I. Habile

DE TrOÏLUS. 265

leurs manières lui sembloient point estranges , et ne se tint pas à tant qui ne luy demandast pourquoy son père attendoit tant à la marier.

Brisaïda , laquelle avoit son cueur fichiée à Troïlus comme à son doulx amy, ne se prenoit pas garde de son malice , mais tout ainsi- qu'il plaisoit à Amours respondoit à Dyomedes. Et aucunesfoiz lui perçoit le cueur de part en part de doleur et d'angoesse , et telles foiz luy disoit de douces paroUes qui luy donnoient l'espergnce de ce qu'il demandoit. Lequel, comme il se fust ung peu asseuré en parlant, luy commença à dire :

« Gente dame, si j'ay bien regardé voustre doulx visage , lequel est plus plaisant que nul autre que je veisse oncques , il me semble tout transmué de ennuy et de pensement depuis le jour que nous partismes de Troye et que nous venismesycy, comme vous sçavez. Ne ne sçay l'occasion, ne que se peut estre, si ce n'est d'amours, lesquelles, si vous estes sages, vous chasserez d'avecques vous , pour les raisons que je vous diray. Il se peut dire que les Troyens sont par nous tenuz en prison, comme vous véez, et sommes délibérez de ne partir jamais d'ycy qu'ilz ne soient mors et deffais , mis à feu et à flambe. Ne ne cuidez point que nul qu'il soit dedans la ville trouve jamais pitié ne miséricorde à nous. Ne jamais homme ne commist folie ne commettra — et fust le monde pardurable — que la pugnicion que nous donnerons à Paris de l'oultrage qu'il nous a fait ne luy soit exemple ou en ce monde ou en l'autre. Et s'il y avoit bien douze Hettors, ainsy qu'il n'y en y a que

ung, et six foiz autant de frères, si ne les doublons nous point, ne ne sont en rien accomparacez à nous. Si voustre saige père Calcas ne fait erreur en son entendement , combien qu'ilz soient de hault courage et desirans de honneur, si en aurons nous bien tost le bout, et tous y fmeront et mourront , et la démonstration brief\e fera congnoistre que nos espérances ne sont point faulces! Et ne croiez point que Calcas vous eust ainsy importunement demandée se fl n'eust bien cogneu ce que je vous dy doibve avenir; et j'ay plusieurs foiz debatu avec luy ceste question , et toutes raisons dittes d'un costé et d'aultre, conclud et prinl conseil de vous faire venir ycypour vous degitter hors de ce péril , et je le conseillay et le confortay tant comme je peu, ovant les grans vertuz qui sont en vous, et me efforçay de faire le traicté que Anthenor fust baillé pour vous. Et pour ce que voustre père congnoissoit ma foy et ma loyaulié, il me pria que je fusse moyenneur de ceste besongne, et que je prenisse la paine de aller jusques à Troye, devers le roy Priant . laquelle chose je t'is voluntiers pour vous povoir veoir et congnoistre et parler avecques vous. Que vieult dont dire ceste douleur.'' O belle doulce dame, laissez aller ceste amour faulce des Troyans; chacez dehors ceste espérance , damme , qui en vain vous fait souppirer, et rappeliez voustre clère beaulté, laquelle me plaist plus que nulle autre chose , assez le congnois bien. Et aujourd'ui est Troye en tel party qu'il ne y a plus homme leans qui ne ait perdue toute espérance ; et si bien elle estait pour tousjours durer, si sont les rois , filz de roy

DE TRO'iLU s. 26 <i

et tous ceulx qui y habitent de estranges coustumes ' et sont de peu de valeur au regart des Greux, qui pevent aller d'avant toutes les nations , tant sont plains de haultes coustumes et honnourables et bien condicionnez. Et là vous estiez entre gens ignorans et bestiaulx; et ne croyez pas que l'amitié des Grecs ne soit plus haulte beaucoup et plus parfaitte que celle des Troyans. Voustre grant beauté et voustre visage angelique trouvera assez ycy digne serviteur et amant, si vous y prenez plaisir. Et, s'il vous plaisoit, je seroye vouluntiers celui, plus tost que estre à présent roy de Grèce. »

Et cecy dit , il devint le visage roge comme feu , en lui tremblant sa parolle , et vers la terre baissa ses sourcilz , en tournant aucunement les yeux vers elle ; puis tantost print cueur et suivist son parlement en disant :

(' Ma dame , ne vous desplaise , car aussi gentil homme suis comme homme qui soit en Troye ; si mon père Thidée eust vescu ainsi qu'il mourut en combattant à Thèbes, il eust esté roy de Caldonia et d'Argos , et ainsi comme j'ay espérance d'estre ; ne n'estoit point venu ou royaulme comme estrangier ^, mais comme congneu et honnouré de toute ancienneté; et se peut dire que Je suis descendu de la lignée des Dieux, de quoy je n'en suis pas moins prisé entre les Grieux. Je vous pry dont, si ma prière doit valloir, que vous chacez hors ceste melcncolie, et s'il vous semble que vaille tant et que je soye

I. Tous ceux qui y habitent... sont de manières barbares, inciviles. — 2. Et il n'étoit pas venu en ce royaume à titre d'étranger, de conquérant.

