I. Méhaignés, maltraités

DE Foulques Fitz Warin. 59

foreste , e s'en vet tôt soûl chp-alchant le haut chemyn ; si encontra un messager trop jolyvement chauntant, e avoit vestu la teste de un chapelet de rose vermayl ' . Fouke ly pria pur amur qu'il ly donast le chapelet ; e , si yl avoit afere de ly, yl ly rendreit le double. « Sire, fet le messager, il est moût eschars de son aver, qe un chapelet de rose ne velt doner à la requeste de un chevaler. » E dona le chapelet à Fouke; e il ly dona xx. sols de loer. Le messager le conust bien , quar yl le avoit sovent veu. Le messager vint à Canterbures; si encontra les c. chevaiers q'aveyent quis Fouke par mi tôt Engleterre , e lur dit : « Seignours , dont venez? Avez trové ce qe vus avez quis par le comandement nostre seignur le roy e pur vostre avancement?— Nanyl , fount-il. — Qey me dorezvus , fet-il , e je vus amerroi là où je ly vy huy e parlay ? » Tant donerent e promistrent al messager qu'il lur dit où yl ly avoit veu , e cornent yl ly dona xx. s. pur le chapelet qu'il ly dona de grée.

Les c. chevaiers firent somondre hastivement tôt le pays, chevaiers, esquiers , eserjauntz, e enseggerent^ tote la foreste tôt entour ; e mistrent tosourse recevours 5 come furent venours-^, e mistrent viele gent e autres par tôt le champ

I. Les couronnes ou chapeaux de fleurs furent en grand usage pendant tout le moyen âge. « Si peu de chose comme l'impôt sur les couronnes de roses et le cresson , dit Gilbert de Metz dans si. Description de Paris, rapportoit au loi dix mille francs par an. » — 2. Assiégèrent, cernèrent. — ). Tosours , gamins battant les buissons ; receveurs , gens cachés, apostés. — 4. Comme s'ils étoient des chasseurs.

6o Histoire

ou corns', pur escrier Fouke e ces compaignons, quant furent issuz de la foreste. Fouke fust en la foreste , e rien ne sa voit de cest affere. Atant oy un chevaler soner un gros bugle î; si avoit suspecion , e comanda ces frères mounter lur destrers , Willam, Phelip, Johan, e Alayn. Ces frères montèrent meyntenant. Audulf de Bracy e Baudwyn de Hodenet, Johan Malveysyn , montèrent ensement. Les treis frères de Cosham , Thomas , Pieres , e Willam , furent bons arblasters , e tote l'autre meyné Fouke furent tost aprestée à le assaut.

Fouke e ces compagnouns issirent de la foreste , si virent, devant tuz les autres, le c. che\'alers qe les aveynt quis par mi Engletere. Si se ferirent entre eux , e ocistrent Gilbert de Mountferrant e Jordan de Colecestre > e plusours autres chevalers de la compaignie ; si passèrent outre par my les c. chevalers , e autresfoyth revyndrent par my euz , e les abatirent espessement. Atant survyndrent tantz chevalers , es quiers , borgeys , serjantz , e pueple santz nounbre , qe Fouke aparçust bien qu'il ne poeit durer la batayle ; si se retorna à la foreste ; mes Johan son frère fust naufré en la teste par my le healme. Mes, eynz qu'ils tornasent à la foreste, meint bon chevaler, esquiers , e serjantz furent detrenchez. Fouke e ces compaignons ferirent les destrers des esperouns , e fuyrent. Les gentz par tut levèrent la menée 4 sur eux , e les pursuy-

I. Avec des cornets. — 2. Sorte de cor de chasse. — v De Colchester. Nous ne nous arrêterons pas à chercher des renseignements sur chacun de cts noms, dont l'identité historique est fort douteuse. — 4. Lever le cri , la huée , terme de chasse.

DE FOULQ UES FlTZ WARIN. 6i

wyrent ou menée par tut. Atant entrèrent en une veye, e ne vyrent qe un ' lever la menée ou un corn. Un de la compaignie le fery par mi le corps de un quarel ; atant lessa le cri e la menée.

Fouke e ses compagnons lesserent lur chyvals , e tôt à pié s'enfuyrent vers une abbeye qe lur fust deprès. Quant le porter les vist , si corust fermer ces portes. Alayn fust moût haut; si passa meyntenant outre les murs , et le porter comença à fuyr. «Atendez», fet Alayn. Si ly corust après , e prist les clefs de ly ; e fery de la masuele ^ dont les clefs pendyrent un coup qu'à resoun ly grevereit pur sa fute. Alayn lessa tous ces frères entrer. Fouke prist un abit de un viel moyne , e se vesty meyntenaunt ; e prist un grant potence ? en sa mayn , e s'en ala hors à la porte , e fist clore la porte après ly, et s'en vet. Vet clochaunt de le un pée, apuant tôt le cors à le grant potence. Atant vindrent chevalers e serjantz , ou grant pueple. Donqe dit un cheva- 1er : « Daun veylard moyne, avez-vus veu nuls chevalers armés passer par ycy ? — Oyl , sire ; Dieu lur rende le damage qe il ont fet ! — Qey Yus ount-il fet? — Sire, fet-yl , je su viels , e ne me pus ayder, tant su defet ; e si vindrent vij. à chyvals , e entour xv. à pié; e, pur ce qe je ne lur pooy hastivement voider le chemyn , yl ne me esparnierent de rien , mes firent lur chyvals coure outre moy, e ce fust pecchié dont poy lur fust. — Tès-tey, fet -il, vus serrez

t. Qu'une seule personne. — 2. Bâton court. — 3. Béquille.

