I. Owen Cyveilioc, prince du Haut-Powis. — 2. Le

creux.

DE FOULQ^UES FiTZ WaRIN. 47

rent e seisirent totes les terres que Fouke aveyt. E pristrent Gyoun ', le fitz Candeloii de Porkyntone, qe le conestable Fouke esteit , e mandèrent à prison à Rothelan 2, e ces vij. fitz ou ly.

Fouke grant duel fet pur son seignour; si ad entendu que le roy Henré est demoraunt à Gloucestre 5, e s'en va làundreit^. Si corne yl approcha la ville, si fust le roy après soperJ alaunt sey dedure en un prée, si vist Fouke venant armé al chyval , e moût poinousement chyvalchaunt , quar yl ert feble , e son destrer las. « Atendoms, fet le roy, jà orroms noveles. )> Fouke vint tut à chyval al rey , quar yl ne poeit descendre, si counta le roy enterement toîe la aventure. Le roy rouly les oyis mou[t] ferement , e dit qu'il se vengereit de tels maltesours en son reaime. E ly demanda qu'il fust e dount fust née. Fouke counta le roy où ert née e de qele gent, e qu'il estoit lefitzGuaryn de Meez. (( Beau fitz , fet le roy, vus estes bien venuz à moy; quar vus estes de mon sang, e je vus ayderoy. » Le roy fist mediciner ces playes. E maunda purMelette, sa mère, e Hawyse, sa femme , e lur autre meyné ^ ; si les retynt ou ly, e fesoit Hawise e Melette demorer en les chambres la reygne. Hawyse fust grosse enseinte, e, quant terme vynî, fust delyvres de enfaunt, e firent apeler l'enfaunt Fouke. Cèly en son temps

I. Guy ou Cuyon. — 2. Rhuddlan, dans le comté de Flint. — 3. C'est en i lyj que le roi Henri II vint à Gloucester afin de remédier aux troubles de la frontière galloise. — 4. En cet endioit. — 5. On soupoit vers quatre heures après midi ; on dînoit à dix heures du matin. — 6. Et le reste de sa famille.

48 Histoire

fust moût renomée, e ce fust à bon dreit; quar yl fust sauntz pier de force, hardiesse e bouniée.

Quant Fouke le Brun fust seyn de sa playe, le roy Henré maunda une letre à sir Water de Lacy, e comanda sur vie e menbre qu'il iy delyverast Joce de Dynan, son chevaler, e ces chevalers, qu'il tient à tort en sa prisoun; e si yl ne le fet, yl les vendra quere meymes, e fra tiele justice qe tote Engletere em pariera. Quant sire Water avoyt oy le maundement , molt fust empoury de le maundement ; si delyvera sir Joce e ces chevalers, e les vesty e monta honorablement, e les amena par la posterne devers la ryvere de Temede e outre le gwé de Temede e outre Whyteclyf, tan qu'il vyndrent en le haut chemyn ver Gloucestre. Quant sire Joce vint à Gloucestre, le roy le reçusl moût léement , e ly promist ley e resoun, Joce sojorna ou le roy tant come ly plust , pus prist congié e s'en ala à Lambourne ' , e sojorna yieque ; e bien tost après morust , e fust enterrée yleoqe. Dieus eit merci de la aime!

Le roy Henré apela Fouke , e ly fist conestable de tut son host ; e ly comanda tote la force de sa terre , e qu'il presist gent assez e qu'il alast en la marche , si en chasast Yervard Droyndon e son poer hors de marche. Issi fust Fouke fet mestre sur tous; qijar fort ert e coragous. Le rey remist à Gloucestre; quar yl fust malengous 2, e gueres ne poeyt travilerJ. Yervard

1. Lamburne, dans le Berkshire. — 2. Malade. — j. Voyager, travel en anglois.

DE Foulques Fitz Warin. 49

avoit pris enierement tote la marche de Cestre desqe Wyrcesîre ', e si avoit tous les barouns de la marche déshéritée. Sire Fouke, ou l'ost le roy, meint fer assaut fist à Yervard; e à une ba'tayle delées Herford , à Wormelowe ^ ly fist fuvr et guerpyr le champ. Mes avant, d'ambepartz , furent plusours ocys. La guère tîere e dure dura entre sire Fouke e le prince quatre anz, atant qe, à la requeste le roy de Fraunce, fust pris un jour d'amur à Salobures entre le roy e Yervard le prince ', e furent entre-beysez e acordeez. E le prince rendy à les barons de la marche totes les terres qu'il avoit de eux prises, e al roy rendy Ellesmere ; mes Blanche-Ville e Maylor ne vodra rendre pur nul or. u Fouke , fet le roy, depus qe vus avez perdu Blaunche- Ville e Maylor, en lu de ce vus doyn-je Aileston ' e tut Tonour qu'apent à tenir perdurablement. » E Fouke le mercia chèrement.

