ORDONANCE SUR LE COURS DES MONOIES

Loys de Berlaymont etc. a nos très chers et bien amez Chastellain et Eschevins de nostre ville Chastel en Gambresis salut. Comme ainsi soit que pour le bien et commodité de noz subjetz nous ayons par meur advis et deliberacion de conseil faict une certaine ordonnance par manière de provision et toUerance sur le cours des monoyes, en date du viu de Novembre dernier, laquelle nous entendons petit à petit avoir esté enfraincte et - peu s'observer au grand détriment de nostre peuple por le présent et qui s'augmenterait por ladvenir s'il ny estoit mis amende convenable. Ce pour, est se qu^avons ordonné de rechef et ordonnons par manière de provision aussi et toUerance et jusques a nostre rappel, ou qu'aultrement en sera ordonné par le S^ Empire, que les pièces dor et dargent nommées en nostre dicte provision du viiie de novembre dernier s'évalueront partout nostre pays de Gambresis ainsi et a lestimation que lors nous avons ordonné ; si vous mandons et commandons que de présentes lectres telles vous ayex incontinent a faire publier, interiner et observer sur les paines contenues en nostre dicte ordonnance sans aulcune faveur, port ou dissimulacion. Donné en nostre ville de Chastel en Cambresis soubz nostre signature et contreseel cy mis en forme de placart, ce xxv® jor du mois d^Apvril, xvc septante sept.*