6i Histoire

bien vengé eynz huy. » Les chevalers e trestous les autres hastivement passèrent avant à pursyvre Fouke, et furent bien tosi esloygneez une lywe de le abbeye.

Sire P'ouke estut en pées pur plus ver. Atant vynt sire Gyrard de Malfée e x. compaignons, chevalers bien monteez, quar il furent venuz de là outre ' ; e amenèrent ou eux chyvals de pris. Donqe dit Gyrard en mokant : « Veiez-cy un moygne gros e grant; e si ad le ventre bien large à herbiger deus galons dechens*. » Les frer?s Fouke furent dedenz la porte , e avevent oy e veu tote la continaunce Fouke. Fouke^ santz plus dire , leva le grand potence , si fery sire Gyrard desouth l'oryle , qu'il chay tôt estonée à terre. Les frères Fouke , quant ce vyrent, saylerent hors à la porte, si pristrent les x. chevalers e sire Gyrard e tote lur herneys, e les lyerent moût ferm en la loge le porter, e pristrent tote lur herneys e lur bons destrers ; e s'en alerent, qe unqe ne fynerent de errer eynz qu'iï vindrent à Huggeford. E ileqe fust Jehan sanée de sa plaie.

Quant avoient ileqe sojorné une pièce , dount vint un messager qe avoit bien longement quis sire Fouke, e ly dit salutz de par Hubert ', l'arcevesque de Caunterbures , e ly pria hastivement venir parler ou ly. Fouke prist sa gent, et vynt deleez Canterbures , en la foreste où eyntz avoit estée ; e lessa tote sa compagnie ileqe , estre

1. Sans doute: du continent. D'où l'on pourroit conclure que les chevaux de France étoient plus estimés que ceux d'Angleterre. — 2. Il faut lire : dedenz. — ;. Hubert Walter, archevêque de Canterbury, de 1 193 à 1205.

t)E Foulques Fitz Warin. 65

Willam son frère. Fouke e Willam se atyrerent corne marchauntz , e vindrent à Caunterburcs à le evesqe Hubert. Le archevesqe Hubert le Botiler lur dit : « Beal fitz , fet-yl, vus estes bien venuz à moy. Vus savez bien qe sire Thebaud le Botiler ' , mon frère , est à Dieu comandée, e avoit esposée dame Mahaud de Caus , une moût riche dame e la plus bêle de tote Engletere. E le roy Johan la désire taunt pur sa bealté, qe à peyne ele se puet garder de ly. E je la tienke seyntz, e vus la verrez. E je vus prie, cher amy Fouke , e comant sur ma benoysoun qe vus la prenez à espouse. » Fouke la vist; e savoit bien qe ele fust bêle , bone , e de bons los , e qe ele avoit en Yrlaunde fortz chastels , cités, terres, e rentes, e grantz homages. Par assent Willam son frère, e par consayl de le erchevesqe Hubert, esposa dame Mahaud de Caus ^. Fouke demora deu jours yleqe , e pus prist congié de l'evesqe , e lessa sa femme yleqe, e revynt al boys à ces compaignouns, e lur conta quanqu'il avoit fait. Yl ly escharnyerent e rierent, e le apelerent hosebaunde ' ; e ly demandèrent où il amerreit la bêle dame , le quel al

1 . Thibaud Walier , frère de l'archevêque , obtint de Henri II l'office de premier bouteiller d'Irlande. C'est son fils, toutefois, qui prit le surnom de Le Bouteiller en 122 i.

2. Nous avons dit dans notre Introduction que Foulques III épousa en effet Mahaud ou Mathilde, fille de Robert Vavasseur, baron du Yorkshire, mais qu'il est permis de douter que ce mariage ait eu lieu dans les circonstances singulières où le place notre récit. — 5. C'est le mot an^lois husband. mari , homme marié. Il est probable que sur des lèvres normandes ce mot saxon prenoit une inflexion plaisante et iro nique.

64 Histoire

chastel ou à le boys ; e s'entresolaserent. Mes grant damage firent à le roy par tôt ; e à nul autre , si noun à ceux qe furent ouvertement lur enymys.

Un chevaler qe fust apelé Robert le fitz Sampsoun fust menaunt en la marche de Escoce, e soleyt moût sovent receyvre sire Fouke e sa gent e les herbiger à grant honour; e si fust home de grand tresour. E sa femme fust apelée dame Anable, e fust molt corteise dame. En cel temps fust un chevaler en la contrée qe fust apelée Pieres de Bruvyle. Cely Pieres soleit assembler tous les fitz de gentils homes de le pays qe volagous ' erent, e autre r)'baudayle ; e soleynt aler par le pays, e ocistrent e robberent lele * gent , marchanz e autres. Cely Pieres , quant yl ou sa compaignie ala robber les gentz , se fesoit apeler Fouke le fitz Waryn ; pur quey Fouke e ces compaignons furent trop malement aloseez de ce qu'il n'aveyent coupe'. Fouke, qe trop longement, pur doute de le roy Johan , ne poeit demorer en un lyu , vint par nuyt en la marche d'Escoce , e vynt moût près la court sire Robertz le fitz Sampsoun. E vist grant lumere dedenz la court , e oy parler leynz e sovent nomer son noun ; si fist ces compaignons arester dehors.

