clarté sereine, par laquelle

300 Roman

de traison , et ne la faictes point digne de nulUe pardonnance ! 0 Pandaro , mon amy, qui me blasmiez tant de ce que je créoie en mon songe , or povez veoir clairement ce que véoie dormant^ et vostre Brisaïda en monstre la certaineté. Les Dieux ont aucunefoiz pitié de ceulx qu'ilz voyent en paine et travail, et en pluseurs façons et manières leur demonstrent ce qu'il en doit avenir, etcecy est l'une des manières de le demonstrer endormant ; et maintesfoiz m'en suis apperceu quant je y ai prins garde. Or vouldroie je dès maintenant estre mort, puisque jamais plus ne attens à avoir joie , plaisir ne esbatement. Mais par voustre conseil je vueil attendre à mourir jusques à ce que je soye en armes main à main avec mes ennemis. Et Dieu me face la grâce que quant je ystray dehors pour aller en la bataille, que le premier que je rencontreray soit Dyomedes. Cesîui cy est le plus grant desir que j'aye entre mes doleurs et tribulacions, affm que je le puisse faire mourir ou champs en plains et en douleurs ; puis après, ne me chault quiconques me tue , mais que lui et moy mourons ensemble, affm que encores en l'autre monde nous puissions entretrouver. ^>

Pandaro, tant doloureux et desplaisant que plus ne povoit, l'escoutoit et sçavoit qu'il disoit vroy. Pour quoy il ne savoit que respondre, car d'une part la grant amour qu'il avoit à son amy le contraignoit à demeurer; d'autre part la honte qu'il avoit de la faulte que avoit faitte Brisaïda le admonnestoit à s'en partir. Et ainsi ne savoit quel party prendre, car l'un et l'autre lui desplaisoit. A la fm, il dist ainsi en plourant :

DE TRûiLUS. 501

« Troïlus, je ne sçay que je doy dire, car je congnois sa grant faulte et si l'en blasme tant que je puis, et n'ay point d'entencion d'en faire a'autre excuse ne de jamais entrer en lieu où elle soit. Et ce que j'en ay fait, c'est pour amour de vous, en metant arrière toute honte qui m'en peust advenir. Si je vous ay fait plaisir, je en suis tresjoyeulx ; et de ce que elle fait à présent, je n'en puis mais, et en suis corroucé comme vous. Et si je veisse façon ne manière de y povoir remédier, soyez certain que je le feroye; mais je pry à Dieu, qui tout peut et scet, qu'il la pugnisse selon la grant faulte que elle a faitte. »

Grandes furent les plaintes et lamentacions. Mais tousjours fesoit fortune son cours : Brisaïda met tretout son cueur en Dyomedes, et Troilus gemissoit et plouroit. Diomedes louoit Dieu de sa bonne fortune, et Troylus faisoit le contraire; en se dolant le mauldissoit. Dedens les batailles et estours entroit toujours Troylus le premier, serchant Dyomedes plus que nul autre , et pluseurs foiz s'entretrouvèrent l'un l'autre en ce faisant de villains reprouches , et s'entredonnèrent de tresgrans et merveilleux coups telle foiz de taille , et s'entrevendoieni à merveilles chèrement leur folle amour. Mais Fortune ne avoit pas disposé que l'un fournist le propos de l'autre '. Le corrouz de Troylus tant que dura la guerre fist sans nulle faulte beaucoup d'ennuy et de dommage aux Greux. Et pou en rencontroit de ceulx qui le attendoient qu'il ne tuast touz

i . Que ni l'un ni l'autre arrivât au but de son désir.

502 Roman

mors ou gittast par terre. Il ne sembloit point homme en la bataille , mais ung déable , tant donnoit de horribles et grans coups. Mais depuis longue espace de temps après qu'il en eut fait mourir plus de .iiii"^. misérablement de sa main , le tua le vaillant capitaine des Greux nommé Achilles. Geste fm eut Troïlus en l'amour de Brisaïda. Geste fm eurent toutes ces misérables douleurs, lesquelles jamais à autre ne furent pareilles. Geste fm eut le filz du roy, qui estoit bel entre les beaulx , avecques son palaiz royal.

Geste fin eut l'espérance vaine qu'avoit Troïlus en la belle Brisaida, faulce, traitresse et desloialle.

ÎX.

jeunes gens ' qui selon Paage allez suivant l'amoureux désir, je vous prie que vous restraignez les pas legiers j^ de voustre appétit voluntaire et vous mirez en l'amour de Troylus, laquelle cy dessus vous ay ditte et demonstrée. Pourquoy, si vous le lisez et entendez bien , vous ne croirez pas legièrement à toutes celles qui vous donneront aureilles. Jeunes femmes sont voluntarieuses et amiables , et se mirent en leur beaulté et se tiennent fières et orgueilleuses entre leurs amans pour la vaine gloire de leur jeunesse; lesquelles,

I . Dans cette dernière partie , ainsi que notre préface l'indique, le traducteur prend la parole.

combien que elles soient genres et mignotes plus que on ne porroit dire, si n'ont elles ne sens ne fermeté, mais sont muables comme la foille au vent. Et maintes d'icelles encore, pour le hault lieu dont elles sont descendues , cuident que elles doivent avoir l'avantage en amours; et cuident que pour leur grant outrage et autres manières et leurs fiers pas, que on les doit aurer '. Si que fuyez telles femmes , et les desprisez; car elles le font plus pour la bestialité que par gentillesse. Femme parfaitte a plus ferme désir et scet prendre plaisir à amer et estre amée et regardée, et voit ce qui est à faire , et fuit ce qui est à fuir et laisser, et eslist sagement quant elle vieult eslire , et aussi tient entièrement promesse. Gestes ycy se doivent suivir. Mais non pourtant on ne se doit pas trop haster de choisir, car toutes ne sont pas sages , combien que elles soient femmes faittes et de grant aage. Doncques soies advisez et ayez compassion du pouvre Troylus et de vous ensemble , et vous ferez bien. Et à Amours priez piteusement qu'il le mette en paiz et en repos en celui monde ouquel il est à présent, et vous ottroye doulcement sa grâce , et que vous soyez si sages en amours que pour la faulceté des femmes à la fin ne soiez à la mort conduii.

Le joyeulx temps passé souloit estre occasion que je faisoie de plaisant diz et gracieuses chaneonnetes et balades. Mais je me suis mis à faire cest traittié d'affliction contre ma droite nature, ne ne y sçay raison pourquoy, si non pour réduire à mémoire les tresdivers tours et estranges