Et je ne sais que vous écrire maintenant

288 Roman

mal et de ce que en cest estai le coniraignoit à vivre. Il fist semblant de ne le avoir point ouy. Et après lui dist :

" Parère , pourquoy ne vous confortez vous ? Le printemps est venu , et fait dehors si tresbel que les prez et les arbres et toutes autres choses se reverdissent; si vous devroit tout le cueur resjouir quant vous veez cest beau temps. D'autre part le temps est venu que noustre treyve des Greuxest faillie, et qu'il nous fault monsirer et faire sentir noustre valleur et prouesse et le grant courage que nous avons contre noz ennemis, ainsi que avons acoustumé. Et comment ! ne vouliez vous plus venir avecques nous, vous qui souilliez estre le premier aux coups donner et départir, et estiez si craint et si doubtez de voz ennemiz que touz vous faisoient large et s'enfuyoient davant vous ? Ettor noustre frère nous a desja ordonné et commandé que demain soyon touz prestz et appareillez pour saillir dehors avecques lui. »

Tout ainsi que ung lyon se affecte et se reppose pour force de paine et de travail qu'il a eu pour quérir sa proie, après quant il scet cerf , toreau ou autre beste où il puisse mettre la patte dessus, il se liève sur bout en dressant les crins etaureilles. tout ainsiTroilus, oyant parler de la guerre périlleuse, commança à revenir en sa force et en sa grant vertu, et vigueur retourna au cueur duquel elle s'en estoit fuye. Si haulsa ung pou sa teste et dist :

<i Mon frère , il est vroy que je suis aucunement affebly; mais j'ay si grant désir de la guerre que je me efforceray àe me lever tantost d'ycy.

DE TROÎLUS. 289

Et vous jure sur ma foy que si oncques je me combaty de bon cueur à l'enconîre de ses Grieux, à présent me combatrayaudouble, pour la grande hayne que je leur porte. »

Deiphebus entendit tantost où alloient ses parolles, et leconfortoit en disant qu'ilz le attendroient pour faire leur entreprinse et saillie; et, pour ce , qu'il s'esforçast et ne demourast plus au lit. Puis s'entrecommandèrent à Dieu. Troïlus demoura avecques sa douleur, et Deiphebus s'en retourna devers ses frères, ausquelz il compta tout ie fait , lesquelz le creurent incontinent, par les manières qu'ilz lui ' avoient veu faire. Mais point ne le vouloient corroucer ne mai contenter, délibérèrent entre eul.x mesmes de n'en rien dire et de lui aider à ce qui leur seroit possible. Pourquoy incontinent ilz s'en retournèrent à leur maison , et ordonnèrent à leurs femmes que elles allassent veoir et visiter Troilus , et menassent avecques elles toutes manières de instrumens pour le povoir resjouir. Et ce faisoient pour Poster hors de la melencolie en quoy il estoit.

En pou de heures fut la chambre plaine de dames et de damoiselles et de toutes manières et façons de instrumens mélodieux. D'un cousté estoit Policène sa sœur, qui ressembloit ung ange tant estoit belle; de l'autre part estoit la tresbelle Helaine; et d'avant lui estoient Cassandra , Ecuba et Andromata et pluseurs autres cousines et parentes qui illecques estoient assemblées. Chacune d'elles le reconfortoit à son povoir, et aucunes luy demandoient quel mal il

Sûuv. franc, du XIV^ s. 19

190 Roman

sçntoii. Mais il ne respondoii riens, et autre chose ne faisoii sinon regarder puis l'un puis l'autre; et en son piteux cueur lui souvenoit de Brisaida, et ne se povoit tenir que aucunesfoiz il ne giltasi des souppirs ; mais tousjours sentoit il aucune doulceur de la mélodie des sons qui là estoient.

