CHAPITRE VII

Comment le Roy estant encores à Ast, se résolut de passer outre vers Naples^ à la poursuite de Ludovic Sforce , et comment messire Philippe de Comines fut envoyé en ambassade à Venise ; et de la mort du duc de Milan.

J'ay dit ce qui advint à Bapalo par mer. Dom Fédéric se retira à Pise et à Ligome; et depuis ne recueillit les gens-de-pied , qu'il avoit mis à terre ; et s'ennuyèrent fort les Florentins de luy, comme plus enclins, et de tous temps, à la maison de France qu'à celle d'Arragon : et nostre armée , qui estoit en Romanie , combien qu'elle fût la plus foible, toutesfois faisoit prospérer nostre cas, et commença peu à peu à reculer dom Ferrand, duc de Calabre. Quoy voyant le Roy , se mit en opinion de passer ou* tre , sollicité du seigneur Ludovic et des autres que j'ai nommez ; et luy dit le seigneur Ludovic à son arrivée : « Sire , ne craignez point cette » entreprise. En Italie y a trois puissances que » nous tenons grandes , dont vous avez l'une^ » qui est Milan ; Tautre ne bouge , qui sont » Vénitiens ; ainsi n'avez affaire qu'à celle de » Naples ; et plusieurs de vos prédécesseurs nous » ont battus , que nous estions tous ensemble : » quand vous me voudrez croire, je vous aideray » à faire plus grand que ne fut jamais Char|e- )• magne : et chasserons ce Turc hors de cet » empire de Constantinople aisément quand » vous aurez ce royaume de Naples. «» Il disoit vray du Turc qui règne ; mais que toutes choses eussent esté disposées de nostre costé ; ainsi se mit le Roy à ordonner de son affaire ^ selon le

(2) LlvreVï,cliap.5.

vouloir et conduite dudit seigneur Ludovic; dont aucuns des nostres eurent envie ; et fut quelque xïhambelan ^ et quelque autre , sans propos (car on ne se pou voit passer de luy) et estoit pour complaire à monseigneur d'Orléans, qui préten-* doit en la duché de Milan ; et sur tous en estoit envieux ce général , car jà s*estimoit grand ; et y avoit quelque envie entre le séneschal et luy; et dit ledit Ludovic quelque mot au Roy, et à luy , pour le faire demeurer , qui mouvoit ledit général à parler contre luy; et disoit qu'il tromperoit la compagnie; mais il estoit mieux séant qu'il s'en fût teu ; mais jamais n'entra et ne vînt en crédit en chose d'estat ^ et ne s'y cognoissoit , et si estoit homme léger en parole , mais bien affectionné à son maistre ; toutesfois il fut conclu d'envoyer plusieurs hommes en ambassades, et moy, entre les autres, à Venise. Je demeuray à partir aucuus jours, parce que le Roy fut malade de la petite vérole et en péril de mort , parce que la fièvre se mesla parmy, mais elle ne dura que six ou sept jours, et me misa chemin ailleurs, et laissay le Roy en Ast , et croyois fermement qu'il ne passast point outre. J'allay en six jours à Venise avec mulets et train, car le chemin estoit le plus beau du monde, et craignois.bien à partir, doutant que le Roy retournast , mais notre Seigneur en avoit autrement disposé. Si tira droit à Pavie, et passa par Casai , vers cette marquise, qui estoit bonne pour nous et bonne dame, grande ennemie du seigneur Ludovic, et luy la haïssoit aussi. Après que le Roy fut arrivé à Pavie commença jà quelque peu de soupçon ; car on vouloit quil logeast en ville et non pomt au chasteau; et ri y vouloit loger, et y logea, et fut renforcé le guet de cette nuict (gens médirent, qui estoient près dudlt seigneur, qu'il y avoit danger), dont s'esbahit le seigneur Ludovic , et en parla au Roy, demandant s'il se soupçonnoit de luy. La façon y estoit telle des deux costez que l'amitié n'y pouvoit guères durer; mais de nostre costé parlions plus qu'eux , non point le Roy, mais ceux qui estoient prochains parens de luy. En ce chasteau de Pavie estoit le duc de Milan, dont a esté parlé devant , appelle Jehan Galéas, et sa femme, fille du roy Alphonse , bien piteuse , car son mary estoit là malade , et tenu en ce chasteau comme en garde , et son fils qui encores vit pour le présent, et une fille ou deux ; et avoit l'enfant (1) lors quelques cipq ans. Nul ne vit ledit duc ,

(1) I! s^appelait François, et mourut moine en France, dans une abbaye de Bourgogne.

(2) À cattse de leurs mères , qui étaient de la maison de 8«voie.

mais bien l'enfant. J'y passay trois jours avant le Roy, mais II n'y eut remède de le voir, et disoit Ton qu'il estoit bien fort malade. Toutesfois le Roy parla à luy, car il estoit son cousin germain (2) , et m'a conté ledit seigneur leurs paroles qui ne furent que choses générales , car il ne vouloit en rien desplaire audit Ludovic : toutesfois me dit-il qu'il l'eût volontiers adverty. A celle heure propre se jetta à genoux ladite duchesse devant ledit Ludovic , luy priant qu'il eust pitié de son père et frère. Il luy respondit qu'il ne se pouvoit faire; mais elle avoit meilleur besoin de prier pour son mai*y et pour elle qui estoit encore belle dame et jeune.

De là tira le Roy à Plaisance, auquel lieu eut nouvelles ledit Ludovic que son neveu , le duc de Milan, se mouroit. Il prit congé du Roy pour y aller, et luy pria le Roy qu'il retournast , et il le promit. Avant qu'il fust à Pavie , ledit duc mourut (3) ; et incontinent comme en poste alla à Milan. Je vis ces nouvelles par la lettre de l'ambassadeur vénitien, qui estoit avec luy, qu'il escrivoit à Venise , et advertissoit qu'il se vouloit faire duc; à la vérité dire, il en desplai* soit au duc et seigneurie de Venise, et me de^ mandèrent si le Roy tiendroit pour l'enfant ; et combien que la chose fust raisonnable, je leur mis en doute , veu l'affaire que le Roy avoit dudit Ludovic.