266 Roman

lel qu'il appartient a voustre seigneurie , qu'il vous plaise me prendre à voustre ser\-iteur. Car je suis celui que voustre forant beaulié , douceur et genteté ont contraint à vous requérir; et je feray tant, au plaisir de Dieu , que encores aurez chier Dyomèdes. »

Brisaida l'escoutoit, et lui respondit pou de parolles , de loing à loing ; mais puis que elle eut ouy ceste derraine requeste et le grand hardement de Dyomèdes , elle le regarda de travers despiieusement , tant que elle le peut , et encore avoit elle Troilus en son cueur, et lui dist en ceste manière avec une voiz movenne ' :

« Dyomède, j'ayme ceste ville en laquelle je suis creue et norrie , et moult me desplaist sa guerre, et vouluntiers l'en verroie délivre; et ceste douleur tant me serre le cueur que c'est l'occasion de mon ennuy et de ma melencolie. Et quant à la paine que vous avez prinse pour moy, je pry à Dieu qu'il vous en vueille rendre bon guerdon. Je scay bien des Creux qu'ils sont de grant valeur, bien condicionnez et gens raisonnables ; mais des Troyens n'est gaires maindre la valeur, la haulte vertu et noble condicion , et l'ont bien monstre par la main de Hettor. Et n'est pas sens à mon advis que , pour guerre que on ait ne pour autre occasion , blasmer autruy pour sov louer ^ Je ne congnu que fut d'amours oncques puis que mourut celui à qui loyaulment la garday comme à mon seigneur et mary; ne de Crée ne de Troyen ne me châlit » oncques,

I . Presque basse. — 2. Que pour la guerre ou pour toute autre cause on se loue aux dépens d'autrui. — ). Il ne m'impona.

ne en telle façon ne me entrèrent oncques au cueur, ne n'entreront jamais. Et que vous soyez descendu du sang royal , je le voy assez et l'ay bien ouy dire , et cecy me donne une grant admiracion ' que vous puissiez mettre en voustre courage une pouvre femme comme je suis et de basse condition envers la voustre 2 ; à vous appartiendroit la belle Helaine ; à moy ne affiert que tribulacion, ne je ne suis délibérée à entendre à telles choses. Non pour tant ne dy que seroie dolente ne desplaisante de estre amée d'un tel homme comme vous estes. Le temps est mauvais et périlleux , et à présent estes sur les armes 5 ; laissez victoire à qui le attend, et alors sauray je m.ieulx que j'auray à faire , et par avanture me plairont plus les joyeusetez et plaisirs , et mieulx qu'ilz ne font maintenant , et peut estre que je prendray voz paroles mieulx en gré que je n'ay fait jusques cy ; quar quant aucun vieult entreprendre, il doit adviser temps et saison. »

Geste derrenière parolle que dist Brisaïda pleut fort à Dyomèdes , et lui sembla bien que sans nulle faulte encores trouveroit mercy en elle, si comme il fist tout à son beau plaisir et loisir 4; et lui respondit : « Ma damme, je vous jure sur ma foy que de ycy en avant je suis tout voustre, ne à autre tant que je vivray ne seray, et tousjours me trouverez prest et apparaillé à faire ce qu'il vous plaira me commander et or-

I. Etonnement. — 2. Comparée à la vôtre. — J. En armes , en temps de guerre. — 4. Comme il fit en effet après l'avoir cherché agréablement et à loisir.

268 Roman

donner, comme voustre humble et loyal serviteur. »

Et plus ne dist et s'en partit. Il estoit grant et belle personne , jeune , trois et tresplaisant et hardy à merveilles, et aussi beau parleur comme nul porroit estre ; et de sa propre nature estoit enclin à amour; lesquelles choses Brisaida aloit pensant, neantmoins' toutes ses douleurs, et ne savoit que faire, de le fouir ou de le approucher *. Cecy lui fist refroidir le courage et le pensement que elle avoit de retourner; cecy lui fist passer son hault courage que elle avoit envers Troylus , et la nouvelle espérance fist aucunement fuir et retourner arrière l'angoesse et le tourment que elle sentoit par avant, et de cecy vint l'occasion par quoy elle ne tint pas la promesse que elle avoit faicie.

(T;;;?^^ roylus si comme dessus est dit pas- ^^ ^°'^ '^ temps en attendant le jour qui ''SÏ lui avoit esté donné, lequel tantatten- ^v dit qu'il vint. Et en faisant semblant d'avoir autre chose à faire, s'en allèrent droit à la porte lui et Pandaro, touz seulz, en parlant de ceste chose et en regardant vers le siège pour voir s'ilz verroient venir aucun vers Troye. Et ung chacun qu'ilz veoient venir vers eulx, ou seul ou acompaigné , ilz cuidoienl que ce fust Bri-