Le roy Henré dona à Lewys, le fitz Yervard, enfant de vij. anz , Jonette 4^ sa fyle ; e en mariage lur dona Ellesmere e autres terres plusours ; si mena Lewys à Loundres ou ly. Le prince Yervard , ou sa meyné , prist congié du roy, e s'en ala vers Gales; si dona à Rogier de Powys Blaunche-Vilee Maylour. Rogierpusdonaà Jonas,

I. Worcester. — 2. Peut-être Wormseley, à huit milles N. E. d'Hereford. Il n'est pas fait mention de cette bataille dans les chroniques. — 3. Alveston, dans le Gloucestershire, fut certainement un domaine des Fitz-V/arm; mais il leur appartenoit déjà à l'époque où nous sommes ; le premier Foulques le possedoit en ! 1 j6. — 4. Jeannette. Le mariage de Lewis ou Lleweliyn eut lieu beaucoup plus tard : il épousa, en 1204, une fille naturelle du roi Jean, et non d'Henri

Nouy. franc, du XI V^ s. 4

50 Histoire

soun puysnée frère, Maylour. Ore avez oy cornent sire Joce de Dynan , Sibille , la eyné , e Hawyse , le puisné, ces filles, furent déshéritez de le chastel e l'onour de Dynan , qe sire Water de Lacy tient à tort; mes pus fust la ville de Dynan reparillée e refetée , e si fust apellée Ludelowe. E si avez oy cornent sire Fouke , le fitz Waryn de Meez, est desherytée de Blanche-Ville e Maylour. Sibile , la suere eyné , fust'pus mariée à Payn le fitz Johan ', molt vailant chevaler.

Fouke e Hauwise tant aveient demoré ou le roy, qu'il avoit synk fitz , Fouke, Willam , Phelip le Rous, Johan, e Alayn. Le roy Henré avoit quatre fitz, Henré, Richard Cuer-de-Lyon , Johan , e Gaufré 2, qe pus fust counte de Bretaygne le Menour. Henré fust coronée vivant son père ; mes il morust avant le piere ; e après la mort le père , Richard ; e après Richard , Johan , son frère , qe tote sa vie fust maveys e contrarious e envyous. Fouke le jeouene fust norry ou les iiij. fitz Henré le roy, e moût amé de tous., estre de Johan; quar yl soleit sovent medler ' ou Johan. Avint qe Johan e Fouke tut soûls sistrent en une chambre , juauntz à eschekes 4. Johan prist le eschelker, si fery Fouke grant coupe. Fouke se senti blescé , leva le piée, si fery Johan en my le pys, qe sa teste vola contre la pareye , qu'il devynt tut mat et se palmea.

1. Fitz-John. — 2. Goàeîwy, Jeffrey. — 3. Se quereller, se battre. — 4. Beaucoup d'anciennes chansons de Geste, Renaud de Montauban , Ogier de Danemarche , etc., commencent par une querelle de jeunes princes au jeu d'échecs. Notre conteur suit la tradition en donnant la même origine aux luttes de Foulques et du roi Jean.

DE FOULQJJES FiTZ WARIN. JI

Fouke fust csbay ; mes lée fust qe nul fust en la chambre , si eux deus noun ; si frota les oryles Johan, e ' revynt de palmesoun, e s'en ala al roy, son piere, e fist une grant pleynte. « Tèstey, maveys , fet le roy; tous jours estes conteckaunt. Si Fouke nulle chose si bien noun vus fist , ce fust par vostre désert demeyne. » E apela son mestre , e ly tîst batre fynement e bien pur sa pleynte. Johan fust molt corocée à Fouke ; quar unqe pus ne le poeit amer de cuer.

Quant le roy Henré le père fust mort, donqe régna rey Richard ; si avoit molt cher Fouke le Brun , le fitz Waryn , pur sa lealté ; e fist apeler devant ly à Wyncestre ^ le v. fitz Fouke le Brun, Foket , Phelip le Rous, Willam, Johan, e Aleyn , e lur cosyn , Baudwyn de Hodenet , e les adubba molt richement e les fist chevalers. Sire Fouke le jeouene e ces frères ou lur compagnie passèrent la mer, pur quere pris e los; e n'oierent parler de nul tornoy ne joustes qu'il ne vodra estre là. E tant fust preysé par tôt qe la gent diseient communément que il fust santz pier de force, bounté, e hardiesse ; quar yl aveit tele grâce qu'il ne vynt en nul estour qu'il ne fust tenuz e renomée pur le meylour.