Fouke meismes hardiement entra le court , pus la sale , si vist Pères de Bruvilie e autres cheva- 1ers seantz à soper ; e Robert le fitz Sampsoun e sa bone dame e la meynée furent lyez e juteez

fe

d'une part la salle. E sire Pieres [e] ces com-

1. Dissipés, dissolus. — 2. Loyale. — }. Mal famés, k lamés à cause de ce dont ils n'éloient pas coupables.

DE FOULQJJES FlTZ WaRIN. 65

paignons trestouz furent vysureez ' e trestous qe servyrent leynz engenulerent devant sire Pieres, e le apelerent lur seignur sire Fouke. Là dame, qe just lyé deleez son seignur en la sale, dit molt p'tousement : « Hay! sire Fouke, fetele, pur Dieu merci, je ne vus unqe meffis, mes vus ay amée à mon poer. « Sire Fouke estut en pees , e avoit escoté quant qu'il aveyent dit ; mes quant il avoyt oy la dame parler, qe grant bounté ly avoit fait, pur nulle chose du mounde ne se poeit plus déporter. Tut santz compaignon semist avant, e sa espeie trete en sa meyn, e dit: (iOre,pées! je vus comand, trestous qe seynz voy, qe nul ne se moeve tant ne quant. » E jura grant serement qe , [si] nul fust tant hardy de sey mover, il le detrenchereit en menuz pièces. Pieres e ces compaignouns se tindrent engyneez. « Ore , fet Fouke, qy de vus se fet apeler Fouke? — Sire, fet Pieres, je su chevaler, si su apellée Fouke. — De par Deus , fet-yl , sire Fouke , levez sus tost , si liez bien e ferm tous vos compaignons, ou si noun tut premer perderez le chief. » Pieres fust molt enpourys de la manace , e leva sus ; e délia le seignour e la dame e tous les autres de la meynée, e lya bien e ferm tous ces compaignouns. E quant tous furent liez , Fouke ly fist couper les testes de tous iceu.x qu'il avoit liez. E quant yl avoit tous ceux compaignons decoleez : « Vus, recréant chevaler, qe vus fêtez apeler Fouke , vus y mentez. Je su Fouke, ecesaverezvusbien ; eje vusrendroy qe faucement m'avez alosée de larcyn. »

I . Avoient le visage couvert d'une visière, ctoient masqués. Nouv. franc, du XI V J. J

66 Histoire

E ly coupa la teste meyntenant; e quant avoit ce fet, apela ces compaignouns, e soperent là, e se firent bien aeese. E issi sire Fouke salva sire Robert e tut son tresour, qe rien ne perdy.

Le roy fist grant damage moût sovent à sire Fouke ; tôt fust-il fort e hardy, yl fust sages e engynous ' ; quar le roy e sa gent pursiwyrent molt sovent sire Fouke par le esclotz ^ des chyvals; e Fouke molt sovent fist ferrer ces chyvals e mettre les fers à revers , issint qe le roy de sa sywte fust desçu e engynée. Meynt dur estour sotïry sire Fouke eynz qu'il avoit conquis son héritage.

Sire Fouke prist congié de moun sire Robert le fitz Sampsoun , et se vynt à Alberburs, e fist fere sa loge en une foreste deleez sur la ryvere. Fouke apela Johan de Raunpaygne : « Johan , fet-il , vus savez assez de menestralsie e de jogelerye ' ; estes-vus osée d'aler à Blanche- Ville, e juer devant Morys le fitz Roger, e d'enquere lur affere ? — Oyl , fet Johan. Yl fist tribler un herbe, e la mist en sa bouche; e sa face comença d'engroser e emflyr moult gros, e tu devynt si descolorée qe ces compaignons de-

I. Tout en étant fort et hardi, étoit aussi prudent et rusé. — 2. Esclotz, les sabots du cheval, et, par suite, leur empreinte. Le stratagème employé par Foulques paroît avoir été usité au moyen âge. Le fameux Ecossois Robert Bruce, fuyant de Londres, fit, dit-on, ferrer également son cheval à revers, pour dérouter ceux qui le poursuivoient. — 3. Le jongleur ou ménestrel errant avoit le privilège de pénétrer partout et d'être partout bien accueilli. C'etoit donc le déguisement le plus commode pour un espion. Le rôle de Jean de Rampaigne offre des scènes de mœurs caractéristiques.

DE FOULQJJES FiTZ WaRIN. 67

meyne à grant peyne le conurent. Johan se vesii asque povrement, e prit sa maie ou sa jogelerie ' et un grant bastoun en sa meyn ; vynt à Blanche-Ville , e dit al porter qu'il fust un jogelour. Le porter le mena devant sire Morys le fitz Roger; e Morys ly demaunda où yl fust née. <i Sire , fet-il , en la marche d'Escoce. — E quele noveles ? — Sire , je ne sai nulles , estre de sire Fouke le fitz War}^ , q'est ocys à une roberye qu'il fist à la mesone sire Robert le fitz Sampson. — Dites-vus voir? — Oyl, certes , fet-il; ce dient totes les gentz du pays. — Menestral, fet-il , pur vostre novele je vus dorroy ceste coupe de fyn argent. » Le menestral prent la coupe, e mercia molt son bon seignur.

Johan de Rampaigne fust molt led de vys e de corps ; e , pur ce , les rybaudz de leynz ly escharnierent e defolerent e delresîreint * par ces chevoyls e par ces pées. Yl leva son bastoun, si fery un rybaud en la teste , qe la cervele vola en my la place. « Malveys rybaud , fet le seignur, 'f qey as-tu fet? — Sire, fet-il, pur Dieu mercy, je ne pus meez ; j'ai une maladie qe trop est grevouse , e ce poez vere par la face qe j*ay si emflée. E celé maladie me tent certeygnes jioures de jour tut le seen ?, dont je n'ay poer mey-meismes à governer. » Moris jura grant serement, s'il ne fust pur la novele qu'il aveit porté , yl ly freit estre décollé meintenant. Le

I. Avec ses instruments de jonglerie. — 2. Le destraignirent, le tirèrent et secouèrent. — ]. Me tient certaines heures du jour tout en sa possession, dit M. Wright. Nous aurions mieux aimé lire : « Me taut ou toit. », m'enlève à certaines heures tout le sens.

