I. En empêche point

ao2 Roman

forces et richesses sont voustres et en voz mains ; et se ma science ne me trompe, bien brief faudra la proesse de celuy qui tient les portes serrées au désir d'un chacun de vous, comme vous pourrez veoir, par mort violente'. »

Le viellart, ainsy parlant, estoit fort humble en visaige et en semblant, et toujours degouttoit grosses larmes, lesquelles luy baignoieni sa barbe chenue et sa poiitrine, laquelle il avoit toute descouverte Ne furent pas ses prières mises à non challoir, lesquelles si piteusement avoit faitles ; car si tost qu'il se fust teu , les Grecz tous à une voix crièrent : « Donné luy soit le puissant Anthenor! » Ainsy fut fait, et Calcas fut content de la besoingne commise aux traitteurs; et leur fut ordonné qu'ilz dissent ainsy au roi Priant , à ses filz et aux seigneurs qui là estaient, lesquelz en tindrent ung peu de conseil à part; et brief aux ambassadeurs respondirent que se ilz vouloient rendre leurs gens que ilz * avoient demandés, que ilz auroient ce qu'ilz' demanderoient.

Troilus, qui estoit présent à la demande que firent les Grecz , quant il ouit qu'ilz requeroient Brisaida, soubitement se sentit le cueur transmorty4, avecques une douleur qui le picquoit si estroictement que bien il cuidoit mourir sans jamais bouger de là où il estoit assis. Mais toutes voies il se esvertua , et avecques tresgrant paine retint son pouvre cueur qu'il ne crevast en pleurs et en plains. Et plain de angoesse et de fiere paour commança avecques un aultre pense-

I . Faudra... par mort violente. — 2. Eux Troyens. — 5. Eux Grecs. — 4. Pâmé.

DE TrOÏLUS. 203

ment qu'il n'avoit acoustumé de attendre quelle seroit la response , en soy mesmes doubtant ce qu'il avoit à faire , se tant estoit sa maie advanture ' que ses frères se accordassent que Brisaïda fust à Calcas rendue, et comment il la pourroit destourner; car de tout son povoir il y remedieroit volentiers si honnestement faire povoit. Amours le faisoit prest à toutes choses et apparaillé s'enployer; mais d'autre part estoit Raison qui contredisoit, et faisoit fort doubteuse une telle entreprise que^ par avanture ne fust aucunement corroucée Brisaïda, pourdoubte que diffame ne lui en ensuyvist. Et en ceste manière , voulant aucunesfoiz Tune et l'autre non , puis pensant une chose, puis l'autre, ainsi estoit entre deux le gentil gracieux seigneur. Tant comme il estoit en ceste façon sourprins, et > plusieurs parlemens'' furent entre les barons de ce qui estoit besoin de faire pour les matières lors proposées et debatues , fut conclut , dit et response faicte à ceux qui là estoient que Brisaïda fust rendue , et que jamais par eulx n'avoit esté retenue.

Tout ainsi que la grant chaleur du souleil et l'aspre chault qui vient es mois de juillet etaoust

I. Sa fortune mauvaise. — 2. De crainte que. — 3. Ainsi. Nous avons déjà indiqué que ce mot ne représentoit pas seulement, dans notre texte, le sens actuel de la conjonction copulative et; il présente parfois une signification plus vague et plus étendue en même temps. Ici il a à peu près le sens de : pendant ce temps. Nous ferons remaïquer aussi que, même lorsqu'il a le sens actuel de: en outre, de plus, il ne garde pas toujours la place que lui impose la syntaxe moderne; il est quelquefois placé au milieu du membre de phrase au lieu d'être au commencement. — 4. Discussions.

204 Roman

abbat et fait changer la belle et la vive couleur des champs et les fait pallir, tout ainsi de la response faitte aux Grès par le conseil des Troyans fut Trcilus féru de tresgrant douleur, et en celle lerny et transmony cheut à terre tout pasmé. Lequel Priamo tint entre ses braz, aussi fist Hetor et ses autres frères, pour l'accident qui lui advint, et chacun mect peine de le conforter, et lui frotoient le pouls et luy gittoient eaue roze au visage et arrousoient ses temples de vin aigre, comme gens advisez qu'ils estoient, et luy cuidoient faire revenir sa vertu ' ; mais pou luv valloit chose qu'ilz feissent pour l'eure. Il gfsoit iransmorty et estendu entre ses amis, et n'avoit plus en lui fors que ung peu de couleur en visage, mais estoit du tout pally et mieulx ressembloit homme mort que vif, et n'estoit nul qui entour lui fust qui ne plorast à grosses larmes. Et en tel estât fut Troilus pour la response qu'il ouit faire de Brisaida, qui rendre se devoit. Mais puis que son dolent cueur par longue espace eut esté en cest estât, sans ouvrir ses yeux, ainsi que s'il eust esté endormy, et tout estourdi, se leva soubitement surpiez; et avant que aucun eust loisir de demander qu'il avoit, en faignant autre chose avoir, de là se départit.

En ceste forme s'en alla en sa chambre qu'il avoit ou palais , sans tourner le visage et sans escouter ne parlera personne qui vive. Et comme il estoit en souppirs , en pluseurs grefz douleurs, sans vouloircompaignée d'aucune personne du monde , se mist en sa chambre disant qu'il se