Mais dès qu'il put voir de ses yeux
256 Roman
ceste place la vy auiiesfoiz rire ; en tel lieu me donna un gent regart de ses yeux. » Ne n'y avoit lieu ne place là où il ne allast en disant toutes les façons et manières qu'il lui avoit veu faire. Ainsi chevauchant par la ville il vit ung autre lieu où il avoit veue Brisaïda premièrement et au commencement de ses amours, en la cornpaignée des autres dammes de la ville. Lors commança à dire : <( Je voy ung lieu là où les beaux yeulx de ma damme me allumèrent une flamme de feu me descendant en mon cueur, plus grande que oncques n'avoit esté. En celle place me fist un regart fier et desdaigneux , en tel autre m'en fist ung doulx . gracieux et tout plain de humilité. >> Puis avecques ces pensemens qu'il alloit ainsi faisant en trouvoit ung autre , en disant ainsi : « Amours , quant bien y regarde, vous avez fait de moy ung long ystoire S et me doubte fort que voustre grant vertu se vouldra de moy mocquer, et que je en demouray meschant et chestifz tant que les autres amans me monstreront au doy. Bien est voustre haulte puissance à craindre et à doubter ; mais puis que mon cueur est du tout en tout donné à vous servir, comme clèrement le povez veoir, ne me vueillez habandonner et ne me laissez
Î>oint mourir desconforté. Faictes moy recouvrer e plaisir que je avoye , et destraignez Brisaïda comme vous faictes moy, affin que elle retourne pour mettre fin à mes douleurs. »
Puis s'en alloit aucunesfoiz par ceste porte de
1. Une histoire que l'on racontera longtemps. Tout ce passage est plus développé dans l'italien.
là où sa dame estoit yssue , et disoit : <c Par cy s'en yssit celle damme qui me conforte ; par cy s'en yssit mon cueur et ma vie ; jusques en tel lieu luy fis compaignie ; et ycy fut la départie de nous cfeux , et nous entre tochasmes des mains* D'ycy vous en allastes , m'amour, mon bien ; quant sera ce, mon seul désir, que par cy tournerez ? Certes , je ne sçay ; mais ces dix jours me semblent mille ans , tant ay grant envie de veoir voustre cent corps et voz doulces manières pour moy resjouir, amsi que promis me avez. Que ores fusse maintenant! »
Il estoit ad vis à lui mesmes qu'il n'avoit pas si bonne couleur ou visage comme il avoit acoustumé; et pource faisoit ung pensement que aucunesfoiz on le remonstroit au doy, comme dire : «Qu'aTroïlus qui est ainsi devenu palle et descoulouré ? » combien que de ce ne fust rien ; mais c'estoit le souspeçon qu'il avoit, pour quoy il vouloit demonstrer aucunement estre plus joyeulx qu'il n'avoit esté. Et quant il estoit tien las de faire les lamentacions , il s'en alloit aucunesfoiz chantant à basse voiz , et s'esforçoit à prendre tout plaisir qu'il povôit pour donner recreacion à son pouvre cueur, lequel estoit en cest estât. Puis alloit disant : « Le doulx regard des plus beaulx yeulx qui encores furent, aont j'ai perdu la veue , fait ainsi finir ma vie grefve plaine d'ennuy et de merencolie ; et ' me conduit en tel point que là où je desiroye joye et plaisir, mainteitant je désire la mort , tant mal me fait le parlement de la belle. Helas! pourquoy, amours,
