LETTRE LXXXI
AU ROI
( Alençon, 1537.
Monseigneur, j'ai receu une lectre qu'il vous a pieu
escripre à vos commissaires d'Alençon , où vous leur
commandez m'apporter leurs informacions et proce-
deures pour faire sur icelles exécuter les pugnysions
requises. Je croy, Monseigneur, que vous avez pensé
faire beaucoup pour moy ; mais je vous puis bien as-
seurer que c'est tant et tant, que vous ne le pourrez
savoir par longue escripture. Car premièrement , vous
avez ousté ung bruist qui commençoit à courir, que
lesdits commissaires estoient allés là pour s'enquérir
de tout ce que j'avois fait en la duché despuis douze
ans ' ; d'aultre part, vous avez ousté l'orgueil de ceux
qui, après avoir fait contre vous tout le pis qu'ils ont
peu, se vantoient d'avoir la victoire de moy, qui,
durant vostre prison , les ay tenus en telle crainte que
je devois; vous avez ousté l'opinion que plusieurs
avoient, que j'cstois si suspecte en cete matière, qu'il
ne vous plesoit vous en fier ny en moy, ny en nul du
{sic) duché. Mais, Monseigneur, combien que vous
m'ayez fait plus d'honneur que je ne vous eusse ousé
demander, et le plus granl et le plus nécessaire que
j'eusse seu avoir, si en suis je encores plus aise pour
' Le duc d'Alençon, premier mari de Marguerite, olail mort le 1 1 avril iSi5.
vous (|ue pour moy : car, en gardant l'auctorité de vostreprevilaige d'Alençon, vous sauvez quinze mille livres de rente, qui s'en alloient en grant branle de retourner aux héritiers ' ; ce dont ils ont secrètement cherché les moyens, comme j'espère une fois vous dire. Vous suppliant croire, Monseigneur, que ne vous pouvant aultrement rendre la grâce que vous me faites , je m'acquiteray si bien à faire l'execusion de ceux qui seront chargés par le procès des commissaires, que je vous rendray l'honneur que vous me faites, en m'acquittant selon vostre vouloir; en sorte que l'on connoistra que tout ce qui peult estre en moi ne taiche que à honorer la nature, l'exemple et la nourriture prise de vous, tant en vostre foy que en vostre zèle. Et afin. Monseigneur, que la vérité puisse pour vous et pour moy desmentir tout le monde , je vous supplie escripre aux gens tenant vostre eschiquier à Alençon, que, tous affaires lessés , ils ayentà vuider les choses concernant l'honneur de Dieu, et donner ordre que tous ces propous cessent, tant des meschans scandaleux , que aussy des faulx accusateurs. Vous avez en l'échiquier quatre conseilliers de vostre cour de Paris ; deux de la cour de Rouen , et deux du grant conseil, et tant d'aultres sufïisans personnaiges, que vous y serez trop mieux obéy qu'ils n'ont esté bien accusés. Il vous plera, Monseigneur, me pardonner ma longue lectre; mais vous vous monstrez si affecsionné frère , que vous me contraignez à parler
' De son premier mari.
comme seur, et vous supplier, pour la fin de toutes mes fascheries , ouyr ung mot de ce porteur, lequel j'envoye seulement pour vous dire que vous m'avez laissé en si grant repous, et que je vous suis tant tenue, que je me souhaite grosse de cent mille hommes d'armes ' qui , en mettant leurs vies pour vostre service , vous peussent montrer quel désir a d'en faire aultant
Vostre très humble et très obéyssante subjecte etseur Marguerite.
[Ms. lettre t3.]
LETTRE LXXXIT.
AU ROT
(Mars 1537.)
Monseigneur, s'il vous plest ouïr ce porteur, il vous dira les maiilx que des aventuriers vagabonds font à vostre pays de Berry, ce que plutoust vous eusse faict entendre, sinon que j'esperois que M. le mareschal d'Aubigny % qui estoit sus le lieu, fistson ofjice. Monseigneur, les maulx qu'ils ont faits, combien qu'ils soyent grans, ne sont riens au prix de leur parole, que je treuve si mauvaise et si conforme h ce que ceux qui sont à Paris prisonniers ont dist, que je suis contrainte TOUS supplier m'envoyer une commission adressante à monsieur de Lignieres , et de valeur d'assembler l'ar-
' Elle fit une fausse couche.
' Robert Stuart, seigneur d'Aubigny, maréclial de France, commandait huit mille suisses. ( Uu Bellay, ad nnn. i557, fol. 20 1 , in-fol.}
rlere ban pour en nettier le pouvre pays qui en est destruit. Et je y envoyeray Jenlon pour fere l'informacion des prisonniers qu'ils prendront, pour entendre qui est la cause qui leur fait crier vive aultre que vous, coume j'ai prié le sieur de Nançay de vous dire , et aussy coume demain je m'en revoys à Amiens. J'ai grant peur, Monseigneur, que je y trouveray M. de Vendosme en l'estat que je crains de voir vos bons serviteurs, duquel nombre je le tiens aultant qu'il en soit point '. Et aussy pour ma pouvre seur je me hasteray , car elle a bien besoing que Dieu et vous luy soyez en aide. Je y feray le mieux que je pourray, vous suppliant , Monseigneur, en l'honneur de Dieu, n'esperimenter si souvent le cueur que Dieu vous a donné si bon que vous luy devez garder la vie pour saulver celle de vostre reaulme. Et je supplie celuj qui le peult et veuît , vous donner aussy joyeux et content retour que sans cesser l'en requiert avecques tous les vostres
Vostre très humble et très obéissante subjecte et mignonne Marguerite.
[Ms. nMO.]
' Du Bellay ( ana. iSSy ) dit qu'il mourut d'une fièvre chaude à Amiens , à la fin du mois de mars. Madame de Yendôme était une sœur du duc d'Alençon , premier mari de Marguerite.
