Arracher

278 Roman

leurs. Je vous ay autresfoiz dit que c^estoit folie de croire trop es songes , car oncques homme ne fut ne ne sera qui peust exposer la signiffiance et la fantasie que ceulx qui dorment vont songeant. Et pluseurs en ont maintesfoiz creuz des choses dont après ilz ont trouvé le contraire. Et ainsi pourroit advenir de cecy , car par avanture où vous pensez que le sanglier soit à vostre amour contraire , peut estre qu'il est proffitable , et qu'il fait pour vous et non pas contre vous. Et vous semble il que ce soit chose honneste à homme du monde , et non pas à vous tant seulement qui estes du sang royal et filz de roy, de estre homicide de soy mesmes et de se tuer de ses propres mains , ou de soy tempester ainsi desordonnéement pour amour? Geste chose cy se devoit faire tout en aultre façon que vous ne faistes. Et premièrement , vous devez' savoir si ce songe ycy eust esté véritable ou non ; ou si vous en devez lever tout vostre pensement , et oster voustre créance hors de ces songes^ iesquelz sont à voustre dommage ; et si vous eussez trouvé que ceste chose ycy fust vroye, et que vous estes de Brisaida pour aultre habandonné , vous ne devez pas 2, avecques tous voz pensemens, prendre conclusion et deliberacion de vouloir mourir, car de tout le monde en eussez esté perpétuellement blasmé, mais vous devez prendre autre party et confort en vous mesmes ; c'est assavoir, de la tromper comme elle a fait vous. Et si en toutes façons et manières vous estes délibéré de vouloir mourir pour mettre à fm toutes voz dou-