68 Histoire

jogelour se hasta qu'il fust passée de là, quar moll ly sembla long la derr.uere. Revynt a Fouke, e counta de mot en autre cornent aveit erré, e dit qu'il avoit oy en la court qe sire Morys e ces XV. chevalers e sa meyné irreynt l'endemayn al chastel de Saloburs , quar il esteit gardeyn de tote la marche. Quant sire Fouke ce savoit, molt fust lée e ces compaignouns ensement.

L'endemeyn leva Fouke matyn , e fust armée tôt à talent , e ces compaignons ensement. Morys vynt vers Soloburs , e quinze chevalers ou ly, e le iiij. fitz Gwy fitz Candelou de Porkynlone, e sa autre meyné. E quant Fouke ly vyst, molt fust lée; e molt fust irrée à ly, pur ce qu'il ly détient à force son héritage. Morys regarda vers le pas de Nesse ' ; si vist un escu quartilée de goules e d'argent endentée , e par ces armes conust qe ce fust Fouke. « Ore sai-je bien, fet Morys , qe jogelers sunt mensungers; quar là voy Fouke. » Moris e ces chevalers furent molt hardis ; e hardiement asaylyrent Fouke e ces compaignouns , e les apelerent larouns , e diseyent qe lur testes eynz la vesprée sereient assis al haut tour de Salobures. Fouke e ces frères se défendirent molt vigerousement; e yleqe fust sire Morys e ces xv. chevalers e les liij. fitz Gwy fitz Candelou de Porkyntone ocys; e de atant aveit Fouke le me)Tis enymys.

Fouke e ces compaignons s'en alerent de yleqe

1 . Ness est une paroisse située à sept milles N. O. de Shrewsbur)', sur la route de cette ville à Oswestry et à Whittington. Une hauteur, nommée le Ness-Cliff, domine la route : c'est là, bien probablement, le théâtre de l'aventure que rapporte notre histoire.

DE Foulques Fitz Warin. 69

vers Rothelan déparier ou sire Lewys , le prince, q'aveit esposée Johane, la fyle le roy Henré , suere le roy Johan ' ; quar le prince e sire Fouke e ces frères furent norys ensemble en la court le roy Henré. Le prince fust molt lée de la venue sire Fouke , e ly demanda quel acord fust entre le roy e ly. « Sire , fet Fouke , nul , quar je ne pus aver pées pur nulle chose ; e pur ce , sire, su-je venuz à vus e à ma bone dame pur vostre pées aver. — Certes, fet le prince, ma pées je vus grant e doynz , e de moy bon resut avérez. Le roy d'Engletere ne pées ou vus ne moy ne autre siet aver 2. — sire , fet Fouke, grant mercis; quar en vus molt me affye e en vostre grant lealté. E, pus qe vus me avez vostre pées grantée , je vus dirroy autre chose : certes, sire, Morys le fis Roger est mortz, quar je l'ay ocys. » Quant le prince savoit qe Morys fust mortz , molt fust irrée ; e dit qe, s'il ne ly avoit sa pées donée , yl ly freit trayner e pendre, pur ce qe Morys fust son cosyn. Donqe vynt la bone dame , e fist accord entre le prince e sire Fouke, issint qu'ils furent entrebayseez e toutz maltalentz pardoneez.

En icel temps grant descord fust entre le prince Lewys e Guenonwyn , le fitz Yweyn Keveyloc 5 ; e a cely Guenonwyn grant partie de le pays de Powys apendeit , e si fust molt or-

I. Nous avons déjà relevé l'erreur, du reste peu importante, que commet ici le contour — i. Le roi d'Angleterre ne sait avoir paix avec vous, ni avec moi, ni avec personne. — ?. Gwenwynwyn fut seigneur du Haut-Powis après la mort de son père, Owen Cyveilioc, en 1197. En 1201, Liewelyn, le prince de North-Galles, d'accord avec le roi Jean, convoqua une grande assemblée des chefs gallois pour recevoir leurs hommages à titre de suzcram. Gwenwynwyn

goylous , hauteyn , e fer, e ne vodra rien déporter le prince , mes fist grant destruxion en sa terre. Le prince à force avoit tôt abatu le chastel Metheyn ', e avoit pris en sa meyn Mochnanl -, Lannerth 5, e autres terres qe furent à Guenonwyn. Le prince comaunda la mestrie de lote sa terre à Fouke, e ly comaunda coure sur Guenonwyn e destrure totes ces terres. Fouke fust sages e bien avysée , e savoyt bien qe le tort fusî al prince ; si ly dist en bêle manere : « Sire , pure Dieu , fet-il , mercy ! si vus ce fêtez qe vus avez devysée , vus serrez molt blâmé en estrange regneez de totes gentz. E, sire, si vus plest , ne vus peyse qe je le vus dy, tote gent dient qe vus avez peschié de ly. E, pur ce, sire, pur Dieu , eiez merci de ly, e yl se redressera à vus à vostre volenté , e vus servira de grée. E vus ne savez quant vus avérez mester à vos barouns. » Tant prêcha Fouke au prince e parla, qe le prince e Guenonwyn furent entreacordeez ; e le prince ly rendy totes ces terres qe de ly eynz furent prisées 4.

Le roy Johan fust à Wyncestre. Ataunt vynt

refusa de le reconnoître. Llewelyn , soutenu par tous les chefs qui s'étoient rendus à l'assemblée, déclara la guerre au prince de Powis et envahit son territoire. Des ami? communs s'interposèrent ; une réconciliation eut lieu , et Cwenwynwvn fit sa soumission. Ces événements se passoient précisément vers l'époque cù nous en sommes de l'histoire de Foulques Fitz-Warin , et ce sont indubitablement ceux auxquels fait allusion notre récit.

