I. Avec. — 2 . Lorsque. — j. La

254 Roman

vy ' ? A vous dire vroy, je m’en vouldroie bien aller. Allons nous en , je vous en prie , car nous avons ycy assez demeuré avecques Sarpedonne, et nous a tresbien festoyez. »

Pandaro lui respondit : <f Quel affaire avez vous.? Le feu nous chace dehors de siens 2 ? Encore n’est venu le x® jour. Ayez ung pou d’attrempance et d’arrest ; car nous en partir à ceste heure seroit moquerie. Où yrez vous maintenant, ne en quel lieu portiez vous estre pour avoir meilleure chière ne plus joyeuse ? Demeurez y encores deux jours ; et puis, si vous voulez, nous en retournerons à l’ostel. »

Combien que ce fust contre la voulunté de Troïlus, si demeura il avecques ses pensemens acoustumez , ne n’y povoit remedier Pandaro , pour chose qu’il deist ! Mais puis que le jour fut venu , neantmoins qu’il en desplut fort à Sarpedonne , si prindrenl ilz congé et s’en allèrent en leur hostel. Et Troïlus s’en alloit par le chemin : « O Dieu , se pourroit il faire que retrouvasse ma damme retournée ! » Mais Pandaro à lui mesmes di.soit bien autrement , car il congnoissoit toute l’entencion de Calcas , disant tout bas : « Il fauldra bien que ceste grant flamme et amour enragée se resfredisse , car je me doubte que le x-' jour passera , et le moys et l’an encore avant que jamais vous la revoyez. »

Après qu’ilz furent arrivez à l’ostel , s’en entrèrent en une chambre et se assidrent l’un

I. En banquet chez autrui. Attendrons-nous qu’on nous congédie, dit i’italien. — 2 . De céans.

DE T ROÏLUS. 2 J 5

auprès de l’autre, Troïlus sans donner aucun repos à ses soupirs. Mais depuis qu’ilz eurent assez parlé , Troïlus se leva de là et dist à Pandaro :

« Allons au moins veoir son hostel , puis que autre chose ne povons faire. »

Et ce cy dit , il print Pandaro par la main avecques ung ris forcé , et s’en yssirent hors du palaiz ; et trouvèrent façon et manière de eschapper des autres barons et chevaliers qui les attendoient à la court. Mais puis qu’il peut choisir à ses yeulx ' l’ostel de Brisaïda , et il le vit clos , derechief lui vint une nouvelle angoesse qu’il lui sembloit que le cueur se deust fondre quant il vit les portes serrées et les fenestres closes. Et tant lui tint ceste nouvelle passion qu’il ne savoit où il estoit ; et ne savoit s’il alloit ou s’il bougeoit , et avoit le visage changé tant que qui l’eust regardé, bien tost s’en fust apperceu. Comme avecques Pandaro alloit parlant , il se congnut bien de celle nouvelle angoesse , puis lui dist :

« Quant le beau , doulx et cler visage , quant la grant beauté , ris et plaisans yeulx en quoy je me repposoie estoient à celle ieçestre , je estoie tout réconforté. Or suis demouré en tenebres et tribulacions sans elle , et ne sçay quant jamais je la reverray. »

Puis passèrent oultre , et s’en allèrent tousjours chevauchant par la ville de Troye, et chacun lieu où Troïlus l’avoit jamais veue lors lui venoit en mémoire , disant à lui mesmes ; « En