voulu préserver de maladie : et pour ce fait bon bien faire tandis qu'on a loisir, et que Dieu donne santé et entendement aux hommes. L'appointement que le Roy désiroit faire avec le duc d'Austriche et sa femme , et leur pays, c'estoit par la main des Gandois , de traiter le mariage de monseigneur le Dauphin son fils, à présent roy, avec la fille desdits duc et duchesse ^ et par ce moyen luy laissassent les comtez de Bourgogne, Auxerrois, Masconnois , et Gharolois ; et il leur rendoit Artois , retenant la cité d'Arras en Testât qu'il l'avoit mise : car de la ville ce n'estoit plus rien, veu la closture de la cité; car avant que le Roy prit Arras , la ville cloyoit contre la cité, et y avoit grands fossez , et grandes murailles entre deux. Ainsi la cité estoit bien close, et tenue du Roy par l'évesque ; et en cela le Roy faisoit au contraire des seigneurs de cette maison de Bourgogne, car ils ont tousjours, au moins depuis cent ans en ça , fait évesque tel qu'il leur a pieu, et aussi capitaine de la cité ; et le Roy fit l'opposlte, pour augmenter son authorité : et fit abbatre lesdites murailles et les faire au rebours : car pour cette heure dernière, la cité cloyoit contre la ville, à grands fossez entre les deux : et par ainsi il ne doutoit rien ; car la ville aujourdhuy faut qu'elle obéysse à la cité. De la duché de Bourgogne , et de la comté de Boulogne, et des villes assises et situées sur la rivière de Somme , des chastellenies de Péronne , Roye et Mondidier, ne faisoient aucune mention, et se menoient ces marchez, et y prestoient ceux de Gand l'oreille : etestoientfort rudes audit duc et à la duchesse sa femme ; et aucunes autres des grandes villes de Flandres et Brabant, qui estoient assez enclines à la volonté des Gandois : et par espécial Bruxelles , qui estoit tant riche que merveilles, veu que les ducs Philippe et Charles de Bourgogne y avoient tousjours demeuré, et à présent s'y teuoicnt encores lesdits duc et duchesse d'Austriche; mais les aises et plaisii*s qu'ils avoient eus sous les seigneurs dessusdits, leur avoient fait mesconnoistre Dieu et leur seigneur, et cherchoient quelque malefortune,qui depuis leur est advenue comme vous avez veu.

ooo