LETTRE XLIV

AU ROI

(Octobre 1527.)

Monseigneur, après vous avoir asseuré de la bonne santé de Madame et de messieurs vos enfans , fault que je me plaingne à vous de la guerre que me fait madame du Vigan , que nous trouvasmes à Argenteuil ; et despuis n'a cessé de me mener la guerre. Toutesfoys , Monseigneur, nç luy veux je tant de mal que je ne vous supplie très humblement vouloir voir une requeste qu'elle m'a priée vous fere pour elle, d'une terre du marquis d'Escot , de quoy j'escrips à M. le Grant et de Yilleroy, pour le vous donner h entendre. Etj'espère que lebien que vous luy ferez vous sera rendu à force bonne chère que nous espérons vous fere, si Dieu me fait la grâce de vivre après estre accouchée, ce que j'espère, contre ma santé; car despuis que je ne vous vis, la toux m'a tousjours tenue en estremité , dont me treuve tant foible, que, sans l'attente de vostre venue, auroit peur ne passer la Toussaints

Vostre très humble et très obéissante subjecte et seur Marguerite.

[Ms. n" 6.1