LETTRE CI

AD ROI

(Castelnau, — ?1537.)

Monseigneur, en ce lieu de Castelnau m'a trouvée ce porteur qui m'a apporté les lectres qu'il vous a pieu m'escripre. Mais avant les avoir receues, j'avoys eu celles que l'houme du roy de Navarre m'avoit apportées il y a deux jours, qui m^'ont fait faire millieures journées , voyant ce qu'il vous a pieu mander à madame d'Estampes, de laquelle, Monseigneur, je me plains, et de ce porteur par luy mesme '. Car, pour avoir creu Longueval, ay attendu trois jours h Limoges, et pour trouver madame d'Estampes à Toulouze , me suis torse '^ de beaulcoup de journées. Car elle m'avoit proumis fere bonne diligence, et si alloit le plus court chemin, et, à ce que je voy, le plus aisé, car elle m'escript qu'elle espère vous voir plustoust que moy. Mais , Monseigneur, n'ayant eu regard que à vous obéir et luy ayant tenu proumesse, si elle m'a failly de la sienne, je ne laisse pourtant de demourer contente, mais que vous connoissez , coume je say que vous faites, de quelle amour et vérité je vous veux obéir et vivre avecques tous mes amis sans dissimulacion, coume je

' Ce porteur était le comte de Longueval ; aussi Marguerite se gardct-elle bien délaisser paraître ici, coranie dans la lettre précédente, son opinion sur le conitr et sur madame d'Etampes.

' Détournée.

l'ay appris de vous, qui estes l'esemple seul que j'ay désiré d'ensuivre. Par quoy, Monseigneur, le sentemant et le jugement que vous en avez me fera sans crainte asseurer d'estre en vostre bonne grâce , à laquelle sans cesser plus que très humblement se recoumande

Vostre très humble et très obéissante subjecte et mignonne Marguerite.

[Ms. n° 102.]