Cacher, esquiver, dissimuler
2 20 Rom AS
que elle ouoyt conter, de paour que elle trouvast que ce fust vray. Mais comme nous véons et qu'il advient souvent que l'une damme va visitant l'autre , espicialement celles qui s'entreament , quant aucun cas nouveau leur advient, ainsi pluseurs vindrent veoir et visiter ce jour Brisaida , toutes plaines de piteuses joyes, et lui commancèrent à compter de point en point le fait comme il alloit et l'appointement comme il avoit esté fait, et comment elle doit esire rendue.
L'une disoit :
'I Certes, j'ay grant plaisir pour l'amour de vous . de ce que vous retournez avecques voustre père , et que vous povez demourer avecques lui. »
L'autre disoit .
« Il me desplaist de ce que nous perdons sa compaipnie. »
Puis l'jutre disoit :
« Encores pourroit elle bien estre occasion de faire la paix entre nous et les Creux, à l'aide de son père, lequel, ainsi comme vous savez, est si sage qu'il scet faire prendre quelque appointement qu'il veut, ainsy comme on dit. »
Telles paroles et plusieurs aultres féminines alloient disant . et Brisaida escoutoit tout sarw que elle respondit ung seul mot emplus que si elle n'y fust pas , ne ne povoit celer son beau visaigc les haulx pensemens qu'elle avoit de ses gentes amours , lesquelles lui estoient durement entrées en la pensée par la nouvelle qu'elle avoit oye. Le corps estoit là, mais le cueur estoit ailleurs, qui alloit serchant Troilus sans savoir où il feust. Et ses dames, qui faire lui cuidoyent grant con-
DE TrOÏLUS. 221
solacion en parlant avec elle et à lui tenir compaignie , assez lui desplaisoient, comme à celle qui sentoit en son couraige toute autre passion que ne véoient celles qui estoient là. Et assez souvent honnestement leur donnoit ung gracieux congié , si grant désir avoit de demeurer seulle. Aucunesfoiz ne se povoit garder de laisser aller quelques souspirs, et telle foiz luy chéoit quelque larmette des yeulx, qui donnoit signe du grief martire dont son pouvre cueur estoit contrainct. Mais les sottes qui estoient entour d'elle cuidoient que la jeune dame le fist de pitié de les abandonner, pour ce que elles estoient comme compaignes. Et chacune la vouloit conforter de ce dont guères ne luy challoit, et plusieurs parolles luy disoient affm que elle ne print pas tant de desplaisir et de merencolie du despartement que elle faisoit d'avecques elles; ne autre chose n'estoit , sinon la grater au talon quant la teste luy demengeoit, car d'elles n'avoit elle gaires de pensement , mais seulement de Troilus, lequel elle laissoit. Et depuis plusieurs paroles perdues comme souventesfoiz font femmes , ilz se assemblèrent ensemble et prisdrent congié. Et elle incontinent, vaincue ettrespercéede doleur amère, dedans sa chambre tout doulcement s'en entra plourant, et, sans donner remedde ne conseil à son grant ma! , si asprement commença à plourer que oncques ne fut veu telle chose. Elle se gitta sur son lit toute plourant avecques une doleur si tresforte que à paine le pourroit on dire, et souvent se frappoit la blanche poittrine en appelant la mort qui la venist tuer, puis que par malle fortune lui convenoit laisser ce que plus elle amoit. Elle se tiroit ses blons cheveulx et
222 Roman
mille foiz le jour se pasmoit. Elle disoit : « Hélas ! maleureuse , dolente, or fusse je estainte à l'eure que je nasqui, affin que je ne vous eusse jamais vcu , mon trcsdoulx et gracieux désir! Helas ! pourquoy suis je si mal fortunée qu'il faut que je vous soye osiée, et vous à moy ! Que fera ma pouvrc vie dolente à l'eure que je ne vous pourray plus veoir ! Que feray je , Troyius , mon amy, quant je seray de vous départie ! Certes, je ne croy pas jamais ne boire ne mengier; et si ma dollente ame ne s'en va elle mesmes hors de mon corps , à mon povoir par famine l'en chasseray, pource que je voy et congnois que d'ores en avant je vray de mal en piz. Or maintenant seray je briefve acerles , puis que de vous il me convient départir. O cueur de mon corps, mon noir vestement sera tesmoignage de mes peines! Helas, Troyius, comment porray je estre sans cueur -^ car certes le mien demorra vcy avecques voustre amour , et avecques elle plaindra le doleureux partement qu'il me convient faire pour mérite ' de si bonne et si loyalle amour. Troyius, comment avez vous le cueur de me veoir d*avecques vous partir, quant ne mettez tout voustre sens et engin à moy retenir ou par force ou par amour .'' Je m'en yray, et ne sçay si jamais vous reverrav, ma douice amour! Mais vous qui tant me amez, que ferez vous.' Pourrez vous souffrir cesie douleur? Certes, quant à moy. ne la soutfreray gaires, car je sçay bien que la insupportable angoesse que je auray me fera crever le cueur. O mon père! mauvais, desloyal au pais dont vous estes, mauldicte soit l'eure