Cassandra, qui par avant avoitouy ce que son frère Deiphehus avoit dit, laquelle estoit vis à vis de Troilus, comme en le voulant reprendre de ce que ainsi s'estoit laissé mettre au bas . lui dist :

« Mon frère , comme je puis veoir, mal fut pour vous quant oncques voustre cueur senty que ce fust d'amours. Pour quoy je vous en voy totallement detTait , si vous ne y mettez remède. Et puis que ainsi devoit aler, au moins eussez vous esté amoureux de quelque haulte dame de sang roval ou de haulte lignée. Mais une simple dame, fille de prestre, vous fait ainsi consumer et vous conduit et mène à l'estat à quoy vous estes. Véez ycy le filz d'un hault et puissant roy qui vit en paine et en douleur pour ce que Brisaida est de lui partie ! »

Troylus, oyant ce que sa seur lui alloit disant, se troubla fort , tant pour ce que elle alloit desprisant Brisaida, laquelle il amoit plus que tout le monde, que aussi pource qu'il congnoissoit

3ue son secret estoit venu jusques aux aureilles e sa seur; et pensa soy vouloir taire; puis advisa et dist en soy mesmes ; « Si je me tais, tout le monde dira que ce que elle a dit est vroy. »• Pour qucy !uy commança à dire :

u Voustre science , laquelle vous vouliez te-

DE TrOÏLUS. 291

nir secrète à ung chacun , avecques ses yrnaginacions que vous avez de cuider congnoistre les choses advenir, vous a maintesfoiz deceue. Et par avanture vous feriez beaucoup mieulx et plus sagement de vous taire que de parler si bestialement. Je ne sçay que c'est que vous m'allez disant de Brisaïda, et pour ce que je vous voy si habondamment et desraisonnablement parler, je vieulx faire ce que je n'ay encores fait, c'est assavoir, vous monstrer voustre bestialité. Vous dictes que par trop amer Brisaida suis en cest estât , et le me vouliez tourner à honte ; mais jusques ycy avez failly à voustre sens , et ne vous a pas bien monstre la vérité voustre Apolio, lequel vous dictes à vous trouvé '. Oncques en ma vie n'eu entencion de amer Brisaïda pour amour, et ne croy point qu'il soit au monde personne qui ait hardemement de ."^oustenir ceste mençonge. Et s'il estoit ainsi que vous allez disant , je vieul.x bien que on sache que jamais ne l'eusse laissée partir, de ycy et m'eust deu faire mourir le roy Priam noustre père. Combien, je cuide qu'il le m'eust aussi bien souffert comme il souffrist que noustre frère Paris ravist Helaine, pour quoy nous sommes maintenant en ceste guerre. Reffrenez doncques voustre langue, qui est trop agùe et poignante. Ores prenons ores que ainsi fust et que pour elle je souffrisse ceste paine , pour quoy n'est Brisaïda en toutes manières et façons digne de estre amée et honnourée de plus homme de bien que moy.^* Je ne vieulx point parler de sa beauité, laquelle,

1, Sans doute, vous a inspiré.

21)2 Roman

au jugement d'un chacun , irespasse celle qui est es cieux , pour ce que fleur cheue en terre est tantost flétrie. Mais venons à sa gentillesse, laquelle vous blasmez tant, et que chacun me accorde la vérité se je dy vroy, et , si non , que on le me nye. Je vous prye que vous alléguez la cause pour quoy elle n'est gentille femme et de haut lieu. Car je vieulx que vous sachez que L.le est noble et virtueuse. Et de cecy ne diront pas le contraire ceulx qui la congnoissent. Ses œuvres en font assez le tesmoignage. Et ce que je en dy, je ne le dy tant seulement que pour saouUer et contenter ceste femme ycy qui va ainsi parlant de tout le monde, sans savoir aue elle dit. Et par avanture, si la veue ne me déçoit , je ne congnois pas une plus honneste de Brisaida , ne n'en fut oncques une plus so'i.e ne plus attrempée, s'il est vroy ce que en ay ouy dire. Et elle l'a bien demonsiré; car oncques nul ne lui ouyst yssir de la bouche parole qui tochast blasme ne deshonneur de homme ne femme. Elle demonstre en ses manières et en ses parolles la discrétion qui est en elle: car oncques ne fut veue une plus rassise et plaine de toute raison. Et je le dy pour l'excuse que je luy vy faire pour la traison corn mise et fait: : par son père , car, tout en plourant , demonstroit toujours par son beau parler, et par son sens , son hault et royal courage tout plain de desdaing. Ses coustumes sont assez notoires, et pour ce me semble qu'il n'est jà besoing que elles soient de moy ne d'autres delTenaues, ne ne croy point qu'il y ait en ceste ville cy chevalier ne escuier qui ne se loue de