I. Peut-être Mathrafal, dans le Montgomery-shire. — 2. La romantique vallée de Mochnant et sa célèbre cataracte sont bien connues de tous les voyageurs qui ont visité le pays de Galles. — j. Lannerth, dans le Denbighshire. — 4. Qiii lui avoient été enlevées précédemment; prisées, preisées , pradaU.

DE Foulques Fitz Warin. 71

la novele à ly qe Fouke avoit ocys Morys le fitz Roger, e qu'il fust demorée ou Lewys le prince, q'aveit esposée Johane, sa suere; si devynt molt pensyf , e bone pièce ne sona parole. Pus dit: « Hay, seinte Marie! je su roy, Engletere guye ' ; duc su d'Angoye^ e de Normaundye, e tote Yrland est en ma segnorie; e je ne pus trover ne aver en tôt moun poer, pur quanqe je pus doner, nul qe me velt venger de le damage e hontage qe Fouke m'ad fet ! Mes je ne lerroy qe je ne me vengeroy de le prince. » Si fist semoundre à Salobures tous ces countes e baronz e ces autres chevalers, qu'il seient à un certeyn jour à Salobures ou tôt lur gent. E quant furentz venuz à Salobures, Lewys fust garny par ces amys qe le roy Johan ly movereit grant guère; e apela Fouke , si ly mostra tôle le aventure.

Fouke fist assembler al chastel Balaham en Pentlyn' xxx. mil de bons hommes ; e Guenonwyn le fitz Yweyn vynt ou ces gentz , qe fortz e hardys furent. Fouke fust assez sage de guère, e conust bien tous les passages par ont le roy Johan convenist passer. E le passage fust moût escars-*, enclos de boys e marreis , issi qu'il ne poeit passer si noun le haut chemin. E le passage est apelé le Gué Gymele. Fouke e Guenonwyn ou lur gentz vindrent al passage , e fyrent fouer, outre le haut chemyn, une fossé long, profond , e lée ; e firent emplyr la fossée d'ewe, issi qe nul poeit passer, quel pur le marreis, qei pur la fossé $. E, outre la fossé, firent un pa-

I. Je gouverne Angleterre. — 2. d'Anjou. — v Château de Bala, dans le Mcrioneth-shirc. — 4. Etroit, rcsserié. — ). Tant pour le marais que pour le fossé.

72 Histoire

lys trobien bataillée ' ; e uncore puet home vere la fossé.

Ly roy Johan ou tôt son hosî vynt al gué , e là quida passer seurement; e vyst de là cheva- 1ers armés plus qe dys mil , qe gardoient le passage. P'ouke e ces compaignons furent passez le gué par un privé chemyn qu'il avoyent feit , e furent de cele part où le roy fust, e Guenonwyn e plusours autres chevalers ou eux. Le roy escria Fouke , e les chevalers le roy de totes partz assailerent Fouke; mes molt lur mesavynt, qu'il ne le poeynt avenyr * si noun par my le frount sur la caucé. Fouke e ces compaignons se défendirent com lyons , e sovent furent demonteez e sovent remounteez; e plusours des chevalers le roy furent ocys; e Guenonwyn fust sorement > naufrée parmy le healme en b teste. Qijant Fouke veit qu'il ne sa gent ne poeynt durer longement dehors lur fossé, si retornerent par lur privé chemyn , e defendyrent lur palys e la fossé ; e des quarels e autres dartz launcerent e gitterent à les gentz le roy, e ocistrent grant gentz , e naufrerent pueple à démesure. Geste fere e dure inedlé dura tanqe à seyr. Quant le roy vist tantz de ces gentz ocys e naufrez , tant fust dolent ne savoit qey fere ; mes se retoma vers Salobures.

Le roy Johan fust home santz conscience, mavois, contrarious, e hay de tote bone gent, e lecherous, e, s'yl poeit oyr de nulle bêle dame ou damoisele , femme ou fyle de counte ou de

! . Une palissade très bien construite. — 2. Atteindre , approcher. — 3. Gravement , sorelj.

DE FOULQ.UES FlTZ WaRIN. 73

baron e d'autre , yl la voleyt à sa volenté aver, ou par promesse ou par don engyner, ou par force ravyr. E pur ce fust le plus hay; e pur celé encheson plusours grantz seignurs d'Engleterre aveyent rendu al loy lur bornages ; dont le roy fust le meynz doté ' d'assez.

Jonan Lestraunge ^, seignour de Knokyn e de Rutone ', se tynt tous jours ou le roy, e fist damage as gentz le prince. E pur ce le prince fist abatre le chastel de Rutone , e prendre ces gentz e les emprisoner; dount Johan fust molt dolent. Le prince vynt al chastel Balaham , et apela Fouke ; si ly dona e rendy tote Blanche- Ville , son herytage, e Estrat , e Dynorben. Fouke le mercia molt, e prist ceus qu'il voleyt et s'en ala à Blanche-Vyle; e fist refermer e par tut amender le chastiel.

Johan Lestrange vynt al roy, e ly conta qe Fouke ly avoit fet grant damage de sa gent e abatu le chastiel de Rutone ; e pria al roy (quar il fust bien de ly) qe yl ly aydast de poer, e yl se vengereit bien de sire Fouke e de ces gentz. Le roy apela sire Henré de Audeléc*, qe fust seignour e premer conquerour de le chastiel

I . Redouté. — 2 . Jean Lestrange étoit le petit-fils de ce Guy Lestrange dont il a été question dans les premières pages de ce récit. La fidélité de ce seigneur au roi Jean tst constatée par l'histoire. — 5. Knockin et Ruyton sont l'un à S milles S. S. E., l'autre à 12 milles S. E. d'Oswestry. La destruction de ces châteaux, sous le règne du roi Jean, par les barons rebelles, est confirmée par un acte d'Henri IM qui enjoint au shériff du Shropshire d'aider à rebâtir le château de Knockin. — 4. Henry de Audley , le fondateur de la grande famille des Audley, se distingua en effet par son dévouement à la cause du roi Jean. Il ne fit construire Redcastle, dans le Shropshire, que sous le règne de Henri IH.

