Nouvelles récréations et joyeux devis, suivi du Cymbalum mundi. Réimprimés par les soins de D. Jouaust, avec une notice, des notes et un glossaire

De la sentence que donna le prevost de Bretaigne, lequel fit pendre Jehan Trubert et son fils.

Û u pays de Bretaigne y eut un homme, I entre aultres, qui ne valloit gueres, > nommé Jehan Trubert, lequel avoit faict plusieurs larrecins, pour lesquelz il avoit esté reprins assez de fois, et en avoit esté à l'une fois frotté, et l'aultre estrillé, qui estoit assez pour s'en souvenir. Toutesfois, il y estoit si affriandé

qu'il ne s'en pouvoit chastier; et mêmes il commençoit à apprendre le train à un fîlz qu'il avoit, de l'âge de 'quinze à seize ans, et le menoit avecques luy en ses factions.

Advint un jour que luy et son fils desroberent une jument à un riche paysant, lequel se doubta incontinent que ce avoit esté Jehan Trubert; dont il ne faillit à faire telle poursuite qu'il se trouva par bons tesmoings que Jehan Trubert avoit mené vendre ceste jument à un marché qui avoit esté le mercredy de devant à cinq ou a six lieues de là. Jehan Trubert et son filz furent mis entre les mains du prevost des mareschaux, lequel Jehan Trubert ne tarda gueres que son procès ne luy fust faict et son dicton signifié, qui portoit entre aultres ces motz : Jehan Trubert, pour avoir prins^ robe un grand jument y seroit pendu et estranglé, le petit ovecques luy. Et là dessus fit livrer Jehan Trubert et son filz à l'exécuteur de haulte justice, auquel il bailla son greffier, qui n'estoit pas des plus scientifiques du monde.

Quant ce fut à faire l'exécution, le bourreau pendit le père hault et court, et puis il demanda au greffier que c'est qu'il falloit faire de ce jeune gars. Le greffier va lire la sentence, et, après avoir bien examiné ces mots : le petit ovecques^ jà dict au bourreau qu'il fist son office, ce qu'il

fit, et pendit ce povre petit tout pendu et l'estrangla, qui estoit bien pis.

L'exécution ainsi faicte, le greffier s'en retourna au prevost, lequel luy va dire : « Et puis Jehan Trubert? — Jehan Trubert, ce dit le greffier, seroit pendu. — Et le petit? dit le prevost. — Par Dieu ! et le petit, dit le greffier. — Comment, tous les diables ! dit le prevost, seroit pendu le petit? — Par Dieu! ouy, le petit, disoit le greffier. — Comment! dit le prevost, j'avois pas dict cela. »

Et là dessus débattirent long temps le prevost et le greffier, disant le greffier que la sentence portoit que le petit seroit pendu, et le prevost au contraire, lequel, après longs debatz, va dire : « Lisez la sentence. Par Dieu ! j'aurois pas entendu le petit que seroit pendu. » Le greffier luy va lire ceste sentence, et ces motz substantielz : Jehan Trubert, pour avoir prins, robe un grand jument, seroit pendu et estranglé, le petit ovecques luy. Par lesquelz motz : ovecques luy, le prevost vouloit dire que Jehan Trubert seroit pendu et que son filz seroit présent pour veoir faire l'exécution, affin de se chastier de faire mal par l'exemple de son père. Ce prevost vouloit applicquer ces motz; mais il estoit bien tard 'pour le povre petit, et le greffier, d'un autre costé, se

deffendoit, disant que ces motz : ovecques luy, signifîoyent que le petit debvoit estre pendu avec son père.

A la fin, le prevost ne sceut que dire, sinon que son greffier avoit raison, ou cause de l'avoir, et dit seulement : « Pien le petit, pien, seroit pendu. Par Dieu! dit il, seroit une belle deffaicte, que d'un jeune loup! » Voylà toute la recompense qu'eut le povre petit, excepté que le prevost le fit despendre, de peur qu'il en fust nouvelles.

Du jeune garçon qui se nomma Thoinette, pour estre receu à une religion de nonnains; et comment il fit sauter les lunettes de l'abbesse qui la visitait toute nue.

j2^i L y avoit un jeune garson de l'âge de ^T'^* dixsept à dixhuict ans, lequel, estant ^Jd à un jour de feste entré en un convent de religieuses, en veid quatre ou cinq qui luy semblèrent fort belles, et dont n'y avoit celle pour laquelle il n'eust trop volentiers rompu son jeusne ;

et les mit si bien en sa fantasie qu'il y pensoit à toutes heures. Un jour, comme il en parloit h quelque bon compaignon de sa cognoissance, ce compaignon luy dit : « Sçais tu que tu feras? Tu es beau garson, habille toi en fille et t'en va rendre à l'abbesse; elle te recepvra aisément; tu n'es point congneu en ce pays icy. » Car il estoit garson de mestier, et alloit et venoit par pays. Il creut assez facillement ce conseil, se pensant 'qu'en cela n'avoit aulcun danger qu'il n'evitast bien quant il voudroit. Il s'habille en fille assez povrement, et s'avisa de se nommer Thoinette.

Dont de par Dieu s'en va au convent de ces religieuses, où elle trouva façon de se faire veoir à l'abbesse, qui estoit fort vieille, et de bonne adventure n'avoit point de chambrière. Thoinette parle à l'abbesse et lui compta assez bien son cas, disant qu'elle estoit une povre orfeline d'un village de là auprès, qu'elle luy nomma. Et en effect parla si humblement que l'abbesse la trouva à son gré, et, par manière d'aumosne, la voulut retirer, luy disant que, pour quelques jours, elle estoit contente de la prendre, et que, s'elle vouloit estre bonne fille, qu'elle demeureroit là dedans. Thoinette fit bien la sage et suivit la bonne femme d'abbesse, à laquelle elle sceut fort bien complaire, et quant et quant se faire aymer à

toutes les religieuses; et mesmes en moins de rien elle apprint à ouvrer de l'aiguille, car peut estre qu'elle en sçavoit desja quelque chose, dont l'abbesse fut si contente qu'elle la voulut incontinent faire nonne de là dedans.

Quand elle eut l'habit, ce fut bien ce qu'elle demandoit, et commença à s'approcher fort prés de celles qu'elle voyoit les plus belles, et, de privaulté en privaulté, elle fut mise à coucher avec l'une. Elle n'attendit pas la deuxième nuict que par honnestes et amyables jeux elle fît congnoistre à sa compagne qu'elle avoit le ventre cornu, luy faisant entendre que c'estoit par miracle et vouloir de Dieu. Pour abbreger, elle mit sa chenille au pertuys de sa compagne, et s'en trouvèrent bien et l'une et l'auhre; laquelle chose, en la bonne heure, il, dy je elle, continua assez longuement, et non seulement avec celle là, mais encores avec trois ou quattre des aultres, desquelles elle s'accointa.

Et quand une chose est venue à la congnoissance de trois ou de quatre personnes, il est aisé que la cinquiesme le sçache, et puis la sixiesme ; de mode qu'entre ces nonnes, y en ayant quelques unes de belles, et les aultres laydes, ausquelles Thoinette ne faisoit pas si grande familliarité qu'aux aultres, avec maintes aultres conjectures,

NOUVELLE LXll. 7

il leur fut facile de penser je ne sçay pas quoy, et y firent tel guet qu'elles les congneurent assez certainement, et commencèrent à en murmurer si avant que l'abbesse en fut advertie; non pas qu'on luy dit que nommément ce fust sœur Thoinette, car elle l'avoit mise là dedans, et puis elle l'aymoit fort et ne l'eust pas bonnement creu; mais on luy disoit par parolles couvertes qu'elle ne se fîast pas en l'habit et que toutes celles de leans n'estoyent pas si bonnes qu'elle pensoit bien, et qu'il y en avoit quelqu'une d'entre elles qui faisoit deshonneur à la religion et qui gastoit les religieuses. Mais, quand elle demandoit qui c'estoit et que c'estoit, elles respondoyent que, s'elle les vouloit faire despouiller, elle le congnoistroit. L'abbesse, esbahie de ceste nouvelle, en voulut sçavoir la vérité au premier jour, et, pour ce faire, fît venir toutes les religieuses en chapitre. Sœur Thoinette estant advertie par ses mieulx aimées de l'intention de l'abbesse, qui estoit de les visiter toutes nues, attacha sa cheville par le bout avec un fillet qu'elle tira par derrière, et accoustre si bien son petit cas qu'elle sembloit avoir le ventre fendu comme les aultres à qui n'y eust regardé de bien prés, se pensant que l'abbesse, qui ne voyoit pas la longueur de son nez, ne le sçauroit jamais congnoistre.

Les nonnes comparurent toutes. L'abbesse leur feit sa remonstrance et leur dit pourquoy elle les avoit assemblées, et leur commanda qu'elles eussent à se despouiller toutes nues. Elle prend ses lunettes pour faire sa reveue, et, en les visitant les unes après les aultres, il vint au reng de sœur Thoinette, laquelle, voyant ces nonnes toutes nues, fraisches, blanches, refaictes, rebondies, elle ne peut estre maistresse de ceste cheville qu'il ne se fist mauvais jeu. Car, sus le poinct que l'abbesse avoit les yeux le plus prés, la corde vint rompre, et, en desbandant tout à un coup, la cheville vint repousser contre les lunettes de l'abbesse et les fit saulter à deux grandz pas loing. Dont la povre abbesse fut si surprinse qu'elle s'écria : « Jesu Maria! Ah! sans faulte, dit elle, et est ce vous! Mais qui l'eust jamais cuidé estre ainsi ! Que vous m'avez abusée ! »

Toutesfois, qu'y eust elle faict, sinon qu'il fallut y remédier par patience, car elle n'eust pas voulu scandalizer la religion? Sœur Thoinette eut congé de s'en aller avec promesse de sauver l'honneur des filles religieuses.

NOUVELLE LXIll,

Du régent qui combatit une harangere du Petit Pont à belles injures.

Mm

^ N martinet s'en alla un jour de catfi ic resme sus le Petit Pont et s'addressa à î;^S une harangere pour marchander de la moulue; mais, de ce qu'elle luy fît deux liards, il n'en offrit qu'un, dont ceste harangere se fascha et l'appella injure, en luy disant : « Va, va, Joannes ! porte ton liard aux tripes. » Ce martinet, se voyant ainsi oultragé en sa présence, la menasse de le dire à son régent. « Et va, marmiton ! dit elle, va le luy dire, et que je te revoye icy, toy et luy ! » Ce martinet ne faillit pas à s'en aller tout droit à son régent, qui estoit bon frippon, et luy dit : « Per diem, Domine! il y ha la plus faulse vieille sus le Petit Pont; je voulois achepter de la moulue, elle m'ha appelle Johannes. — Et qui est elle? dit le régent; la me montreras tu bien? — Ita, Domine, dit l'escolHer; et encore m'ha elle dict que, si vous y alliez, qu'elle

lO NOUVELLE LXIII.

VOUS renvoyeroit bien. — Laisse faire, dit le régent ; per Dies ! elle en aura. »

Ce régent se pensa bien que, pour ^Uer vers une telle dame, qu'il ne falloit pas estre despourveu, et que la meilleure provision qu'il pouvoit faire, c'estoit de belles et gentilles injures, mais qu'il luy en diroit tant qu'il la mettroit ad metam non loqiii; et en peu de temps il donna ordre d'amasser toutes les injures dont il se peut adviser, y employant encores ses compagnons, lesquelz en composèrent tant en choppinant qu'il leur sembla qu'il y en avoit assez. Ce régent en fît deux grands rolletzet en estudia un par cueur; l'autre, il le met en sa manche pour le secourir au besoing si le premier luy failloit. Quand il eut bien estudié ses injures, il appella ce martinet pour le venir conduire jusques au Petit Pont et lui monstrer ceste harangere, et print encores quelques aultres galochers avec luy, lesquelz, in primis et ante omnia^ il mena boire à la Mule; et quand ilz eurent bien choppiné ilz s'en vont.

Hz ne furent pas si tost sus le Petit Pont que la harangere ne recongneust bien ce martinet, et quand elle les veid ainsi en trouppe, elle congneut bien à qui ilz en vouloyent. « Ah ! voy les là ! dit elle; voy les là, les gourmands! l'escole est effondrée. » Le régent s'approche d'elle et luy

vient heurter le bacquet où elle tenoit ses harens en disant : « Et que fault il à ceste vieille dampnée? — Oh le clerice! dit la vieille; es tu venu assez tost pour te prendre à moy? — Qui m'ha baillé ceste vieille macquerelle ? dit le régent. Par la lumière! c'estàtoy voyrementàquij'enveulx. » Et, en disant cela, il se plante devant elle comme voulant escrimer à beaux coups de langue. La harangere, se voyant deffiée : « Mercy Dieu 1 dit elle; tu en veulx donc avoir, magister crotté? Allons, allons par ordre, gros baudet, et tu verras comment je t'accoustrerai. Parle, c'est à toy. — Allez, vieille sempiterneuse! dit le régent. — Va, ruffien ! — Allez, villaine ! — Va, maraud ! » Incontinent qu'ilz furent en train, je m'en vins, car j'avois affaire ailleurs. Mais j'ay bien ouy dire à ceulx qui en sçavoyent quelque chose que les deux personnages combatirent vaillamment et s'entredirent chascun une centaine de bonnes et fortes injures d'arrachepied; mais il advint au régent d'en dire une deux foys, car on dit qu'il l'appela villaine pour la seconde foys. Mais la harangere luy en feit bien souvenir. « Mercy Dieu ! dit elle, tu l'as déjà dict, fîlz de putain que tu es. — Et bien! bien! dit le régent, n'es tu pas bien villaine deux foys, voyre trois? — Tu as menty, crapault infaict ! »

Il fault croire que le champion et la championne furent tout un temps à se. battre si vertueusement que ceulx qui les regardoyent ne sçavoyent qui devoit avoir du meilleur. Mais à la fin le régent, estant au bout de son premier rollet, va tirer l'autre de sa manche, lequel il ne sçavoit pas par cueur comme l'aultre, et pour ce il se troubla un petit, voyant que la harangere ne faisoit que se mettre en train, et se va mettre à lire ce qui estoit dedans, qui estoyent injures collégiales, et luy vouloit despescher tout d'une traicte pour penser estonner la vieille en luy disant : « Alecto, Megera, Thesiphone, détestable, exsecrable, infande, abominable! » Mais la harangere le va interrompre : « Ha! mercy Dieu! dit elle, tu ne sçais plus où tu en es; parle bon françoys, je te respondray bien, grand niaiz! parle bon françoys. Ah! tu apportes un rollet! Va estudier, maistre Jean ! va, tu ne sçais pas ta leçon ! » Et la déesse, comme à un chien, abbaye, et toutes ces harangeres se mettent à crier sus luy et le presser tellement qu'il n'eut rien meilleur que se sauver de vitesse, car il eust esté accablé, le povre homme.

