Il leur faisoit ces questions. — 2. C'csi-J-dire que

). Se moquaiit en lui-mémf de ce que disoit Troflus, car il connoissoit.

ment l'occasion qui l'esmouvoit à ce dire; et pour ne le faire plus dolent de ceste chose, qu'il estoit , il faisoit semblant de le croire , et puis disoit entre ses dens : « Ce pouvre homme attend maintenant à venir le vent de mont Gibel ' . »

L'attendre estoit pour néant, et les portiers faisoient grant rumeur à la porte, en criant que quiconques ne vouldroit demeurer dehors entrast dedens. Ce cy disoient ilz à touz citadins et estranges et bonnes gens qui avoient leurs bestes dehors. Mais encores depuis tout ce cy fist tarder Tro'ilus la porte de fermer plus de deux heures, et en la fm, quant le ciel fut tout estellé, ilz s'en entrèrent dedens, lui et Pandaro.

Et bien que espérance l'eust trompé maintesfoiz celui jour, à une façon puis à une autre , toutesfoiz vouloit Amours que, entre tant de pensées qu'il avoit , qu'il en creust la moins raisonnable; pourquoy derechef il adressa son parler à Pandaro en disant :

« Nous sommes bien sotz de l'avoir attendue ce jour cy. Elle me dit que elle seroit dix jours avecques son père et non plus , et puis que elle retourneroit en ceste ville ; et au jourd'ui est le X'' jour; doncques demain est le jour que elle doit venir, à bien droittement compter les jours, et nous avons là demouré tout le jour, tant nous avoit désir troublé la mémoire. Et demain au matin nous y fauldra demeurer. »

Et ainsi le firent. Rien ne leur proffita de regarder ne çà ne là , car desja à autre avoit Bri-