LETTRE CXXXVI

AU ROI

(Janvier 1544. )

Monseigneur, pour ce que tout ce que je vous pourrois escripre ne sauroit sactifaire à l'obligacion à laquelle en tant de sortes vous me reliez, j'iray moy mesmes vous en rendre les très humbles mercis ; mais ce sera avecques la millieure diligence qu'il me sera possible, coume j'ay prié le sieur de Desse vous dire, lequel m'a apporté le premier coumandement qu'il vous a pieu me fere de partir d'icy. Vous suppliant. Monseigneur, de croire que je n'attenday jamais le segond d'une chose que je désire tant. Et ne say à qui donner l'honneur de mon obéissance : ou h vostre coumandement, ou à l'envie que j'ay de vous voir; car si je veux obéir à l'iing jusques h y perdre la vie, je ne puis longuement contredire l'aultre sans mourir. Par quoy. Monseigneur, la pénitence en est telle que je ne vous demanderay point pardon de ma longue demeure, car j'en suis la plus offensée; mais de la pitié qu'il vous a pieu en avoir, regardant plus à mon bien que à nui contentement que je vous seusse donner, vous m'avez rendue tant tenue à vous que, ayant prié ce seur messaiger de vous rendre conte de toute ma vie, et congnoissant combien je vous suis redevable, sinon d'amour (sic), je m'en voys jetter aux pieds de ceiuy dont il vous a pieu m' envoyer la tant belle et

bien faite figure ' que je ne suis digne d'ung tel présent. Lui suppliant par l'amour qui l'a fait mourir, que la grandeur de la mienne '' vous soit par tel service desclairée, que, coume luy content d'amour perpétuel, en vostre bonne grâce [soit retenue]

[Ms. n«>56.]

LETTRE CXXXVIL

AU ROI

(Du Béarn, février 1544.)

Monseigneur, il vous a pieu despescher Frotté avecques tant de biens et d'honneurs qu'il vous plest par luy m'envoyer, qu'il a eu crainte que, si tout à coup je les recevois , je ne les eusse sceu porter. Par quoy il m'a envoyé davant toutes les lettres que l'on luy a baillées, et l'espistre que tant s'en fault qu'elle soit la responce de la mienne trop indigne de vous ^, que je ne pense point que toutes celles qui jamais ont esté les mieux escriptes en seussent mériter une telle. Mais , à la semblance de celuy qui est vivant en vous , vostre triomphe et gloire, c'est d'honorer ce qu'il vous plest , et humilier la haultesse de vostre csprist où l'amour

' Le crucifix que le Roi lui avait envoyé pour ses étreunes. ( Voyez la lettre précédente.)

'' De mon amour. Amour est employé dans cette phrase avec les deux genres; on le trouve dans la lettre suivante au masculin : « amour ne pcult estre leccu que de son semblable. » C'était alors un néologisme.

' Une épître en vers. (Voyez les deux lettres préeédcntcs.)

vous incline, vous sactisfaisant vous mesmes en complaisant à vostie bonté qui ne peult estre prévenue de nul mérite. Ce que je connoys si bien en mon endroit, Monseigneur, que, de tant moins je me sens digne de tel bien , et plus je me resjouis de voir en vous ce qui desfault en moy , et mesmes que ma des faulte est le lustre de vostre grâce et la desmonstracion de l'amour qui, non seulement me fait ignorer quelle je suis, mais me fait estimer estre ce que je désire. Car le millieur tesmoignaige que je puis avoir de la perfection que je souhaite , c'est de voir et sentir que vous m'amez; car vostre amour peult plus en moy que tout le labeur que je saurois prendre à me rendi^e capable du bien que librement vous me donnez sans nulle déserte , sinon de la pareille affection de laquelle je le reçoy. Car qmour ne peult estre receu que de son semblable, et de cettuy là je prendray la hardiesse de recevoir le bien où tout le demeurant des forces qui sont en moy sont inutiles à le recevoir, congnoistre et encores mains lever. Amour doncques le reçoit pour moy et le mettra en mémoire perpétuelle, pour sans cesser vous en rendre très humbles mercis et suplications envers Dieu de parachever cete satisfacion pour moy en vous donnant heureuses victoires, prou- (itables paix et parfait contentement, et h jamais tenir en vostre bonne grâce, à laquelle tant et si très humblement qu'il luy est possible se recommande

Vostre très humble et très obéissante subjecte et mignonne Marguerite.

[Ms. n" 5.]

248 LETTRES IJNÉDITES