Et pour certain il ha esté trouvé que, quand il eust eu un calepin, un vocabulaire, un dictionnaire, un promptuaire, un trésor d'injures, il n'eust pas eu le dernier de cette diablesse. Par

ainsi, il s'en alla mettre en franchise au collège de Montaigu, courant tout d'une aliénée, sans regarder derrière soy.

De l'enfant de Paris qui fît le fol pour jouir de la jeune vefve, et comment elle, se voulant railler de luy, receut une plus grand honte.

enfant de Paris d'assez bonne mai-

v,raiâson, ieune, dispos, et qui se tenoit

^j propre de sa personne, estoit amoureulx d'une femme vefve bien jolie et qui estoit fort contente de se veoir aymée, donnant tousjours quelques nouveaux attraitz à ceulx qui la regardoyent, et prenant plaisir à faire l'anatomie des cueurs des jeunes gens; mais elle ne faisoit compte sinon de ceulx que bon luy sembloit, et encores des moins dignes, et par sus tous elle vous sçavoit mener ce jeune homme dont nous parlons de telle ruse qu'elle sembloit tout vouloir

faire pour luy. Il parloit à elle seul à seule; il manioit le tetin et baisoit, voire et touchoit bien souvent à la chair, mais il n'en tastoit point, tellement qu'il mouroit tout en vie auprès d'elle. Il la prioit, il la conjuroit, il luy presentoit, mais n'en pouvoit rien avoir, fors qu'une foys, ainsi comme ilz devisoient ensemble en privé et qu'il luy comptoit bien expressément son cas, elle luy va dire : « Non, je n'en feray rien, si vous ne me baisez derrière », disant le mot tout oultre, mais pensant en elle qu'il ne le feroit jamais.

Le jeune homme fut fort honteux de ce mot; toutesfoys, luy qui avoit essayé tant de moyens, se pensa qu'il feroit encores cela, et qu'aussi bien personne n'en sçauroit rien, et luy respondit, s'il ne tenoit qu'à cela pour luy complaire, qu'il n'en feroit point de difficulté. La dame, estant prinse au mot, l'y print aussi et se feit baiser le derrière sans feuille. Mais, quand ce fut à donner sus le devant, point de nouvelles; elle ne fît que se rire de luy et luy dire les plus grandes mocqueries du monde, dont il cuyda désespérer, et s'en départit le plus fasché que fut jamais homme, sans toutesfois se pouvoir départir d'alentour d'elle, fors qu'il s'absenta pour quelque temps, de honte qu'il avoit de se trouver non seullement devant elle, mais devant les gens, comme si tout le

NOUVELLE LXIV. l5

monde eust deu congnoistre ce qu'il luy estoit advenu.

Une fois il s'adressa à une vieille qui congnoissoit bien la jeune dame, et luy dit sus le propos de son affaire : « Vien çà. N'est il pas possible que j'aye cette femme là? Ne sçaurois tu inventer quelque bon moyen pour me tirer de la peine où je suis? Asseure toy, si tu la me veux mettre en main, que je te donneray la meilleure robe que tu vestis de ta vie. » La vieille l'en reconforta et luy promit d'y faire tout ce qu'elle pourroit, luy disant que, s'il y avoit femme en Paris qui en vint à bout, qu'elle en estoit une.

Et de faict elle y fit ses efforts, qui estoyent bons et grans; mais la vefve, qui estoit fine, sentant que c'estoit pour ce jeune homme, n'y voulut entendre en sorte quelconque, peult estre l'espérant avoir en mariage, ou pour quelque aultre respect qu'elle se reservoit : car les rusées ont celle façon de tenir tousjours quelqu'un des poursuivantz en langueur pour faire couverture à la jouissance qu'elles donnent aux aultres. Tant y ha que la vieille n'y sceut rien faire et s'en retourna à ce jeune homme, luy disant qu'elle y avoit mis toutes les herbes de la Sainct Jehan, mais dit qu'il n'y avoit ordre, sinon qu'à son advis, s'il vouloit se desguiser, comme s'habiller en povre

Ib NOUVELLE LXIV.

et aller demander l'aumosne à la porte de sa dame, qu'il en pourroit jouir.

Il trouva cela faisable. « Mais quel moyen me faudra il tenir? disoit il. — Sçavez vous qu'il vous fault faire? dit la vieille; il fault que vous vous barbouilliez le visage, de peur qu'elle vous congnoisse, et puis que vous faciez le fol, car elle est merveilleusement fine. — Et comment feray je le fol? dit le jeune homme. — Que sçay je, moi? dit elle. Il fault tousjours rire et dire le premier mot que vous adviserez, et ne dire que cela, quelque chose qu'on vous demande. — Je feray bien ainsi . » Et adviserent la vieille et luy qu'il riroit tousjours et ne parleroit que de formage.

Il s'habille en gueux et s'en va à la porte de sa dame à une heure du soir que tout le monde commençoit à se retirer; et faisoit assez froit, combien que ce fut après Pasques. Quand il fut à la porte, il commença à crier assez hault en riant : « Ha ! ha ! formage 1 » jusques à deux ou trois foys, et puis il se pausoit un petit, et recommençoit son : « Ha! ha ! formage ! » Tant que la vefve, qui avoit sa chambre sus la rue, l'entendit et y envoya sa chambrière pour sçavoir qui il estoit et qu'il vouloit; mais il ne respondit jamais, sinon : « Ha, ha, formage! » La chambrière s'en retourne à la dame et luy dit : « Mon Dieu !

NOUVELLELXIV. I7

ma maistresse, c'est un povre garson qui est fol ; il ne fait que rire et ne parle que de formage. »

La dame voulut sçavoir que c'estoit, et descend, et parle à luy : « Qui estes vous, mon amy ? w Et ne luy dit aultre chose que : « Ha ! ha! formage! — Voulez vous du fromage? dit elle. — Ha! ha! formage! — Voulez vous du pain? — Ha! ha! formage! — Allez vous en, mon amy; retirez vous. — Ha! ha! formage! » La dame, le voyant ainsi idiot : « Perrette, dit elle, il mourra de froit ceste nuict ; il le fault faire entrer, il se chauffera. — Manda, dit elle; c'est bien dict, Madame. Entrez, mon amy, entrez; vous vous chauff»" .ez. — Ha ! ha ! formage ! » disoit il.

Et entra ce pendant en riant et de bouche et de cœur, car il pensa que son cas commençoit à se porter bien. Il s'approcha du feu, là où il monstroit ses cuisses à descouvert, charnues et refaictes, que la dame et la chambrière regardoyent d'aguignettes. Elles Pinterrogeoyent s'il vouloit boire ou manger; mais il ne disoit que : « Ha! ha! formage ! » L'heure vint de se coucher.

La dame, en se deshabillant, disoit à sa chambrière : « Perrette, il est beau garson ; c'est dommage dequoy il est ainsi fol. — Ma nanda, disoit la garse, c'est mon. Madame; il est nect comme 1. 3

l8 NOUVELLE LXIV.

une perle. — Mais si nous le mettions coucher en nostre lict, dit la dame ; à ton advis? » La chambrière se print à rire. « Et pourquoy non ? Il n'ha garde de nous déceler s'il ne sçait dire aultre chose, »

Somme, elles le font deshabiller, et n'eut point besoin de chemise blanche, car la sienne n'estoit point salle, sinon par advanture deschirée, et le firent coucher gentiment entr'elles deux. Et mon homme dessus sa dame : « Et à ce cul, et vous en aurez. » La chambrière en eut bien quelque coup; mais il monstra bien que c'estoit à la dame à qui il en vouloit; et cependant n'oublioit jamais son : « Ha ! ha ! formage ! »

Le lendemain, elles le mirent dehors de bon matin, et s'en va vie; et depuis il continua assez de fois à y retourner pour le pris, dont il se trouva fort bien, et ne se fit oncq congnoistre, par le conseil de la vieille. De jour, il reprenoit ses habits ordinaires et se trouvoit auprès de sa dame, devisant avec elle à la mode accoustumée, la poursuivant comme devant, sans faire aultre semblant nouveau.

Le mois de may vint, pour lequel ce jeune homme se voulut habiller d'un pourpoinct verd, de chausses verdes, et bonnet verd, disant à sa dame que c'estoit pour l'amour d'elle, ce

NOUVELLE LXIV. iç

qu'elle trouva fort bon, et luy dit que, en faveur de cela, elle le mettroit en bonne compagnie de dames le premier jour qu'il viendroit à propos. Estant en cest estât, se trouva en une compagnie de dames, entre lesquelles estoit la sienne, et aussi y estoyent d'aultres jeunes gens, lesquelz estoyent en un jardin, assis en rond, hommes et femmes entremeslez un pour une; et ce jeune homme estoit auprès de sa dame. Il fut question de faire des jeux de récréation, par l'advis mesmes de la jeune vefve, laquelle estoit femme inventive et de bon esprit; et avoit d'assez longue main pensé en soymesr e par quel moyen elle se gaudiroit de son je-.ne homme, qu'elle cuidoit bien avoir trompé à ceste fois là : car elle ordonna un jeu que chacun eust à dire quelque brief mot d'amour, ou d'aultre chose gentille, selon ce qu'il luy conviendroit le mieulx, et que luy viendroit en fantasie, ce qu'ils firent tous et toutes en leur reng. Quand il toucha à la vefve à parler, elle vint dire d'une grâce affaittée ce qu'elle avoit prémédité dés le paravant :

Que diriez vous d'un perd vestu Qui lia baisé sa dame au eu En luy faisant hommage ?

Chacun jetta les yeux sur ce jeune homme, car il

fut aysé à congnoistre que cela s'adressoit à luy; mais il ne fut pas pourtant fort esgaré. Ainçois, tout remply d'une fureur poeticque, vint respondre promptement à la dame :

Que diriez vous d'un verd vestu Qui ha damé sur vostre eu.

Disant : Ha ! ha ! formage ?

Si la dame fut bien peneuse, il ne le fault point demander, car, quelque rusée qu'elle fust, ce luy fut force de changer de couleur et de contenance, laquelle se rendit assez coulpable devant toute l'assistance, dont le jeune homme se trouva vengé d'elle à un bon coup de toutes les cautelles du temps passé.

Cest exemple est notable pour les femmes moqueuses et qui font trop les difficilles et les asseurées, lesquelles le plus souvent se treuvent attrappées à leur grand honte. Car les dieux envoyent leur aide et faveur aux amoureulx qui ont bon cœur, comme il se peult veoir de ce jeune homme, auquel Phebus donna l'esprit poeticque pour respondre promptement, en se defîendant, contre le blason que sa dame avoit si finement et délibérément songé contre luy.

NOUVELLE LXV De l'escoUlcr d'Avignon et de la vieille qui le print à partie.

L y avoit en Avignon une bande d'escolliers qui s'esbattoyent à la longue boulle ho s les murailles de la ville, l'un desquelz, en fp'aant son coup, faillit à boulier droict et envoya sa boulle dedans un jardin. Il trouva façon de saulter par dessus le mur pour l'aller chercher. Quand il fut saulté, il trouva au jardin une vieille qui plantoit des choux, laquelle se print incontinent à crier sus luy : « Et que diable venez vous faire icy? Vous me venez desrober mes mêlions. » Mais l'escollier ne s'en soucioit pas, cherchant tousjours sa boulle, en luy disant seulement : « Paix, vieille dampnée ! »

La vieille commença à luy dire mille maux. Quand l'escollier la veid ainsi entrer en injures, pour en avoir son passe temps, il luy va parler le premier langage dont il s'advisa en luy disant : « Cum animadverterem qiiam plurimos homines, » en luy faisant signes de menasses pour la faire

encores mieulx batailler. Et la vieille de crier, mais c'estoit en son avignonnois : « O ! ce meschant, ce volleur, qui saulte par dessus les murailles ! » L'escollier continuoit à luy dire ces beaux préceptes de Caton : « Parentes ama. — Allez de par le diable ! disoit la vieille, à l'escolle ; que le lansi vous esclatte 1 — Et l'escollier : Cognatos cole. — Ouy, ouy, à l'escolle, de par le diable! — Et l'escollier : Cum bonis ambula. — Je n'ay que faire de ta boulle, disoit elle; que maugré n'aie bieu de toy! Tu parle italien, je t'entends bien. — Et voire, voire, dit l'escollier : Foro te para. » Mais, s'il l'eust voulu entretenir, il eust fallut dire tout son Caton, tout son quos decet : encores n'en eust il pas eu le bout. Mais il s'en vint achever sa partie.

D'un juge d'Aiguesmories, d'un pasquin et du concile de Latran.

N la ville d'Aiguesmortes y avoit un juge norriMé De Alta domo, lequel 'avoit un cerveau faict comme de cire, et donnoit en son siège des appointemens tous cornus; hors son siège faisoit des discours de mesmes.

