CHAPITRE Vni

Comment le Roy fit venirlà Tours un nommé le sainet homme de Calabre , pensant qu'il le dût guérir , et des choses estranges que faisoit ledit Roy , pour garder son authorité durant sa maladie.

Entre les hommes renommez de dévotion , il envoya quérir un homme de Calabre , appelé frère Robert : le Roy l'appeloit le sainet homme pour sa saincte vie; en l'honneur duquel le Roy de présent fit faire un monastère au Plessisdu-Parc, en récompense de la chapelle près du Plessis, au bout du pont. Ledit hermite, en l'âge de douze ans , s'estolt mis sous un roc , où il estoit demeuré jusques en l'âge de qurante et trois ans ou environ , et jusques à l'heure que Roy l'envoya quérir par un sien raaistre d'hostel^ en la compagnie du prince de Tarente , fils du roy de Naples : car il ne vouloit partir sans congé du Pape ne de son roy , qui estoit sens à cette simple personne , lequel avoit fait deux églises au lieu où il demeuroit : jamais n'avoit mangé, ny n'a encores, depuis qu'il se mit en cette estroite vie , ny chair , ny poisson , ny œufs, ny laictage, ny aucune graisse : et ne pense jamais avoir veu homme vivant de si saincte vie, ne où il semblât mieux que le Sainct-Esprit parlât par sa bouche : car il n'estoit clerc ne lettré , et n'apprit jamais rien , vray est que sa langue italienne luy aydoit ^iei^ à se faire émerveiller.

Ledit hermite passa à Naples, honoré et visité autant qu'un grand légat apostolique, tant du roy de Naples que de ses enfants , et parloit avec cela comme un homme nourry en cour. De là passa par Rome , et fut visité de tous les cardinaux , et eut audience avec le Pape , par trois fois , seul à seul , assis auprès de luy , en belle chaire, l'espace de trois ou quatre heures, à chacune fois (qui estoit grand honneur à un si petil homme), respondant si sagement que chacun s'en esbahyssoit : et luy accorda Notre Sainct-Père faire un ordre , appelé les Hermites Sainet'François. De là vint devers le Roy, honoré comme s'il eût esté le Pape , se mettant à genoux devant luy , afin qu'il luy plût allonger sa vie. Il respondit ce que sage homme devoit respondre. Je l'ay maintesfois ouy parler devant le Roy , qui est de présent , où estoient tous les grands du royaume , et encores depuis deux mois , mais il sembloit qu'il fût inspiré de Dieu es choses qu'il disoit et remonstroit; car autrement n'eût sceu parler des choses dont il parloit. Il est encore vif : parquoy se pourroit bien changer ou en mieux ou en pis ; et pour ce m'en tay. Plusieurs se moquoient de la venue de cet hermite qu'ils appelloient sainet homme ; mais ils n'estoient point informez des pensées de ce sage Roy , ny ne sçavoient les choses qui luy donnoient l'occasion.

Nostre Roy estoit en ce Plessis , avec peu de gens, sauf archers, et en ces suspicions dont j'ay parlé , à quoy il avoit pourveu : car il ne laissoit nuls hommes, ny en la ville de Tours , ny aux champs , dont il eût suspicion , qu'il ne le feist retirer loin de luy ; mais par archers les en faisoit aller et conduire. De nulle matière on ne luy parloit , que des grandes qui luy touchoient. Il sembloit à le voir , mieux homme mort que vif, tant estoit maigre ^ ne jamais homme ne l'eût creu. Il se vestoit richement , ce que jamais n'avoit accoustumé par avant , et ne portoit que robbes de satin cramoisy , fourrées de bonnes martres , et en donnoit à ceux qu'il vouloit sans demander , car nul ne luy eût osé demander ne parler de rien. Il faisoit d'aspres punitions, pour estre craint, et de peur de perdre obéyssance; car ainsi me le dit luyméme. Il renvoyoit officiers et cassoit gensd'armes, rognoit pensions, et en ostoit de tous points : et me dit , peu de jours avant sa mort , qu'il passoit temps à faire et à deffaire gens : et faisoit plus parler de luy parmy le royaume que n'avoit jamais fait , et le faisoit de peur qu'on ne le tînt pour mort ; car , comme j'ay dit plusieurs fois , peu de gens le voyoient ; mais quand on oyoit parier des ceuvres qu'il

MBMOIBKS DB PHILIPPE DE COUINES* [1482]

faisoit, chacun en avoit doute, et ne pouvoit Ton à peine croire qu'il fût malade.

Hors le royaume envoyoit gens de tous cos« tez : en Angleterre pour entretenir ce mariage ; et les payoit bien de ce qu'il leur donnoit , tant le roy Edouard que les particuliers ; en Espagne avoit toutes paroles d'amitié et d*entretènement , et présens par tout de tous costez. Il faisoit acheter un bon cheval ou une bonne mule, quoy qu'il luy constat; mais c'estoit en pays où il vouloit qu'on le cuidât sain , car ce n'estoit point en ce royaume. Des chiens en envoyoit quérir partout: en Espagne, des allans; en Bretagne, de petites levrettes^ lévriers, espaigneux, et les achetoit cher; et en Valence, de petits chiens velus, qu'il faisoit acheter plus cher que les gens ne les vouloient vendre. En Cécile , envoyoit quérir quelque mule , spécialement à quelque ofOcier du pays , et la payoit au double. A Naples , des chevaux et bestes estranges de tous costez ; comme en Barbarie, une espèce de petits lions qui ne sont point plus grands que de petits renards, et les appeloit adits. Au pays de Dannemarc et de Suède , envoya quérir de deux sortes de bestes; les unes s'appeloient belles , et sont de corsage de cerfo, grandes comme buffles , les cornes courtes et grosses. Les autres s'appellent rengiers , qui sont de corsage et de couleur de daims , sauf qu'elles ont les cornes beaucoup plus grandes, car j'ai veu rengier porter cinquante-quatre cors pour avoir six cornes. De chacune de ces bestes donna aux marchands quatre mille cinq cens florins d'Allemagne. Quand toutes ces choses luy estolent amenées , Il n'en tenoit compte , et la piuspart des fois ne parloit point à ceux qui les amendent : et en effet il faisoit tant de choses semblables , qu'il estoit plus craint , tant de ses voisins que de ses flubjets, qu'il n'avoit Jamais esté : car aussi c'estoit sa fin , et le faisoit pour cette cause.

ooo