il ne convenoit pas, il n'étoit pas convenable

sist si haute fenme ne si bielle devant k'il fust chevaliers. Ses sires en ot grant joie ; si fu lendemain fais chevaliers, et au tierc jour espousa la bielle pucielle à grant fieste et à grant joie.

Qant mesire Robiers fu chevaliers, si dist à son segnour ensi :

— Sire , vous m'avés fait chevalier, et voirs est l ke je vôai pour péril de mort la voie à Saint Jakeme 2 lendemain ke je seroie chevaliers : si vos pri k'il ne vos anuit? , car demain au matin il me couvient mouvoir si tos conme jou aurai vostre bielle fille espousée, car pour riens je n'enfraindroie mon veu.

— Ore , mesire Robier, si lairés* ensi ma bielle fille, et vous en irés ensi! ciertes, molt en ferés à biasmer.

— Sire , dist-il , je revenrai asés tos , se Dieu plaist ; car ceste voie il me couvient faire par forche.