Advint un jour qu'il entra en dispute d'un passage de la Bible avec un bon apostre qui estoit bien ayse de faire batteler monsieur le juge. Le différent estoit assavoir mon si, de toutes les bestes qui sont aujourd'huy au monde, y en avoit deux de chascune en l'arche de Noé. L'un disoit qu'il n'y avoit point de souris, et qu'elles s'engendrent de pourriture, ainsi que depuis ha bien confermé maistre Jehan Buter, de l'ordre de S. Anthoine en Dauphiné, en son traicté De Arca Noe. L'aultre disoit qu'il n'y avoit qu'un lièvre, et que la femelle eschappa à Noé et se perdit en l'eau;

et pour cela que le masle porte comme la femelle. L'un disoit de l'un, l'aultre de l'aultre. Mais à la fin monsieur le juge, qui vouloit tousjours avoir du bon, se faschoit que ce bon marchand tint ainsi fort contre luy, auquel il va dire : « Vous ne sçavez de quoy vous parlez. Où l'avez vous veu ? — Où je l'ai veu! dit l'aultre; il est escript en Genèse. — Genèse! dit le juge; vraiment, vous me la baillez belle! C'est un griffon griffault; il demeure à Nismes : je le congnois bien. Il n'y entend rien, ne vous avec. »

Et de fait y avoitun greffier à Nismes qui s'appelloit Genèse; et le povre juge pensoit que ce fust celuy dont l'aultre entendoit. Il fault dire qu'il sçavoit toute sa Bible par cueur, fors le commencement, le milieu et la fin. Il sembloit cjuasi à celuy que l'on dit que devant le roy Françoys, ainsi qu'on parloit d'un pasquin qui avoit esté nouvellement faict à Rome, voulant aussi en dire sa râtelée, dit au roy : « Sire, je l'ay bien veu, Pasquin; c'est un des plus galans hommes du monde. » Adoncq le roy, qui s'apperceut bien de l'humeur de l'homme, luy va dire : « Vous l'avez veu? Où l'avez vous veu ? — Sire, dit il, je le veis dernièrement à Rome qu'il estoit bien en ordre. Il portoit une cappe à l'espagnole bendée de velours, et une chaîne au col d'un quatre vingts ou

cent escus, et avoit deux valetz après luy. Mais c'estoit l'homme du monde qui rencontroit le mieulx et estoit tousjours avec ces cardinaulx. — Allez! allez! dit le roy, allez quérir les platz; vous avez envie de m'entrettenir. »

C'estoit encores un bon homme qui estoit produit pour tesmoing en ure matière beneficiale où il estoit question d'une jertaine décision du concile de Latran. Le ju^e disoit à ce bon homme : « Venez çà, mon amy ; sçavez vous bien de quoy nous parlons? — Ouy, monsieur; vous parlez du concile de Latran. Je l'ay assez veu de fois; il avoit un grand chapeau rouge et estoit tousjours ceinct, et portoit voulentiers une grande gibecière de velours cramoisy. Et si ay bien encore congneu sa femme, ma dame la Pragmatique. » Voilà ce qu'il en sembloit au bon homme; je ne sçay pas si vous m'en croyez, mais il n'est pas damné qui ne le croit.

20 NOUVELLE LXVll.

Des gendarmes qui csioycni chez la bonne femme de village.

lÀu temps que les soudars vivoyent sus ^Me bon homme, ilz vivoyent aussi sus ^ula bonne femme, car il en passa une bande par un village, là où ilz ne faisoyent pas mieulx que ceulx du proverbe qui dit : « Un advocat en une ligne, un noyer en une vigne, un pourceau en un blé, une taulpe en un pré et un sergent en un bourg, c'est pour achever de gaster tout. )) Car ilz pilloyent, ilz ruinoyent, ils destruisoyent tout.

Il y en avoit deux, ou trois, ou quatre, je ne sçay combien,, chez une bonne femme, lesquelz luy mettoyent tout par escuelles; et comme ils mangeoyent ses poulies, qu'ilz luy avoyent tuées, elle faisoit une chiere pitrasse, disant la patenostre du singe. Mais ces gendarmes faisoyent les galans en disant à la vieille : « Ah! ah! bonne femme de Meudon, vous vous en allez mourir ; avez vous

regret en vos poulies ? Sus, sus, faites bonne chère ; dites après moy : Au diable soit chicheté! Direz vous? » La bonne femme, toute maudolente, luy dit : « Au diable soit le déchiqueté ! » Elle avoit bien raison, car

Depuis que decreti eurent ailes Et gendarmes portèrent malles.

Moines allèrent à cheval.

Toutes choses allèrent mal.

De n^aistre Berthaud, ù qui on fit accroire qu'il estait mort.

Aùis en la ville de Rouen, je ne sçay jdoncq où c'estoit, y eut un homme 'qui servoit de passe temps à tous allans et venans, quand on le sçavoit gouverner, cela s'entend. Il s'en alloit par les rues tantost habillé en marinier, tantost en magister, tantost en cueilleur de prunes, et tousjours en fol; et l'appeloit

on maistre Berthaud. C'estoit possible celuy qui comptoit vingt et onze, et estoit fier de ce nom de maistre comme un asne d'un bast neuf; et qui eust failly à l'appeller, on n'en eust point tiré de plaisir; mais, en luy disant : « Maistre Berthaud », vous l'eussiez fait passer par le trou au chat. Et ce qui le faisoit ainsi niaiz fol, c'estoit que quelques bons maistres de mestier l'avoyent veillé onze nuictz tout de suyte, luy fichans de grosses espingles dedans les fesses pour le garder de dormir, qui est la vraye recepte de faire devenir un homme parfaict en la science de follie, par bécarre et par bémol. Vray est qu'il fault qu'il y ait de la nature, comme pensez qu'il y avoit en maistre Berthaud.

Or est il qu'il tomba un jour entre les mains de quelques gens de bien qui le menèrent aux champs, lesquelz, par les chemins, après en avoir prins le plus de passe temps qu'ilz peurent, luy commencèrent à faire accroire qu'il estoit malade, et le firent confesser par un qui fit le prebstre, luy firent faire son testament, et en fin luy donnèrent à entendre qu'il estoit mort, et le creut par ce principalement qu'en l'ensevelissant ilz disoyent : « Hé! le povre maistre Berthaud, il est mort. Jamais nous ne le verrons; helas! non. » Et le mirent en une charrette qui revenoit de la

NOUVELLE LXVllI.

ville, chantans tousjours Libéra me Domine sur le corps de maistre Berthaud, qui faisoit le mort au meilleur escient qu'il eust.

Mais il y en avoit quelques uns d'entr'eux qui luy faisoyent bien sentir qu'il estoit vif, car ilz luy picquoyent les fesses avecq des espingles, comme nous disions tantost; dont il n'osoit pourtant faire semblant, de peur de n'estre pas mort ; et mesme luy faschoit bien quelquefoys de retirer un peu la cuisse, quand il sentoit les coups de poincte. Mais, à la fin, il y en eut un qui le picqua bien si fort qu'il n'en peult plus endurer, et fut contrainct de lever la teste, en disant tout en colère au premier qu'il regarda : « Par Dieu, meschant, si j'estois vif aussi bien comme je suis mort, je te tueroys tout à ceste heure, » Et tout soudain se remit à faire le mort, et ne se resveilla plus pour chose qu'on luy fist, jusques à tant que quelqu'un vint dire : « Ha! le povre Berthaud qui est mort. » Alors mon homme se leva. « Vous en avez menty, dist il ; il y a bien du maistre pour vous. Or sus, je ne suis pas mort, par despit. » Voilà comment maistre Berthaud ressuscita, pour ce qu'on ne l'appelloit pas maistre.

Il se fait un aultre compte d'un maistre Jourdain, mais qui s'estimoit un peu plus habille que cestuy cy, combien qu'il n'y eust gueres à dire. Il

3o NOUVELLE LXIX,

y eut quelque crocheteur, en portant ses faiz par ville, qui le heurta assez indiscrettement, c'est à dire assez lourdement, et puis il luy dit gare, il estoit temps ou jamais, auquel maistre Jourdain va dire : « Viença, pourquoy fais tu cela, ange de grève? Par Dieu, si je n'estois philosophe, je te romprois la teste, gros sot que tu es. » Tous deux en tenoyent : vray est que l'un estoit fol, et l'aultre philofoie.

NOUVELLE LXIX Du Poytevin qui enseigne le chemin aux passans.

I^P Ly ha beaucoup de manières de s'exer- '^^É cer à la patience, comme font les femî^^ïimesqui tencent un valet qui caquette, ou qui gronde, ou qui n'oyt goutte, et qui vous apporte des pantouffles quand vous demandez vostre espée, ou vostre bonnet en lieu de vostre ceinture, et pare un boys verd dedans un feu quand vous mourez de froit, là où il fault brusler

NOUVELLE LXIX. 3l

toute la paille du lict avant qu'il s'allume; un cheval encloué ou defferré par les chemins, ou qui se fait picquer à tous les pas, et cent mille aultres malheurs qui arrivent. Mais ceulx là sont trop fascheux, ils sont pour souhaitter à quelques ennemys.

Il y en ha d'aultres qui ne sont pas si forts à endurer, parce qu'ilz ne durent pas tant, et mesmes sont de telle sorte qu'on est plus ayse par après de les avoir pratiquez et d'en faire ses comptes. Telles adventures sont bonnes à ces jeunes gens pour leur faire rasseoir un peu leur colère; entre lesquelles est la rencontre d'un Poytevin quand on va par pays : comme, prenez le cas que vous ayez à faire une diligence et qu'il face froit ou quelque mauvais temps, en somme, que vous soyez fasché de quelque autre chose, et par fortune vous ne sçachiez vostre chemin; vous advisez un Poytevin assez loing de vous qui laboure en un champ; vous vous prenez à luy demander : « Et hau! mon amy, où est le chemin de Parthenay? » Le picque bœuf, encores qu'il vous entende, ne se haste pas de respondre; mais il parle à ses bœufs : « Garea, Frementin, Brichet, Chastain, ven après moay, tu ves bien crelin coûtant! » ce dit il à son bœuf, et vous laisse crier deux ou trois fois bonnes et haultes. Puis,

quand il void que vous estes en colère et que vous voulez picquer droit à luy, il sible ses bœufs pour les arrester et vous dit : « Qu'est ce que vous dites? » Mais il ha bien meilleure grâce au langage du païs : « Quet o que vo disez? »

Pensez que ce vous est un grand plaisir, quand vous avez si longuement demeuré à vous estuver et crié à gorge rompue, que ce bouvier vous demande que c'est que vous dites; et bien si fault il que vous parliez. « Où est le chemin de Parthenay? — Di! De Parthenay, Monsieur? ce vous dira il. — Ouy, de Parthenay; que te viengne le cancre! — Et dont venez vous, Monsieur? dira il. — Il faut resver ou de cueur ou de bouche! Dont je vien! Où est le chemin de Parthenay? — Y voulez vous aller, Monsieur? Or sus prenez patience. — Ouy, mon amy, je m'y en vois. Où est le chemin? »

Adonc il appellera un aultre picque bœuf qui sera là auprès, et luy dira : « Micha, icoul homme demande le chemin de Parthenay; net o pas per qui aval? » L'aultre repondra, s'il plaist à Dieu : « O! m'est avis qu'ol est par deçay. »

Pendant qu'ilz sont là tous deux à debastre de vostre chemin, c'est à vous à adviser si vous deviendrez fol ou sage. A la fin, quand ces deux poytevins ont bien disputé ensemble, l'un d'eux

VOUS va dire : « Quand vous serez à iceste grand cray, tourne à la bonne mfiin, et peu allez tout dret, vous ne sçauriez faillir. » En avez vous à ceste heure? Allez hardiment, meshuy vous ne ferez mauvaise fin estant si bien adressé.

Puis, quand vous estes en la ville, s'il est d'advanture jour de marché et que vous alliez acheter quelque chose, vous aurez affaire à bons et fins marchands : « Mon amy, combien ce chevreau? — Iquou chevreau, monsieur? — Ouy. — Le voulez vous avec la mère? Da, ol est bon iquou chevreau! —C'est mon! il est bien bon. Combien le vendez vous?— Sopesez, Monsieur, col est gras. — Voyre, mais combien? — Monsieur, la mère n'en ha encores porty que doux. — Je l'entens bien; mais combien me cousterail? — Ne voulez vous qu'une parolle? I sçay ben qu'il ne vous fault pas surfaire, non. —Mais combien en donneray je ? — Ma foay ! o ne vous cousterat pas may de cinq sou e dime. Voylà vostre marché : Prenez ou laissez. »

Du Poytevin et du sergent qui mit sa charette et ses baufs en la main du roy.

P|e ne m'amuseray icy à vous faire les h^Â') autres comptes des Poytevins, lesquelz ^^^^ sans point de faulte sont fort plaisantz; mais il fauldroit sçavoir le courtisan du pays pour les faire trouver telz, et puis la grâce de prononcer vault mieulx que tout; mais je vous en puis bien dire encores un tandis que j'y suis.

Il y avoit un Poytevin qui par faulte de payer la taille avoit esté exécuté par un sergent, lequel, faisant son exoloict par vertu de son mandement, mit la charrette et les bœufz de ce povre homme en la main du roy, dont il fut assez marry ; mais si fallut il qu'il passast par là. Advint au bout de quelque temps que le roy vint à Chasteleraut. Quoy sçachant, ce paysant, qui estoit de la tricherie, y voulut aller pour voir l'esbat, et fit tant qu'il veid le roy comme il alloit à la chasse. Mon

paisant, incontinent qu'il l'eut veu, n'ayant plus rien à faire à la court, s'en retourna au village. Et, en souppant avec ses compères picquebœufz, il leur dit : « La merdé! j'ay veu le roay d'aussi prés qu'iquou chein; ol a le visage comme in homme; mais i parleray bien à iqueo bea sergent qui mit avanhier ma charrette et mon bœuf en la main du roay. La merdé ! o na pas la moin pu grand que moay. »

Il estoit advis à ce Poytevin que le roy devoit estre grand comme le clocher Sainct Hilaire, et qu'il avoit la main grande comme un chesne, et qu'il y devoit trouver sa charrette et ses bœufz.

Mais pourquoy ne vous en compteray je bien encor un?

NOUVELLE LXXI D'un auUre Poitevin et de son fîlz Micha.

'estoit un homme de labeur, assez [•^^aysé, qui avoit mené deux siens fîlz à

Poytiers pour estudier en grimaulde, lesquelz se mirent, avec d'aultres patrias cameristes, prés du Bœuf couronné. L'aisné avoit nom Michel, et l'aultre Guillaulme. Leur père, les ayant logez, retint l'endroit où ils demeuroyent, et les laisse là, où ilz furent assez long temps sans luy rescripre, et mesme il se contentoit d'en sçavoir des nouvelles par les paisans qui alloyent quelquesfois à Poytiers, par lesquelz il envoyoit quelquesfois à ses enfants des formages, des jambons et des souliers bien bobelinez.

