I . Et je ne sais que vous écrire maintenant

288 Roman

mal et de ce que en cest estât le contraignoit à vivre. Il fist semblant de ne le avoir point ouy. Et après lui dist :

« Frère , pourquoy ne vous confortez vous ?

Le printemps est venu , et fait dehors si tresbel que les prez et les arbres et toutes autres choses se reverdissent; si vous devroit tout le cueur resjouir quant vous veez cest beau temps. D’autre part le temps est venu que noustre treyve des Creux est faillie, et qu’il nous fault monstrer et faire sentir noustre valleur et prouesse et le grant courage que nous avons contre noz ennemis, ainsi que avons acoustumé. Et comment ! ne vouliez vous plus venir avecques nous, vous qui souilliez estre le premier aux coups donner et départir, et estiez si craint et si doubtez de voz ennemiz que touz vous faisoient large et s’enfuyoient davant vous? Ettor noustre frère nous a desja ordonné et commandé que demain soyon touz prestz et appareillez pour saillir dehors avecques lui. »

Tout ainsi que ung lyon se affecte et se reppose pour force de paine et de travail qu’il a eu pour quérir sa proie , après quant il scet cerf, toreau ou autre teste où il puisse mettre la patte dessus , il se liève sur bout en dressant les crins etaureilles, tout ainsi Troïlus, oyant parler de la guerre périlleuse, commançaà revenir en sa force et en sa grant vertu, et vigueur retourna au cueur duquel elle s’en estoit fuye. Si haulsa ung pou sa teste et dist :

« Mon frère, il est vroy que je suis aucunement affebly; mais j’ay si grant désir de la guerre que je me efforceray de me lever tantost d’ycy.

OE Troilus. 289

Et vous jure sur ma foy que si oncques je me combaty de bon cueur à l’encontre de ses Grieux, à présent me combatray au double, pour la grande hayne que je leur porte. »

Deipnebus entendit tantost où alloient ses parolles, et leconfortoit en disant qu’ilz le attendroient pour faire leur entreprinse et saillie; et, pour ce , qu’il s’esforçast et ne demourast plus au lit. Puis s’entrecommandèrent à Dieu. Troïlus demoura avecques sa douleur, et Deiphebus s’en retourna devers ses frères, ausquelz il compta tout le fait , lesquelz le creurent incontinent, par les manières qu’ilz lui ' avoient veu faire. Mais point ne le vouloient corroucer ne mal contenter, délibérèrent entre eulx mesmes de n’en rien dire et de lui aider à ce qui leur seroit possible. Pourquoy incontinent ilz s’en retournèrent à leur maison , et ordonnèrent à leurs femmes que elles allassent veoir et visiter Troïlus , et menassent avecques elles toutes manières de instrumens pour le povoir resjouir. Et ce faisoient pour Poster hors de la melencolie en quoy il estoit.

En pou de heures fut la chambre plaine de dames et de damoiselles et de toutes manières et façons de instrumens mélodieux. D’un cousté estoit Policène sa sœur, qui ressembloit ung ange tant estoit belle ; de l’autre part estoit la tresbelle Helaine; et d’avant lui estoient Cassandra , Ecuba et Andromata et pluseurs autres cousines et parentes qui illecques estoient assemblées. Chacune d’elles le reconfortoit à son povoir, et aucunes luy demandoient quel mal il

A'ouv. franç. du X/V® î. 19

>90 Roman

sentoit. Mats il ne respondoit riens, et autre chose ne faisoit sinon regarder puis l’un puis l’autre; , et en son piteux cueur lui souvenoit de Brisaïda, et ne se povoit tenir que aucunesfoiz il ne giltast des souppirs ; mais tousjours sentoit il aucune doulceur de la mélodie des sons qui là estoient.

Cassandra, qui par avant avoit ouy ce que son frère Deiphebus avoit dit, laquelle estoit vis à vis de Troïlus , comme en le voulant reprendre de ce que ainsi s’estoit laissé mettre au bas , lui dist :

« Mon frère , comme je puis veoir, mal fut pour vous ouant oncques voustre cueur senty que ce fust d’amours. Pour quoy je vous en voy totallement deffait , si vous ne y mettez remède. Et puis que ainsi devoit aler, au moins eussez vous esté amoureux de quelque haulte dame de sang royal ou de haulte lignée. Mais une simple • dame , fille de prestre , vous fait ainsi consumer et vous conduit et mène ài’estat à quoy vous estes. Véez ycy le filz d’un hault et puissant roy qui vit en paine et en douleur pour ce que Brisaida est de lui partie ! >>

Troylus, oyant ce que sa seur lui alloit disant, se troubla fort , tant pour ce que elle alloit desprisant Brisaïda , laquelle il amoit plus que tout le monde, que aussi pource qu’il congnoissoit que son secret estoit venu jusques aux aureilles de sa seur; et pensa soy vouloir taire; puis advisa et dist en soy mesmes ; « Si je me tais, tout le monde dira que ce que elle a dit est vroy. >> Pour quoy luy commança à dire :

K Voustre science , laquelle vous vouliez te-

nir secrète à ung chacun , avecques ses ymaginacions aue vous avez de cuider congnoistre Tes choses advenir, vous a maintesfoiz deceue. Et par avanture vous feriez beaucoup mieulx et plus sagement de vous taire que de parler si oestialement. Je ne scay que c’est que vous m’allez disant de Brisaïda, et pour ce que je vous voy si habondamment et desraisonnablement parler, je vieulx faire ce que je n’ay encores fait, c’est assavoir, vous monstrer voustre bestialité. Vous dictes que par trop amer Brisaïda suis en cest estât , et le me vouliez tourner à honte ; mais jusques ycy avez failly à voustre sens , et ne vous a pas bien monstré la vérité voustre Apollo, lequel vous dictes à vous trouvé Oncoues en ma vie n’eu entencion de amer Brisaïda pour amour, et ne croy point qu’il soit au monde personne qui ait hardemement de soustenir ceste mençonge. Et s’il estoit ainsi que vous allez disant, je vieulx bien que on sache que jamais ne l’eusse laissée partir, de ycy et m’eust deu faire mourir le roy Priam noustre père. Combien, je cuide qu’il le m’eust aussi bien souflfert comme il souffrist que noustre frère Paris ravist Helaine, pour quoy nous sommes maintenant en ceste guerre. Reffrenez doncques voustre langue , qui est trop agüe et poignante. Ores prenons ores que ainsi fust et que pour elle je souffrisse ceste paine, pour quoy n’est Brisaïda en toutes manières et façons digne de estre amée et honnourée de plus homme de bien que moy.? Je ne vieulx point parler de sa beauké, laquelle.