Avynt qe Fouke le Brun, lur piere, morust 3. Le rey Richard maunda ces lettres à sire Fouke qu'il venist en Engletere à receyvre ces terres , quar son piere fust mort. Fouke e ces frères furent moût dolent qe Fouke le Brun , lur bon père , fut mort ; si revindrent à Londres à le roy

I. Et celui-ci... — 2. Winchester. — 3. Foulques II mourut avant 1 199, mais après le retour du roi Richard de la Terre-Sainte, qui eut lieu, comme on sait, en 1194.

52 Histoire

Richard , que moût fust lée de eux ; si lur rendy totes les terres dont Fouke le Brun morust seysy. Le roy se apparilla vers la Terre-Seynte , e comanda tote la marche à la garde sire Fouke. Le roy l'ama moût e chery pur sa lealté e pur la grant renomée qu'il aveit , e Fouke fust molt bien de le roy tote la vie le roy Richard.

Après cui mort , Johan , le frère le roy Richard, fust coronée roy d'Engletere. Donqe maunda à sire Fouke qu'il venist à ly parler e îreter de diverse besoignes qe tochoyent la marche , e dist qu'il irreit visiter la marche ; e s'en ala al chastiel Baudwyn, qe ore est apelée Mountgomery '. E quant Morys , le fitz Roger de Powys, seignur de Blaunche-Ville , aparçust le roy Johan aprocher la marche, si manda au roy un destrer gras et beal e un girfaut tut blanc muer. Le roy le mercia moût de le présent. Donqe vint Moryz parler al rey ; e le roy le pria demorer ou ly e estre de son consayl , e ly fist gardeyn de tote la marche. Quant Morys vist soun temps , si parla au roy e ly pria , si ly plust, qe yl ly velsist confermer par sa charire l'onour de Blaunche-Ville, à ly e ces heyrs, come le roy Henré, soun père, l'avoyt eynz confermé à Roger de Powys , son père. Le roy savoit bien que sire Fouke avoit dreit à Blaunche-Ville , e se remenbra de le coupe qe Fouke îy avoyt eynz donée , e se pensa qu'il se vengereit par yleqe ; e granta qe quanqe Morys voleyt

I . Baudouin de Hodnet étoit sénéchal héréditaire du château de Montgomery, qui est encore appelé par les Gallois la ville de Baudouin , TreJ Faldivyn,

DE FOULQJJES FiTZ WaRIN. 5^

fere escrivre , yl le enselereyt. E , à ce fere , Morys ly promist c. livrez d'argent '.

Yl y avoit bien près un chevaler qe tut aveit ov qe le roy e Morys aveyent parlé; si vynt hastivement à syre Fouke, e ly counta qe le roy confermereit par sa chartre à sire Morys les terres à queux yl avoit dreyt. Fouke e ces quatre frères vindrent devant le roy, e prièrent qu'il puissent aver la commune ley e les terres à queux yl aveyent droit e resoun , come le héritage Fouke ; e prièrent qe le roy velsist receyvre de lur c. lyvres*, à tieles J que yl lur velsist graunter le award 4 de sa court de gayn e de perte. Le roy lur dist qe ce qu'il avoit grantée à sire Morys , yl le tendreit , quy qe se corocereit ou qy noun. Atant parla sire Morys à sire Fouke , e dit : « Sire chevaler, molt estes fol , qe vus chalengez J mes terres. Si vus dites qe vus avez dreit à Blaunche-Ville, vus y mentez; e, s'il ne fust devaunt le roy, je le proverey suz vostre corps.)) Sire Willam, le frère Fouke, sauntz plus dyre , sayly avaunt , sy fery de le poyn en my le vys sire Morys, qe tut devynt senglant. Chevalers s'entre-alerent , qe plus damage ne fut fait. Donqe dit sire Fouke al roy : (C Sire roy, vus estes mon lige-seignour, e à vus fu-je lié par fealté , tant come je fu en vostre

! . Meurich , fils de Roger de Powis , paya au roi Jean pour le fief de Whittington , non pas cent livres, mais cinquante ou soixante marcs d'argent. — 2. Ici le chiffre est exact. — 3. A telles conditions. — 4. Accorder, garantir le jugement, l'arrêt de sa Cour, quel qu'il fût. — $. Revendiquez.

54 Histoire

service e tân corne je tienke terres de vus ; e vus me dussez meyntenir en resoun, et vus me faylez de resoun e commun ley ; e unqe ne fust bon rey qe deneya à ces franîce tenauntz ley en sa court : pur quoi je vus renke vos homages. » E à celé parole s'en parti de la court , e vynt à son hostel.