Advint que tous deux tombèrent malades, dont le petit mourut, et l'aisné, qui n'estoit pas encores guery, n'avoit la commodité d'escripre à son père la mort de son frère. Au bout de quelque temps ce père fut adverty qu'il estoit mort un

NOUVELLE LXXI. Zy

de ses enfans; mais on ne luy sceut pas dire lequel c'estoit. Dequoy estant bien fasché, fit faire une lettre au vicaire de la parroisse, laquelle portoit en la suscription : A mon fils Micha, demeurant au Koay do beu, ou iqui prés; et au dedans de ceste lettre y avoit, entre aultres bons propos : « Micha, mande moay lo quau ol est qui est mort, de ton frère Glaume ou de toay, car j'en seu en un gran emoay. Au par su i te veu bein adverty quo disant que noustre avesque est à Dissay. Va t'y en per prendre couronne, et la pren bonne et grande, afin qu'o n'y faille point torné à deu foay. »

Maistre Micha fut si aise d'avoir receu ceste lettre de son père qu'il en guérit incontinent tout sain, et se levé pour faire sa response, qui estoit pleine de rhétorique qu'il avoit apprise à Poyté, laquelle je ne diray ici, à cause de brièveté; mais entre aultres y avoit : « Mon père, i vous averti quo n'est pas moay qui suis mort, mais ol est mon frère Glaume; ol est bien vray qu'i estay pu malade que li, car la pea me tombet comme à in gorret. »

N'estoit ce pas vertueusement respondu ? Vrayement, qui voudroit dire le contraire, il auroit grande envie de tancer.

NOUVELLE LXXII Du gentilhomme de Beausse et de son disner.

i kj N des gentilz hommes de la Beausse, . , L/Mwvjiâ. que l'on dit qu'ilz sont deux à un che- ^^^^^^val quand ilz vont par pays, avoit disné d'assez bonne heure, et fort légèrement, d'une certaine viande qu'ilz font en ce pays là, de farine et de quelques moyeux d'œufz; mais à la vérité je ne sçaurois pas dire de quoy elle se fait par le menu : tant y ha que c'est une façon de bouillie, et l'ay ouy nommer de la caudelée. Ce gentilhomme en fît son disner. Mais il la mangea si diligemment qu'il n'eut loisir de se torcher les babines, là où il demeura de petis gobeaux de ceste caudelée, et en ce poinct s'en alla veoir un sien voisin, selon la coustume qu'ilz avoyent de voisiner en leurs maisons, comme de baudouiner par les chemins.

Il entre privément chez ce voisin, lequel il trouva qu'il se vouloit mettre à table, et commença à parler galamment. « Comment, dit il.

NOUVELLE LXXIII. Sç

n'avez vous pas encore disné! — Mais vous, dit l'aultre, avez vous desjà disné? — Si j'ay disné! dit il, ouy, et fort bien, car j'ay faict une gorge chaude d'une couple de perdris, et n'estions que madamoiselle ma femme et moy; je suis marry que n'este venu en manger vostre part. » L'aultre, qui sçavoit bien de quoy il vivoit le plus du temps, luy respondit : « Vous dites vray, vous avez mangé de bons perdreaux, voi l'en là encores de la plume », en luy montrant ce morceau de caudelée qui luy estoit demeuré à la barbe. Le gentilhomme fut bien penault quand il veid que sa caudelée luy avoit descouvert ses perdreaux.

Du prebstre qui mangea à desjeuner toute la pitance des religieux de Beau-Lieu,

^^ N la ville du Mans y avoit un prestre

tJfe^ que l'on appelloit messire Jehan Me-

"ir^^^d laine, lequel estoit un mangeur exces-

sif, car il devoroit la vie de neuf ou dix personnes

pour le moins à un repas. Et luy fut sa jeunesse assez heureuse, car, jusqu''à l'aage de trente ou trente cinq ans, il trouva tousjours gens qui prenoyent plaisir à le nourrir, principalement ces chanoines, qui se battoyent à qui auroit messire Jehan Melaine, pour avoir le passetemps de le saouler. De sorte qu'il estoit aucunes fois retenu pour une sepmaine à disner et à soupper par ordre, chez les uns et puis chez les autres. Mais, depuis que le temps commença à s'empirer, ils commencèrent aussi à se retirer, et laissèrent jeusner le povre messire Jehan Melaine, lequel devint sec comme une busche, et son ventre creux comme une lanterne ; et vesquit trop longuement le povre homme, car ses six blancs n'estoyent pas pour luy donner le pain qu'il mangeoit.

Or, du temps qu'il faisoit encores bon pour luy, il y avoit un abbé de Beaulieu qui le traitoit assez souvent, et, une fois entre aultres, il entreprint de le faire mettre si bien à son aise qu'il en eust assez. Il se faisoit un anniversaire en l'abbaye, là où se trouvèrent force prebstres, desquelz messire Jehan Melaine estoit l'un. L'abbé dit à son pitancier : « Sçavez vous que c'est? qu'on donne à desjeuner à messire Jehan, et qu'on le face tant manger qu'il en demeure devant luy. » Et là dessus il dit luy mesme au prebstre : « Mes-

NOUVELLE LXXm. AI

sire Jehan, incontinent que vous aurez chanté messe, allez vous en à la despence demander à desjeuner, et faites bonne chère, entendez vous? J'ay dit qu'on vous traitast à vostre plaisir. — Grand mercy, Monsieur », dit le prebstre.

Il despesche sa messe, laquelle il dit en chasse, ayant le cœur à la mangerie. Il s'en va à la despence, là où luy fut attaint d'entrée une grande pièce de beuf de celles des religieux, et un gros pain de lévriers, et une bonne quarte de vin mesure de ce païs là. Il eut despesche cela en moins qu'un horloge auroit sonné dix heures, car il ne faisoit que estourdir ces morceaux. On luy en apporte encores autant, qu'il despesche aussi tost. Le pitancier, voyant le bon appétit de l'homme, et se souvenant du commandement de l'abbé, luy fait apporter deux autres pièces de beuf tout à la fois, lesquelles il eut incontinent mises en un mesme sac avec les autres. Somme, il mangea tout ce qui avoit esté mis pour le disner des religieux : car il fut tiré, comme fit le roy devant Arras, jusqu'à la dernière pièce, tant qu'il fut force d'en mettre cuire d'autres à grand haste.

L'abbé ce pendant se pourmenoit par les jardins, en attendant que messire Jehan eust desjeuné, lequel, ayant bien repeu, sortit pour s'en aller. L'abbé, qui le veid en s'en allant, luy deman-

da : « Et puis, messire Jehan, avez vous desjeuné? — Oui, Monsieur, Dieu mercy et vous, dit le prebstre; j'ay mangé un morceau et beu une fois en attendant le disner. » A vostre advis, ne pouvoit il pas bien attendre un bon disner, pourveu que il ne demeurast gueres?

Une autre fois qu'il estoit vendredy, on luy donna à desjeuner d'une saugrenée de poys pleine une grande jate de boys, avec de la souppe assez poursixou sept vignerons. Maisceluyquilaluyappresta, cognoissant le patient, mit parmy ces pois deuxgrandes poignées de ces osselets ronds de moulue qu'on appelle patenostres, avec force beurre et verjus, et la présente à messire Jehan, qui la vous despescha en forme commune, et mangea patenostres et tout. Et croy qu'il eust mangé ÏAve Maria et le Credo s'il y eust esté. Vray est que ces os luy crocquoyent par fois soubz les dentz; mais ilzpassoyent nonobstant. Quand il eut faict, on luy demande : « Eh bien! Messire Jehan, ces poys estoyent ilz bons? — Ouy, Monsieur, Dieu mercy et vous; mais ilz n'estoyent pas encores bien cuitz. »

N'estoit ce pas bien vescu pour un prebstre? Dieu fit beaucoup pour ce bas monde de le faire d'église : car, s'il eust esté marchand, il eust affamé tout le chemin de Paris, de Lyon, de Flan-

NOUVELLE LXXUI. 48

dres, d'Allemagne et d'Italie. S'il eust esté bouchier, il eust mangé tous ses beufz et ses moutons, cornes et tout. S'il eust esté advocat, il eust mangé papiers et parchemins, dont ce n'eust pas esté grand dommage; mais il eut bien pis faict, car il eust mangé ses cliens, combien que les aultres les mangent aussi bien. S'il eust esté soudart, il eust mangé brigandines, morrions, hacquebutes, et toutes les cacques de poudres. Et s'il eust été marié avec tout cela, pensez que sa povre femme n'eust pas eu meilleur marché de luy qu'eut celle de Cambles, roy des Lydes, qui mangea la sienne une nuict, toute mangée. Dieu nous ayde, quel roy! il en devoit bien manger d'aultres.

De Jehan Doingé, qui tourna son nom par le commandement de son père.

Paris la grand'ville y avoit un per- I sonnage de nom et de qualité, homme de grand sçavoir et de jugement, qu'on appelloit monsieur Doingé; mais, comme il advient que les hommes sçavans ne font pas voulentiers des enfans des plus spirituelz du monde, je croy que c'est par ce qu'ilz laissent leur esprit en leur estude quand ilz vont coucher avec leurs femmes, celuy dont nous parlons avoit un filz desja grand d'âge, nommé Jehan Doingé, lequel en la chose qu'il ressembloit le moins à son père estoit l'esprit.

Un jour que son père estoit empesché à escrire ou à estudier, ce vertueux fîlz estoit planté devant luy comme une image à regarder son père sans rien faire, sinon une contenance d'un homme qui ha sa journée payée. De quoy, à la fin, son

père ennuyé luy va dire : •■ Et, mon amy, de quoy sers tu icy le roy? Que ne vas tu faire quelque chose? — Monsieur, dit il à son père, que voudriez vous que je fisse? Je n'ay pas rien à faire. » Le père, voyant cest homme de si bon cueur, luy dit : « Tu ne sçais que faire, povre homme! Et va tourner ton nom. »

Maistre Jehan print ceste parolle à son avantage et à bon escient, laquelle son père luy avoit dicte comme on ha coustume de la dire à un homme qui ayme besongne faicte. Et, de ceste empeinte, s'en va enfermer en son estude pour mettre son 'nom à l'envers. Tantost il trouvoit Doingé Jehan, tantost Jehan Gedoin, tantost Gedoin Jehan. Et puis il va monstrer toutes ces pièces de nom à quelque jeune homme de ses familliers, luy demandant s'il estoit bien tourné ainsi; mais l'aultre luy dit que, pour tourner son nom, ce n'estoit pas assez de le mettre par les syllabes c'en devant derrière, mais qu''il falloit mesler les lettres les unes parmy les aultres et en faire quelque bonne devise.

Mon homme se retourne incontinent enfermer et vous recommence à découper son nom tout de plus belle, là Qu'ail fut deux ou trois jours qu'il en perdoit le boire et] le manger, ne s'osant trouver devant son père que ce nom ne fust tourné. A la

fin il le tourna et vira tant qu'il en trouva deux sortes les plus propres du monde, dont il fut si aise qu'il en rioit tout seul en allant et venant, et luy duroit mille ans qu'il ne trouvoit l'heure de le dire à son père, laquelle ayant bien espiée, luy vint dire tout à haste, comme s'il l'eust voulu prendre sans vert : « Monsieur, dit il, je l'ay tourné. »

Son père, qui pensoit en tout fors qu'en ce tournement de nom, fut esbahy, tant pource qu'il ne l'avoit veu de tous ces deux jours que aussi pour l'ouyr ainsi parler sans propos. « Tu l'as tourné? dit il; et qu'est ce que tu as tourné?

— Monsieur, vous me distes lundy que j'allasse tourner mon nom. Je n'ay cessé d'y travailler depuis; mais à la fin j'en suis venu à bout. — Vrayement! je t'en sçais bon gré, dit le père; tu l'as donc tourné. Et qu'as tu trouvé, povre homme?

— Monsieur, dit il, je l'ay tourné en beaucoup de sortes, mais je n'en ay trouvé que deux qui soyent bonnes. J'ay trouvé Janin Godé et Angin d'oye. — Vrayement! dit son père, je t'en croy, tu n'ha pas perdu ton temps, va. >>

N'estoit ce pas là un gentil filz? Bohémiennes luy pourroyent bien dire : (f Vous estes d'un bon père et d'une bonne mère, mais l'enfant ne vault gueres. » Quelqu'un me dira : « Voyre, mais nous

n'escripvons pas engin par a » : non; mais que voulez vous qu'un homme perde une si belle devise comme celle là pour le changement d'une seule lettre?

De Janin, nouvellement marié.

ANIN s'estoit marié la sienne fois, et avoit pris une femme qui jouoit des manequins, laquelle ne s'en cachoit point pour luy, ne voulant point faire de tort au beau nom de son mary. Quelque jour un des voisins de Janin luy faisoit des demandes, et luy faisoit les responses, en forme d'une assez plaisante farce. « Or çà, Janin, vous estes marié? » Et Janin respondit : « O voire! — Cela est bon, disoit l'autre. — Pas trop bon pourtant, disoit Janin. — Et pourquoy? — Elle ha trop mauvaise teste. — Cela est mauvais. — Pas trop mauvais pourtant. — Et pourquoy ? — Et pourquoy ? C'est une des belles de nostre parroisse. — Cela est

bon. — Pas trop bon aussi. — Et pourquoy? — Il y a un monsieur qui la vient veoir à toute heure. — Cela est mauvais. — Pas trop mauvais pourtant. — Et pourquoy? — Il me donne tousjours quelque chose. — Cela est bon. — Pas trop bon aussi. — Et pourquoy? — Il m'envoya tousjours deçà, delà. — Cela est mauvais. — Pas trop mauvais pourtant. — Et pourquoy? — lime baille de l'argent, dequoy je fais grand chère par les chemins. — Cela est bon. — Pas trop bon aussi. — Et pourquoy? — Je suis à la pluye et au vent. — Cela est mauvais. — Pas trop mauvais pourtant. — Et pourquoy? — Je y suis tout accoustumé. »

Achevez le demeurant si voulez, ceste cy est à l'usage d'estrivieres.

NOUVELLE LXXVI. ^q

Du légiste qui se voulut exercer à lire, et de la harangue qu'il fit à sa première lecture.

N légiste estudiant à Poictiers avoit ^. assez bien profité en sa vaccation de t^^^i) droict; et en sçavoit non pas trop aussi , et n'avoit pas grand hardiesse, ny moyen d'expliquer son sçavoir. Et, parce qu'il estoit filz d'un advocat, son père, qui avoit passé par là, luy manda qu'il se mist à lire, afin qu'il se fist la mémoire plus prompte en s'exerceant. Pour obéir au commandement de son père, il se délibère de lire à la Ministrerie. Et, afin de mieux s'asseurer, il s'en alloit tous les jours en un jardin qui estoit assez secret, pour estre loing des maisons, auquel y avoit des choulz beaux et grands. Il fut long temps qu'à mesure qu'il avoit estudié, il alloit faire sa lecture devant ces choulz, les appelant Domini, et leur alléguant ses paragrafes, tout ainsi que si c'eussent esté escolliers auditeurs.

