I. Moi que, ou quand, car

DE TrOÏLUS. 249

1er me seroit beaucoup meilleur et moins de doleur. Et souventesfois me vient une paour qui me fait tressaillir et sembler que je chée de haut à bas , et tout à coup je m'escrye et appelle à mon secours Brisaïda et Amours , en leur requérant mort ou mercy. A tel pojnt comme vous veez suis je venu , et me deulz de moy mesmes et de son partir, duquel ay eu tel angoesse que par avant jamais ne l'eusse pensé. Helas! je confesse que je dois avoir espérance encores d'avoir secours , et que ma belle dame retournera ainsy qu'elle m'a promis; mais le cueur qui l'ayme ne le me veut consentir, et à toute heure l'appelle. »

Fuis qu'il eut en telle manière une grani pièce parlé et dit, Pandaro, douloureux de ce qu'il le voit en cest fait et souffrir tant d'angoesse et de martire , lui respondit :

« Or me dittes, Troylus, estes vous point délibéré que en ceste tristesse y ait jamais ne bout ne fin.^ Ne croiez vous point que autres que vous aient esté amoureux et aussi eslroiltement poinctz comme vous estes , et qui ne se soient trouvez ou party ' que vous estes pour le département de leurs dames ? Et si vous cerliffie qu'il y en a bien d'autres aussy amoureux comme vous estes , et sont encores plus malheureux de vous. Et de ce suis je bien certain. Mais non pourtant ne habandonnent ilz pas leurs vies à paine et tourment comme vous faittes; mais quant la doleur leur griefve trop, ilz mettent paine à la getter dehors avecques espérance , et