I. Di Mongibello, dit l'italien, de l'Etna

272 Roman

saida adressé son pensement. Pourquoy ceulx ', depuis qu'ilz eurent assez musé comme ilz avoient fait le jour d'avant, et comme il fust nuyt , ilz s'en retournèrent dedens ; ce que fut à Troïlus une douleur trop amère, et toute l'espérance qu'il avoit eue jusques y cy perdit; car il ne savoit plus où se prendre , de quoy il se dolloit moult en luy mesmes. Et commança fort à se plaindre d'Amours et de sa damme, pour ce qu'il luy sembloit que pour nulle occasion du monde elle ne devoit tant tarder à retourner, veue la promesse que elle luy avoit faicte.

Mais le tiers, le quart et le v'' jour passèrent, depuis que les dix jours furent passez ; et avoit encores Troïlus en espérance que elle deust retourner, et en soppirant l'attendoit ; et encores depuis cecy 2, par plusieurs jours estoit en celle espérance. Mais c'estoit pour néant, car elle ne retournoit point. Dont Troïlus se alloit consumant ; et les lermes et souppirs, qui de lui estoient eslongnez par Brisaïdaet Pandaro, retournèrent sans estre appeliez, en leur donnant voie son désir enflammé 5. Et celles qui par espérance avoient esté espargnées yssirent doublement par martire, lequel avoit changé toute espérance ; et tant en saillirent , que , pour une lerme que avant estoit , il en saillit vingt. Touz les désirs vieilz et passez furent en luy renouveliez , et se appercevoit de la tromperie que on lui faisoit ; et l'ennemy esprit de jalousie , plus que nul autre greveux et tourmentable et sans nul repoux,

I. Ceux-ci. — 2. Ce cinquième jour. — 3. Revenant maintenant rappelées par les désirs infructueux de son cœur.

comme scevent ceulx qui l'ont esprouvé, commança à sentir, dont jour et nuyt ploroit sans cesser, tant que ses yeuix ne le povoient endurer. Il ne mengeoit ne beuvoit comme rien •, tant avoit son triste estoma plain d'angoesse; et oultre ce, ne povoit dormir, tant avoit sa vie sobzmise à souspirs et à plains , de la souspeçon qui jà lui estoit entrée au cueur, de sa damme^. Et à son povoir fuyoit toute feste , toute joye , tout esbatement; et estoit son visage devenu en tel estât que mieulx sembloit beste sauvage que homme; que aucun ne Teust jamais congneu, tant avoit la chière palle et descolorée. Toute la vertu du corps s'en estoit partie , et luy estoit demourée es membres si pou de force que à pou se pouvoit il soustenir; ne ne vouloit prendre aucun confort que nul lui donnast.

Priant, son père, qui ainsi le véoit deffiguré, aucunesfoiz le appelloit en lui disant :

u Filz , que as tu senty ? Quelle chose est ce qui si fort te griève ? Il ne semble point que ce soit toy, tant es descoulouré. Qui est le occasion de ta dolente vie .? Dy le moy, mon filz , car quant je y regarde , tous les jours vays > en empirant. »

Le semblable lui disoient Hettor, Paris et ses autres frères et seurs ; et lui demandoient dont lui estoit venue ceste melencolie, et s'il avoit ouyes aucunes nouvelles qui lui eussent ainsi fait changer couleur. Ausquelz à tous il respondit que c'estoit ne sçay quel mal qui lui estoit

I. Presque rien. — 2. De la souspeçon... de sa damme. — 3. Tu vas.

Nouv.Jranç. duXIV^ s. 18

274 Roman

venu au cueur; mais plus avant ne dit pour chose que on lui peust demander, ne autre chose ne peut l'en tirer dehors de sa bouche.

Il estoit l'un jour plus melencolieux que l'autre et qu'il n'avoit acoustumé pour la foy faillie de sa damme , et ainsi plain d'ennuy se mist à dormir Troylus, lequel en songeant vit la honteuse et tresdeshonneste faulte de celle qui le faisoit languir. Car il lui sembloit ouïr par un fort bois ung grant bruit desplaisant, pourquoy en levant la teste lui sembloit veoir ung grant sanglier qui estrivoit ', et puis après luy sembloit à veoir entre ses piez Brisaïda , de laquelle il tenoit le cueur d'un desdiz piez. Et Brisaïda ne tenoit compte de chose qu'il lui feist, mais lui sembloit qu'elle y prenist grant plaisir à tout ce que le sanglier lui faisoit. Laquelle chose vint à Troylus en si grant despit qu'il s'en esveilla et rompit son sommeil.

Comme il fut esveillé il commença à penser à son songe qu'il avoit veu , et lui sembla côngnoistre clèrement que vouloit dire ce qu'il lui estoit aparu. Et incontinent si fist appeller Pandaro , et en plorant lui commença à dire : « Pandaro , mon amy, il ne plaist pas à Dieu que je vive. Helas ! voustre cousine Brisaïda me trompe, de laquelle je me fyoie plus que de tout le monde. Elle a à autre son amour donnée; ce plus me desplaist que la mort. Les Dieux le me ont anuyt^ en songe demonstré. »

Et puis lui commança à compter tout son songe et tout ce que c'estoit à dire , et ainsi lui dist :