5o NOUVELLE LXXVl.

S'estant ainsi bien appresté par l'espace de quinze jours ou trois sepmaines, il luy sembla bien qu'il estoit temps de monter en chaire, pensant qu'il diroit aussi bien devant les escolliers comme il faisoit devant ses choulz. Il se présente et commence à faire sa harangue. Mais, avant qu'il eust dit une douzaine de motz, il demeura tout court, qu'il ne sçavoit plus où il en estoit; tellement qu'il ne sceut que dire autre chose, sinon : Domini, ego bene video quod non estis caules, c'est à dire, car il y en ha qui en veulent avoir leur part en François : « Messieurs, je voy bien que vous n'estes pas des choulz. »

Estant au jardin, il prenoit bien le cas que les choulz fussent escolliers ; mais, estant en chaire, il ne pouvoit prendre le cas que les escolliers fussent des choulz.

NOUVELLE LXXVII Dm bon yvrongne Janicot et de Jannette sa femme.

EDANS Paris, où il y ha tant de sortes de gens, y avoit un cousturier nommé Janicot, lequel ne fut jamais avaricieux, car tout l'argent qu'il gaignoit, c'estoit pour boire. Lequel mestier il trouva si bon, et s'y accoustuma de telle sorte qu'il luy fallut quitter celuy de cousturier, car, quand il revenoit de la taverne, et qu'il se vouloit mettre sus sa besongne, en enfilant son aiguille il faisoit comme les nouveaux mariez, il mettoit auprès, et puis luy estoit advis d'un filet que c'en estoyent deux, et cousoit aussi tost une manche par derrière comme par devant : tout luy estoit un. De sorte qu'il renonça du tout à ce fascheux cousturage, pour se retirer au plaisant mestier de boire, lequel il entretint vaillamment; car, depuis qu'il estoit au fons d'une taverne, il n'en bougeoit jusques au soir, fors quand quelquefois sa femme

le venoit quérir, qui luy disoit mille injures ; mais il les avalloit toutes avec un verre de vin.

Bien souvent il la flattoit tant qu'il la faisoit asseoir auprès de soy en luy disant : « Taste un peu de ce vin là, mamie, c'est du meilleur que tu beuz jamais. — Je n'ay que faire de boire, disoit elle; cest yvrongne icy! verras tu? — Eh! Jannette, tu ne bevras quêtant petit que tu vourras. » A la fin elle se laissoit aller, car la bonne dame disoit en soy mesme : « Aussi bien c'est moy qui paye tout, il fault bien que j'en boive ma part. » Vray est qu'elle avoit un peu plus de discrétion que Janicot, car elle ne se chargeoit pas tant qu'elle ne le remenast à la maison; mais croyez que c'estoit une dure départie, que du pot et de Janicot.

Une aultre fois, cjuand elle faisoit la fascheuse, il luy disoit : « Jannette, tu sçais bien que c'est que je vey hier : ce monsieur, tu m'entends bien? Je n'en diray mot, Jannette ; mais laisse moy boire; va t'en, mamie, je seray aussi tost au logis quetoy. » Et de reboire; puis en s'en retournant, qui n'estoit jamais qu'il n'eust sa charge hardiment, qu'il estoit plus aisé à sçavoir d'où il venoit que non pas où il alloit, car la rue ne luy estoit pas assez large, il alloit chancelant, dandinant, tresbuchant. Il heurtoit tousjours à quelque

ouvroir, ou, quand il estoit nuict, à quelque charrette, et se faisoit à tous coups une bigne au front; mais elle estoit guérie avant qu'il s'en apperceust. Il se laissoit maintefois tomber du hault d'un degré, ou en la trappe d'une cave; mais il ne se faisoit point de mal : Dieu luy aidoit tousjours.

Et si vous me demandez où il prenoit dequoy payer, je vous respons qu'il n'y avoit plat ny escuelle qui ne s'y en allast. Les nappes, les couvertes de lict, il vendoit tout cela; quand sa femme estoit quelque part en commission, son demy ceint, s'il le povoit avoir, ses chapperons, sa robbe, à un besoin. Mais pourquoy n'eust il engagé tout cela, quand il eust engagé sa femme mesme à qui luy eust voulu donner dequoy boire? Et puis il avoit tousjours quelque payeur : car ce que le pertuis d'en hault despendoit, celuy d'embas en respondoit.

A propos, Janicot avoit tousjours sa bouteille de trois choppines, laquelle il tenoit toute la nuict auprès de soy, et l'esgouttoit toutes les fois qu'il s'esveilloit; et en dormant mesme il ne songeoit qu'en sa bouteille, et y avoit une telle addresse que tout endormy il y portoit la main, et la prenoit pour boire tout ainsi que s'il eust veillé. Quoy congnoissant, sa femme bien souvent le

prevenoit, et luy beuvoit le vin de sa bouteille, laquelle elle remplissoit d'eau, que le povre Janicot beuvoit en dormant. Et bien souvent se resveilloit à ce goust aquatique, qui luy affadissoit toute la bouche; mais il se rendormoit sus ceste querelle, sans faire grand bruict. Et le plus souvent mesmes y avoit un tiers couché en mesme lict, qui dansoit la dance trevisaine avec sa femme ; mais tout cela ne luy faisoit point de mal.

Quelquesfois il s'advisoit de mettre de Teau en son vin ; mais c'estoit avec la pointe d'un Cousteau, lequel il mouilloit dedans l'aiguiere, et en laissoit tomber une goutte en son voirre, et non plus.

Vous ne l'eussiez jamais trouvé sans un ossellet de jambon en sa gibecière. Il aymoit uniquement les saucisses, le formage de Milan, les sardines, les harens sors, et tous semblables esguil- Ions à vin. Il hayssoit les pommes et les salade comme poison ; les flannetz, les tartelettes, quam il les entendoit crier par les rues, il bouschoit se. oreilles.

Il avoit les yeux bordez de fine escarlatte, et un jour qu'il y avoit mal, sa femme luy fit def fendre par un médecin d'eau douce qu'il ne beus point de vin ; mais on eust faict avec luy tous le marchez plustost que celuy là, car il aymoi

mieulx perdre les fenestres que toute la maison. Et quand on luy disoit qu'il se pouvoit bien laver les yeulx de vin blanc : « Eh ! ce disoit il, que sert il de s'en laver par dehors? C'est autant de gasté. Ne vault il pas mieux en boire tant qu'il en sorte par les yeux, et s'en laver dedans et dehors? »

Quand il gresloit, il se jettoit à genoux, et ne plaignoit que les vignes à haulte voix. Et quand on luy disoit : « Et, Janicot, les blez, quoy? — Les blez, disoit il? avec un morceau de pain gros comme une noix, je bevray une quarte de vin : je ne me soucie pas des blez; il y en aura bien peu s'il n'y en ha assez pour moy. »

Et cecy estoit quand il estoit en son meilleur sens, car les uns disent, quand il eut prins son ply, que depuis il ne desenyvra, et mesme tiennent que tout son sang se convertit en vin. Aussi ne parloit il que de vin, et, s'il eust esté prebstre, il n'eust chanté que de vin, tant il avoit sa personne bien avinée.

11 est bien vray qu'il fallut qu'il mourust en son reng. Pour ce, deux ou trois jours avant sa mort, on luy osta le vin, ce qu'il fit au plus grand regret du monde, en disant qu'on le tuoit, et qu'il ne mouroit que par faulte de boire. Et, quand ce fut à se confesser, il ne se souvenoit

point d'avoir faict aucun mal, sinon qu'il avoit beu, et ne sçavoit parler d'aultre chose à son confesseur que de vin. Il se confessoit combien de fois il en avoit beu qui n'estoit pas bon, dont il se repentoit et en demandoit à Dieu pardon. Puis, quand il veid qu'il falloit aller boire ailleurs, il ordonna par son testament qu'il fust enterré en une cave, soubz un tonneau de vin, et qu'on luy mist la teste soubz le degouttoir, afin que le vin luy tombast dedans la bouche, pour le désaltérer, car il avoit bien veu au cimetière Sainct Innocent que les trespassez ont la bouche bien sèche.

Advisez s'il n'estoit pas bon philosophé, de penser que les hommes avoyent encore après la mort le ressentiment de ce qu'ilz ont aymé en leur vie. C'est le vin qui fait ainsi l'homme qu'il ne luy est rien impossible.

Les autres dient qu'il voulut estre enterré au pied d'un sep de vigne, lequel sep ne cessa oncques puis de porter de plus en plus, tellement qu'on ha veu toute la vigne greslée, que le sep s'est défendu et ha porté autant ou plus que jamais. Je vous laisse à penser s'il est vray, et comment il en va.

NOUNELLELXXVIII. Sy

NOUVELLE LXXVIIl

D'un gentilhomme qui mit sa langue en la bouche d'une damoiselle en la baisant.

N la ville de Montpelier y eut un ^«ç, 1^.^^^ gentilhomme , lequel, nouvellement S^'ê^^^ii venu audit lieu , se trouva en une compagnie où l'on dansoit. Entre les dames qui estoyent en celle assemblée estoit une damoyselle de bien bonne grâce, laquelle estoit vefve et encores jeune. Je croy qu'ilz dansèrent la piemontoise, et fut question de s'entrebaiser. Et advint que ce gentilhomme se print à ceste jeune vefve. Quant ce vint à baiser, il en voulut user à la mode d'Italie, où il avoit esté : car, en la baisant, il luy mit sa langue en la bouche. Laquelle façon estoit pour lors bien nouvelle en France, et est encores de présent, mais non pas tant qu'alors : car les Françoys commencent fort à ne trouver rien mauvais, principallement en telles matières. La damoiselle se trouva un peu surprise d'une telle pigeonnerie, et, combien qu'elle ne sceust

58 NOUVELLE LXXVIH.

pas prendre les choses en mal, si est ce qu'elle regarda ce gentilhomme de fort mauvais œil ; et si ne s'en peut pas taire , car bien peu après elle en fit le compte en une compagnie où elle se trouva, à laquelle un personnage qui estoit là, et qui peut estre luy appartenoit en quelque chose, dit ainsi : •< Comment avez vous souffert cela, madamoiselle? C'est une chose qui se fait à Romme et à Venise en baisant les courtisanes. » La damoiselle fut fort faschée, entendant par cela que le gentilhomme la prenoit pour aultre qu'elle n'estoit. Tant qu'avec l'instance que luy en faisoit ledit personnage, elle se mit en opinion que, s'elle laissoit cela ainsi, elle feroit grand tort à son honneur. Surquoy, après avoir songé des moyens uns et aultres d'en rechercher le gentilhomme, il ne fut point trouvé de meilleur expédient que de le traicter par voye de justice, pour mieux en avoir la raison et à son honneur. Pour abbreger, elle obtint incontinent un adjournement personnel contre son homme, pour les moyens qu'elle avoit en la ville, lequel ne s'en doubtoit point aultrement jusques à tant que le jour luy fut donné. Et parce qu'il n'estoit pas de la ville, combien qu'il ne fust de loing de là, ses amys luy conseillèrent de s'absenter pour quelque temps, luy remontrans qu'il n'auroit pas du meil-

NOUVELLE LXXVIll. Sg

leur et qu'elle, qui estoit apparentée des juges et des advocatz, luy pourroit faire telle poursuyte qu'il en seroit fasché , car de nier le faict il n'y avoit point d'ordre, d'autant que luy mesme l'auroit confessé en quelques compagnies où il s'estoit depuis trouvé. Mais luy, qui estoit assez asseuré, n'en fît pas grand cas, et respondit qu'il ne s'enfuiroit point pour cela et qu'il sçavoit bien ce qu'il avoit à faire.

Le jour de l'assignation venu, il se présenta en jugement, où y avoit assez bonne assemblée pour ouyr débattre ce différent, qui estoit tout divulgué par la ville. Il luy fut demandé d'unes choses et aultres : si un tel jour il n'estoit pas en une telle danse : il respondit que ouy; s'il ne congnoissoit pas bien la dame complaignante : il respondit qu'il ne la congnoissoit que de veue et qu'il voudroit bien la congnoistre mieux; s'il vouloit dire ou maintenir qu'elle fust aultre que femme de bien : respondit que non; s'il estoit pas vray qu'un tel soir il l'eust baisée : respondit que ouy. « Voyre mais, vous luy avez faict un deshonneur grand, ainsi qu'elle se plaint. » Et luy de le nier. « Vous luy avez mis vostre langue en sa bouche. — Eh bien! quand ainsi seroit? dit il. — Cela ne se fait, dit le juge, qu'aux femmes mal notées; ce n'estoit pas là où vous deviez addresser. »

6o NOUVELLE LXXIX.

Quand il se veid ainsi pressé, alors i respondit : « Elle dit que je luy ay mis la langue en la bouche; quant à moy, il ne m'en souvient point; mais pourquoy ouvroit elle le bec, la folle qu'elle est? » Comme à dire : s'elle ne l'eust ouvert, je ne luy eusse rien mis dedans. Mais à ceux qui entendent le langage du pays il est un peu de meilleure grâce. Et perche badave, la bestia? C'est à dire : pourquoy baailloit elle, la beste? Voire mais qu'en fut il dict? Il en fut ris, et les parties hors de court et de procès, à la charge pourtant que une aultre fois elle serreroit le bec quand elle se laisseroit baiser.

Des coupeui s de bourse et du curé qui avait vendu son bled.

L n'y ha pas mestier au monde qui ayt besoing de plus grande habileté que celuy des coupeurs de bourses, car ces gens de bien ont affaire à hommes, à femmes,

NOUVELLE LXXIX. 6l

à gentilzhommes, à advocatz, à marchantz et à prebstres, que je devois dire les premiers; brief, à toutes sortes de personnes, fors par aventure aux cordeliers, encores y en ha il qui ne laissent pas de porter argent, nonobstant la prohibition francisquine; mais ilz la tiennent si cachée que les povres coupe-bourses n'y peuvent aveindre. Lesquelz, avec ce qu'ilz ont affaire à tous les susnommez, le pis est et le plus fort qu'ilz vous desrobent en votre présence, et ce que vous tenez le plus cher. Et puis ilz sçavent bien de quoy il y va pour eulx; et pour ce vous laisseray à penser comment il fault qu'ilz entendent leur estât et par quantes manières. Je vous racompteray seulement deux ou trois de leurs tours, lesquelz j'ay ouy dire pour assez subtilz, ne voulant nier toutesfois qu'ilz n'en facent bien d'aussi bons, voire de meilleurs, quand il y affiert.

