Pour moi le plaisir, pour vous ma reconnoissance

5 . Il faut comprendre ici tourment dans le sens d*éloignement , séparation , tourment d'eue éloigné d'avec celle qu'il aime.

DE TrOÏLUS. 179

tion l'amoureuse flamme en faisant à la nuit bonne part de ses pensemens. Et le jour faisoit armes sur touz autres quant Troyens sailloient de hors.

Tant passèrent de jours Pun après l'autre que le temps désiré des amans vint. Lors Brisaïda si fist appeler Pandaro , et lui monstra tout ce qui lui faiiloit à monstrer. Mais Pandaro fut dolent^ pour ce que d'avanture le jour d'avant Troylus estoit allé ung peu dehors pour aucunes grans besoignes bien expresses tochant lé fait de la guerre , combien qu'il devoit tantost retourner; si le dist à Brisa'ida , dont elle ne fut pas contente, combien que elle n'en feist semblant.

Mais non obstant Pandaro, comme amy cordial, si envoya tantost un messagier, lequel sans se arrester tant picqua de l'esperon qu'il arriva devers Troylus , lequel , incontinent qu'il eut veu ce que Pandaro luy escripvoit , se mist prestement et joyeusement à cheminer pour s'en retourner. Et lui retourné , de Pandaro sceut ce c{u'il avoit à faire , lequel ^ attendoit la nuit moult impacientement, pource qu'il luisembloit que elle s'en fouist d'avant luy. Et puis quant l'eure vint, tout celéement avecques Pandaro print son chemin pour aller où Bnsaïda estoit, laquelle estoit toute seullette, et pour ce l'attendoit. L'air estoit obscur et plein de nues ainsi que Troylus vouloit , lequel alloit joyeusement , escoutant, de la grant double qu'il avoit de trouver aucun des-f tourbement , fust grant ou petit , qui fist empeschement à son amoureux dcsir, laquelle chose' lui eust esté ung nouveau tourment. Mais Fortune