I . TroUtts

Nouv. franc, du XiV^ s, 19

290 ROMAK

sentoit. Mais il ne respondoit riens, et autre chose ne faisoit sinon regarder puis l'un puis l'autre; et en son piteux cueur lui souvenoit de Brisaïda, et ne se povoit tenir que aucunesfoiz il ne gîttast des souppirs ; mais tousjours sentoit il aucune doulceur de la mélodie des sons qui là estoient.

Cassandra, qui par avant avoit ouy ce que son frère Deiphebus avoit dit, laquelle estoit vis à vis de Troïlus , comme en le voulant reprendre de ce que ainsi s'estoit laissé mettre au bas , lui dist :

« Mon frère , cgmme je puis veoir, mal fut pour vous auant oncques voustre cueur senty que ce fust d'amours. Pour quoy je vous en voy totallement deffait, si vous ne y mettez remède. Et puis que ainsi devoit aler, au moins eussez vous esté amoureux de cjuelque haulte dame de sang royal ou de haulte lignée. Mais une simple dame , fille de prestre , vous fait ainsi consumer et vous conduit et mène à l'estat à quoy vous estes. Véez ycy le filz d'un hault et puissant roy qui vit en paine et en douleur pour ce que Brisaïda est de lui partie ! »

Troylus, oyant ce que sa seur lui alloit disant, se troubla fort , tant pour ce que elle alloit desprisant Brisaida , laquelle il amoit plus que tout le monde , que aussi pource qu'il congnoissoit Que son secret estoit venu jusques aux aureilles ae sa seur ; et pensa soy vouloir taire ; puis àdvisa et dist en soy mesmes : « Si je me tais, tout le monde dira que ce que elle a dit est vroy. » Pour quoy luy commança à dire :

ii Voustre science , laquelle vous vouliez te-

nir secrète à ung chacun , avecques ses ymaginacions aue vous avez de cuider congnoistre Tes choses advenir, vous a maintesfoiz aeceue. Et par avanture vous feriez beaucoup mieulx et plus sagement de vous taire que de parler si bestialement. Je ne scay que c'est que vous m'allez disant de Brisaïda, et pour ce que je vous voy si habondamment et desraisonnablement parler, je vieulx faire ce que je n'ay encores fait, c'est assavoir, vous monstrer voustre bestialité. Vous dictes que par trop amer Brisaïda suis en cest estât , et le me vouliez tourner à honte ; mais jusques ycy avez failly à voustre sens , et ne vous a pas bien monstre la vérité voustre Apollo, lequel vous dictes à vous trouvé ' . Oncoues en ma vie n'eu entencion de amer Brisaïcia pour amour, et, ne croy point qu'il soit au monde personne qui ait hardemement de soustenir ceste mençonge. Et s'il estoit ainsi quo vous allez disant , je vieulx bien (jue on sache que jamais ne l'eusse laissée partir, de ycy et m'eust deu faire mourir le roy Priam noustre père. Combien, je cuide qu'il le m'eust aussi bien souffert comme il souffrist que noustre frère Paris ravist Helaine, pour quoy nous sommes maintenant en ceste guerre. Reffrenez doncques voustre langue, qui est trop agùe et poignante. Ores prenons ores que ainsi fust et que pour elle je souffrisse ceste paine, pour quoy n'est Brisaïda en toutes manières et façons digne de estre amée et honnourée de plus homme de bien que moy? Je ne vieulx point parler de sa beaulté , laquelle,