Je dis donc qu'en la ville de Thoulouse fut pris l'un de ces bons marchans dont nous parlons. Je ne sçay pas s'il estoit des plus fins d'entre eulx, mais je penseroisbien que non, puisqu'il se laissa prendre, et puis pendre, qui fut bien le pire; mais la cruche va si souvent à la fontaine qu'à la fin elle se rompt le col. Tant y ha que, estant en la prison, il encusa ses compaignons soubz ombre qu'on luy promit impunité, et se met à déclarer

tout plain de belles praticques du mestier, desquelles ceste cy estoit l'une : qu'un jour les coupeurs de pendans, lesquelz estoient bien dix ou douze de bende, se trouvèrent en la ville susdite, à la Peire, à un jour de marché, où ilz veirent comme un curé avoit receu quarante ou cinquante francs en beau payement pour certain bled qu'il avoit vendu, lesquelz deniers il mit en une gibecière qu'il portoit à son costé, vous pouvez bien penser qu'il ne la portoit pas sur sa teste; dequoy ces galans furent fort rejouis, car ilz n'en eussent pas voulu tenir un denier moins. Et, parce que le butin estoit bon, ilz commencèrent à se tenir prés les uns des autres, car c'estoit là qu'ilz se devoyent entendre, ou ailleurs non; et se mirent à presser ce curé de plus prés qu'ilz peurent, lequel estoit jaloux de sa gibecière comme un coquin de sa poche, car, estant en la presse, il avoit tousjours la main dessus, se doublant bien des inconveniens; et luy estoit advis que tous ceulx qu'il voyoit estoyent coupeurs de bourses et de gibecières.

Ces compaignons, cependant, le serroyent, le tournoyent, le viroyent en la foule, faisans semblant d'avoir haste de passer pour trouver moyen de crocquer ceste gibecière; mais, pour tourment qu'ilz sceussent faire, ce curé ne partoit point

la main de dessus sa prise, dont ilz se trouvèrent fort faschez, et esbahis de ce que un curé leur donnoit tant de peine; et de faict, celuy qui le racontoit dit au juge c^ui l'interroguoit qu'il s'estoit trouvé en une centaine de factions, mais qu'il n'avoit point vu d'homme plus obstiné à se donner garde que ce curé, ni qui eust moins d'envie de perdre sa bourse.

Or si avoyent ilz juré qu'ilz l'auroyent. Que firent ilz en le pourmenant ainsi parmy la foule? Hz firent tant qu'ilz le firent approcher d'un grand monceau de souliers de bûche, alias des sabots, qu'ils disent en ce pais là des esclops, si bien rn'en souvient, lesquelz esclops ilz font pointus par le bout, pour la braveté. Voyez, encores se fait il de braves sabotz! Quoy voyant l'un d'entre eulx, comme ilz sont tous accortz de faire leur profit de tout, vint pousser avec le pied l'un de ces esclops, et en donne un grand coup contre la grève de ce curé; lequel, sentant une extresme douleur, ne se peust tenir qu'il ne portas! la main à sa jambe, car un tel mal que cestuy là fait oublier toutes autres choses. Mais il n'eut pas plustost lasché la gibecière que cest habile hillot ne la luy eust enlevée.

Le curé, avec tout son mal, voulut reporter la main à ce que il tenoit si cher, mais il n'y trouva

plus rien que le pendant, dont il se print à crier plus fort que de sa jambe; mais la gibecière estoit desja en main tierce, voire quarte, si besoing estoit, car en telles exécutions ilz s'entresecourent merveilleusement bien . Ainsi le povre curé s'en alla mauvais marchand de son blé, estant blessé en la jambe et ayant perdu sa gibecière et son argent. Il y en ha qui sont si scrupuleux qui diroyent que c'estoit de péché de vendre les biens de l'Eglise; mais je de dis rien de cela, j'ayme mieux vous faire un autre compte.

NOUVELLE LXXX Des mesmes coupeurs de bourses et du prevost La Voulie.

L faut entendre que le meilleur advis ^^ qu'ayent pris les coupeurs de bourses ^23^ ha esté de se tenir bien en ordre, car, quand ilz estoyent habillez chetivement, ilz n'eussent pas osé se trouver parmy les gens d'apparence, qui sont les lieux où ilz ont le plus grand affaire; ou, s'ilz s'y trouvoyent, on se donnoit

garde d'eulx; car les hommes mal vestus, quand ilz seroyent plieurs de corporaux, si sont ilz à tous coups prins pour espies.

A propos, un jour estant le roy François à Bloys, se trouvèrent de ces bons marchans dont est question, qui estoyent tous habillez comme gentilzhommes ; desquelz y en eut un qui se laissa surprendre en la basse court de Bloys faisant son estât; il fut incontinent représenté devant monsieur de La Voulte, homme qui ha fait passer les fièvres en son temps à maintes personnes. Je faux : il donnoit la fièvre, mais ilavoit le médecin quant et luy, qui en guerissoit.

Estant ce couppebourse devant le prevost , s'amassèrent force gens à l'entour de luy, ainsi qu'en tel cas chacun y court comme au feu, et ce tant pour congnoistre cest homme de mestierque pour veoir la façon du prevost, qui estoit un mauvais et dangereux fol, avec son col tors. Or les aultres couppebourses se tindrent aussi là auprès, faisans mine de gens de bien, pour ouyr les interrogatoires que feroit ce prevost à leur compagnon, et aussi pour praticquer quelque bonne fortune, s'elle se presentoit, comme en tel lieu les hommes ne se donnent pas bien garde, car ilz ne pensent point qu'il y ait plus d'un loup dedans le boys; et il y en ha peut estre plus de

dix. Et puis, qui penseroit qu'il y en eust de si hardis de desrober au propre lieu où se fait le procès d'un larron? Mais il y en eut bien de trompez.

Or devinez qui ce fut? vous ne le devinerez pas du premier coup. Jan! ce fut monsieur le prevost, car, cependant qu'il examinoit celuy qu'il avoit entre ses mains, touchant la bourse qui avoit esté couppée, il y en eut un en la fouUe qui luy couppa la sienne dedans sa manche et la bailla habilement à un sien compagnon et amy. Le prevost, quelque ententif qu'il fust environ ce prisonnier, si sentit il bien qu'on luy fouilloit en sa manche. Il taste et trouve sa bourse à dire, dont il fut le plus despité du monde; et, ne voyant autour de soy que des gens de bien, au moins bien habillez, il ne sçavoit à qui s'en prendre. Mais à la chaude vint saisir un gentilhomme le plus prochain de luy, en luy disant : « Est ce vous qui avez prins ma bourse? — Tout beau, monsieur de La Voulte, luy dit le gentilhomme; retournez vous cacher, vous n'avez pas bien deviné ; prenez vous en à un aultre qu'à moy. »

Le prevost cuyda désespérer. Et le bon fut que, pendant qu'il estoit empesché à questionner de sa bourse, celuy qu'il tenoit luy eschappe et se sauve parmy le monde. Dont La Voulte, par un

NOUVELLE LXXXl. 67

beau despit, en fit pendre une douzaine d'aultres qu'il tenoit prisonniers, et puis leur fit faire leur procès.

D'eux mesmcs encorcs et du coultelier à qui fui couppe la bourse.

Moulins, en Bourbonnois, y en avoit > un qui avoit le renom de faire les meilleurs coulteaux de tout le pays, duquel bruit esmeu un de ces vénérables couppeurs de cuir s'en alla jusques à Moulins trouver ce coultelier pour luy faire faire un coulteau, se pensant qu'en voyant ce pays il pourroit gaigner son voyage, tant par les chemins que sur les lieux.

Estant arrivé à Moulins, car je ne dy rien de ce qu'il fit en allant, il va trouver ce coultelier et luy dit : « Mon amy, me ferez vous bien un coulteau de la façon que je vous deviseray? » Le coultelier luy respond qu'il le feroit si homme de

Moulins le faisoit. « Mon amy, dit cet homme de bien, la façon n'en est point aultrement difficile : le plus fort est qu'il couppe bien, car je le voudrois fin comme un rasoir. — Et bien! dit le coultelier, l'appelant monsieur, car il le voyoit bien en ordre, ne vous souciez point du trenchant ; dites moy seulement de quelle sorte vous le voulez. — Mon amy, dit il,- je le veulx d'une telle grandeur et d'une telle façon. » Et n'oublia pas à le lui desseigner tout tel qu'il le luy falloit, en luy disant : « Mon amy, car il le falloit amiel- 1er, faites le moy seulement et ne vous souciez du pris, car je le vous payerai à vostre mot. »

Il s'en va. Le coultelier se met après ce coulteau, qui fut prest à heure nommée. L'aultre le vint quérir et le trouva bien faict à son gré et à son besoin. Il tire un teston de sa faque et le baille au coultelier; et, comme telz gens ont tousjours l'œil au guet pour espier si fortune leur envoyera point quelque butin, il veid que ce coultelier tira sa bourse de sa manche pour mettre ce teston, ainsi qu'on la portoit en ce temps là, et la mettoit on par une fente qui estoit en la manche du sayon ou du pourpoint. Incontinent que le galant veid ceste bourse à descouvert, il commence à presser ce coultelier de quelques propos apostez, et l'embesongna tellement qu'il

luy fit oublier de remettre sa bourse en sa manche et la laissa pendre sans y prendre garde.

Estant cette bourse en si beau gibier, le galant se tenoit îousjours prés de sa proye, entretenant fort famillierement et de prés le coultelier, duquel il estoit desja cousin. De propos en propos, ce coultelier s'adventure de luy dire : « Mais, monsieur, vous desplaira il point si je vous demande à quoy c'est faire ce coulteau? J'en ay fait en ma vie de beaucoup de façons, mais je n'en fis jamais de semblable. — Mon amy, dit il, si tu pensois à quoy il est bon, tu en serois esbahy. — Et à quoy? Dites le moy, je vous en prie. — Ne le diras tu point? dit le couppebourse. — Non, dit le coultelier, je le vous prometz. » Le couppebourse s'approche comme pour luy parler à l'oreille et luy dit tout bas : « C'est pour coupper des bourses. » Et, en disant cela, fit le premier chef d'œuvre de son coulteau, car il ne faillit à luy coupper ceste bourse ainsi pendante; puis, après luy avoir couppé la bourse, il luy couppe la queue et s'en va chercher praticque deçà, delà, par la ville, là où il fit plusieurs belles exécutions de son mestier avec ce coulteau. Mais je croy bien qu'il s'affrianda tant en ce lieu qu'il fut surpris en un sermon couppant la bourse à un jeune homme de la ville, ainsi que font ceulx du mestier, tous-

jours attrapez tost ou tard, car les regnards se trouvent tous a la fin chez le peletier.

Quand il eut esté quelques jours en prison, on luy promit, selon la coustume, qu'il n'auroit point de mal s'il vouloit parler rondement et dire les veritez en tel cas requises, sus laquelle promesse il commença à se déclarer et à dire tout ce qu'il sçavoit. En ses interrogatoires estoit compris le cas de ce coultelier, d'autant que il, ayant ouy dire que ce couppeur de bourses estoit pris, s'estoit venu rendre partie et se plaindre à la justice; sur quoy le prevost, car telles personnes ne sont pas voulentiers renvoyées devant l'evesque, luy dit en riant, mais c'estoit un ris d'hostelier : « Viençà : tu estois bien mauvais de coupper la bourse à ce coultelier qui t'avoit fait l'instrument pour gaigner ta vie. — Eh! monsieur, dit il, qui ne la luy eust couppée? Elle luy pendoit jusques aux genoulx, » Mais le prevost, après tous jeux, l'envoya pendre jusques au gibet.

NOUVELLE LXXXl I. 71

Du bandoidlicr Cambaire et de la rcsponce qu'd fît à la Court de parlement.

^^^4 EDANS le ressort de Thoulouze y avoit %^f i^ un fameux bandoulier, lequel se fai- ^^^ soit appeller Cambaire, et avoit autresfois esté au service du roy, avec charge de gens de pied, là où il avoit acquis le nom de vaillant et hardy capitaine; mais il avoit esté cassé avec d'aultres quand les guerres furent finies, dont par despit et par nécessité s'estoit rendu bandoulier des montaignes et des environs. Lequel train il fit à l'avantage qu'il se fit si incontinent congnoistre pour le plus renommé de ses compagnons, contre lequel la Court de parlement fit faire telle poursuite qu'à la fin il fut prins et amené en la conciergerie, où il ne demeura gueres que son procès ne fut faict et parfaict, par lequel il fut sommairement conclud à la mort, pour les cas énormes par luy commis et perpétrez. Et,

72 NOUVELLE LXXXl I.

combien que par les informations il fust chargé de plusieurs crimes et delicts, dont le moindre estoit assez grand pour perdre la vie, toutesfois la Court n'usa pas de sa sévérité accoustumée, car on dit : rigueur de Thoulouse, humanité de Bordeaux, miséricorde de Rouen, justice de Paris ; beuf sanglant, mouton bellant et porc pourry, et tout n'en vault rien s'il n'est bien cuit. Mais elle eut certain respect à ce Cambaire qu'elle luy voulut bien faire entendre avant qu'il mourust.

Et, l'ayant faict venir, le président luy va dire ainsi : « Cambaire, vous devez bien remercier la Court pour la grâce qu'elle vous fait, qui avez mérité une bien rigoureuse punition pour les cas dont vous estes attainct et convaincu; mais, parce qu'autresfois vous vous estes trouvé es bons lieux où vous avez faict service au roi, la Court s'est contentée de vous condamner seulement à perdre la teste. » Cambaire, ayant ouy ce dicton, respondit incontinent en son gascon : « Cap de Diou ! be vous donni la reste per un viet d'aze. » Et, à la vérité, le reste ne valloit pas gueres après la teste ostée, attendu mesme que le tout n'en valloit rien. Mais si est ce que pour ceste response il luy en print fort mal, car la Court, irritée de ceste arrogance, le condamna à estre mis en quatre quartiers.

NOUVELLE LXXXin.

NOUVELLE LXXXin.

De l'honnesielé de monsieur Salzard.

