Qui faisoit de grands efforts. — 2. Aujourdhui

« Ce sanglier que je véoye estoit Dyomèdes pour ce que son aieul tua le sanglier de Caldo^ nia , et ce cy savons certainement par les anciens , et oncques ne fut que touz les siens ne portassent les sangliers en leurs armes. Helas ' maleureux que je suis! aura il tiré le cueur de Brisaïda à fuy par son doulx parler! Et ainsi a Dyomèdes son amour ; et c’est chose bien vroye semblable. C’est luy qui la tient, dont ma vie it dolente, comme povez veoir tout clèremenf c’est luy seul qui empesche son retour, car s’il ne fust, elle eust bien puissance de retourner ne son père ne l’eust point empeschée, ne autre chose quelconque. Dont je me trouve trompé de ce que )e l’ay attendue et de la grant foy et creance que en elle je avoye. »

Lors commança à dire à luy mesmes : « Helas ! Brisaïda , qui vous a menée à faire ceste tromperie ! Quel plaisir nouveau ne grant beaulté avez vous en luy trouvée ? Quelle cause avez vous de vous corrocer à moy ,?^elle faulceté vous ay je faitte, pour me faire ceste estrangeté ! Comment vous a peu induire à ce voustre hault corage.? Helas! fermeté, foy promise et loyaulté, qui est ce qui vous a mis hors du cueur de ma dame ! Helas ! pourquoy vous en laissay je oncques aller.? Pourquoy creu je à voustre faulx conseil.? Pourquoy ne vous amenay je avecques moy, ainsi que je avoye volenié ! Pourquoy ne rompy je toutes les promesses que avoient fautes mon père, ainsi que mon cueur le me conseilloit , à l’eure que vous véoye rendre? Vous n’eussez pas esté faulce et desloyalle,

276 Roman

ne moi triste ne dolant. Je cuidoie que voustre promesse fust ferme et estaWe , et que voustre parolle fust plus certaine que le souleil à vivans ; mais voz parolles estoient doublées et couvertes comnte maintenant appert à la faulte que avez faitte^ que vous n’estes point retournée vers moy, mais avez fait amy nouveau. »

Puis se retourna vers Pandaro et luy dist :

« Que feray je , mon amy ? Je me suis ung feu tout nouveau alumé en ma pensée , tel que je n’y vois remède nul , et ayme trop mieulx me tuer moy mesmes que vivre en cest estât. Puis que Fortune m’a à ce conduit , la mort me sera plaisante , là où la vie me seroit ennuyeuse et desplaisant. »

Et ce cy dit, courut prendre une dague laquelle pendoit au chevet de son lit , et se voulut frapper par niy le estomac , s’il n’eust esté prins de Pandaro , lequel le tint et arresta quant il le vit ainsi désespéré. Troïlus lui crioit :

« Las! mon amy, je vous prie que ne me tenez point, pour ce que je suis délibéré d’ensuir ma volenté et de moy tuer. Laissez moy faire ce que je desire tant , car si vous ne me laissez aller, vous esprouverez premièrement la mort , et moy après. Or me laissez donc aller, si vous ne vouliez que je vous^ frappe et que vous tue tout plat. Laissez moy oster hors de ce monde le plus dolent corps qui vive , et me laissez mourir pour faire contente ma tristesse de ame , laquelle encore yray suivant en l’autre monde , en ténèbres obscures. Ostez vous, si me tueray, car vivre en paine et en tourment est trop pis que la mort. »

En ce faisant se esforçoit d’estordre ' sa dague hors des mains de Panaaro , laquelle fort il tenoit. Pandaro de son cousté s’esforçoit à la tenir le plus fort qu’il povoit. Et si ne fust que Troïlus estoit feble pource qu’il avoit perdu sa force et sa vertu , il eust pluseurs fois ostée la dague à Pandaro, et ce fust esters de lui des secousses qu’il lui donnoit. Toutesfois, au darrain Pandaro lui osta des mains et fist tant par ses prières qu’il fist asseoir Troïlus auprès de lui , tous deux en pleurant ; et depuis qu’ilz eurent une pièce plouré , Pandaro se tourna vers luy et lui dist piteusement ainsi ;

« Troïlus, j’ay tousjours eu celle creance ferme de'vous envers moy, que si je eusse esté si hardy de vous requérir ou pour moy ou pour aultre de vous mettre en péril de mort, vous le eussez courageusement fait et sans delay, ainsi que je vouldroye faire pour vous en tous cas ; et à mes prières vous n’avez pas voulu la mort cruelle fuir ; et si maintenant n’eusse esté le plus fort , devant moy vous fussez tué ; ce que ne cuidoie pas , et voy oue les promesses d’entre vous et moy sont faillies et rompues , combien que encore pourrez tout amender si vous vouliez faire ce que diray. Ainsi comme il me semble , vous avez en pensement que Brisaïda ayme Dyomèdes ; et si bien me souvient de ce que m’avez dit , vous n’en avez nulle certaineté , si non la souspeçon du songe que vous avez fait ; et sans en savoir rien plus avant, vous voulez ainsi meschantement tuer pour donner fin à voz dou-