son honneur et de sa courtoisie et à qui elle ne feist plaisir à son povoir. Et ce le sçay, car autresfoiz ay esté en lieu où elle a honnouré moy et autres si liaultement et si honorablement que la plus grant dame royalle de tout le monde en eust esté assez empeschée. Et tant comme elle a esté en ceste ville cy, elle a vescu si honnourablement que sa bonne renommée en est demeurée, quelque part que elle soit allée. Or çà, dame Cassandra , que direz vous plus de ceste femme avecques voustre sens royal ? Tous ceulx à qui on voit la couronne en la teste et le ceptre en la main ne sont pas roiz ; vous avez maintesfoiz ouy dire que celui doit estre appelle roy qui le vault par sa vertuz et non pas par sa puissance. Ne cuidez vous pas que elle se fust aussi bien gouvernée comme vous feriez , et luy séeroit aussi bien ou mieulx qu'il ne fait à vous , je vous dy affin que vous me entendez , la couronne.^ Ne seroit pas ainsi railleresse comme vous, qui allez mordant de la langue une chacune personne. Et si Dieu me fait si eureux et si digne d'avoir une telle dame comme vous allez disant, je tiendray à bien grant honneur ce que vous allez desprisant. Or vous en allez à la malle heure, puis que vous ne savez plus gracieusement parler. Allez prendre voustre quenoille et allez filler. Corrigez vos deffaulx et laissez ester les vertuz d'autrui. Et ne sommes nous pas bien , quant ceste folle cy par sa bestialité va blasmant ce que bon lui semble , et se escoute à parler sans savoir ce que elle dit ne à quel propos ? »

Cassandra se teust et eust voulue estre de-

hors, et sans mot dire elle s'en alla mucer entre les autres femmes. Et incontinent que elle se fut ostée de d'avant lui, elle s'en retourna toute honteuse au palais roval , ne oncques plus ne le vint visiter, ne depui's ne fut si voluntiers veue ne escoutée comme elle estoit par avant. Ecuba, Helaine et les dames qui là estoient furent trescontentes de ce que Troylus lui avoit dit, et leur sembloit qu'il avoit raison. Et depuis après doulcement et gracieusement le confortèrent avecques plaisantes parolles et avecques joyeuses festes et esbatemens. Puis après toutes ensemble prindrcnt congé de lui et s'en retournèrent! chacun en son hostel. Et par pluseurs foiz depuis le allèrent veoir et visiter tant qu'il demoura ainsi en son lit feble et failly.

Troilus, par force de continuacion , se adura de sa douleur, tellement que avecques sa bonne paciance il devint sain et puissant. Et encore la grant ardeur et voulunté qu'il avoit en son courage de monstrer sa vertu et son hardement contre les Greu.x le fist plus tost revenir en sa force, qu'il avoit perdue par les aigres paour et douleurs qu'il avoit soustenues, que' nulle autre chose. Et oultrececy, Brisaida lui avoit rescript, et par ses lettres se povoit noter de mal en pis*, car elle coloroit sa tardance et demeure avecques faulses et mauvaises excuses, en demandant encores à Troilus aucun aultre terme plus long pour retourner, combien que elle n'eust jamais volunté de le faire. Et la conclusion de la l'jttre estoit pour lui donner encore espérance que elle