E VOUS veulx faire un beau conte d'un honneste monsieur qui s'appelloit Salzard. Sçavez vous quel homme c'estoit? Premièrement, il avoit la teste comme un pot à beurre, le visage froncé comme un parchemin brullé, les yeux gros comme les yeux d^un beuf, le nez qui luy degoutoit, principalement en hyver, comme la poche d'un pescheur, et alloit tousjours levant le museau comme un vendeur de cinquailles, la gueule torte comme je ne sçay quoy, un bonnet gras pour luy faire une potée de choulx, sa robe avallée que vous eussiez dict qu'il estoit espaulé, une jacquette ballant jusques au gras de la jambe, des chausses deschicquetées au talon, tirans par le bas comme aux amoureux de Bretaigne (je faulx : ce n'estoit pas des chausses, c'estoit de la crotte bordée de drap) ; sa belle chemise de trois sepmaines, encores estoit elle desja

salle; ses ongles assez grands pour faire des lanternes ou pour bien s'egraffigner contre celuy qui est ?oubz les piedz Sainct Michel.

A qui le marierons nous, mes damoiselles? Y ha il point quelqu'une d'entre vous qui soit frappée des perfeciions de luy? Vous en riez! Or n'en riez plus. Luy donne une femme qui en sçaura quelqu'une qui luy soit bonne; quand à moy, je n'en congnoy point pour luy si je n'y pensois. Non, non; ne différez point à l'aymer, car il est gracieux en recompense; car, quand on lui demandoit : « Monsieur, comment vous portez vous? » il respondoit en villenois : « Je ne me porte ja. — Qu'avez vous, monsieur? — J'ay la teste plus grosse que le poing. — Monsieur, le disner est prest. — Mangez le. — Monsieur, ils sont onze heures. — Hz en seront plus tost douze. — Voulez vous le poisson frict, ou bouilly, ou rosty, ou quoy? — Je le veux quoy, »

Et qui estoit cest honneste homme là? Voire, allez le luy dire, pour engendrer noise! Ne vous enquerez point de luy si vous ne le voulez espouser.

NOUVELLE LXXXIV. yS

NOUVELLE LXXXIV De deux escolliers qui emportèrent les cizeaux du tailleur.

N l'Université de Paris y avoit deux jeunes escolliers qui estoyent bons Tn- .„ -pons et faisoyent tousjours quelque chatonnie, principalement en cas de remuement de besongnes. Hz prenoyent livres, ceinctures, gans: tout leur estoit bon; ilz n'attendoyent point que les choses fussent perdues pour les trouver, et falloit qu'ils prinssent, et n'eussent ils deu emporter que des souliers. Mesmes estans en vostre chambre, tout devant vous, s'ilz eussent veu une paire de pantouffles soubz un coing de lict, l'un d'eulx les chaussoit gentiment sus ses escarpins et s'en alloit à tout. Et à ce compte, pour se donner garde d'eulx, il leur falloit regarder aux piedz et aux mains, combien que le proverbe ne nous advertisse que des mains. Somirie, ilz avoyent fait serment qu'en quelque lieu qu'ils entreroyent ilz en sortiroyent tousjours plus

chargez, ou ilz ne pourroyent, et s'entendoyent bien ensemble : car, tandis que l'un faisoit le guet, l'autre faisoit la prise.

Un jour, ilz se trouvèrent tous deux chez un tailleur, car ils n'estoyent quasi jamais l'un sans l'aultre, là où l'un d'eulx se faisoit prendre la mesure de quelque pourpoint; et, comme ilz jettoyent les yeux deçà, delà, pour voir ce qu'ilz emporteroyent, ilz ne veirent rien qui fust bonnement de leur gibier, sinon que l'un d'eulx advisa une paire de cizeaux en assez belle prise, dont son compaignon estoit le plus prés, auquel il dit en latin, en le guignant de la teste : « Accipe. » Son compaignon, qui entendoit bien ce mot, et le sçavoit bien mettre en usage, prend tout doulcement ces cizeaux et les met soubz son manteau tandis que le tailleur estoit amusé ailleurs, lequel ouyt bien ce mot accipe; mais il ne sçavoit qu'il vouloit dire, n'ayant jamais esté à Tescole; jusques à tant que, les deux escolliers estans departiz, il eut affaire de ses cizeaux, lesquelz ne trouvant point il fut fort esbahy, et vint à penser en soy mesmes qui estoit venu en sa boutique, dont ne se peut doubter que de ces deux jeunes gens ; et mesme, se réduisant en mémoire la contenance qu'il leur avoit veu faire, se souvint aussi de ce mot acc/pe, dont luy commença à croistre suspicion.

Il vint tantost un homme en sa boutique, auquel, en parlant de ses cizeaux, car il souvient / tousjours à Robin de ses fleutes, il demanda : •' « Monsieur, dit il, que signifie accipeh) L'aultre luy respond : « Mon amy, c'est un mot que les femmes entendent; accipe signifie : pren. — O! de par Dieu, je croy qu'il dist bien le diable, si accipe signifie pren, mes cizeaux sont perdus. » Aussi estoyent ilz, sans point de faulte; pour le moins estoyent ilz bien esgarez.

Du cordelier qui tenait l'eau auprès de soy à table et n'en beuvoit point.

N gentilhomme appeloit ordinaire ment à disner et à soupper un cordelier qui preschoit le caresme en la paroisse, lequel cordelier estoit bon frère et aymoit le bon vin. Quand il estoit à table, il demandoit tousjours l'aiguiere auprès de soy, et toutesfois il

ne s'en servoit point, car il trouvoit le vin assez fort sans eau, beuvant sicut terra sine aqua.

A quoy le gentilhomme ayant pris garde, luy dist une fois : « Beau père, d'où vient cela, que vous demandez lousjours de l'eaue, et que vous n'en mettez point en vostre vin? — Monsieur, dit il, pourquoy esi ce que vous avez tousjours vostre espée à vostre costé et si n'en faites rien ? — Voyre mais, dist le gentilhomme, c'est pour me deffendre si quelqu'un m'assailloit. — Monsieur, dit le cordelier, l'eau me sert aussi pour me deffendre du vin s'il m'assailloit, et pour cela je la tiens tousjours auprès de moy; mais, voyant qu'il ne me fait point de mal, je ne luy en fais point aussi. »

Un cordelier qui est ceinct homme Boit du vin comme un aultre homme.

D'une dame qui faisoit garder les coqs sans cognoissance de poulies.

NE grande dame de Bourbonnois avoit appris, par l'enseignement d'un personnage qui sçavoit que c'estoit de vivre friandemeni, que les jeunes cochetz sans estre chastrez, pourveu qu'ilz n'eussent point congnoissance de poulies, avoyent la chair aussi tendre et plus naturelle que les chappons, et que ce qui faisoit les coqs devenir ainsi durs, estoit l'amour des gelines, comme font tous les masles avec les femelles ; car, sans point de faultes, celuy parloit bien en homme expérimenté qui disoit que qui le moins en faict trompe son compagnon, que les apprentis en sont maistres, que les plus grands ouvriers en vont aux potences, que les hommes en meurent et que les femmes en vivent, et aultres bons motz appartenans à la matière. Toutesfois, je m'en rapporte à ce qui en est;

8o NOUVELLE LXXXVI.

ce que j'en dis n'est pas pour appaiser noise.

A propos de nos cochetz, ceste dame dont nous parlons les faisoit garder à part des poulies, pour servir à table en lieu de chappons, dont elle se trouvoit bien. Un jour la vint veoir, comme sa maison estoit grande et principale, un grand seigneur, auquel elle fit tel et si honorable racueil qu'elle sçavoit faire. Luy voulut faire veoir les singularitez de sa maison une pour une, entre lesquelles elle n'oublia pas ses cochetz, luy en faisant grand feste et luy promettant de luy en faire veoir l'expérience à soupper. Ce seigneur print cela pour une grande nouveauté; mais il eut pitié de ces povres cochetz, lesquelz il veid ainsi punis à la rigueur d'estre privez du plus grand plaisir que nature eust mis en ce monde, et se pensa en soymesme qu'il feroit œuvre de miséricorde de leur donner quelque secours, qui fut que, s'estant mis à part d'avec madame, il fit appeller l'un de ses gens , auquel il commanda secrètement que tout à l'heure il luy recouvrast trois ou quatre poulies en vie, et qu'il ne faillist à les aller mettre dedans le poulaillier où estoyent ces cochetz, sans faire bruict, ce qui fut incontinent faict.

Aussi tost que ces poulies furent là dedans et mes cochetz environ, et de se battre; jamais ne

NOUVELLE LXXXVI. 8l

fut telle guerre; comme l'un montoit, Taultre descendoit. Ces pauvres poulies furent affollées, car on dit que :

Gallus gallinaceus ter quinque sufficit unus. Ter quinque viri non suf[iciunt mulieri.

Mais je croy que ce dernier est faulx, car j'ai ouy dire à une dame qu'elle se contentoit bien de trois fois la nuyct : l'une à l'entrée du lict, l'aultre entre deux sommes, et la tierce au pcinct du jour; mais, s'il y en avoit quelqu'une extraordinaire, qu'elle la prenoit en patience. De moy, je dirois ceste dame assez raisonnable, et qu'une fois n'est rien, deux font grand bien, troys c'est assez, quatre c'est trop, cinq est la mort d'un gentilhomme sinon qu'il fust affamé; au dessus, c'est à faire à charretiers. Vray est qu'il y avoit un gentilhomme qui se vantoit de la dix septième fois pour une nuict, dont chacun qui l'oyoit s'en esmerveilloit; mais à la fin, quand il eut bien faict valoir son compte, il se déclara en disant qu'il y avoit une faulte qui valloit quinze. C'estoit bien rabattu.

Mais qu'est ce que je vous compte? Pardonnez moy, mes dames : ce ont esté les cochetz qui m'ont fait cheoir en ces termes. Par mon ame! c'est une si douce chose qu'on ne se peult tenir

d'en parler à tous propos. Aussi n'ay je pas entrepris au commencement de mon livre de vous parler de renchérir le pain.

NOUVELLE LXXXVII De la pie et de ses piauz.

^^EST trop parlé de ces hommes et de 'G)}^\4iiàM& ces femmes : je vous veux faire un 5^^^^^ compte d'oiseaux. C'estoit une pie qui conduisoit ses petits piauz par les champs pour leur apprendre à vivre ; mais ilz faisoyent les besiatz et vouloyent tousjours retourner au nie, pensans que la mère les deust tousjours nourrir à la bêchée ; toutesfois, elle, les voyant tous drus pour aller par toutes terres, commença à les laisser manger tous seulz petit à petit en les instruisant ainsi : « Mes enfans, dit elle, allez vous en par les champs; vous estes assez grans pour chercher vostre vie ; ma mère me laissa que je n'estois pas si grande de beaucoup que vous estes. —

Voire mais, disoyent ilz, que ferons nous? Les arbalestriers nous tueront. — Non feront, non, disoit la mère; il faut du temps pour prendre la visée. Quand vous verrez qu'ils lèveront l'arbaleste et qu'ilz la metteront contre la joue pour tirer, fuvez vous en. — Et bien ! nous ferons bien cela, disoyent ilz; mais, si quelqu'un prend une pierre pour nous frapper, il ne faudra point qu'il prenne de visée. Que ferons nous, alors? — Et vous verrez bien tousjours, disoit la mère, quand il se baissera pour amasser la pierre. — Voire mais, disoyent les piauz, s'il portoit d'advanture la pierre toute preste en la main pour ruer? — Ah ! dit la mère, en sçavez vous bien tant ! Or pourvoyez vous si vous voulez. » Et, ce disant, elle les laisse et s'en va.

Si vous n'en riez, si n'en ploureray je pas.

D'un singe qu'avoit un abbé, qu'un Italien entreprint de faire parler.

fâ

y N monsieur l'abbé avoit un singe, le- '^É ft quel estoit merveilleusement bien né : '^^^^^^ car, oultre les gambades et plaisantes mines qu'il faisoit, il congnoissoit les personnes à la phisionomie; il congnoissoit les sages et honnestes personnes à la barbe, à l'habit, à la contenance, et les caressoit; mais un page, quand bien il eust esté habillé en damoiselle, si l'eust il discerné entre cent aultres, car il le sentoit à son pageois incontinent qu'il entroit en la salle, encores que jamais plus il ne l'eust veu. Quand on parloit de quelque propos, il escoutoit d'une telle discrétion que s'il eust entendu les parlans, et faisoit signes assez certains pour montrer qu'il entendoit; et, s'il ne disoit mot, asseurez vous qu'il n'en pensoit pas moins. Brief, je croy qu'il estoit encores de la race du singe de

Portugal qui jouoit si bien aux eschetz. Monsieur l'abbé étoit tout fier de ce singe et en parloit souvent en disnant et en souppant.