74 Histoire

Rous e de Tonour; si ly comanda prendre x. mil chevalers des plus vaylantz d'Engletere, e qu'il e ces chevalers fuissent en totes choses entendauntz à sire Johan Lestrange. Sire Henré e sire Johan e lur chevalers s'aparillerent vers Blaunche-Ville; e ., en cheminant, quanqu'il trovèrent , homes e femmes, ocistrent, e robberent le pays. Le cry se leva par tôt. Fouke fust à Blanche-Ville, e tynt yleqe beie compaignée, pur ce qu'il avoyt donqe son novel entré en ces terres ; e furent ileqe de Gales vij . chevalers, e serjantz plusours. Quant la novele vynt à Fouke qe sire Johan e sire Henré vindrent vers ces parties, se armèrent meyntenant e s'en alerent privément al pas de Mudle '. E quant sire Johan vist sire Fouke, brocha le destrer, sy feri sire Fouke de sa lance, qe ele vola en menu pièces. E sire Fouke referi sire Johan en my la face par my le healme , qe le coupe tote sa vie fust aparisaunt ; e sire Johan vola tôt plat à terre. Sire Johan fust molt vaylant; sayly tost en pies, e s'escria molt 1 ait: >< Ore , seynours, à Fouke tous! » Fouke respond cum orgoilous : « Certes, fet-il , e Fouke à tous! » Donqe le chevalers d'ambepartz s'entreferyrent. Fouke e sire Thomas Corbet^ e ces autres compaignons plu-

I . Middle. C'est un village situé à sept milles N. de Shrewsbury. — 2 Les Corbet étoient seigneurs de Caus, dans le Shropsliire. Thomas Corbet étoit le fils aîné de Robert Corbet, encore vivant. Toutefois, la rébellion de Thomas, qui dura jusqu'à la fin du règne de Jean , fit procéder contre le père. Le château de Caus fut saisi par la couronne, et ne fut restitué que dans la troisième année du règne de Henri III. Thomas Corbet devoit être très jeune à l'époque de notre

DE FOULQ.UES FlTZ WaRIN. 75

sours ocistrent. Aleyn, fitz Guaryn , e Phelip , son frère , furent naufrez.

Quant Fouke vist ces frères naufrez , a poy qu'il n'enragea d'yre. Sire Fouke se mist en la presse, e quanqu'il ateynt ne puet avoir socours de mort. Sire Fouke n'aveit à la jorné qe \\f. chevalers, e les autres furent x. myl e pluz , pur quoy Fouke ne poeit veyndre Testeur, si se retorna vers Blanche-Ville. Sire Audulf de Bracy fust démontée en mi la presse, e molt se defendy hardiement ; au dreyn fust pris e amenée vers Saloburs. Sire Henré e sire Johan furent molt leez de la prise ; si vyndrent à Salobures devant le rcy, e rendirent sire Audulf al roy, qe ly aresona molt fièrement, e jura grant serement qu'il ly freit trayner e pendre, pur ce qu'il fust son traytour e son laroun , e avoit ocys ces chevalers, ars ces cités, ces chastels abatuz. Audulf ly respondy hardiement, e dit qe unqe ne fust traytour, ne nul de son lignage.

Fouke fust à Blaunche-Viile, e fist laver e mediciner ces frères e ces autres gentz. Atant ly sovynt de sire Audulf, e le fist quere par tôt ; e quant ne poeyt estre irovée , yl ne ly quida vere à nul jour, si démena si grant duel qe home ne poeit greynour. Atant vynt Johan de Rampaygne, e vist Fouke fere tiel duel. <( Sire, fet-il, lessez estre ce duel; e, si Dieu plest, eynz demayn prime orrez bone novele de sire Audulf de Bracy; quar je meisme irroy parler au roy. »

récit , c'est-à-dire dans les premières années du XIIIc siècle, puisqu'il ne mourut que vers 1^73.

y6 Histoire

Johan de Rampaygne savoit assez de tabour, harpe, viele, sitole, e jogelerie; si se atyra molt richement, auxi bien corne counte ou baroun. E fist teyndre ces chevoyls e tut son corps entièrement auxi neyr corne geet, issi qe rien ne fust blanke si ces dentz noun. E fist pendre entour son col un molt beal tabour; pus monta un beal palefroy, et chevalcha par my la vile de Salobures , desqe à la porte du chastiel ; e de meynt un fust regardé. Johan vynt devant le rey, e se mist à genoylounz , e salua le roy moût corteysement. Le roy ly rendy ces salutz, e ly demanda dont yl esîoit. « Sire, fet-yl , je su un menestral Ethiopien , né en Ethiopie. » Fet le roy : '< Sunt touz les gentz de vostre terre de vostre colour? — Oyl, mon seignur, home e femme. — Qei dient-yl en estrange regneez de moy ? — Sire, fet-yl, vus estes le plus renomée roy de tote la cristieneté; e pur vostre grant renoun vu su-je venu vere. — Bel sire, fet le roy, bien viegnez. — Sire, mon seignur, grant mercy. » Johan dist qu'il fust renomée plus pur mavesté qe bounté; mes le roy ne l'entendi point. Johan fist le jour meynte menestralsie de tabour e d'autre instrumentz.

