LETTRE XC

(Mont -de-Marsan, élé de 1537.)

Monseigneur, la lectre qu'il vous a pieu m'escripre par Frotté et sa créance m'a apporté plus de contentement que je n'en eusse ousé désirer, voyant que, non seulement ma longue demeure en ce païs ne m'a en riens eslongné de vostre bonne grâce, mais qu'il vous plest avoir la veue agréable de celle qui jamais en esprist ne vous abandonne. Dont je ne vous ouse par escript très humblement mercier, car je say que ma présence et parole ne sauroient sactifaire à mon obligation. Si est ce que le plus tost qu'il me sera possible je seray au lieu où je vous presenleray pour toute satifaction la plus afecsionnée voulonté à vous obéir et faire service que peult avoir la plus obligée personne qui onques feust à vous. Et vous supplie croire,

Monseigneur, que ' ne desplaise h ceux qui

ont causé ma demeure sur les affaires que j'ay, dont ils ont parlé sans cherge de moy et contre ce que je leur ay dist. La principale occasion qui m'a fait demeurer en l'absence du roy de Navarre, c'est ledesir quej'ay eu toute ma vie de vous pouvoir fere service, non coume seur, mais coume frère. Et voyant que vous me faisiez cet honneur de m'escripre que en son absence vous aviez fiance en moy et me coumandiez regarder de près à vos affaires, j'ay converty le désir de vous

' Un mot surchaii:*'' illisililc

voir en cehiy de vous servir, et m'en suis venue en ce lieu pour estre plus près de Bayonne; duquel je n'ay failly à toute heure advertir le roy de Navarre de tout ce que j'ay peu entendre pour le v^ous raonstrer. Et voyant l'apprest que font nos voisins de nous faire beaucoup de maux, s'il leur est possible , coume par les postes à toute heure j'escrips, j'ay mandé le seneschal de Bazadois et M. de Bourdeaux se trouvera Daqz, où se rendra M. de Burie', afin de prendre ensemble une bonne resolucion des affaires de pardessa , pour incontinent vous en advertir. Car par trois fois M. de Burie m'a escript qu'il me prioit aller le plus près de Bayonne que je pourrois pour pailer h moy, et que il y avoit tant de dangier à la ville qu'il ne l'ousoit abandonner; ce que pour vostre service est nécessaire que je fasse; qui ne sauroit retarder mon partement de " six jours, mais je lesgaigneray, car je m'en iray tout droit à Bordeaux sans passer par Néiac , ny me tordre ^ en riens. Et vous supplie, Monseigneur, ne pensez que nulle nécessité me seust retenir; car combien que je n'ay nulle terre à vendre pour vostre service , et que tout le bien que j'ay en ce monde c'est celuy qu'il vous a pieu de vostre grâce me donner, si est ce que , veu les affaires où vous estes, j'aimerois mieux vendre les meubles que j'ay faits de vostre argent , que de vous ennuyer ni eherger en ce temps. Toutesfoys, Monsei-

' Lieutenant du Roi en Gujenue.

' Probablement Marguerite a sauté deux mots, et il faut lire : de moins de six jours.

' Détourner.

gneur, l'on m'a esciipt qu'il vous plest me bailler pension; mais craingnant que ce soit une ouverture pour plus importuns que moy, je vous supplie déffendreque l'on n'en parle point jusqu'à ce que je soye devers vous. Et s'il vous plest me fere ce bien pour entretenir plus honnestement ma despense, je l'estimeray encore mieux s'il vous plest le me faire bailler secrètement , par forme de don, et non de pension, pour ne venir à conséquence. Et des dix mille livres qu'il vous plest maintenant me donner, je les prendray comme don pour fere mon voyaige. Mais si j'en pouvois trouver aultant à emprunter, je n'en eusse pour riens desgarny vos finances ; car le temps vient où vous en aurez bien affaire. Et n'ay regret que de tant de bien que j'ay reçu de vous j'ay esté si peu mesnalgière que je n'en ay seu espargner pour maintenant vous servir. Et quant à ce qu'il vous plest me dire, que le désir de voir ma fille ' me devroit advancer de partir, vous me feriez bien grant tort, Monseigneur, si vous pensiez que au prix de celuy que j'ay de vous voir, mary ny enfant me feussent riens , comme plus au long vous dira Frotté. Vous suppliant pour toutes grâces croire assureement que aultre chose que vous et vostre service n'a davant les yeux

Vostre très humble et très obéissante subjecte et mignonne Marguerite.

1 Ms. n" 8r). ]

' Jeanne (rAll)rol, (jiio ['ranrois l*"^ faisait ('\v\ci au Plissis-lrz- Tours.