Un jour, ayant bonne compaignie en sa maison, et estant pour lors la court en ce pays là, il se print à magnifier son singe. « Mais n'est ce pas là, dit il, une merveilleuse espèce d'animal? Je croy que nature vouloit faire un homme quant elle le faisoit, et qu'elle avoit oublié que l'homme fust faiçt, estant empeschée à tant d'aultres choses. Car, voyez vous, elle luy fit le visage semblable à celuy d'un homme, les doigtz, les mains, et mesme les lignes escartées dedans les paulmes, à un homme. Que vous en semble? 11 ne luy fault que la parolle que ce ne soit un homme; mais ne seroit il possible de le faire parler? On apprend bien à parler à un oyseau, qui n'ha pas tel entendement ni usage de raison comme ceste beste là. Je voudrois, dit il, qu^il m'eust cousté une année de mon revenu et qu'il parlast aussi bien que mon perroquet; et ne croy point qu'il ne soit possible : car, mesme quand il se plaint ou quand il rit, vous diriez que c'est une personne et qu'il ne demande qu'à dire ses raisons; et croy, qui voudroit ayder à ceste dextérité de nature, qu'on y parviendroit. »

A ces propos, par cas de fortune, estoit présent

un Italien, lequel, voyant que l'abbé parloit d'une telle affection et qu'il estoit si bien acheminé à croire que ce singe deust apprendre à parler, se présente d'une asseurance, qui est naturelle à la nation, et va dire à l'abbé, sans oublier les révérences, excellences et magnificences : « Seigneur, dit il, vous le prenez là où il le fault prendre, et croyez, puisque nature ha faict cet animal si approchant de la figure humaine, qu'elle n'ha voulu estre impossible que le demeurant ne s'achevast par artifice, et qu'elle l'ha privé de langage pour mettre l'homme en besongne et pour montrer qu'il n'est rien qui ne se puisse faire par continuation de labeur. Ne lit on pas des elephans qui ont parlé, et d'un asne semblablement? Mais plus de cent, eusse je dict voulentiers. Et suis esmerveillé qui ne se soit encore trouvé roy, ny prince, ny seigneur, qui l'ait voulu essayer de ceste beste, et dy que celuy là acquerra une immortelle louange qui premier en fera l'expérience. »

L'abbé ouvrit l'oreille à ces raisons philosophâtes, et principalement d'autant qu'elles estoyent italicques, car les François ont tousjours eu cela de bon, entre aultres mauvaises grâces, de prester plus voulentiers audience et faveur aux estrangers qu'aux leurs propres. Il regarde cest Italien de plus prés avec ses gros yeux et luy dist : « Vraye-

NOUVELLE LXXXVllI. 87

ment, je suis bien aise d'avoir trouvé un homme de mon opinion, et y ha longtemps que j'estois en ceste fantaisie. »

Pour abbregier, après quelques aultres argumens alléguez et deduictz, l'abbé, voyant que cest Italien faisoit profession d'homme entendu, avec une mine qui valloit mieux que le boisseau, luy va dire : « Venez çà; voudriez vous entreprendre ceste charge de le faire parler? — Ouy, monseigneur, dit l'Italien, je le voudrois entreprendre. J'ay aultresfois entrepris d'aussi grandes choses, dont je suis venu à bout. — Mais en combien de temps? dit l'abbé. — Monsieur, respondit l'Italien, vous pouvez entendre que cela ne se peut pas faire en peu de temps. Je voudrois avoir bon terme pour telle entreprise .que celle là et si incongnue : car, pour ce fiiire, il le faudra nourrir à certaines heures, et de viandes choisies, rares et précieuses, et estre environ nuict et jour. — Et bien! dit l'abbé, ne parlez point de la dépense, car, quelle qu'elle soit, je n'y espargneray rien; parlez seulement du temps. »

Conclusion, il demanda six ans de terme; à quoy l'abbé se condescendit et luy fait bailler ce singe en pension, dont l'Italien se fait avancer une bonne somme d'escus, et prend ce singe en gouvernement.

88 NOUVELLE LXXXVHI.

Et pensez que tous ces propos ne furent point démenez sans apprester à rire à ceulx qui estoyent presens , lesquelz , toutesfois , se reservoyent à rire pour une aultre fois tout à loisir, n'en voulant pas faire si grand semblant devant l'abbé. Mais les Italiens qui estoient de la congnoissance de cest entrepreneur s'en portèrent pour bien faschez,carc'esîoit du temps qu'ilz commençoyent à avoir vogue en France, et, pour cette singerpedie, ilzavoyent peur de perdre leur réputation. A ceste cause, quelques uns d'entre eulx blasmerent fort ce magister, luy remontrans qu'il deshonoroit toute la nation par ceste folle entreprise, et qu'il ne devoit point s'adressera monsieur l'abbé pour l'abuser, et que, quand il seroit venu à la congnoissance du roy, on luy feroit un mauvais party.

Quand cest Italien les eust bien escoutez, il leur respondit ainsi : « Voulez vous que je vous die? Vous n'y entendez rien, tous tant que vous estes. J'ai entrepris de faire parler un singe en six ans; le terme vaut l'argent, et l'argent le terme. Hz viennent beaucoup de choses en six ans; avant qu'ilz soyent passez, ou l'abbé mourra, ou le singe, ou moymesme par adventure; ainsi j'en demeureray quicte. »

Voyez que c'est que d'estre hardy entrepre-

neur! On dit qu'il advint le mieux du monde pour cest Italien. Ce fut que l'abbé, ayant perdu ce singe de veue, se commença à fascher de mode qu'il ne prenoit plus plaisir en rien, car il faut entendre que l'Italien le print avec condition de luy faire changer d'air, avec ce qu'il se disoit vouloir user de certains secretz que personne n'en eust la vue ny la congnoissance. Pour ce, l'abbé, voyant que c'estoit l'Italien qui avoit le plaisir de son singe, et non pas luy, se repentit de son marché et voulut ravoir son singe. Ainsi l'Italien demeura quitte de sa promesse, et cependant il fit grand chère des escus abbatiaux.

NOUVELLE LXXXIX Du singe qui beat Ui médecine.

m E ne sçay si ce fut point ce mesme ^fj singe dont nous parlions tout maintenant, mais c'est tout un; si ce ne fut luy, ce fut un aultre. Tant y ha que le maistre de

ce singe devint fnalade d'une grosse fiebvre, lequel fit appeller les médecins, qui luy ordonnèrent tout premièrement le clistere et la saignée, à la grande mode accoustumée, puis des syrops par quatre matins, et tandis une médecine, laquelle l'apoticaire luy apporte de bon matin, au jour nommé. Mais, ayant trouvé son patient endormy, ne le voulut pas resveiller, d'aultant mesme qu'il n'avoit reposé long temps avoit. Mais il laisse la médecine dedans le gobelet dessus la table, couvert d'un linge, et s'en alla en attendant que le patient se resveillast, comme il fit au bout de quelque temps, et veid sa médecine sus la table; mais il n'y avoit personne pour la luy bailler, car tout le monde estoit sorty pour le laisser reposer.

Et par fortune avoyent laissé l'huys de la chambre ouvert, qui fut cause que le singe y entra pour venir veoir son maistre. La première chose qu'il fît fut de monter sus la table, où il trouve ce gobelet d'argent auquel estoit la médecine. Il le descouvre, et commence à porter ce breuvage au nez, lequel il trouva d'un goust un petit fascheux qui luy faisoit faire des mines toutes nouvelles. A la fin il s'adventure d'y taster, car jamais ne s'en fust passé. Mais, pour ceste amertume succrée, il retiroit le museau, il demenoit

les babines, il faisoit des grimasses les plus estranges du monde. Toutesfois, parce qu'elle estoit doulceatre, il y retourna encores une fois, et puis une aultre. Somme, il fit tant, en tastant et retastant, qu'il vint à bout de ceste médecine et la beut toute; encores s'en leschoit il ses barbes.

Ce pendant le malade, qui le regardoit, print si grand plaisir aux mines qu'il luy veid faire qu'il en oublia son mal, et se print à rire si fort et de si bon courage qu'il guérit tout sain. Car, au moyen de la soubdaine et inopinée joye, les espritz se revigorèrent, le sang se rectifia, les humeurs se remirent en leur place, tant que la fiebvre se perdit.

Tantost le médecin arrive, qui demanda au gisant comment il se trouvoit, et si la médecine avoit faict opération. Mais le gisant rioit si fort qu'à grand peine pouvoit il parler, dont le mede cin print fort mauvaise opinion, pensant qu'il fusen resverie, et que ce fust faict de luy. Toutesfois, à la fin il respondit au médecin : « Demandez, dit il, au singe quelle opération elle ha faicte. »

Le médecin n'entendoit point ce langage, jusques à tant que, luy ayant demouré quelque espace de temps, voicy ce singe qui commença à aller du derrière tout le long de la chambre et sus

les tapisseries; il saultoit, il couroit, il faisoit un terrible mesnage. A quoy le médecin congneut bien qu'il avoit esté le lieutenant du malade, lequel à peine leur compta le cas comme il estoit advenu, tant il rioit fort; dont ilz furent tous resjouis, mais le malade encores plus, car il se leva gentiment du lict et fit bonne chère. Dieu merci et le singe.

NOUVELLE XC De l'invention d'un mary pour se venger de sa femme.

LUSiEURS ont esté d'opinion que, quand une femme fait faulte à son mary, il s'en doibt plustost prendre à elle que non pas à celuy qui y ha entrée, disant que qui veult avoir la fin d'un mal , il en fault oster la cause, selon le proverbe italien : Morta la bestia, morto il veneno ; et que les hommes ne font que cela à quoy les femmes les invitent, et qu'ilz ne se jettent volentiers en un lieu auquel

NOUVELLE XC. gS

ilz n'ayent quelque attente causée par Tattraict des yeux ou du parler, ou par quelque aultre semonce.

De moy, si je pensois faire plaisir aux femmes en les deft'endant par la fragilité, je le ferois volentiers, qui ne cherche qu'à leur faire service; mais j'aurois peur d'estre desadvoué de la pluspart d'entre elles, et des plusaymables de toutes, desquelles chacune dira : « Ce n'est point legiereté qui le me fait faire, ce sont les grandes perfections d'un homme, qui mérite plus que tous les plaisirs qu'il pourroit recevoir de moy; je me tiens grandement honorée et m'estime tresheureuse me voyant aymée d'un si vertueux personnage comme celuy là. » Et certes, ceste raison là est grande et quasi invincible; à laquelle n'y ha mary qui ne fust bien empesché de respondre. Vray est que, si d'advanture il se pense honneste et vertueux, il ha occasion de retenir sa femme toute pour soy; mais, si sa conscience le juge qu'il n'est pas tel, il semble qu'il n'ayt pas grand'raison de tancer ni de défendre à sa femme d'aymer un homme plus aymable qu'il n'est. Sinon qu'on me respondra qu'il ne la doibt voirement ny ne peult empescher d'aymer la vertu et les hommes vertueux; mais il s'entend de la vertu spirituelle, et non pas de ceste vertu substanti-

94 NOUVELLEXC.

fique et humorale; et qu'il suffit de joindre les espritz ensemble , sans approcher les corps si prés l'un de l'autre, car

Le berger et la bergère Sont en l'ombre d'un buisson.

Et sont si prés l'un de l'autre Qu'à grand' peine les veoid on.

D'excuser les femmes par la force des presens qu'on leur fait, ce seroit soustenir une chose vile, sordide et abjecte. Plutost les femmes méritent griefve punition , qui souffrent que l'avarice triomphe de leur corps et de leur cueur, combien que ce soit la plus forte pièce de toute la batterie, et qui fait la plus grand' bresche.

Mais sur quoy les excuserons nous donc? Si fault il trouver quelques raisons, sinon suffisantes, à tout le moins recevables, par faulte de meilleur payement. Certes, mon advis est qu'il n'y ha point de plus valable deffence que de dire qu'il n'est place si forte que la continuelle et furieuse batterie ne mette par terre. Aussi n'est il cueur de dame si ferme, ne si préparé à résistance, qui à la fin ne soit contrainct de se rendre à l'obstinée importunité d'un amant. L'homme mesme, qui s'attribue la constance pour une chose naturelle et propriétaire, se laisse gaigner plus sou-

vent que tous les jours, et s'oublie es choses c|u'il doit tenir pour les plus deiïensables, exposant en vente ce qui est soubz la clef de la foy. Donc la femme, qui est de nature doulce, de cœur pitoyable, de parole affable, de complexion délicate, de puissance foible, comment pourra elle tenir contre un homme importun en demandes, obstiné en poursuites, inventif en moyens, subtil en propos et excessif en promesses ? Vrayement, c'est chose presque difficile jusques à l'impossible; mais je n'en resoudray rien pourtant en ce lieu cy, qui n'est pas celuy où se doibt terminer ce différent. Je diray seulement que la femme est heureuse, plus ou moins, selon le mary auquel elle a affaire, car il y en ha de toutes sortes : les uns le sçavent et n'en font semblant, et ceux là aym^ent mieux porter les cornes au cueur que non pas au front; les autres le sçavent et s'en vengent, et ceulx là sont mauvais, folz et dangereux. Les autres le sçavent et le souffrent, qui pensent que patience passe science, et ceux là sont povres gens; les autres n'en sçavent rien, mais ilz s'en enquierent, et ceulx là cherchent ce qu'ilz ne voudroyent pas trouver. Les aultres ne le sçavent ny ne tendent à le sçavoir, et ceulx cy de tous les cocus sont les moins malheureux, et mesmes plus heureux que ceux qui ne le sont point et le pensent estre.

Tous ces cas ainsi premis, nous vous compterons d'un monsieur qui en estoit, mais certainement ce n'estoit pas à sa requeste, car il s'en faschoit fort. Mais il estoit de ceuix du premier rang, dissimulant tant qu'il pouvoit son inconvénient, en attendant que l'opportunité se presentast d'y remédier, fusten se vengeant de sa femme ou de l'amy d'elle, ou de tous deux s'il luy venoit à poinct. Et, par ce qu'il estoit mieux à main de se prendre à sa femme, le premier sort tomba sur elle, au moyen d'une invention qu'il imagina.

Ce fut qu'au temps de vacations de court, il s'en alla esbattre à une terre qu'il avoit à deux lieues de la ville ou environ, et y mena sa femme avec un semblant de bonne chère, la traittant tousjours a la manière accoustumée tout le temps qu'ilz furent là. Qiiand vint qu'il s'en fallut retourner à la ville, un jour ou deux avant qu'ilz deussent partir, il commanda à un sien valet, lequel il avoit trouvé fidelle et secret, que, quand ce viendroit à abreuver la mule sus laquelle montoit sa femme, qu'il ne la menast pas à l'abreuvoir, mais qu'il la gardast de boire tous les deux jours; avec cela, qu'il mist du sel parmy son avoine, ne luy disant point pourtant à quelle fin il faisoit faire cela; mais il se congneut par l'événement qui depuis s'en ensuivit.

Ce valet fit tout ainsi que son maistre luy commanda, tellement que, quand il fut question de partir, la mule n'avoit beu de tous les deux jours. La damoiselle monte sus ceste mule et tire droit le chemin de Thoulouze, lequel s'adonnoit ainsi qu'il failloit aller trouver la Garonne et cheminer au long de la rive quelque temps, qui estoit la première eau qu'on trouvoit par le chemin.

Quand ce fut à l'approche de la rivière, la mule commence de tout loing à sentir l'air de l'eau, et y tira tout droict, pour l'ardeur qu'elle avoit de boire. Or les endroits estoient creux et non guéables, et falloit que la mule, pour boire, se jettast en l'eau tout de secousse, dont la damoyselle ne la peut jamais garder, car la mule mouroit d'altération. Tellement que ladicte damoiselle, estant surprinse de peur, empeschée d'accoustremens, et le lieu estant difficille, tomba du premier coup en l'eau, dont le mary s'estoit tenu loing tout expressément avec son varlet, pour laisser venir la chose au poinct qu'il avoit prémédité; si bien qu'avant que la povre damoiselle peust avoir secours, elle fut noyée suffoquée en l'eau.

Voylà une manière de se venger d'une femme qui est un peu cruelle et inhumaine. Mais que voulez vous? Il fasche à un mary d'estre cocu en