Quant le roy fust alée cocher, sire Henré de Audelée fist aler pur le nevr menestral , e le amena en sa chambre. E fesoient grant mélodie; e quant sire Henré avoit bien beu, donqe dit à un vadiet : « Va quere sire Audulf de Bracy, qe le roy velt ocyre demeyn ; quar une bone nutée avéra avant sa mort. » Le vadiet bien tost amena sire Audulf en la chambre. Donqe parlèrent e juerent. Johan comença un chanson qe sire

DE FOULQJJES FlTZ WaRIN. 77

Audulf soleit chaunter ; sire Audulf leva la teste , si ly regarda en my le vys e à grant peyne le conust. Sire Henré demanda à beyvre ; Johan fust molt servisable, saily légèrement en pies, e devant tous servy de la coupe. Johan fust coynte ; gitta un poudre en la coupe , qe nul ne le aparçust , quar yl fust bon jogelere ; e tous qe burent devyndrent si sommylous qe bien tost après le beyre se cochèrent dormyr. E quant tuz furent endornys, Johan prist un fol qe le roy aveit, si ly mist entre les deus chevalers qe devereynt garder sire Audulf. Johan e sire Audulf pristent les tuayles e lintheals qe furent en la chambre, e, par une fenestre devers Salverne, s'eschaperent e s'en alerent vers Blanche-Ville, qe ert xij. lywes de Salobures.

La chose ne poeit longement estre celée ; quar l'endemeyn fust tote la vérité dite al roy, qe moût fust corocée pur l'eschap. Fouke fust levé matyii l'endemeyn , quar poy aveit dormi la nuyt ; si regarda vers Salobures , e vist sire Audulf e Johan venyr. Ne fet à demaunder s'il fust lée quant il les vist; si les corust enbracer e beysir. Il les demanda quele noveles; e sire Audulf ly conta cornent Johan se contynt e cornent il eschaperent ; dont Fouke , qe eyntz dolent ert , fist deduyt e grant joye.

Ore lessum de Fouke e parloms de dame Mahaud de Caus. «Quant le roy, qe tant l'aveit desirrée, savoit de vérité q'ele fust esposce à sire Fouke, son enymy, par le consayl l'archevesqe Hubert, molt fist grant damage ii le archevesqe e à la dame ; quar il la voleit fere ravyr. E ele fuy à moster, e ylcqe fust dclyvrc de

78 Histoire

une fyle , e l'archevesqe la baptiza Hauwyse , qe pus fust dame de Wemme'. Fouke e ces compaignonz vindrent une nuyetée à Caunterbures , e amenèrent la dame de yleqe à Huggeforde, e demora une pièce yleqe. Pus avynt qe la dame fust enceinte , e fust privément demorant à Albrebures. E le roy la fist espier, e ele s'en ala de yleoqe privément à Salobures ; e ileqe fust espié, e ele fust si grosse qe ele de yleqe ne poeit traviler. E s'en fuy à la église Nostre-Dame à Salobures; e ileqe fust delyvre de une file qe fust baptizé Johane, qe pus fust marié à sire Henré de Penebrugge ^. Pus avoit Mahaud un.fitz, ae fust née sur un montaigne de Gales, e fust oaptizée Johan en une russele qe vyent de la fontaigne de Puceles '. La dame e l'enfant furent molt fiebles ; quar l'enfant nasquist deus mois avaunt son terme. E quant l'enfant fust confermé de evesqe , yl fust apelée Fouke. La dame e l'enfant, qe febles erent, furent aporteez de la montaigne à une graunge, qe fust celle à Carreganant.

Quant le roy ne se poeit en nulle manere venger de Fouke, ne la dame honyr e prendre, si fist une letre al prince Lewys , q'avoit esposée Johane, sa suere, e ly pria par amour oster de sa meynée son mortel enymy e son feloun (ce fust Fouke) ; e yl ly rendroit tous les terres qe ces ancestres aveyent unqe prises de sa sei-

!. Elle épousa, en effet, Willam Pantuif, baron de Wem. — 2. Henry de Pembridge, de Pembridge, dans, le Herefordshire. Pembridge est un village situé à mi-chemin entre Leominster et Kington. — j. Maiden-Frith , dit l'Abrégé de Leland.

DE Foulques F'itz vvarin. 79

geurye, à te!es qu'il ly fesoit avoir le cors Fouice. Le prince apela en sa cambre Johane, sa feme , e la mostra la lettre qe le roy son frère ly avoit maundée. Quant la dame avoit oy laletre, manda privemenl à sire Fouke tôt le tenour e qe le roy velt acordeer à son seignur. Qjuant Fouke oy la novele, molt fust dolent e se dota de tresoun ; si maunda ' dame Mahaud par Baudwyn de Hodenet privement à l'evesqe de Canterbures , e assygna Baudwyn de venyr à ly à Dovere ^.

Fouke e ces quatre frère e Audulf e Johan de Rampaygne se armèrent tôt à talent , e lur autres gentz vindrent al chastiel Balaha devant le prince. « Sire, fet Fouke, je vus ay servy à mon poer lealment; mes ore, sire, ne siet-um à qy affyer ; quar, pur la grant promesse le roy, me volez-vus gerpyr. E le roy vus ad maundée une lettre , laquele , sire , vus avez celée de moy \ dount, sire, je me doute le plus. — Fouke, fet le prince, demorez ou moy; quar, certes, ne le pensay de vus fere tresoun. — Certes, sire , fet P'ouke , je le crey molt bien ; mes , sire , je ne remeyndroy en nulle manere. » E prist congé de le prince e de tous ces compaygnons. De yleqe tant erra nuyt e jour qu'il vynt à Dovre; e yleqe encontra Baudwyn, qe la dame mena à l'archevesqe. E se minstrent en meer, e aryverent à Whytsond 5.