Fouke e ces frères se armèrent meyntenant , e Baudwyn de Hodenet ensement; e quant furent passez une demie -luwe de la cité, vindrent après eux xv. chevalers bien montez e armés , les plus fortz e valyantz de tote la meyné le roy, e les comaunderent retorner, e diseyent qu'il aveyent promis al roy lur testes. Sire Fouke retorna , e dit : « Beau sires , molt fustez fols quant vus promistes à doner ce qe vus ne poez aver. )> Atant s'entreferirent de lances e de gleyves , issint qe quatre de plus vaylantz chevalers le roy meintenant furent ocis , e tous les autres naufrez au poynt de mort , estre un qe vist le peryl e se mist à la fute. Vynt à la cité; le roy îy demaunda si Guaryn fust pris. « Nanil , fetyl , ne rien malmys ; yl e tous ces compaignons sunt aleez ;.e nus fumes tous ocys , estre fnoy, qe à grant peyne su eschapez. » Fet le roy : «Où est Gyrart de Fraunce, Pieres de Avynoun, e sire Amys le Marchys ' ? — Sire, ocys. )) Atant vindrent x. chevalers tut à pée, quar sire Fouke meyne les destrers. Les uns des chevalers aveyent perdu le nées , les uns le menton ; e tut furent defolées. Le roy jura grant

1 . Ce sont là des noms de roman , comme le remarque très bien M. Th. Wrlgth.

DE Foulques Fitz Warin. 55

serement qu'il se vengereit de eux e de tote lur lignage.

Fouke vynt à Alberburs , e conta à dame Hawyse sa mère coment aveyent erré à Wyncestre '. Fouke prist grant aver de sa mère , e s'en ala, ly e ces frères, à ces cosyns , en Bretaygne le Menur, e sojorna tant come ly plust. Le rey Johan seysy en sa meyn totes les terres qe Fouke aveit en Engleterre , e fist grant damage à touz les suens.

Fouke e ces quatre frères , Audolf de Bracy 2, son cosyn , e Baudwyn de Hodenet , son cosyn , pristrent congié de fur amys e cosyns de Bretaygne le Menur, e vindrent en Engletere. Les jours se reposèrent en boschages e en mores ?, c les nuytz errèrent e travilerent; quar yl n'osèrent attendre le roy, quar yl ne aveyent poer contre ly. Atant vyndrent à Huggeford 4, à mon sire Waterde Huggeford , qe avoit esposée dame Vyleyne, file Warin de Meez; mes son dreit noun fust Emelyne , e fust la aunte sire Fouke. Pus Fouke s'en va vers Alberburs ; e quant vynt iieqe , la gent du pays dient que sa mère est enterrée , pur qy Fouke fet grant duel , e prie mut pitousement pur sa aime.

Sire Fouke e sa gent celé nuyt vont en une foreste q'est apellée Babbyngî, qe esta delées Blaunche-Ville , pur espier Morys le fitz Rogier. Ataunt vint un vadlet de la meyné Morys , si les

I. Ilsavoient agi à Winchester. — 2. Audolf ou Adolphe de Bracy, seigneur de Meoie, près Shrewsbury. — 3. Landes, marais, en anglois moors. — 4. Higford, près de Shiffnall. — 5. Un bois situé à un mille et demi S. E. de Whittington est appelé aujourd'hui Babies Wood.

56 Histoire

aparçusl , e s'en revêt arere , e counta Morys ce qu'il avoit veu. Morys se arma moût richement, e prent le vert escu à deus senglers d'or batu; d'argent fust la bordure, ou flours de glys d'asure. E si avoit en sa compagnie les nuef fitz Guy de la Montaigne e les treys fitz Aaron de Clerfountaygne , issint qe xxx. y aveyent bien mounteez , e v. de gent à pée. Quant Fouke Morys vist , hastivement de la foreste issist. Entre eux fust comencé dur estour, e yleqe fust Morys naufré par my l'espaudle , e plusours chevaîers e genîz à pié occis furent. E , au dreyn , Morys s'enfui vers son chastel , e Fouke le parsywy, si li quida feryr en fuaunt en le healme; mes le coupe descendy sur le cropoun del destrer. Atant vint Morgan le fitz Aaron , si trayst de le chastel , e fery Fouke par mi le jaunbe de un quarel. Fouke fust molt dolent qe yl ne se poeit venger à sa volenté de sire Morys, e de sa playe en le jaunbe ne dona jà garde.

Sire Morys fist sa pleynte al roy qe sire Fouke fust revenuz en Engletere e ly avoit naufré par my le espaudle. Le roy devynt si corocé qe a rnerveyle; e ordina c. chevalers ou lur meynie d'aler par tôt Engletere , d'enquere e prendre Fouke e ly rendre al roy vyf ou mort. E si averount totes lur costages de[l] roy ' ; e s'il le puissent prendre , le roy les dorreit terres e riche feez. Les chevalers vont par îot Engletere quere sire Fouke; mes là où yl entendyrent qe sire Fouke fust , là ne vodreient aler à nul fuer ; quar yl ly dotèrent à démesure , les uns pur amour