LETTRE XCVI

AU ROI

(Fontainebleau, septembre 1637.)

Monseigneur, je ne craindray de vous ennuyer de ce qui ne se peult trop redire, c'est que la Roine continue sa bonne santé, laquelle luy est augmentée à la venue de monseigneur d'Orléans ', en sorte qu'elle fut hier plus de trois heures levée et se trouva plus forte qu'elle nepensoit, etnousdist qu'elle esperoit bien toust partir, mais qu'elle ne diroit point le jour. Par quoy, Monseigneur, la voyant en si bon estât, et tous messieurs et mesdames vos enfans, que l'on ne sauroit les désirer mieux en toutes sortes, tant de leurs personnes que de leurs condicions, ayant demandé mon congié à monseigneur vostre lieutenant général ' , lequel a si bonne grâce à tout ce qu'il fait, qu'il semble , à voir son audace et sa prudence , qu'il ait quarante ans et que jamais ne fist aultre mestier que de commander et se faire aymer et honorer à tout le monde, je n'ay craint par son commandement à reprendre mon voyaige, duquel il m'a voit fait retourner; et luy mesme m'a fait cet honneur de me conseiller partir pour revenir au davant de la Roine à Chastillon ou à Nevers % là où je la pourray retrou-

' Charles, dernier tils du Roi.

" Henri , second dauphin.

' Voyez t. 1 , lettres i44-i47-

ver : ce que je feray, Monseigneur, en la mlllieure diligence qu'il me sera possible. Car du lieu où vous m'avez coumandé faire service ne ra'eslongneray que le moins que je pourray. Et vous savez, Monseigneur, tant iiien dequelcueur je désire obéir à vos commandements, et quel plesir ce m'est en quoy que ce soit de vous obéir, que je ne vous dois escripre ne présenter ce qui est vostre avant que vous fussiez né ', et qui est et sera encores après ma mort; m'asseurant que s'il y avoit quelque faulte , vous me feriez l'honneur de me faire entendre vostre voulenté , laquelle je veux suivre de si près que vous ne trouverez jamais que nulle aultre que la vostre mesme puisse avoir ny sentir

Vostre très humble et très obéissante subjecle et mignonne Marguerite.

[Ms. n' 14.]