Fouke e ces frères e ces autres compaignons, quant vyndrent à Parys, si vyrent le roy Phelip

I. Il envoya. — 2. Douvres. — j. Wuissan , à quatre lieues N. de Boulogne-sur-Mer.

8o Histoire

de Fraunce ', qe fusl venuz as champs pur vere ces chevalers de Fraunce jostier. Fouke fust uncore mu ^ e ces compaignons ensement; quant vyreni tant beal assemble , demorerent pur vere les josles. Quant les Fraunçoys virent chevalers d'Engleterre, se penerent molt le plus de bien fere. Donqe sire Druz de Montbener, un molt orgoilouse Franceys, maunda à sire Fouke e ly pria joster ou ly ; si Fouke meyntenaunt ly granta sa requesie. Fouke e ces frères se armèrent e montèrent les bons destrers. Johan de Rampaigne fust molt richement aiyrée e bien mountée ; e si avoit un molt riche tabour, e fery le tabour al entré des renks, dont les montz e les vais rebondyrent e les chyvals s'enjolyverent. Quant le roy vist sire Fouke armée, si dist à sire Druz de Montbener : « Avyseez-vus bien ; quar cely chevaler engleys est molt pruz e vaylant , e ce piert bien'. — Sire, fet-il, n'y a chevaler en tôt le mond qe je n'osase bien encontrer al chyval ou à pée , cors contre cors. — De par Dieu! » fet le roy.

Fouke e sire Druz brochèrent les destrers e s'entreferyrent. Fouke ly fery de sa launce par my l'eschu e pierça le bon hauberke , et par my respaudle,qe la lance vola en pièces; e sire Druz chey tut plat à terre. Fouke prist le chyval sire Druz; sy l'amena e le manda en présent à

I. Philippe-Auguste, qui régna de 1180 à 12^5, et qui fut toujours en lutte avec le roi Jean -sans -Terre. Vers l'époque où nous sommes, c'est-à-dire après le meurtre d'Arthur de Bretagne, en 1202, une paix momentanée et peu sincère etoit conclue entre ces deux monarques. — 2. Gardoit encore le silence. — 3. Et cela paroît bien.

DE Foulques Fitz Warin. 8i

sire Druz, quar sire Fouke n'avoit cure à détenir le chyval. Atant vynt un chevalers franceis, qe à son vueyl voleit venger sire Druz ; sy fery Fouke de sa launce par my l'escu, que sa launce depessa. Fouke le refery en my le healme, qe sa lance tote defruscha , e le chevaler voida les arçons , volsist ou noun. Les frère Fouke e ces compaignons furent prestz à joster; mes le roy ne le voleyt sofryr. Le roy vynt poignant à Fouke , e ly dyt : « Chevalers engleys , seiez benel ; quar trop bien avez fet. » E ly pria demorer ou ly. Fouke mercia molt le roy, e ly granta de estre à sa volenté. Fouke le jour de meynt un fust regardée , alowé , e preysée par lot. Fouke avoit tele grâce qu'il ne vynt unqe en nul lyu où hardiesse, chevalerie , prouesse, ou bountée fust, qu'il ne fust tenuz le meylour e santz pier.

Fouke demora ou le roy Phelip de Fraunce, e fust amée e honorée de l[el roy e la roigne e totes bone gentz. Le roy ly demanda quel noun avoit ; Fouke dit qu'il fust apelée Amys del Boys '. <( Sire Amys, fet le roy, conussez-vus Fouke le fitz Warin , de qy um parle grant bien partut? — Oil, sire, fet-il, je l'ay sovent veu. — De quel estature est-il .'' — Sire, à mon entendement, de meisme l'estature qe je suy. ■» Fet le roy : « Yl puet bien , quar vaylantz estes ambedeus. )> Fouke ne poeit oir de nul tornoy ne jostes par tute France qu'il ne voleyt estre ;

I . Amis du Bois. C'est un pseudonyme fort bien approprié à l'existence que menoit depuis sa proscription Foulques Fitz-warin.

Nouv. franc, du XlV^ s. 6

Si Histoire

e par tôt fust prysé , amée , et honorée , pur sa proesse e sa largesse.

Quant le roy d'Engleterre savoit qe sire Fouke fust demorant ou le roy Phelipde Fraunce, manda al roy e ly pria , si ly plust, qu'il volsist ester de sa meynée e de sa retenance Fouke le fitz Guarin, son enymy mortel, (^ant le roy de France avoit oy la letre, si dist, par seint Denys, qe nul tiel chevaler fust de sa retenance ; e tiele respounce manda al roy d'Engletere. Quant sire Fouke avoit oy celé novele , v}Tit al roy de Fraunce e demanda congié de aler. Fet le roy : « Ditez-moy si nulle chose vus faut , e je hautement fray lere les amendes pur quoy volez départir de moy. — Sire, fet-yl, je ay oy teles noveles par ont me convyent partir à force. » E par celé parole entendy le roy qu'il fust Fouke. Fet le roy : « Sire Amys de Boys , je quid qe vus estez Fouke le fitz Waryn. — Certes, mon seignur , oyl. '> Fet le roy : « Vus demorrez ou moy, e je vus dorroy plus riches terres qe vus unqe n'avyez en Engleterre. — Certes, sire, fet-il, yl n'est pas digne de receyvre terres de autruy doun ', que ^ les suens de dreit héritage ne puet tenir à reson. »

Fouke prist congié de le roy, e vynt à la mer ; e vist les nefs floter en la mer, e nul vent fust vers Englctere , e le temps fust assez bel. Fouke vist un maryner, qe sembla hardy e feer ; e le apela à ly e dit : « Bel sire , est ceste nef la vostre? — Sire, fet-il, oyl. — Q'est vostre noun ? — Sire , fet-il , Mador del Mont de