LETTRE XXXI

AU ROI, A MADRID

( ? Paris, — ? février — 1526. )

Monseigneur, pour ce que demain s'en part le mareschal de Montmorency, et que par luy entendrez toutes choses; après vous avoir asseuré que Madame est en parfaite santé et si bien fortifiée de sa goutte , ayant du tout recouvert le manger, dormir et proumener, qu'il ne paroist plus qu'elle ait eu mal ny ennuy, principalement quant, par ce porteur a seu que vous estes en bonne santé. Car vous savez, Monseigneur, qu'il ne luj fault que une leclre l'asseurant que vous estes sain et bien traicté pour la faire ressusciter. D'aultres propous ne vous empeschera par longue lectre celle qui estime sa vie pire que mort si elle n'est mise pour vostre service ; suppliant le Créateur m'en faire digne , ainsin que inportuneement le supplie de tout son cueur, et vous, Monseigneur,

d'estre sans fin en vostre bonne grâce plus que très humblement recommandée

Vostre très humble et très obéissante subjecte et seur Marguerite.

[Ms. lettre 131. J

LETTRE XXXIl.

AU ROI, A MADRID

( ? Paris, —? février— 1526.)

Monseigneur, je vous ouse plus que jamais asseurer la santé de Madame , avecques tous les "vostres , estre telle que vous la desirez et mieux qu'elle n'a esté , comme ce porteur vous dira, qui en a veu la vérité, lequel elle a reténu, jusques à ce qu'elle se trouve si bien que le savoir vous en fist contentement ; car, après vostre venue , ne desirons plus grant bien que de vous pouvoir par lectre donner consolacion , attendant l'heure bien heureuse que, non seulement ceux qui de si près vous touchent, mais que tout le monde doit demander à celuy seul qui la peult donner et donnera, comme en luj avons nostre parfaite fiance; dont incessamment est importuné par continuelles prières que fait faire Madame avecques telle foy et vraye espérance, que je ne doubte point que celuy qui luy donne la grâce de si bon cueur le prier et pouvoir porter la peine que pour vos affaires elle fait, ne luy veuille donner l'effet de la seule fin qu'elle prêtent. Vous sup-

pliant , Monseigneur , bien que nssez le savez, souvent penser quel plesir elle et nous tous avons quant nous soumes asseurés de vostre bonne santé, que je supplie nostre Seigneur, avecques tout ce qui s'y peult souhaiter, la vous donner telle que la vous désire aultant que son salust

Vostre très humble et très obéissante subjecte et seur Marguerite.

[Ms. lettre 130.1